Ephesians 3:21 - Ohiatonhseratokénti

²¹ Rawenni꞉io ne kahiatanerakwátsera tsi kentiókwaien ne hiakoriwiʼióstons ó꞉ni rahonháke ne Kerístos Ié꞉sos kwáh tiókonte enkénhake, tsi nénwe ó꞉ni tsi nienhénwe. Ethonaiawenhne.

Ephesians 3:21 ပူးပေါင်းရင်းမြစ်များ

1 Chronicles 29:11

Í꞉se ne sesátsʼte ó꞉ni shaʼsatsʼtenhserowánen í꞉ken, sahiatanerákwat, iorá꞉se, tánon sanontí꞉io í꞉ken. Orihwaʼkwé꞉kon ne karonhiáke ó꞉ni nonwenhtsáke tsi í꞉se sáwenk, tánon í꞉se ne sanontí꞉io í꞉ken, né kwáh tishaʼsastenserowánen orihwaʼkwé꞉kon í꞉se tisaniaró꞉taron.

Psalms 115:1

Iáh nontionháke, Ó Saiá꞉ner, iáh nontionháke, ók sahsénhna táhson ne kaiatanerakwáhtshera, asèken ne aorihónhniat ne sáwenk iorihwaʼtóken kanoronhkwáhtshera tánon ne sarihwaʼtokentítshera.

Psalms 72:19

Tehiontenonweráton tsi nihosenhnanerákwat né꞉ne tsi nénhwe enkénhake; wakaterénhnaien ne raohiatanerakwáhtshera ne akananón꞉hake nohontsakwékon. Éhʼtho naiáwenhne tánon éhʼtho naiáwenhne.

Isaiah 42:12

Ánion thón꞉ion ne kaiatanerakwáhtshera ne Roiá꞉ner, tánon rontʼró꞉ri ne kanonweratónhtsera ne tsi kawenhó꞉tons.

Isaiah 6:3

Tánon iatehontaʼtenatónhnions: “Rohiatatokénti, rohiatatokénti, rohiatatokénti! Ná꞉a né Sakoiá꞉ner ne ronterí꞉os ratironhiakerónons! Ohontsakwékon né titkáhere ne raohiatanerakwáhtshera.”

Matthew 6:13

Nok tosa aionkȣasenni ne kariȣaneron; ehren tanon takȣariȣakȣiten ne iotaksens, aseken ise ne tsiniienhenȣe ensenakereke, kasastensera oni Kanentonsera iah takariȣentane. Amen!

Luke 2:14

Ahonȣasennaien ne Niio Karonhiake! Skennen Kenhak nonȣentsiake! niakonikonriio nonkȣe.

Romans 11:36

Asèken oriwakwékon Raónha Rawenni꞉io róhson, ó꞉ni akwékon Raónha roteriwahtentsiáton tánon kwáh hiatehaʼiáti. Ahonwasénʼnaien ne Rawenni꞉io ne tsi nihohiatanerákwat tsi nénwe! Éhʼthoʼnaiáwenʼne.

Romans 16:27

Nek khók rahonhatsíwa Rawenni꞉io, rahonhatsíwa khók ronikonrowánen, ne kaiatanerakwátsera rahonháke ne Ié꞉sos Kerístos ne tsi nenhwen. Éhʼtho naiáwenʼne.

Galatians 1:5

Tetsitewanonweráton ne Ní꞉io tsi nienhénwe ó꞉ni tsi nénwe! Ehʼthoʼnaiáwenne.

Ephesians 1:6

Ánion theʼtsitewanonweráton ne Rawení꞉io tsi nihionerákwat ne rahoténrat, tsi kwáh iáh thènen tehiokaráien tsi nithesonkwáʼwi ne roiénha!

Ephesians 2:7

Neh aoríwa thonihoiéren ne Rawení꞉io ne naréneste kwáh tiókonte ohiatʼtíʼio tsi nikowánen ne rahoténrat, kanoronkwatserákon nónwe nihsonkwenestʼtén꞉ni rahonháke ne Kerístos Ié꞉sos.

Ephesians 4:1

Kwaretsárons, káti—í꞉i ne keʼnhóton neh tsi Roiá꞉ner rihiótense: thóh tiónʼnhek tsi nateiotonhontióʼon tsi nithotáthnon ne Rawenni꞉io neh shatsisewánha꞉ne.

Philippians 1:11

Ié꞉sos Kerístos thenhiaweiennaráhte ne ensaióhten ne kaiohtenserí꞉ios ne iewathihénthos ne kahiatanerakwátshera ó꞉ni ne aʼhonwasén꞉naien ne Rawenni꞉io.

Philippians 2:11

Tánon kwáh tsi niaʼtewenhnáhsake tsi enkariwahniráton nètho Ié꞉sos Kerístos tsi raʼónha ne Roiá꞉ner, tóh nètho raohiatanerakwatsherákon ne Ní꞉io Kaníhsera.

Philippians 4:20

Nenahónton ne Rawenni꞉io ne Sonkwaníha nahonwhasennaiénseke tsi nienhénwe tánon tsinénwe. Ethonaiawenhne.

2 Timothy 4:18

Tánon kíʼ ne Roiá꞉ner kwáh ensakeniákenthe kwáh oriwahkwékon ne kariwáksen ó꞉ni kwáh skenènʼtsi tsi ienhatiaténhawe ne Rahonakeraserákon ne karonhiáke. Rahónha ne kahiathanerakwátsera tsi iénhenwe ó꞉ni tsi nénwe! Éhʼtho nenʼiáwenʼne.

1 Tiér 2:5

Kásewe tsi ní꞉ioht ne iónnhe onénias, tánon sewathóntat naʼietsiʼiastste tsi akanonsonníhake ne ionnheʼónwe ononsatokénti, thoʼnónwe nensahióten tsi ní꞉ioht ne rotokénti ratsihénstatsi nasétatʼtse kariwiʼiostóntsera tánon ne kaienawasétsera ó꞉ni naontatsenikonraiérite ne Rawenni꞉io rahonháke ne Ié꞉sos Kerístos.

1 Tiér 5:11

Rahónha ne kasatsʼténsera tsi nénwe! Éhʼtho naiáwen꞉ne.

2 Tiér 3:18

Nók iasewatasónteren sewatehiáron thóh nónwe ne rahotenretserákon ó꞉ni ne rahotʼthokhatserákon ne Sonkwaiáner ó꞉ni Sonkwaiatákwen Ié꞉sos Kerístos. Rahónha ne kahiatanerakwátsera, nónwa ó꞉ni tsi nénwe! Éhʼtho naiáwenʼne.

Jude 1:25

kwáh saiátak khók ne Rawenni꞉io rahonha ne Sonkwaiatákwas, tsi non nitawénon ne Ié꞉sos Kerístos, Sonkwaiánere, ne kaiataterí꞉tsera, ronnontí꞉io, kaʼshatsténsera, tánon rakórah, tsi nitiothohestánion, tánon nónwa, tanon tsi nienhénwe ó꞉ni tsi nén꞉we! É꞉tho naiá꞉wenhne.