Ephesians 4:18 - Ohiatonhseratokénti

¹⁸ Tánon tetʼthonihnikonráhkaras. Kwáh iáh thènen teʼonsterístha tsi ní꞉ioht ne Rawenni꞉io tsi tesakówis tsi ahonʼnónʼnheke, kwáh rathirakonróhnon ó꞉ni rohthinontsisthaníron.

Ephesians 4:18 ပူးပေါင်းရင်းမြစ်များ

Psalms 74:20

Skwéʼniest naterihwaseronniátsera ne takwasenhénhni, asèken tsi nonwésons ne tetsiókaras ne tsi ionhontsáte thóh nón꞉we nihatinákere ne iáh othènen karíhwa tehonhnón꞉ni ne kaianerénhsera.

Isaiah 25:7

Tánon kwáh kénhen tsi ionontáhere enhátonhte ne iakoteroróks꞉ton ne iehonwanatseténhni nonkweʼtakwékon, náshiʼre tekatakwahrítʼton ne raotirihwáke ne ronhnonhontsakerónons; kwáh kí ienhatsiaʼtanékwahne ne kenhéion né꞉ne tsi nénhwe enkénhake.

Ezekiel 14:5

Konhtiʼkwékon tí꞉ken kahiatonhnisónhas wahonwathikarenhráhkwahthe Nisraeró꞉nonhs tsi nòkwah Ní꞉ih, ók kíʼ tsi tenkeriwahsehráko aiáwenhs ahonsahtiéna ne rahothiriwahtokéntshera.

Daniel 5:20

Oʼk ne tsi wahatatón꞉niʼne, wahatenontsistáksaʼte, ó꞉ni wahateʼniakátstate, Rawenni꞉io eʼtho nahá꞉sa, tsi nontahaiá꞉tenʼne ne raorenhsarónhtshera kwáh ehk thónhton.

Matthew 13:15

Aseken iotokoton tsi roneriasaniron nekenh rononȣentsiate; iohniron tsi tehonhontakaronte, tehonatateronȣekon oni: Ratitsanis ne ratikarake aontkathote, nok tsi tehonhontakaronte ahonronkate, nok raoneriane ahotinikonraientastakȣe, nok iah taonsaontatreȣatane, iah oni nii taonsakhetsientane.

St. Mark 3:5

Ateriatikhonserakon ȣasakotkatoseron, ok ikene ȣahonikonkararen tsini honeriasaniron. Ȣahaȣenhase kati ne ronkȣe: sanentsakȣarisi, ȣahanentsakȣarisi nok oksaok eh nonsaioianerenne tsiniiot ne skati.

John 12:40

Ȣatesakoronȣeke, nok ȣasakaȣeriasanirate, tosa ratikarake ahontkahtot, nok raoneriane iahotinikonraientane, nok ahonsahontatreȣate, nok ahonsakhetsiente.

Acts 17:30

Ne Rawenni꞉io thatesakokánerakwe tsi náhe ne ónkwe iáh tehonwaienterí꞉ne, nók kíʼ nónwa ónen roriwíson kwáh ratikwékon tsik ʼnonwésons ne tahonsahontʼkaraténi tsi nihatiweienʼnák꞉sens.

Acts 3:17

“Tánon nónwa, tewatenrosónhas, wakateriéntare tsi nahóten níse tánon ne ietʼtsihéntenʼse tsi nitsisewaiéraʼse ne Ié꞉sos, neh iorihonníʼon tsi iáh tesewariwaientéri.

Romans 1:28

Nonkwesónha tsi ratiriwásons nahonʼnonthónnionwe ne kwáh thokénʼen ahonwanikonraiéntaʼne ne Rawenni꞉io. Tóh nòkwa iesakotʼkáwen tsi nòkwa neh rathinikonrahétkens, neh tsi éhʼtho nihathiʼiéra tsi nahoténsons neh iáh tatehiotonwentióhon neh nahathiʼiéreh.

Romans 11:25

Kwáh seh kariwasetánion naʼteriwakwarisióntshera, tewatenrosónhas, tsi nahóten ne kwáh tewakathonwentió꞉ni naihsewateriéntaraʼne, asèken neh ensewanónstate ne tóhsa aihsewathatenontónʼnionse tsi nahisewakthókhake. Tsi nihonatenontsistaniráton ne Israerʼró꞉nons iáh kíʼ tsehiotkontákwen, nók thóh khók nikaríwes tsi nióre ne iáh tehatisitaeronons tekaiatoreton tonihati ne Rawenní꞉ioke nienhón꞉ne.

Romans 11:7

Onkáti ne kénhen? Ne Israerʼró꞉non iáh tehothitsénron tsi nahóten ronʼnésaskwe. Kénk nihothitiókwa tsi nisakohiatarákwen ne Rawenni꞉io wahathitsénri; ronátsiakes wathontahonthákwekʼte tsi nisakónaskwe ne Rawenni꞉io.

Romans 2:19

Kwáh sateriéntare tsi í꞉se nasehiasárine ne teieronwékon, taseswatʼthéten tsi niháti neh tsi tetiókaras non nihónʼnes.

1 Corinthians 1:21

Asèken tohrahorihwahkwahrishiontsherá꞉kon ne Rawenni꞉io oriwí꞉io rahónni tsi kwáh tsehionikonróktha ne ónhkwe ahonwahientérahne tsi nikéntons ne raonatʼthotʼkhátshera. Khé꞉khok, tsi nikéntons ne konwahnathónkwah “ononwahroríta” ateriwahnotháhtshera ionkwahteriwahnóte, Rawenni꞉io iatoriwahiéntase nashakoniákenthe tsi nihiákon ne tiakawetákwenh.

1 Corinthians 2:8

Iáh ónka ne ratikoráhshonsʼkwe ne tsi ionwenhtsiáte teonateriéntarakwe kí꞉ken kariwahkwahrishióntshera. Tóhka aonatheriéntaraʼke, iáh tathahonwahhiasontáke ne Roiá꞉ner né꞉ne rohiataneréhkwat.

2 Corinthians 3:14

Nonkweʼshón꞉ʼa kwáh í꞉ken tsi rotinontsistahní꞉rons, tánon shé꞉kon nón꞉wa knahò꞉ten rotiioʼtá꞉tis nahatiién꞉tereʼne ne orihwí꞉io nó꞉nen iotewennà꞉note ne kaianerenhseraká꞉ion. Kerístos khók enhakwé꞉ni ne ahahrhoróksi tsi nahò꞉ten iáh tehontkáhthos.

2 Corinthians 4:4

Ne ranehsonhró꞉non ne tsi ionhontsiá꞉te shakoʼnikonhrharó꞉ron tsi nihá꞉ti ne iáh tethonehtáhkwen. Iáh tehatikwénies nahontkáhtho ne kaswathéhtshera, ne wathró꞉ris ne karihwí꞉ios tsi nahoʼténhshon ne raoiaʼtanehrakwáhtshera ne Kerístos, ne shonkweʼnestén꞉nis tsi nihaweiennò꞉tens ne Rawenni꞉io.

Galatians 4:8

Tsi nitsawénon iáh thetsisewaientérine ne Ní꞉io, tánon káti neh ietʼtsi naskónniskwe ne kwáh iáh thènen tehotisastenseráien iáh ronónha tèken ne niʼioʼokónhas.

Ephesians 2:1

Tsi nithisènon kwáh tsi shíken ní꞉ioht nahisenhéion tioríwa tsi iáh tesatewenʼnarákwakwe tánon waseriwánerake.

Ephesians 2:12

Né sontakahá꞉wi í꞉non tesewáʼterekwe ne Kerístos. Thí tsionʼhontsiáteʼkwe tánon ó꞉ni iáh í꞉se tèken ne Rawení꞉io sakoʼiatarákwen. Kwáh iáh othé꞉nen tesewaʼiátare nateriwahseronniatseráʼkon, tsi nón꞉we nikarahtás꞉thon tsi nisakorahrástenni ne Rawení꞉io rahotió꞉kwa, tánon kén tsi ionwentsá꞉te nón꞉we nitsonnhétie tánon kwáh iáh othé꞉nen tesewáʼraʼre ne othé꞉nen ahisewaʼhianerás꞉ten tánon iáh ó꞉ni tesewaʼkwé꞉kon ne Rawení꞉io.

Colossians 1:21

Iehioteratston ainon nió꞉re tisewéskwe rahonháke ne Rawenni꞉io tánon tesewahtatʼtiónskwe tiorì꞉wah tsi nikariwáksens tsi nisewahtiéren ó꞉ni tsi nisewahnonthonnión꞉on.

1 Thessalonians 4:5

iáh né꞉ne tahontakaráh꞉ke kentétshera nahiontataskáneke, tsi ní꞉ioht ne iáh tethonetákwen iáh tehonwahientéri ne Rawenni꞉io.

Hebrews 5:2

Óni raónha wéso oriwáhke tsi ní꞉ioht tsi rohtsiʼióha, né aoríhwah rahkwéniens ne ahontahorihwahiérike tsi nòkwa né iáh tehatirihwahientéris ó꞉ni tsi natehonterientawénries.

Hebrews 9:7

ónk nék khók ne kwáh rahtsihenstowáhnen iehatawehiátha ne tekeníhaton ionáktaien natohsherákon, tánon énskat khók ne tsóshera thóh kíʼ nihaiérah. Tánon onekwénhsa ieháhas tsi tenhononwehráhton ne Rawenni꞉io ne raónha rahorihwáhke tánon tsi nihiákon ne iáh tehiakotheriéntare tsi nihiakorihwáhneren.

Ne꞉ne Sák Rohiaton 4:4

Ne iáh teiakoriwatóken nónkwe! Iáh kén tesewateriéntare né꞉ne ahisewaténroke né tsi ionwentsiáte ne kéntons tensewaterohserák꞉sen ne Rawenni꞉io? Tóh꞉ka íhsere neh ahisewaténrohke ne tsi ionwentsiáte, wahsathatónnien natsisewáshon ne Rawenni꞉io.

1 Tiér 1:14

Tsi sewawennarákwak ne Rawenni꞉io, tánon tóhsa sewatʼthóntat ne tsi tiónnhe ne aióhawe tsi nahoténsons sewaskánekskwe ne sékon iáh sisewateriéntarakwe.

1 Sawátis 2:11

Nók kíʼ tokáha ietʼthísons nakorénsons, asátakon kíʼ nón nítewes; thóh nón nihionkwatahitáke tánon iáh tehionkwateriéntare káh niahonkwenonhátie, neh wakarihónni tsi tetiókaras wationkwarónweke.