Ephesians 4:22 - Ohiatonhseratokénti

²² Kwáh kíʼ iasewárek ne sewaweienʼnakáhion, tsi ne iónʼnis ne séhkon thoʼní꞉ioht tsi ahisehʼtsiónnheke—neh oweienʼnakáion tsi wahthónton neh tsi nikanikonráhthakwe nahoskanéktseras.

Ephesians 4:22 ပူးပေါင်းရင်းမြစ်များ

Job Tánon ne Raoronhiakensera 22:23

Tó꞉ka thóh nienhénsewe raonhà꞉ke ne Roshatstenhserowanenhkó꞉wa, kwáh ki entsisewaterihwakwahtákwahse, tánon é꞉ren enséwete ne karihwaneraháktshera ne sewanonskónsons.

Proverbs 11:18

Nónhka ne iáh tetiakorihwaié꞉ri iáh oʼthé꞉nen kwáh thaʼtaiontèn꞉tsha. Nok tókaʼ tho nénhshiere tsi nahò꞉ten tkariwaié꞉ri kwáh ki iorihwí꞉io tsi tensaterihwaʼserákwahse.

Jeremiah 17:9

“Ónhka ahiekwéni naʼiakonikonhraiéntaʼne ne ónhkwe akawéri? Iáh tekáien ne ó꞉ia sénha akanikonhráhthaʼke; sóhtsi iohnonhwáktani nahonshaʼkonhwátsenthe.

Jeremiah 49:16

Ne tsi nisehnáhie ne weshaʼnikonhráhten. Iáh ónhka tehiesatʼtsánis tsi nióre tsi ísere iesatʼtsánis. Tsi ionitstenrhiákon nónhwe nishíteron, ne ne kwáh ononhthaʼkénhiaʼte; ók iawerohátien thóh nióre tsi éhneken ieshíteron tsi ní꞉ioht ne ákweks, nék kík sáhka ne Roiá꞉ner kwáh ki enthiaiátenhte. Ne Roiá꞉ner rothatíhon.”

Obadiah 1:3

Tsi niwatatón꞉ni ne sè꞉ri ne wesaʼnikonhráta. Ne ne kwáh onontakèn꞉iate nón꞉we nisanónhsote, é꞉neken tiótteʼs tsi nón꞉we nihsatatíʼteron, tánon katíʼ satathró꞉ris, “Ónhka ohontsà꞉ke aontaiontià꞉tenhte?”

Romans 6:6

Tánon ionkwateriéntare nonkwahiathakáion konwarhio skát꞉ne ne Kerístos ne rahohiásake, neh nahontáwe nahosatsʼténsera ne kariwáneren ne iaʼteiehiáti nahónton akariwathónʼton, nehʼne tóhsa iahontasontaráke nahionkwanaskón꞉nike ne kariwáneren.

Romans 7:11

Kariwáneren wahkatʼtsénri nahiotesenʼnaiéntaʼne, ó꞉ni tsi nikéntons nahtsawenrátʼtsera neh onkenikonráhten ó꞉ni onkerí꞉io.

2 Corinthians 11:3

Wákterons tsi niioiá꞉tawenʼen ne Eve nontié꞉renk tho ní꞉ioht tsi teniehtshiʼnikonhrakén꞉ni. Ne ó꞉niare kaʼnikonhrá꞉tha, tánon waharihwakwé꞉ni ne Eve nakarihwanerá꞉ke. Ne nen ne shá꞉ka ne sewanonhtonniónhtshera nontié꞉renk eniehtshiʼnikonhrotá꞉ko, tánon ne enkarihón꞉ni iáh thieskaié꞉ri tsi naonsesewarihwatokénhake tsi nonkwa ne Kerístos.

Galatians 1:13

Sewariwarónken tsi ní꞉ioht tsi kónnhekwe neh shikeriwanorónkwaʼkwe ne Sitaeró꞉non kariwiʼiostóntsera, tsi nikheronhiakéntaʼkwe ne thonʼwétakwe ne Rawenni꞉io kwáh iáh thènen tekáien ne kenténron tánon kwáh iatkatatʼtiáhate nakatkónten.

Ephesians 2:3

Ne kwáh oriwihioʼónwe tewakwékon thóh nihiotón꞉ne ó꞉ni thóh tiónʼnhekwe kwáh tsi nihiorenʼnáhonne ne thènen ahitewaskáneke, kwáh tsi nentsioʼiánerase nonkwaierónta ó꞉ni nonkwanikónras. Tsi ónkweʼíken ó꞉ni tsi nitewaweienʼnhótens tsi ní꞉ioht nakorénson, nók ionkwarárek nahionkwaronhiákente ne Rawení꞉io rahonakwátsera.

Ephesians 4:17

Rahosénʼnakon ne Roiá꞉ner, nekáti wahkwaretiáron; tóhsa iasewathasónteren ne thoʼní꞉ioht tsi atsionnheke tsi ní꞉ioht ne iáh tethonethákwen, ne rahonahnionthonnióntsera iáh thènen tesástha.

Ephesians 4:25

Iáh ónen nohnówen, nekáti! Kwáh tsi sewahiatátʼtions ónenk tsi tensewatatróri ne ronatsiakhésons tsi nithonethákwen, neh tsi akwékon thó꞉non nitewaiáthare ne rahoiéronke ne Kerístos. Iáh káti ónen thènen nohnówen! Kwáh tsi sewaiatátʼtion ónenk tsi neh꞉ne oriwí꞉io enientʼtsiróri nakorénson ne thonethákwen, neh tsi akwékon skát꞉ne nón nitewaiátare ne rahononsatokentíke ne Kerístos.

Ephesians 4:31

Sahtsiakwarísi tsi nahoténsons ne iotakwáswat, ateriatikhónsera, ó꞉ni kanakwásersa. Tóhsa ónen tahonsesahénrete tóhkaʼ ó꞉ni asenikonrakaréwate, tóhsa ó꞉ni aseswénseke ne kwak tsi nahontahiotieráton.

Colossians 2:11

Tsi tetiateriwahsóntere ne Kerístos iesawahrakwè꞉taron, iáh ónhkwe teiesawahrakwetá꞉ron, onk Kerístos iawahrakwè꞉taron, neh iehiokwékʼton tsi tsisatatewenniió꞉on tsi nokwáh ne kaʼsatsténhsera ne sariwahnerahatʼténni.

Titus 3:3

Asèhken ontionhá꞉a ó꞉ni iehiotherátsʼton tionkwatonʼnótʼthakwe, iáh theʼtewahtewennaráhkwaʼkwe, tánon thehionkwaterientawénrie. Tewahnáskwa kèn꞉ne tsi nòkwa ne onkwaskanektsheraʼókon ó꞉ni ne niatékon ahtenikonrohriátsheras ne kwáh tsík nahiotónhake. Kanhakwatserákon nón niʼionkwatiesatonhátieskwe tánon ne kahnoshátshera; ne rohnatsiakhésons ionkhísons tánon ní꞉i ietʼthísons.

Hebrews 12:1

Nontionháke, iakotiokowáhnen tehionkhiʼiatiatáton nahionkhiriwahnirátshe. Kwáh káti, tewahtiakwahríshi tsi nahoténsons ne ionkwahiotátis, tánon ne kariwáhneren tsi nihiokwísron tsi ionkwahtienawáston, áhnion káti tionkwahnikonrahsahatónhak tsi tewahtátʼke tsi naʼtehionkwahréron nonkwahénton káien.

Hebrews 3:13

Khekhók, naiotónʼon tóhsa ónka tsiʼnítion ne kariwáhneren aisewahnikonráhten ó꞉ni aisewahtenikonrákshaʼte, ónenk tsi tesewahtatiénawashe kwáh niatewenniseráhke, kwáh tsi nikaríwes nowénhna “Nonwawenniseráte” nohiatonseratokentíke í꞉i ionkwáhtiaʼte.

Ne꞉ne Sák Rohiaton 1:21

Kwáh káti akwékon éhren sháwit tsi nahótens ne tehioweienʼnátsions ó꞉ni akwékon nahótens ne kariwahétkens. Rawenniʼióke nòkwati niaháse tánon tiéna nowennasónhas tsi nihaiéntos ne seriá꞉nes, né꞉ne iokwénion ahonsehsaniákente.

Ne꞉ne Sák Rohiaton 1:26

Ónkaken tsi nítsion íhsewehre sewariwiʼióstons? Nók tóh꞉ka iáh tahontesehwaniarótaroke ne sewennáson, ne sewariwiʼhiosthóntsera kwáh kíʼ iáh thènen teshásta tánon ensewathateʼnikonráten.

1 Tiér 1:18

Asèken sateriéntare tsi nahóten kahkariák꞉ton tsi tsiʼsatatewenniʼió꞉on tsi ní꞉iáh thènen tekásthakwe tsi niʼiotónne tsi iakónnhekwe ne tsi nitiesáwi ne sehsotʼtonhonkonkén꞉en. Iáh neh tèken nahónton akariwathónton, kwáh neh satetionátʼthe ne kawistaráken tánon ne owistanóron;

1 Tiér 4:3

Iatekaiéri tsi nikaríwes tsi nitsawénon thóh nishérakwe tsi nithatinónwes ehʼnahatí꞉iere ne iáh tehotiriwiʼióston. Tsi tiónnhe thóh nónwe niʼioiesahonhátieskwe ne iáh teiotkwéniens, kentétsera, ratinekakástha, ononwarorítha, ahienenrónni naienekí꞉ra, tánon tsi naʼtehiothenonwarorítonte nakonwasénnaien ne kaiatónni.

2 Tiér 2:13

tánon neh ensonwatikarhiákten ne karonhiakénsera tsi nihothíson ne karonhiakénsera. Neh rontenikonrhorhiátha tsík nahóntiere nentiékene neh naiawerientí꞉io nahoskanéktsheras ne rathiʼiéronke; kwáh rohnatehenseráh꞉re ó꞉ni iokénrat tsi skát꞉ke sewatónʼon tsi tesewatskáʼon, thóh náhe rohnatʼtsenʼnónni tsi nihatiweienʼnótens tsi nihatinikonrátha!

2 Tiér 2:7

Wahonónstate ne Lot, tronkwetaiéri, tsi nithonikonrén꞉en ne tsi nihioteriwatéha tsi nihatiweienótens né iáh thènen tehonónni ne kaianerénseras.

1 Samuel 1:14

Sók kiʼné Eli wasakawénhaʼse, “Tóh nikaríhwes ní꞉se ne enshón꞉niaʼte tsi nisanéka aiesakénhseke? Wáhs sasatnekókef.”