Ephesians 4:21 - Ohiatonhseratokénti

²¹ Kwáh orihrihiohónwe tsi entsisewariwarónken, tánon ó꞉ni neh rahotiókwa kènʼne ietʼtsiriʼonniénʼni ne rahoriwakwarishióntsera ne Ié꞉sos.

Ephesians 4:21 ပူးပေါင်းရင်းမြစ်များ

Psalms 45:4

Thóh sashaststenhserákon sahonwíser notiónkwa ne tsi sahtesénhnion asèken karihwakwarihshión꞉tshera aorihónniat tánon nahontásehne ne tkariwaiériʼ sahthóntak ne sehseweientethákwen nahisanatón꞉hase ne iorihwanerakwaténions kahioténhseras.

Matthew 17:5

Sekon ok nihotaratie teiotsikerathe ȣahakorhoroke nok eh takaȣenninekenne, ȣaton: neh kehikenne Riienha Rinoronkȣa onȣe hetsiseȣataonsatat kati.

Luke 10:16

Onka ehtsihseȣataonsatasts, rakataonsatasts; Nok ne ehtsiseȣaȣennonties, rakeȣennonties; nok ne rakeȣennonties roȣennonties ki ne takatennieton.

John 1:17

Aseken ne kaianerensera Moïs roson; nok kenhkaien natanitenron oni ne kariȣakȣarisionsera, Iesos Keristos nehneh rahaȣine.

John 10:27

Konronkas naketsenen nakeȣenna, kheienteris oni nʼii, nok nononha ionknonteraties.

John 14:17

Noneh Ronikonriioston, nene iah onka tehonȣaienteri nonkȣe; aseken iah ki tehonȣakens, iah oni tehonȣaionteri: hetsiseȣaienteri ki tanon nise; aseken seȣakȣekonhaties, tiotkon oni enseȣakȣekonhatie.

John 14:6

Tontahenron ne Iesos: Ii nohaha, oni noriȣiio, oni ne ionnhe: iah onka tiiaonȣe ne Rakenineha nʼiah iihne taontaieientakȣane.

Romans 10:14

Onhkáti naiáwenʼne nahonwariwanóntonse nahsakoiénawaʼse thòka iáh tethonetákwen? Tánon onhnaiáwenʼne nahontahonnétaʼkwe thòka iáh tehonarónken nateriwanothátsera? Tánon onhní꞉ioht tsi ahonathónteʼne thòka ne ateriwanothátsera iáh tekariʼohiwanáton?

2 Corinthians 1:20

Kerístos akwé꞉kon “Hen” niehé꞉ken tsi ní꞉kon rohrharátston ne Rawenni꞉io. Ne aorì꞉wa raónha ne Kerístos sonkwahró꞉ris “Eh tho neniá꞉wen.” Nok ní꞉ʼi entewèn꞉ron tho raoiaʼtanehrakwáhtshera ne Rawenni꞉io.

2 Corinthians 11:10

Tsi niiorihwiioʼón꞉we tsi Kerístos ritharáhkwen, kwáh iáh ónhka ne Achaia thaiekwé꞉ni ne taiónktaʼste, ne tsi iáh tekwakaraién꞉ni tsi kwaióʼtenhse.

Ephesians 1:13

Tánon ó꞉ni Rawení꞉io rahonkwéta sewatónʼon neh nónen shesewatʼthóntene ne oriwihioʼónwe ahtheriwahnothátsera, ne kariwí꞉ios thisewahawitén꞉ni ne sewahiathakenákʼtsera. Thaʼtsisewétakwe ne Kerístos, tánon ne Rawenni꞉io wahatsíkwente neh tionhakéson tsi rahónha se rahonkwetaʼsónha ó꞉ni ne ne Ronikonriʼióston íken tsi nihorahráston.

Ephesians 2:17

Ká꞉ti Kerístos thawé꞉non tánon wasakoteriwanhóthaʼse ne kariwí꞉ios nonkweʼtaʼkwé꞉kon—ó꞉ni ní꞉se ne iáh tesewasitaeʼró꞉nons, tsi aíhnon nió꞉re tesewátereʼkwe ne Rawení꞉io, nók ne Sitaeró꞉nons rahiaʼták꞉ta ne rónhneskwe.

Colossians 1:5

Nó꞉nen ne orihwí꞉io naterihwanothátsera, ne karihwí꞉ios, thontiérente wesewahiatoren꞉ne, wesewahrónke tsi nitiakó꞉wis narahratʼtshera. Káti tsi tisewetákwen ó꞉ni ne sewahnoronkwátshera ne kakenserákwen tsi nahóten ne sewaskáneks, karonhiá꞉ke neh nón꞉we tewahtheweiénton ne sewahriwà꞉ke.

Colossians 1:6

Noriwahtokénti kwáh tiokontákwen taiohahátie ne kahiataterí꞉tsheras ó꞉ni tehioreniatonháties tsi nonwéhsons ne tsi ionwentsiáte, kwáh tsi nihioié꞉ren ne tsi natesewáhtere neh kwáh sontontsérente wesewáhronke ne Rawenni꞉io rahoténrat tánon wesewahriwaiénterane ne kwáh tsi niiohrihóthen.

Colossians 2:7

Kwáh teshohsérast ne saterahshón꞉as ne raonháke, rahonháke nón꞉we nasahtiatón꞉ni, tanón kahsástet tsi tisetákwen, tsi niiesahrihonhnién꞉ni. Tanón kwáh tiatanahnónhak ne kanonweratóntsera.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.