Ephesians 4:13 - Ohiatonhseratokénti

¹³ Tánon káti tewakwékon entewateróhroke nethóʼnon tsi sahonkwaríwa íken tsi ní tionkwetákwen ó꞉ni tsi tsitewanikonraiéntas ne Rawenni꞉io Roiénha; kwáh káti entewathonkwetísa, iéntewawe kwáh tsi nihanenhiésonʼne ne Kerístos.

Ephesians 4:13 ပူးပေါင်းရင်းမြစ်များ

Isaiah 53:11

Thóh kí rahoronhiakenserákon kwáh enhatʼkátho ne kaswaʼthétsera; enhatsénhri nawerientiʼiótshera thóh raotohkhatserákon, ne énska ne roiánere, nakenhá꞉tshera, iakotsiokówanen ensakahónhnien naʼhiakorihwakwahrihshiónhaʼke, tánon rahónha enhatkéthaʼte ne raoʼtirihwaneraháktsheras.

Zephaniah 3:9

“Asè꞉ken ethò꞉ne kwáh tensetʼteni nonkweshón꞉as tsi ní꞉ioht tsi ronhtátis né꞉ne orihwí꞉io tsi ahonsahontrorísehke, ne káti ratikwé꞉kon ahónton nahatináton ne raoshén꞉na Roiá꞉ner, ne nahonwahiò꞉tenhse skaʼnikónhrat khók akénhake.

Zechariah 14:9

Ethò꞉ne ne Roiá꞉ner kwáh onhwenhtsiakwé꞉kon tsi enhonnonhtí꞉ioke; kwáh onkweʼtakwé꞉kon tsi enhonwahshén꞉naien tsi raónha ne Nʼi꞉io tánon ronwahienté꞉ri tsi ne shahoshén꞉na.

Matthew 11:27

Oriȣakȣekon Rakeniha rakaȣi; iahonka tehonȣaienteri ne Roienha, akȣa neok ne Roniha, toka ken onkakiok onshakororihake ne Roienha.

John 1:16

Nok akȣekon ionkȣataȣeiaton ne raotanitenraserakon, akȣa neok nʼatanitenron nʼatanitenron.

John 16:3

Neh ȣaonni eh nenhietsiierase ne tsi iah teionkhiienterhaon ne Rakeniha, iah oni nii.

John 17:21

Aiaȣens tiotkon skariȣat ahononnihake, tsi ki niiot, nise Rakeni, iihne nise, nok nii iseke; aiaȣens kati oni ne rohnonha enskat akenhake nʼiihne nok nʼonkȣeokon aontaiaketakȣe tsi ise teskatorion.

John 17:3

Kenh kaien enhiakaonnhete onȣe: neh naiakoterientarake tsi sonhaa ok ne Niio, nok ne tetsiatorion, Iesos-Keristos.

John 6:69

Nok tionkȣetakȣen ionkȣaterientare oni tsi ise ne Keristos Niio Roienha.

Acts 4:32

Ne kentiókwa ne thonetákwen skanikónrat iéken ó꞉ni seweriásak íken. Iáh ónka tehiáwen tsi nihotiʼiéntakwe kwáh hiatehatihiáti rahonáwenk, nók akwékon wahʼthatihiákons tsi nihotiʼiéntakwe.

1 Corinthians 1:10

Raoshahtstenserákon ne Sonkwahiáner Ié꞉sos Kerístos wahkwahretiáron, tewatenroshónʼa, nahkariwahnonwéʼon tsi naotenshóns sewahtónnions, né꞉ne tóhsa thènen taisewahnenratʼkháshion. Kwáh ieiokontakwénhak tsi skakaríwah kénhak, kwáh sheʼwahnontonnióntshera khók kénhak tánon tioríhwahkhok akénhake.

1 Corinthians 14:20

Tóhsa iekʼshahnéha tsi ní꞉ioht tsi sewahnonthonniónhek, tewatenroʼshónʼa; tesewahtetʼshathóntat tsi nióre ne kariwáhneren tsi ahonnontonniónheke, ónk sewahthonkwetisonhónhak tsi ní꞉ioht tsi sewahnonthónnions.

1 Corinthians 2:6

Onk ki né khehiateriwahnotánis ne kariwahkwahrishióntshera tsi nihiákon ne ónen ieiakohkontákwen tsi iakoriwiʼióston. Nók iáh kíʼ kariwahkwahrishióntshera tehiókwenk kí꞉ken ionwenhtsiáte iáh ó꞉ni naoshastsʼténseras ne wahsharíne ne kén꞉en ionwenhtsiáte kashastsʼténsera ne iotionhátse raotishastsʼténseras.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

Galatians 4:19

Nók oh tekanóron kwaienokónha! Kwáh káti shékon ne teskaieróntare tsi ní꞉ioht ne kanisténsera iakowiraientásere, kwáh thóh ní꞉ioht tsi tewakawehéstha ne sewariwáke tsi nióre ienkáhewe níse naʼtsisewanonteratiéseke ne Kerístos.

Ephesians 1:17

ó꞉ni rihriwanonthónnis ne Rahoní꞉io ne Sonkwaiáner Ié꞉sos Kerístos, ne rohiathanerákwat Kaníhsera, nahontatsítion ne kanikonraienthátsera, rahónha entsitsiónnien nahisewatʼthókʼkhake ó꞉ni natsisewarihotáshiase ne Rawenni꞉io rahoriwasónha, ehnahontáwe naʼtsisewaientérahne

Ephesians 1:23

Nononsatokénti ne neh Kerístos raierónke íken, ne tsi iehoweienʼnentáʼon ne tsi rahonhatsíwa rohiotenseríson noriwakwékon kwáh tsikʼnonwéson.

Ephesians 2:15

Tsi raʼhierónke nón꞉we naʼhariwáhthonthe ne Sitaeró꞉nons rahotiʼianerén꞉sera keʼnikweʼkonhátie natsawenrá꞉ʼtseras ó꞉ni tsi nihotiʼianerenserótens, ne nahón꞉ton ne tekentiókwake nénskat khók á꞉se ahonshasakotsiokónnien tsi tahonateriwaʼshón꞉teraʼke ne rahónha, ne kí enkakwé꞉ni ne skénʼnen ahón꞉ton.

Ephesians 4:12

Neh aoríwa thoʼnaháiere ne tsi ahsakoweienéntaʼne ne Rawenni꞉io rahonkwetaʼsónhas nahothiʼióten ne kariwiʼióston kahioténseras, ehnahontáwe nakasátsʼtenʼne ne Kerístos rahononsatokénti.

Ephesians 4:3

Iatesewatátʼtsahat sewanónstat tsi sakaríwa íken neh tsi nithetsisewáwis ne Rawenni꞉io tsi nikéntons ne skénnen tsi nisewawenónni.

Ephesians 4:5

Saiátak khók ne Roiá꞉ner, énskak khók ne tewetákwen, énskak khók natenekwahéston;

Philippians 3:10

Kwá nek khók tesewakatonwentióʼni nahonkateriéntaraʼne ne Kerístos tánon ne kasatsthénsera ne shokétskwen tsi shahonʼnhéton. Íʼkere ehthoʼníʼ ní꞉iott tsi akeronhiáken ó꞉ni akíheie tsi nihoiéren,

Philippians 3:8

Iáh tekáien nó꞉ia ehnaʼiohriwanerakwáthon ne ahonwaientheríhake ne Kerístos Ié꞉sos natsiánere. Kwá oriwakwékon wakatiakwaríson nohiáson nakariʼoténsons ó꞉ni ehnithekétanon tsi ní꞉ioht ne atkarokwasónhas. Kwá Kerístos khók teʼhiʼ iatonwentsióni

Colossians 1:28

Káti kwáh onkweʼtakwé꞉kon tsi iakhiiateriwahnotánis tsi nokwáh ne Kerístos. Nahiotónʼon ne kariwahkwarisióntsera nahiakironkáten ó꞉ni nahiakirihónnien nahiontón꞉on nahontahiakihiaténhawe rahohénton ne Rawenni꞉io nahatiriwahienterí꞉hake tsi tehonateriwahsóntere ne Kerístos.

Colossians 2:2

Ne ki aorì꞉wah tóh nitié꞉ra né꞉ne ahatiiatana꞉ne naotinikonrhaní꞉ra tánon ahonnitiokwaró꞉roke tóh kanoronkwatsherá꞉kon, tánon kwáh ahkanánon ahiokwastónhake ne kwáh orihwí꞉io tsi nitkáhas ne orihwí꞉io kanikonrahienthátshera. Ne ki thóh ní꞉ioht tsi enhonaterientá꞉rane tsi nihoriwahshéton ne Rawenni꞉io, né꞉ne Kerístos.

Hebrews 5:14

Ne iokhwáh ní꞉ron, né꞉ne ne iakotehiáron akówenk, tsi iakoweientetáhon eniekwéni tahiekháshion tsi natetsátere ne iohiánere tánon ne wahétken.

2 Tiér 1:4

Kén kíʼ ní꞉ioht tsi tesonkwáwi ne kwá kowánen ó꞉ni iorihowáhnen natathawítseras ne rohrarátston, nekáti tsi nikéntons kí꞉ken ahtathawítsheras nahónton ahonsaseniákenʼne tsi nòkwa ne iakokaronniátha ne iakonikonrotákwas ne tsi ionwentsiáte, tánon nahónton asísewatiátarase rahónha ne ronnheʼónwe.

2 Tiér 3:18

Nók iasewatasónteren sewatehiáron thóh nónwe ne rahotenretserákon ó꞉ni ne rahotʼthokhatserákon ne Sonkwaiáner ó꞉ni Sonkwaiatákwen Ié꞉sos Kerístos. Rahónha ne kahiatanerakwátsera, nónwa ó꞉ni tsi nénwe! Éhʼtho naiáwenʼne.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.