Ephesians 4:16 - Ohiatonhseratokénti

¹⁶ Tsi rahónha thoniarótaron akwékon tsi natekontʼtihánions noierónta kwáh íken tsi tkariwaiéri tsi natekakʼkhánion, tánon ne oierontakwékon tsi níkon teiostóntere tsi tehionatatienawákon tsi nikasahánion. Neh káti nónen neh skátʼtion tsi ní꞉ioht tsi enhiotiʼióten tsi natehiothonwentióʼon, kwáh oierontakwékon tsi enwateiáron ó꞉ni enwatathónnien ne entkáhawe ne kanoronkwátshera.

Ephesians 4:16 ပူးပေါင်းရင်းမြစ်များ

John 15:5

Ii ne kanenharakȣeniio, nok ise nʼonnhatasonha. Eso enhotonnien nenhiakenikȣekon, aseken nʼehren nonȣe iah othenon taeseȣateiaronhase.

Romans 12:4

Iatékon tsi ní꞉ioht tsi iowenténion nénskat oierónta, tánon akwékon kí꞉ken oianí꞉ioht tsi iotihiótens.

1 Corinthians 10:17

Tsioríhwa tsi skanátarak khók, tewahkwékon, thóh sáh꞉ne kentiokowáhnen, kíʼ skaieróntak khók, kíʼ tewahkwékon tentewahiákon né꞉ne sahkanátara.

1 Corinthians 13:13

Ók kí꞉ken ásen nihioriwáke né kwáh konʼthiriwakwení꞉ios né꞉ne: Tewetákwen, Askenéktshera, tanon Kanoronkwátshera; nók ki né kwák tioʼrihowánen né꞉ne Kanronkwátshera.

1 Corinthians 8:1

Nónwa, takeriwahseráko tsi nahóten sewahiáton tsi nòkwa ne kákhwa ne ronwahtinóntens ne kahiatónʼnis. Tóh꞉kenske, kíʼ-ó꞉ni, nètho “tewahkwékon ionkwáien natʼthokhátshera,” tsi nihónton. Nètho atʼthokhátshera, ne káti, iakoweráhtahas nónkwe nahiontatonní꞉ne; ónk kanoronkwáhtshera ne iakokétskwas.

Galatians 5:22

Nók neh Ronikonriʼióston tatʼkáwas ne kanonronkwátsera, atʼtsennónniat, skénnen, kanikonkasthéntsera, ahtaniténron, tkariwaiéri, ahiakoriwatokénhake,

Galatians 5:6

Asèken ne nónen Kerístos Ié꞉sos tehionkwateriwasóntere, kwáh nèn꞉ne iáh thènen thatekatíhas aiontatewarakwétaronke tóhkaʼ ó꞉ni iáh, kwáh iáh thènen tewatsterístha; tsi nahóten iorihowánen nehne tewetákwen tsi iohiótens ne kanoronkwaʼtserákon.

Ephesians 1:4

Séhkon ne kwáh ohénton ne sonthontonhontsiatásawen, knáha ne Rawenni꞉io shisonkwahiatarákwen ne rahónha rahonkwéta ahitewáthon thóh rahonháke ne Kerístos, neh꞉ne ahionkwahiatatokentíhake ó꞉ni kwáh iáh thènen tahionkwaníkon ne rahohénton. Ne iohrihonʼníʼon ne Rahononronkwátsera

Ephesians 3:17

Tánon wakaterénʼnaien ne Kerístos ne hiahatenakthónʼni ne sewerianésons taʼiahonkóton ne tewethákwen. Wakaterénʼnaien neh kwáh taiahoserénhen ó꞉ni ne ahionniáton ne kanoronkwátsera.

Ephesians 3:7

Hionʼkeríhonte tsi nòkwa kí꞉ken kariwí꞉ios neh tsi nihiotkwéniens tsi tesakówis ne Rawenni꞉io, tsi thakáwi teiahonkóton tsi niʼiohiótens ne rahosatsténsera.

Ephesians 4:12

Neh aoríwa thoʼnaháiere ne tsi ahsakoweienéntaʼne ne Rawenni꞉io rahonkwetaʼsónhas nahothiʼióten ne kariwiʼióston kahioténseras, ehnahontáwe nakasátsʼtenʼne ne Kerístos rahononsatokénti.

Ephesians 4:15

Khèkok, tsi neh ionkwatʼroriáhthon ne kariwakwarishióntsera neh꞉ne kanoronkwátshera, ónenk tsi thóh nónwe nen tewatehiáron rahonháke ne Kerístos, neh tsi rahónha nohnóntsi.

Philippians 1:9

Wahkaterénnaien ne sewanonronkwátshera ne iakakóntakwe ahʼhontehiáron ó꞉ni kwá ahontakaiérike tsi aisewateriéntharake ó꞉ni aihsewanikonraiéntane.

Colossians 2:19

tánon ronatʼkáwen tsi Kerístos ronwahniahésen, tsi raónha nonóntsi iéken noierónta. Tsi Kerístos toniarohtáron noierontakwé꞉kon ne nahókwah ó꞉ni tehionatatsenawákon tsi tehiostonteron꞉nion ó꞉ni notsinonhiatonsónhas, tánon wahtehiárons tsi natehotonwentióni ne Rawenni꞉io nahontehiá꞉ron.

Colossians 2:2

Ne ki aorì꞉wah tóh nitié꞉ra né꞉ne ahatiiatana꞉ne naotinikonrhaní꞉ra tánon ahonnitiokwaró꞉roke tóh kanoronkwatsherá꞉kon, tánon kwáh ahkanánon ahiokwastónhake ne kwáh orihwí꞉io tsi nitkáhas ne orihwí꞉io kanikonrahienthátshera. Ne ki thóh ní꞉ioht tsi enhonaterientá꞉rane tsi nihoriwahshéton ne Rawenni꞉io, né꞉ne Kerístos.

1 Thessalonians 1:3

Asèken rahohénton ne Sonkwaní꞉io ó꞉ni ne Kanisera tsi iakwehiare tsi nisewahioténston tsi nitisewetákwen, tsi nitsionniénni ne sewanoronkwátsera iahisewátrehke tsi wesewahióten, tánon ó꞉ni ne sewaskanéktsera tsi nihioriwahníron thóh rahonháke ne Sonkwaiáner Ié꞉sos Kerístos.

1 Thessalonians 2:13

Tánon séhkon óia nahorihóten nontiéren tsi tehtsitewahnonweráhtons ne Rawenni꞉io. Shontakwahawíh꞉ten ne Rawenni꞉io raoterihwahnothátshera, wesewáhronke tánon wesewahtiénawaste, naterihwahnotátshera iáh onkwé꞉ne tetsiawénon ónk ne tsi Rawenni꞉io raoterihwahnotátshera, ne tsi kwáh neh íken. Aséhken ne Rawenni꞉io tionháke nón nihohʼiotáties tsi níh꞉tion ne tisewetákwen.

1 Thessalonians 3:12

Aiáwens ne Roiá꞉ner narónni ne kanoronkwáhtshera tsi natesewáhtere ó꞉ni nonkwetakwékon nahonteiáron sénha wéso ó꞉ni thóh nakowahnénhake tsi ní꞉i nikwahnorónkwah.

2 Thessalonians 1:3

Tewatenroʼshón꞉a, kwá tiókonte ioteriwíshon tsi tasakwanonweráton ne Rawenni꞉io ne sewahriwáhke. Kwá ioiánere neh naiakwáiere, tioríwah ne sewehtakwátshera tsi nióre tsi ioteiárontse ó꞉ni tsi natesewahtatenorónkwa sénha iotehiaróntie.

1 Timothy 1:5

Nahoriwáhke kíʼ tsi nikonríhonthe né꞉ne asehiáron ne kanoronkwátsera tsi nón nitewétha ne weriasí꞉io, onikonróskon, ó꞉ni ne iorihwatóken tewetákwen.

1 Tiér 1:22

Nónwa ne tsi sewatewennarákwen ne oriwiʼioʼónwe níse iatesewaiáti tsi sehsewatonnakanónni ó꞉ni ne iahátkene naisewaháwake ne naioriwatokénhake tsi aietʼtsinorónkwake ne ronatiakhésons ne thoʼnetákwen, tesewatatenorónkwak tasewanikonrakontakwénhak kwáh seweriasakwékon.

1 Sawátis 4:16

Tánon ontionhákok ionkwateriéntare ó꞉ni tionkwetákwen tsi sonkwanorónkwa ne Rawenni꞉io. Kanoronkwátshera seh ne Rawenni꞉io, tánon tsi niʼiakon neh thóh nón niʼiakonnhétie ne kanoronkwatserákon thóh nón niʼiakónnhe ne tsi tehonateriwasóntere ne Rawenni꞉io ó꞉ni ne ronnheʼónwe Rawenni꞉io tehonateriwasóntere ne ronónha.