Ephesians 3:18 - Ohiatonhseratokénti

¹⁸ Nahónton, nahisewakwékonke ne Rawenni꞉io rahonkwetaʼsónha, nahisewasatsʼtenseraiéntake nahisewanikonraiéntaʼne tsi natewatakáron ó꞉ni tsi ní꞉ions tsi nitiótʼte ó꞉ni tsi natehionótes, neh Kerístos rahonhoronkwátsera.

Ephesians 3:18 ပူးပေါင်းရင်းမြစ်များ

2 Chronicles 6:41

Téstat kíʼ ó꞉nen, Saiá꞉ner Ní꞉io, skát꞉ke Naʼterihwasehronhniátshera Onerókwah, né thetewatenienténston ne shashastsʼténsera, iasatáweiat Nononsatokentiʼkówaʼne tánon thóh nón꞉we nasiterónhtat ne꞉ne tsi nénhwe akénhake. Sehiatatérist ne satsihenstatsiókons kwáh tsi nahoténsons tsi nahóntiere, tánon aiáwenhs ne shonkweʼtaʼshón꞉aas ahontsenhnónh꞉ni tsioríhwa tsi nitisarihwaiéri ne rononháke.

Psalms 103:17

Ók kíʼ ne iorihwaʼtóken raonoronhkwáhtsera ne Roiá꞉ner né꞉nenhné꞉e tsi nénhwe enkénhake thóh nón꞉we nenhkaiénhthake né꞉ne tsi nihiákon ne ronhwarihwakweʼniénstha, tánon ne raorihwaʼkwarihshón꞉tshera kwáh kíʼ enkátake tsi waʼhatinekwenhsátatse ne ratiksaʼokónhas,

Psalms 116:15

Né Roiá꞉ner ratkáthos kanikonhratsénhtshera nenhonhníheʼie ne rotirihwaʼtóken rahonkwetaʼshón꞉has.

Psalms 132:9

Ne shatsihenstaʼtsiókons ne rothiʼhiathontakwénhak ne kariwaʼkwahrihshióntsera, tánon ne shonkwetaʼshón꞉has ne rotirihwaʼtó꞉ken tehotihénret naʼtsenhnonhniátshera.

Psalms 139:6

Nètho atʼthokhátshera shó꞉tsi iorihwanerákwat nakeriwáke; sóhtsi tiótʼte iáh tatʼkwéni nakatsénawasʼte.

Psalms 145:10

Ratikwékon ne shehiatísons thenhiesanonhweráton, O Saiá꞉ner, tánon ratikwékon ne rotirihwatókens thenhiesanonhweráton.

Isaiah 55:9

Asèken né tsi karonhiáte sénha né éʼneken iotohetsthákwen tsi ní꞉ioht ne tsi ionwenhtsáte, ká꞉ti nakeweʼiénhnas sénha né éhʼneken iotohetsthákwen tsi ní꞉ioht ní꞉se saweiénhnas tánon nakanonthonhnióntsheras tsi ní꞉ioht ní꞉se sanonthonhnióntsheras.

Zechariah 14:5

Tsi ensheniá꞉kenhne iatensoʼhéste kí꞉ken ahonráhkwakon né꞉ne tékeni tsi ní꞉ioht tsi tehiotó꞉ren tsi iohnonhtáhere. Enshá꞉teko tsi nihotihié꞉ren ne sehsothonkonhkén꞉en nó꞉nen satsahontsí꞉sonkwe né꞉ne Uzziah shihononhtí꞉io ne Judah. Ne Roiá꞉ner á꞉ke Ní꞉io kwáh éntʼre, rathikwé꞉kon ne ratironhiakeró꞉nonhs enteshakohiaʼténhawe.

John 15:13

Iah onka senha ihsinonka teionoronkȣatseraien tsiniiore nasakoteȣentetase tsi ronnhe ne rontenroson.

Romans 10:3

Nonkwesónha Iáh tehatiʼientériʼne nahóten ne Rawenni꞉io rahoriwakwarishióntsera nahonsahotiriwakwaʼtákwaʼse tsi natehóntere ne Rawenni꞉io, tánon kek neh wahonteniénten neh ronhnónha tsi nihatiweienʼnhóten neh áhonste, iáh tehothiʼienáon ne Rawenni꞉io rahoteweiénʼna nahonsahotiriwakwaʼtákwaʼse tsi natehóntere ne Rawenni꞉io.

2 Corinthians 13:13

Ne raotén꞉rat ne Roiá꞉ner Ié꞉sos Kerístos, raonoronhkhwáhtshera ne Rawenni꞉io, ó꞉ni ne raotiohkwatokénhti ne Roʼnikonhriióston ratikwé꞉kon aiesewakwekónhake.

Galatians 2:20

Nakonhatsíwa iáh ónen teskónnhe, nók Kerístos akonháke non nisrónnhe. Kí꞉ken atónnhets nónwa tsi konnhétie, tsi konnhétie ne tsi thiʼietákwen ne Rawenni꞉io Roiénha, tsi nikáien ne rakenoronkwáʼon tánon rotʼkáwen ne tsi rónnhe nakeriwáke.

Galatians 3:13

Nók tsi wetewatʼrewáthakwe Kerístos sahshonkwahiatáko tsi niʼiakorewátha tsi nitkáhas ne kaianerénsera. Nónen ne kaiasáke sahonwahiatiháren, rahónha wahtathatékwase ne karewathátsera tsi naʼtehionkwaterientawénrie. Asèken noriwatokénti wáton, “Nónka neh iakohiaténton ne karontáke neh tsi Rawenni꞉io sakorewáthon.”

Ephesians 1:10

Tsi nihotenikonríson, ne Rawení꞉io ienwatewehieiéntaʼne ne nónen kwáh entkaiérike neh naiáwen꞉ne, nehne oriwakwekon ensaróhʼroke tsi naotenson rosahanion, oriwakwekon ne karonhiáke ó꞉ni nonwentsiáke, tánon Kerístos nonóntsi íken.

Ephesians 1:15

Neh kíʼ aoríwa, tsi náhe tewakarónken tsi thetsisewethákwen ne Roiá꞉ner Ié꞉sos tánon tsi kwáh rathikwékon ietʼtsinorónkwa ne Rawenni꞉io rahonkwetaʼsónha,

Ephesians 3:19

Oriwí꞉io, tsi enwáton nahisateriéntaraʼne ne rahonhoronkwátsera—iahwerohátsien tsi kwáh iáh nonwénton thakananónhake niaʼiáwene꞉ne—neh káti kwáh iaʼtekaiérik tsi satʼtháwa ne Rawenni꞉io rahonhoronkwátsera.

Colossians 1:4

Asè꞉ken wahakwáronke tsi thetsisewetákwen ne Kerístos Ié꞉sos ó꞉ni tsi kwáh ratikwé꞉kon ietʼtsinorónhkwa ne Rawenni꞉io rahonkweʼtashónhas.

1 Timothy 3:16

Iáh ónhka taiekwéni nahiontonníhen tsi nikowáhnen kariwahséhton nonkwariwiʼiosthóntsera: Tsi wahathotáshi ónhkwe íken, kwáh tkariwahiéri tsi ronwenéston rahonháke ne Ní꞉io, tánon ronwáhken ne ratironhiakerónons. Ronwahteriwahnóthe tsi nòkwa ne kentiókwas, kwáh ohontsiakwékon thonwetákwen, tánon karonhiáke niesonwahiaténha.

Revelation 3:21

Né꞉ne tsi niká꞉ien nenhatesén꞉ni enhinákton skátne ní꞉i enhiatiá꞉tsen nakanitskwá꞉rane. Kwáh tsi ní꞉iot ní꞉i tsi wakatesén꞉nion tánon wakaʼtsien ne Rakeʼní꞉ha raonitskwáhrá꞉ne.