Ephesians 3:2 - Ohiatonhseratokénti

² Oriwihioʼónwe tsi sewariwarónken thóhʼnon rahotenretserákon ne Rawení꞉io thakáwi kí꞉ken kahioténsera nahontióten níse ahisewahianerásten.

Ephesians 3:2 ပူးပေါင်းရင်းမြစ်များ

Acts 13:2

Tsi nikaríwes ronaterenʼnaiéntakwe rahonháke ne Roiá꞉ner ó꞉ni ronentontiéton, ne Ronikonratokénti wasakawénhaʼse, “Tesewatetʼkháshion ne Barnabas tánon ne Saul nì꞉i akeriwáke, neh nahotihióten tsi nikhehiatarákwen.”

Acts 13:46

Nók ne Kór tánon ne Barnabas onensénha wahiatewennanírate tsi wahiatáti: “Kwáh tehiothonwentióhonne ne í꞉se ahontesewatierénton naʼietsiʼhiaronkaténni ne Rawenni꞉io rahowénna. Nók kiʼ tsi wesewakénron ó꞉ni í꞉se wesewatatréwate ne tsi iáh tsiatekaiéri tsi nisewahiáneren naisewaiéna ne ionnheʼónwe atónʼnhets, enskwatewéntethe káti tánon nehne iáh tehatisitaerónon nonʼnientsiákeʼne.

Acts 22:21

‘Wáhs,’ ne Roiá꞉ner wahakénhase, ‘Asèken ahínon nióre ienkonʼiathénieʼte tsi tathinákeres ne iáh Tehatisitaerónons.’”

Acts 9:15

Ne Roiá꞉ner wahawénhase, “Wáhs, tsioríhwa riʼhiatarákwen nahatiótense, nahakʼsennówanaʼte tsi nòkwa ne iáh tehatiʼsitaeʼrónons ó꞉ni ne Rontinontiʼiósons tánon ó꞉ni nonkwesónhas thóh nónwe ne Israeronónke.

Romans 1:5

Rahonháke non ne Rawenni꞉io tahákon natatewennihiótsera neh꞉ne akateriwanhóten ne Kerístos rahoriwáhke, Neh nahontáwe nakehéntense ne kwáh tsi niateʼiakahóntsiake nahontaʼiakétakwe tánon naiontewénʼnarakwe.

Romans 11:13

Ónen í꞉se ne iáh tesewasitaeronons kwatará꞉ni; tsi náhe ne Í꞉i enkheiateriwanothaníhake ne iáh tehatisitaeronons, kwáh íken tsi enkenaiéhake tsi niwatsiotenseróten.

Romans 12:3

Ne ahoríwa ne Rawenni꞉io tsi nithakáwi ne kenténron kwáh tsi sewahiatátʼtsion enkwaróri; Tóhsa sóhtsi éhneken tsi ní꞉ioht tsi aihsewatatenontónnionse tsi naʼtehiothonhontiónha. Sewatenʼnikonráren ne sewanonthonnióntsera, tánon neh tesewatatiatóret tioʼianénhaf tsi níkon káhawe ne tewetákwen ne Rawenni꞉io thiáwi.

1 Corinthians 4:1

Sewahteriwaiénni ne thóh ní꞉ioht tsi haskwahnontónnionse tsi Kerístos raonhatsheraókons, tsi níh꞉ionkhiríhonthe nahiakwatʼróri noriwí꞉ios ne Rawenni꞉io raoriwahsehtátsheras.

Galatians 1:13

Sewariwarónken tsi ní꞉ioht tsi kónnhekwe neh shikeriwanorónkwaʼkwe ne Sitaeró꞉non kariwiʼiostóntsera, tsi nikheronhiakéntaʼkwe ne thonʼwétakwe ne Rawenni꞉io kwáh iáh thènen tekáien ne kenténron tánon kwáh iatkatatʼtiáhate nakatkónten.

Ephesians 1:10

Tsi nihotenikonríson, ne Rawení꞉io ienwatewehieiéntaʼne ne nónen kwáh entkaiérike neh naiáwen꞉ne, nehne oriwakwekon ensaróhʼroke tsi naotenson rosahanion, oriwakwekon ne karonhiáke ó꞉ni nonwentsiáke, tánon Kerístos nonóntsi íken.

Ephesians 3:7

Hionʼkeríhonte tsi nòkwa kí꞉ken kariwí꞉ios neh tsi nihiotkwéniens tsi tesakówis ne Rawenni꞉io, tsi thakáwi teiahonkóton tsi niʼiohiótens ne rahosatsténsera.

Ephesians 3:8

Í꞉i tshiahonhá꞉a kén nitká꞉a tsi niháti ne Rawenni꞉io rahonkwetaʼsónha; tánon kíʼ Rawenni꞉io takáwi kí꞉ken kakweniensthátsera nehne hiakehawítase neh iáh tehathisitaerónons ne kariwí꞉ios tsi niwatʼrhoriátha iáh tsehiótokʼte ne Kerístos rahohiathanerakwátsera,

Ephesians 3:9

tánon nonkwetakwékon ahiakawenéstʼten tsi ní꞉ioht tsi ahkahioténston ne ioteriwaséton tsi nihotenikonrónni ne Rawenni꞉io. Rawenni꞉io, tsi nikáien ne oriwakwékon rohsahánion, kwáh teiahonkóton rohriwasehthánionkwe tsi nitsawénon,

Ephesians 4:21

Kwáh orihrihiohónwe tsi entsisewariwarónken, tánon ó꞉ni neh rahotiókwa kènʼne ietʼtsiriʼonniénʼni ne rahoriwakwarishióntsera ne Ié꞉sos.

Ephesians 4:7

Kwáh tsi tewaiatátʼtion kathokenstánion tsi ionkwaienáʼon tsi niʼtesonkwáwi ne Kerístos.

Colossians 1:4

Asè꞉ken wahakwáronke tsi thetsisewetákwen ne Kerístos Ié꞉sos ó꞉ni tsi kwáh ratikwé꞉kon ietʼtsinorónhkwa ne Rawenni꞉io rahonkweʼtashónhas.

Colossians 1:6

Noriwahtokénti kwáh tiokontákwen taiohahátie ne kahiataterí꞉tsheras ó꞉ni tehioreniatonháties tsi nonwéhsons ne tsi ionwentsiáte, kwáh tsi nihioié꞉ren ne tsi natesewáhtere neh kwáh sontontsérente wesewáhronke ne Rawenni꞉io rahoténrat tánon wesewahriwaiénterane ne kwáh tsi niiohrihóthen.

1 Timothy 1:11

Ne thóh karihonniennítshera ne kariwí꞉ios nónwe nikatʼtsénrion né꞉ne ionkeniahesáʼon nakerihówahnathe, ne kariwí꞉io tsi nitiawénon raonháke ne rohiatanerákwat ó꞉ni rahohiatanerahkwátshera ne Rawenni꞉io.

1 Timothy 1:4

Sheʼróri nahontiakwarísi nètho okarakáions tánon ne karawistésons ratisennarónʼnion ne kashótʼtsheras, kwáh ne kheʼkhók karihontákwas ne taierihwakénasʼte; iáh né tehioʼiótens ne Rawenni꞉io rahohioténsera, tsi né kaienteresthákwen ne tewetákwen.

1 Timothy 2:7

tánon neh aoríhwa iehionkatheniéton tsi kateriwanótʼtha ó꞉ni kheʼrihonniénni ne iáh tehatisitaerónon, nahkateriwanóten ne tewetákwen ó꞉ni norihwí꞉io. Iáh tekanowéntha; Orihwí꞉io tsi nahóten katróris!

2 Timothy 1:11

Rawenni꞉io ratiatarákwen nakateriwahnótʼthake ó꞉ni nakerihowáhnathe ne karihwí꞉ios,