Ephesians 3:8 - Ohiatonhseratokénti

⁸ Í꞉i tshiahonhá꞉a kén nitká꞉a tsi niháti ne Rawenni꞉io rahonkwetaʼsónha; tánon kíʼ Rawenni꞉io takáwi kí꞉ken kakweniensthátsera nehne hiakehawítase neh iáh tehathisitaerónons ne kariwí꞉ios tsi niwatʼrhoriátha iáh tsehiótokʼte ne Kerístos rahohiathanerakwátsera,

Ephesians 3:8 ပူးပေါင်းရင်းမြစ်များ

1 Chronicles 17:16

Ethóhʼne ne Ronnontí꞉io Táwit Athohseráhkon iahatáweiaʼte tsi thén꞉teron ne Roiá꞉ner, wahá꞉tien, tánon wahaterén꞉naien, “Iáh thaʼtewakathéntion tsi nahoténsons ó꞉nen tsi niskatiérahse, Saiá꞉ner Sewenní꞉io, né sá꞉ka nakwátsire.

Psalms 31:19

Ó tsi nikananónkʼkons ne sáhwenk iohiáneres né꞉ne sehiateweienhtónhni kowánen kaiathateríhtsera tsi nihiákon ne teiesarénhsarons; tánon wé꞉so tsi nisehiatiérase tsi niʼiákon nʼisèke néntien nahiontásehte, né꞉ne kwáh onhkwetakwékon enhiontkátho!

Luke 14:22

Tontahenron ne rannhatsera: onen ki ȣakeriȣaieritonhatie, nok ki tanon sekon ionaktote.

John 1:16

Nok akȣekon ionkȣataȣeiaton ne raotanitenraserakon, akȣa neok nʼatanitenron nʼatanitenron.

Acts 5:41

Tsi natonsahontetʼkhaʼshiónko ne ratikweʼkónʼne ó꞉ni ne Ratitsiénhaiens, kwáh rohnatʼtsennón꞉ni, Asèken Rawení꞉io sakohiatarákwen neh tsi iatekaiéri tsi nihotikwénion nahontéʼen ne Ié꞉sos rahoriwá꞉ke.

Acts 9:15

Ne Roiá꞉ner wahawénhase, “Wáhs, tsioríhwa riʼhiatarákwen nahatiótense, nahakʼsennówanaʼte tsi nòkwa ne iáh tehatiʼsitaeʼrónons ó꞉ni ne Rontinontiʼiósons tánon ó꞉ni nonkwesónhas thóh nónwe ne Israeronónke.

Romans 11:33

Tsi nikowánen ne Rawenni꞉io rahotsiokowátseras! Tsi natehionhótes ne rahonikonraienthátsera ó꞉ni neh rahothokhátsera! Ónhka ahiekwéni naienikonraiénthaʼte tsi natehohiatoretánions? Ónhka ahiekwéni naiakonikonraiéntaʼne ne rahoweiénʼnas?

Romans 12:10

Tesewathatenorónwat tsi natesewáterhe tsi ní꞉ioht ne rotiriwiʼióstons, tánon kwáh tesewasteríhensek nahitsiotháshon ne kakwenesthátsera tsi naʼtesewáterhe.

Romans 2:4

Kátonkén skenrón꞉ni tsi niʼiókwas neh rahononronkwátsera, ronikonrí꞉io, ronikonkátsʼte. Oriwiʼiohónwe sateriéntare ne Rawenni꞉io tsi nitoriwaiéri Asèken rahtheniéntʼtha nahonsaiasárine nahonsahsatatréwate.

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

1 Corinthians 15:9

Asèken í꞉i ahonháʼa kenʼniteksennáha tsi niháti ne ratikwekónne—akwékon iáh tatewahkaténtion nahionkenáhtonkwe ratikwekónne, tioríhwa tsi kheronhiakénton ne Rawenni꞉io raotiókwa.

1 Corinthians 2:9

Nók-kíʼ, tsi niwáhton ne oriwahtokénti, “Nahóten ne iáh ónka nonwénhton tehiakotʼkáton tóhkaʼ ó꞉ni ahiakhothonthéʼonke, nahóten ne iáh ónka nonwénhton tehiakononthonniónʼon né nahiawénhʼne, né꞉ne kwáh ehʼní꞉ioht ne Rawenni꞉io tsi shakokwahtakwénhni tsi nihiákon ne ronwahnorónkwah.”

Galatians 1:16

nahawéneste ne Roiénha nakonháke, ne káti nahónton nakateriwanóten ne kariwí꞉ios ne rahonháke tsi nókwa ne iáh tehathisitaerónons, iáh ónhka tiekhehiátʼkense nahionkatenikónron,

Galatians 2:8

Asèken neh sahahiáta ne Rawenni꞉io tsi níhohiotén꞉en rahonháke ne Tiér nehne ahothiʼiénawaʼse ne Sitaeró꞉nons kwáh neh sáka tsi thóh nihoiéren ní꞉i natiotenserákon ne nahothiʼiénawaʼse ne iáh tehatisitaeronons.

Ephesians 2:7

Neh aoríwa thonihoiéren ne Rawení꞉io ne naréneste kwáh tiókonte ohiatʼtíʼio tsi nikowánen ne rahoténrat, kanoronkwatserákon nónwe nihsonkwenestʼtén꞉ni rahonháke ne Kerístos Ié꞉sos.

Ephesians 3:1

Neh kí꞉ken iorihonníʼon í꞉i, Kór, kenhóton neh tsi Ié꞉sos Kerístos rihiótense níse sewariwáke ne iáh tesewasitaherónons, sewaterénʼnaien rahonháke ne Rawení꞉io.

Ephesians 3:16

Rawenniʼióke nón niwakaterénʼnaien neh tsioríhwa tsi nitʼkowánen ne rahohiataterítsera ne karonhiáke nahontatsítion ó꞉ni sewatʼtháwa ne kasatsʼténsera Asèken rahónha ne Rawenni꞉io theʼtsisewáwis ne kasatsʼténsera ne sewahnikonrakéʼsons.

Ephesians 3:19

Oriwí꞉io, tsi enwáton nahisateriéntaraʼne ne rahonhoronkwátsera—iahwerohátsien tsi kwáh iáh nonwénton thakananónhake niaʼiáwene꞉ne—neh káti kwáh iaʼtekaiérik tsi satʼtháwa ne Rawenni꞉io rahonhoronkwátsera.

Ephesians 3:2

Oriwihioʼónwe tsi sewariwarónken thóhʼnon rahotenretserákon ne Rawení꞉io thakáwi kí꞉ken kahioténsera nahontióten níse ahisewahianerásten.

Philippians 2:3

Tóhsa shenosásek tóhka ó꞉ni asatatonníheke, nók kíʼ tasariwaiérik tanon iaseieʼhiáran notsiakéson tsi sénhase roʼnónha rathiriwhásta tsi níʼioht neh sewátsiake.

Philippians 4:19

Nakatherénnaient neh Rawenni꞉io ahontháhion akwékon tsi natesathonwentió꞉ni neh akenikwékon ne kahiatanerakwátshera ne Kerístos Ié꞉sos tatʼkáwas.

Colossians 1:27

Tsi nihotenikonrónni ne Rawenni꞉io né꞉ne asakoronkáten ne rahonkweʼtashónha tsi nihoriwahshéton, kí꞉ken kakwákston ó꞉ni ioriwahnerákwak kariwahshéton neh nonkweʼtakwé꞉kon akoriwáke. Tánon ne kariwahshéton né꞉tho Kerístos tsi senikwé꞉kon, ne kéntons tsi ensatiatáren thóh rahohiatanerakwatserá꞉kon ne Ní꞉io.

1 Timothy 1:13

iawerohátsien ne tiothohétston kariwáksen tsi ní꞉ioht tsi rihiatátiase ó꞉ni rihronhiakénton tánon rihnikonraksáton. Nók ne Rawenni꞉io kwáh wahakhìtenre tsoríwa tsi iáh arèkok sitewahketákwen tánon káti iáh tewahkateriéntarahkwe tsi nikatiérahkwe.

1 Timothy 1:15

Ne kí꞉ken ne kwáh tóhʼkenske tsi niwáhton, ne kwáh iahiokontakwénhake ahiontiénawasthe ó꞉ni nahontahiakéthakwe: Kerístos Ié꞉sos tawéhnon tsi ionwentsiáte nasakoniákenthe ne iakoriwáhneren. Í꞉i nèn꞉ne ne kwáh tewahkenonkwísen tsi niháti,

1 Timothy 2:7

tánon neh aoríhwa iehionkatheniéton tsi kateriwanótʼtha ó꞉ni kheʼrihonniénni ne iáh tehatisitaerónon, nahkateriwanóten ne tewetákwen ó꞉ni norihwí꞉io. Iáh tekanowéntha; Orihwí꞉io tsi nahóten katróris!

2 Timothy 1:11

Rawenni꞉io ratiatarákwen nakateriwahnótʼthake ó꞉ni nakerihowáhnathe ne karihwí꞉ios,

Revelation 3:18

Ne kíʼ kí꞉ken aorí꞉wa wakoniatenikónron nasetní꞉non nowistanó꞉ron né꞉ne kwáh owistanorontseróskon í꞉ken né꞉ne notsí꞉rake iotohétston ne káti ní꞉se naón꞉ton aisakwasé꞉ne; tánon kará꞉ken waʼkó꞉ses aiesaseronhniá꞉te tánon tó꞉sa awenéston tsi sanhéhonk thí꞉ken ne tó꞉sa ónhka aiesá꞉ken; tánon né꞉ne ratináskwa aiesakaróhkaf ne kíʼ nahón꞉ton nasatkatóhseke.