Ephesians 4:29 - Ohiatonhseratokénti

²⁹ Tóhsa ne íhsas nowénna naiakonikonráksate, nók nek khók nowénna ne iakonikonrahnírats, tsi nikáien ne iakokétskwas ó꞉ni tsakówis nahóten tehiothonwentióʼon, neh káti tsi nahóten ensíron eniakohiénawase tsi niháti nen iesatʼthóntene.

Ephesians 4:29 ပူးပေါင်းရင်းမြစ်များ

Psalms 45:2

ʼI꞉se ne kwáh tesenekénhteron tsi niháti ne ronhnónkwe; tsi nisahronkhatserí꞉io tsi ní꞉ioht tsi sathátis. Né Rawenni꞉io tiotkonhónwe iahiatateríston.

Psalms 5:9

Asèken ne ronhnónha iáh tehontró꞉ris norihwí꞉io í꞉ken; né raoneriáne ne kanánon né atkaronhniátsera í꞉ken; ne tsi iehonʼnekwahnátha né꞉ne tehiotskaràhwen otsatónhkwahʼ ronhtenhnaʼsihióstha.

Psalms 52:2

né satenikonronnihátse ne kakaronniátshera. Né senhnasáke kwáh né꞉ne kwáh iosarotíie iontkonsthonriát꞉tha í꞉ken, Tiotkonhónwe sahtsokentonhnihátses.

Psalms 71:24

Kwáh kíʼ kontatsésons né entʼthárakwe ne sarihwakwarihshón꞉tshera, tsioríhwa tsi nihiákon ne ionteniéntʼtha nahiontkaréwaʼte kwáh kíʼ ronwaʼnatéhaton tánon ronhwatisenhnaksáton.

Proverbs 12:13

Ne iáh tethotirihwaié꞉ri ne ienhotiià꞉tenhte ne raotiwén꞉na, nok ne rotirihwakwaríhshion iáh nen né꞉ʼe thaʼtahonʼnikonhrhá꞉ren.

Proverbs 15:23

Iotonhnhá꞉raht nó꞉nen enhsetshén꞉ri ne kwáh tkawennaié꞉ri tsi nahò꞉ten saterihwahtentiá꞉ton!

Proverbs 15:7

Nón꞉kwe tehotiʼnikonhráthe, attokháhtshera tehonrenià꞉tha, iáh kiʼ nen né꞉ʼe ne rotinonhwaró꞉ri.

Proverbs 16:21

Nónhka tehoʼnikonhráthe tánon rotonkweʼtíson ronwaienté꞉ri tsi roʼnikonhraientá꞉tskon. Sénha ronʼwé꞉sen tsi enthatà꞉ti sénha kiʼ enthonwéhtahkweʼ.

Ecclesiastes 10:12

Nahó꞉ten ne ronteʼnikonhrahtókha rónhton tsiakówis ne karensarónhtshera, ók ne tonathónnhotʼthe nek khók ne roʼnónhak raotiwenhnahó꞉kons iakohiatathóntha.

Isaiah 50:4

Né Roiá꞉ner Ní꞉io thaʼkáwi né rawenhnáson ne naʼsakoʼrihón꞉nien, ó꞉ni tsi niʼiákon nó꞉nen ronwatirihʼhonhniénhni né nahón꞉ton nahonkateriéntaraʼne onhní꞉iot tsi akheʼiatiénawaste ne teiakowiʼsenhéion tsi akhethá꞉rase. Niaʼtehioronhketsheráke ratiétha— raiétha nakwahónta né nakatahonsaʼtáte kwáh tsi ní꞉ioht tsi niʼiá꞉kon ne ionthaterihʼhonhniénhni.

Matthew 5:16

Eh kati oni nise naseȣaier teietsisȣatheten ne seȣasȣathesera nonkȣeokon etho naontaȣe ahonȣanenton ne Etsiseȣaniha Karonhiake tenteron.

Luke 4:22

Akȣekon ok oni ronȣariȣaȣasehakȣe, nok iakohnerakȣaskȣe tsini kaȣenniios ne thaȣenninekens; nok iontonhakȣe: iah kenh naha neh teken ne Sose roienha?

John 1:37

Nok ne teniiase ne raotiokȣa, oni ne ronȣathonte tsiniiot tsi tahatati, oksaok Iesos sahonȣateranentakton.

Romans 14:19

Nekáti, tiókonte ne taiontsióien, tsi nahoténson tkáhas ne skénnen, tánon tsi nahóten ne ionkwasatsʼtenseráwis tsi naʼtehtewáhtere.

Romans 15:2

Khék, teiothonwentióʼon nakorénson aonʼtaietʼthinikonraiériʼte tsi nikáien ne thothinikonrakontákwen tsi ronnónha rahothiʼiatakenhátsera, ehnahontáwe ahathisátsʼtenʼne tsi nòkwati ne tewehthákwen.

1 Corinthians 14:19

Ónk kíʼ nónen iakoterénnahien nononsatokentí꞉ke ahontakeráhko wísk niʼiowénhnahke akatáti né nahiakonikonrahiéntaʼne, eh nahontáwe ahiakorihónnien notiakésons, tsi ní꞉ioht ne tewenhniawehetsherásen niʼiowénhnahke akahtáti ne thiʼwahronkhatsheráthe.

Ephesians 4:12

Neh aoríwa thoʼnaháiere ne tsi ahsakoweienéntaʼne ne Rawenni꞉io rahonkwetaʼsónhas nahothiʼióten ne kariwiʼióston kahioténseras, ehnahontáwe nakasátsʼtenʼne ne Kerístos rahononsatokénti.

Ephesians 4:16

Tsi rahónha thoniarótaron akwékon tsi natekontʼtihánions noierónta kwáh íken tsi tkariwaiéri tsi natekakʼkhánion, tánon ne oierontakwékon tsi níkon teiostóntere tsi tehionatatienawákon tsi nikasahánion. Neh káti nónen neh skátʼtion tsi ní꞉ioht tsi enhiotiʼióten tsi natehiothonwentióʼon, kwáh oierontakwékon tsi enwateiáron ó꞉ni enwatathónnien ne entkáhawe ne kanoronkwátshera.

Colossians 4:6

Nensewahtá꞉ti tehiotonwentió꞉on ne tió꞉konte aionwesénhake ó꞉ni aiontaiakonikonratihéntʼto, tánon tesatonwentió꞉ni naisaterientá꞉rake tsi ní꞉ioht tsi tenseriwaserákwase.

1 Thessalonians 5:11

Tánon káti tesewahtatenikonranírat tsi natesewáhtere ó꞉ni tesewahtatiénawas, kwáh tsi nónwa nisewahierenhátie.

1 Tiér 2:12

Tsi niseweiennóten tsi natesewátere ne iáh tehotiriwiʼióston kwáh ioteriwíson nahioianeréhake ne nónen thènen eniesariwárho tsi seweiennáksen, ónenk tsi enhatiʼiénterene tsi nishotenserí꞉io tánon káti ahonwasénnaien ne Rawenni꞉io nentenwenniseráteke nónen tèntre.

1 Tiér 3:1

Kwáh ne sáka í꞉se ne sewaniákon tsisewathonwísen ónenk tsi enietʼtsiwénnaraʼkwe ne sewaniákons, ne káti tóhkaʼ ónhka tsi niháti ne iáh tethonethákwen ne Rawenni꞉io rahowénna, saweiénna kíʼ enkarihónni nahontahonnétakwe. Iáh káti tatehiotonwentióʼon ne tiowénna asíron,

2 Tiér 2:18

Rontathonniénnis ne kanaiésera ó꞉ni tehiotenonwaroríthonte tsi nahótens rontónnions, tánon rónsta ne ioteriwatéha ne ratiʼierónkes tsi sakonaskanekténnis tsi asakonaterístaien tsi nihiákon ne ónwak iakotasawátie nahonwanatékwase nónkwe neh thóh nónwe nihonónnhe ne aterientawenrhietserákon.