Ephesians 4:12 - Ohiatonhseratokénti

¹² Neh aoríwa thoʼnaháiere ne tsi ahsakoweienéntaʼne ne Rawenni꞉io rahonkwetaʼsónhas nahothiʼióten ne kariwiʼióston kahioténseras, ehnahontáwe nakasátsʼtenʼne ne Kerístos rahononsatokénti.

Ephesians 4:12 ပူးပေါင်းရင်းမြစ်များ

Luke 22:32

Nok ki tanon konhiaterennaienni, ne tosa aesariȣanoronse: Ne kati oni nise nonen tensatonnhateni enseriȣiioston, shenikonranirat Seȣatatekenokon.

Acts 1:17

Judas rahiatarákwe nonkwentiókwakon, asèken ronwahiatarákwenʼne nahosniénonʼke nonkwahioténsera.”

Acts 1:25

neh ahohióten nahateriwanóten tsi tensohnakʼthákwen ne Sitas, neh thóh nónwe nieʼhawénon tsi nónwe thóh nákʼthe.”

Acts 11:23

Siahárawe ó꞉ni wahatʼkátho tsi ní꞉ioht ne Rawenni꞉io sakohiatateríston nonkwesónha, wahatʼtsenónni tánon wasakoretsiáron rathikwékon tsi ahotiriwathokénhake ó꞉ni kwáh roneriasakwékon tsi ahontahonwetakwénhake ne Roia꞉ner.

Acts 20:24

Kheʼrenkátiʼken ni꞉i tsi kónʼnhe iáh thé꞉nen satèkena tèken; nek khók níhkere ne hiatakókʼten ó꞉ni niákʼsa kíʼ ken kahioténsera tsi nithakáwi ne Roiá꞉ner Ié꞉sos, nahkateriwatsʼtéristhe, nehne akatʼróhri ne kariwí꞉ios nehne tsi nithoriwaiéri ne Rawenni꞉io tsi nókwa nonkwesónhas.

Acts 20:28

Kwáh káti sewatatennikonráren ó꞉ni kwáh kanenrakwékon tsi nitsisewatakweʼniaʼiénni ne Ronikonratokénti. Thóh nihiotónhak tsi sewatennikonráren ne Rawenni꞉io rahononsatokénti tsi ní꞉ioht tsi sakothinikónrare ne teiotinakarontón꞉a sakotinikónraʼre, tsi raónha rahówenk iotónʼon tsi ronekwáhon ne Roiénha.

Acts 9:31

Thóh káti nontáwe neh rothiriwiʼióstons wahothiʼiéntaʼne ne skénnen neh nónwe ne Judea, Galilee, ó꞉ni ne Samaria. Ne tsi wasakoiénawaʼse ne Ronikonratokénti wahatisátsʼtenne ó꞉ni wahonatiokowánahne, tánon thóhʼnon nihononʼnhétie kakweniensthatserákon ne Roiá꞉ner rahoriwáke.

Romans 12:5

Kwáh neh sákat, thosáne tsi ionkwentiokowánen, énskat khók iéken nonkwaierónta tsi teionkwateriwasóntere ne Kerístos, tánon tewakwékon iateionkwatiéston kwáh tsi natehiotʼthihánions ne skaierónta.

Romans 12:7

Tóhka ne Rawenni꞉io tesonkwáwi naionkwakwénion naʼietʼthiriwáhwaʼse ne thonethákwen, áhnionkiʼ ietʼthiriwáhwas; tòhka tesonkwáwi naionkwakwénion naietʼthirihónnien, ahkiʼietʼthirihónʼnien;

Romans 14:19

Nekáti, tiókonte ne taiontsióien, tsi nahoténson tkáhas ne skénnen, tánon tsi nahóten ne ionkwasatsʼtenseráwis tsi naʼtehtewáhtere.

Romans 15:14

Tewatenroshónhas: kwáh iaʼtetiáti keriwanírats ne tionhakésons kwáh íken tsi sewathonkwetakwaríshons, akwékon niesewáhaʼwe natʼthokhátsera, tánon ó꞉ni sewakwénion ne taisewataterihónnien.

Romans 15:2

Khék, teiothonwentióʼon nakorénson aonʼtaietʼthinikonraiériʼte tsi nikáien ne thothinikonrakontákwen tsi ronnónha rahothiʼiatakenhátsera, ehnahontáwe ahathisátsʼtenʼne tsi nòkwati ne tewehthákwen.

Romans 15:29

Nónen ienkwáken, wakateriéntare tsi kwáh enkanánon enkháwi ne Kerístos rahohiataterítsera.

1 Corinthians 12:27

Kwáh sekwahkwékon ne iewáhtons ne Kerístos raiéronke, tánon kwáh tsi sewahiatátʼtion tsi ensewahiátare.

1 Corinthians 12:7

Tsi shakotiataráni ne tiehiatátʼtion ne Ronikonrahtokénti tsík nahʼiotónhake né꞉ne onhkwetaʼkwékon ahiakohianerásten.

1 Corinthians 14:12

Tsi kwáh tionninekénʼen nahisewahiéna naʼtathawítshera ne kariwiʼiosthóntshera, ónenk tsi iaʼtesewahtátʼtiahathe nahisewahiénahwaʼse tsi niháti ne shakothiʼiénahwaʼse ne tiakawetákwen.

1 Corinthians 14:14

Asèhken tóhkaʼ thóh kíʼ ní꞉ioht tsi akatherénnahien, akeshastenserakwekon kahterénnahiens, onk nahkenikónrah kwáh nènne iáh thènen tekahiátareh.

1 Corinthians 14:26

Kén nahóten kíʼ kítons, tewatenroʼshónʼa. Nónen skátʼke ensewáhton naisewahterénnaien, tiehiáta tenʼieríwahkwe, tionkwéta né nènʼne ne ashakorihónnien, nó꞉ia né nenʼne enharihotáshion tsi nahóten ne Rawenni꞉io totkáwen, nó꞉ia né nènʼne enhateriwahnóten ne ó꞉ia ní꞉ioht owénna, tánon shé꞉kon thiʼhahiátathe enhanikonrahiéntathe tsi nahóten wahónronke. Ónenk tsi kwáh kanenrahkwékon enhiakoiénahwahse.

2 Corinthians 12:19

Eh tho kenʼ ní꞉ioht tsi sewanonhtónnions tsi kwáh í꞉ken tsi tionkwatatéhnhe ne sewahén꞉ton? Orihwí꞉io tsi teionkwatharáhkwe ne Rawenni꞉io, tsi Kerístos seʼ iakwakwé꞉kon. Nok tewatenroʼokón꞉ʼa í꞉se sewarihwà꞉ke tsi niionkwaié꞉ren.

2 Corinthians 13:11

Nón꞉wa, tewataté꞉ken, ó꞉nen kiʼ wáhi! Sewatshennonníhak, tesewatá꞉ton tsi nisewaweiennò꞉tens. Tesewatateʼnikonhraní꞉rat. Shaʼkarì꞉wa kénhak, skén꞉nen tsi tsónhnhek. Tánon ne Rawenni꞉io, tsi niká꞉ien thatká꞉was ne kanoronhkhwáhtshera tánon ne skén꞉nen, ensewakwekónhake.

2 Corinthians 13:9

Ionkwatshennón꞉nihak nó꞉nen ionkwatsiʼióha, nok ní꞉se sewahsátste. Tánon kiʼ ó꞉ni ionkwaterénnaien ne í꞉se iaisewatahsónteren ne aisewatehiá꞉ron tsi nonkwa ne tewehtáhkwen.

2 Corinthians 3:8

Iáh káti ónhte ken ne aterihwahseronniáhtshera thí꞉ken ne Roʼnikonhratokénhti tehshonkwatenniehtén꞉nis sénha né꞉ʼe teionéhrakwat?

2 Corinthians 4:1

Sótsi thorihwaié꞉ri ne Rawenni꞉io neh waʼkarihón꞉ni waʼshonkwaniá꞉hese naionkwaióʼten ne raoʼioténhsera. Ne aorì꞉wa tóhsa kiʼ tewaʼnikonhrókten.

2 Corinthians 5:18

Rawenni꞉io akwé꞉kon eh nihóhson! Thotórion ne Kerístos skén꞉nen ahrón꞉ni tsi naʼtetewátere, nok kiʼ shonkwaioʼtenhserá꞉wi ne skén꞉nen aitión꞉ni tsi naʼtehónteron nakohrénhshon tánon ne raónha.

2 Corinthians 6:3

Iáh teiá꞉kenehre ne ónhka aionkhirihwáhrho tsi nahò꞉ten ionkeniioʼtátie. Iatiateʼnién꞉tha káti ne tóhsa taiakeninióskenʼne.

2 Corinthians 7:1

Tewatenró꞉shon, Rawenni꞉io né꞉ʼe shonkwahrharatstén꞉ni. É꞉ren í꞉tewet akwé꞉kon nahò꞉ten tekenʼtsónstha ne onkwaierón꞉ta tánon ne onkwatónhnhets. Atshitewahsennowanáhte Rawenni꞉io, kwáh aietewateʼnién꞉ten aontatshitewanaʼké꞉ren.

Ephesians 1:23

Nononsatokénti ne neh Kerístos raierónke íken, ne tsi iehoweienʼnentáʼon ne tsi rahonhatsíwa rohiotenseríson noriwakwékon kwáh tsikʼnonwéson.

Ephesians 4:16

Tsi rahónha thoniarótaron akwékon tsi natekontʼtihánions noierónta kwáh íken tsi tkariwaiéri tsi natekakʼkhánion, tánon ne oierontakwékon tsi níkon teiostóntere tsi tehionatatienawákon tsi nikasahánion. Neh káti nónen neh skátʼtion tsi ní꞉ioht tsi enhiotiʼióten tsi natehiothonwentióʼon, kwáh oierontakwékon tsi enwateiáron ó꞉ni enwatathónnien ne entkáhawe ne kanoronkwátshera.

Ephesians 4:29

Tóhsa ne íhsas nowénna naiakonikonráksate, nók nek khók nowénna ne iakonikonrahnírats, tsi nikáien ne iakokétskwas ó꞉ni tsakówis nahóten tehiothonwentióʼon, neh káti tsi nahóten ensíron eniakohiénawase tsi niháti nen iesatʼthóntene.

Ephesians 4:4

Énskat khók noierónta ó꞉ni énskat khók nonikónra, kwáh nesáka énskat khók naskanéktsera ne tsi ní꞉ioht ne Rawenni꞉io tsi ietsisewanáton.

Colossians 1:24

Onk ó꞉nen sewahkatʼtsennón꞉ni neh tsi nikwaroniá꞉kense, Asè꞉ken ne kéntons tsi niwakeroniáken ne tierónhke kastsnié꞉nons tsi nahóten sehkon iotaténron ne iakáshon tsi nihoronhiakén꞉on tsi nokwáh ne Kerístos raierónke, né꞉ne ononsatokénti.

Colossians 1:28

Káti kwáh onkweʼtakwé꞉kon tsi iakhiiateriwahnotánis tsi nokwáh ne Kerístos. Nahiotónʼon ne kariwahkwarisióntsera nahiakironkáten ó꞉ni nahiakirihónnien nahiontón꞉on nahontahiakihiaténhawe rahohénton ne Rawenni꞉io nahatiriwahienterí꞉hake tsi tehonateriwahsóntere ne Kerístos.

Colossians 4:17

Tánon tsi sewahró꞉ri ne Archippus, “Kwáh oriwí꞉iok tsi iahátia tsi nitiesá꞉wi ne kahioʼténhsera ne Roiá꞉ner raoriwashón꞉a.”

1 Timothy 1:12

Tehinonwerátons ne Kerístos Ié꞉sos Sonkwaiáner, raónha takáwi ne kasatsʼténsera tsi nòkwa natioténsera. Tehinonwerátons tsi rahkanonthónnionse nakeriwastáton tánon ratiatarákwen nahiʼiótense,

2 Timothy 4:11

Kwáh Luke khók tiontiariskhóʼon. Mark hiatsínonk tánon tatʼtiaténhaf, tioríhwa tsi enhakwéni nahasniénon ne kahioténsera.

2 Timothy 4:5

Nók ónenk tsi entesatatheniarótarohke ne kwáhk tsi nahorihhoténsons; sakátstek naseronhiáken, neh sahióten ne rateriwahnótʼtha ne kariwí꞉ios, tánon neh sateriwahténtsiat kwáh tsi nisateriwahiénʼni tsi Rawenni꞉io tiótense.

Hebrews 13:17

Ietsiwenhnaráhkwak ne ietsihéntense ó꞉ni sewáhser ne rahotirihwahshónhas. Kwáh iáh thènen tewahtorisentátie tsi Rahtinikónrahre ne sewahtónnhets, ne tsi ronahteriwahiénni ónenk tsi enʼhonwahnikonrahientáten ne Rawenni꞉io tsi nihotiʼiotenseróten. Tóhka enʼietʼtsiwénhnarahkwe, kwáh ahtsennonniatsherákon tsi enhotiʼióten ne rahotiʼioténserah; tóhka iáh, enʼtatinikónrenne tsi nenhotiʼióten, né ki né꞉ne kwáh iáh ónhka tahiakoiénawahse.

Hebrews 6:1

Ánion ietewahténti, káti, tsi nòkwah ne oksténha karihonniennítshera tánon thóh kaiéntak nonkwahnáken né tiotserénton karihwiʼióston aterihwahnotátshera. Iáh sékon tatheiotonwenhtióʼon tahonshetewakstenróh꞉ten tsi tahonshetewatʼkarahté꞉ni tsi nòkwah ne iáh thènen tehkarihwásthas kahioténseras óni thetsitehwetákwen ne Rawenni꞉io