Ephesians 3:16 - Ohiatonhseratokénti

¹⁶ Rawenniʼióke nón niwakaterénʼnaien neh tsioríhwa tsi nitʼkowánen ne rahohiataterítsera ne karonhiáke nahontatsítion ó꞉ni sewatʼtháwa ne kasatsʼténsera Asèken rahónha ne Rawenni꞉io theʼtsisewáwis ne kasatsʼténsera ne sewahnikonrakéʼsons.

Ephesians 3:16 ပူးပေါင်းရင်းမြစ်များ

Job Tánon ne Raoronhiakensera 23:6

Kwáh onhthéken áhratste ne raoshatstenhserakwé꞉kon tsi nataiakenihrihwaké꞉na? Iáh; orihwiiohón꞉we tsi kwáh enhakatahónshatate.

Psalms 138:3

Né tewenhniserátekwe shiakonhnáton, wateskerihwasehrákwahse, sénha sahshesasthénseron nakatónnhets.

Psalms 28:8

Né Roiá꞉ner rahónha ne kashaststénhsera í꞉ken tsi nòkwah ne rahonkwetaʼshón꞉ha; thó꞉nes tánon roʼnónstats ne roʼhiataráhkwen ronhnontí꞉io.

Isaiah 41:10

tó꞉sa sáteron, asèken í꞉i tenikwé꞉kon, tó꞉sa sáteron, asèken í꞉i ne Saní꞉io í꞉ken; Kwáh kí enkonsasténhseron, kwáh kí enkoniénawaʼse, Kwáh kí enkonhiatenháwa né watesenhniétha ne tsi keweientetákwen.

Jeremiah 31:33

Ne áse aterihwahseronniátshera nenhkónni skátke nonhkweshón꞉a ne Israelronónke nónhwe tsi néntewe nenníseras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon roʼnónha nakonhkwetahshón꞉a enkénhake.

Zechariah 10:12

Kwáh enkhéhion nahkonhkweʼtashón꞉ʼa nahathishátsteke; kwáh enhiontsén꞉nahien ó꞉ni enhionkewenhnaráhkwake.” Ne Roiá꞉ner rothatí꞉hon.

Matthew 6:13

Nok tosa aionkȣasenni ne kariȣaneron; ehren tanon takȣariȣakȣiten ne iotaksens, aseken ise ne tsiniienhenȣe ensenakereke, kasastensera oni Kanentonsera iah takariȣentane. Amen!

Romans 2:29

Neh꞉ne kwáh tokén꞉en ronwahwarakwétaron, tsi niʼiáwens, ne kwáh Sitaeró꞉non neh꞉ne kwáh raweriá꞉ne íken, neh kíʼ tsi kwáh raweriáne thoʼtákwen tsi ronwahwarakwétaron, neh꞉ne Rawenni꞉io Rahonikónra thóh nihióson, nók iáh tsi nahóten ne kahiatónʼnion neh kaianerenserákons. Kíʼ rónkwe raiénas ne rahorensaróntsera neh꞉ne Rawenní꞉ioke néntewe, iáh nonkwé꞉ne.

Romans 7:22

Nakweriáne kwáh wahtsiennonʼniathákwa tsi nitkáhas neh Rawenni꞉io rahohianerénsera.

Romans 9:23

Tánon ó꞉ni reraʼkwe narotási tsi niʼiókwas ne rahohiatanerakwátsera, ostónha thesonkwáwi kíʼ kahiatanerakwátsera tsi nísonkwe nesténʼni ne kenténrat.

1 Corinthians 16:13

Sewahtatennikonráhren, sewahriwahnirónhak tsi nónwah ne tewetákwen, sewahnikonrahtianitónhak, sewahshát꞉tet.

2 Corinthians 12:9

Nok tontaharihwaserá꞉ko, “Thok ní꞉kon tesatonhontsó꞉ni ahshá꞉wake ne nakitén꞉rat. Tho nikahá꞉wi akkweniáhtshera kwáh ísi nón꞉we nikáhsatste nó꞉nen ní꞉se iáh tesonhnháhsatste.” Tóka káti ne Kerístos tiókonte tahakwawihátie ne raokweniáhtshera, kwáh akwatshennonniahtsherá꞉kon tsi akatahthá꞉rahkwe tsi niwaktsí꞉ioha.

2 Corinthians 4:16

Iáh nowén꞉ton teionkwaʼnikonhróktaʼon. Kwáh skenenʼahshón꞉ʼa ne tewaieròn꞉ke tsi iawenheionhátie, nok kiʼ ne ontionhaʼkéshon kwáh nen né꞉ʼe niaʼtewenhniserá꞉ke tsi iohsatstenhátie.

Ephesians 1:18

Kwahnekènʼnis sewanonthonkwenháton ne sewanikonrakésons nahisewatkátho ne rahoswatʼthétsera, nahisewateriéntaraʼne nahóten nen꞉ne neh tewetákwen tsi ietsisewanáton, thóh nihiókwas ne kahiatanerakwátsera kahiataterítseras sakorahrasténʼnis ne rahonkwetaʼsónha,

Ephesians 1:7

Neh꞉ne rahonekwénsa ne Kerístos tsi nihoronhiakénton tsi rahwenhéion ne Kerístos tionkwatatewenʼnihióʼon, ne ken ton skanikonrénhen nonkwariwaneraháktsera. Tsi nikowánen ne Rawenni꞉io rahoténrat,

Ephesians 2:7

Neh aoríwa thonihoiéren ne Rawení꞉io ne naréneste kwáh tiókonte ohiatʼtíʼio tsi nikowánen ne rahoténrat, kanoronkwatserákon nónwe nihsonkwenestʼtén꞉ni rahonháke ne Kerístos Ié꞉sos.

Ephesians 3:15

Kaníhsera nonʼnitewétha kwáh tsi niaʼtekawatsiráke ne karonhiáke ó꞉ni nonwentsiáke tesakówis nahiakónʼnheke.

Ephesians 3:8

Í꞉i tshiahonhá꞉a kén nitká꞉a tsi niháti ne Rawenni꞉io rahonkwetaʼsónha; tánon kíʼ Rawenni꞉io takáwi kí꞉ken kakweniensthátsera nehne hiakehawítase neh iáh tehathisitaerónons ne kariwí꞉ios tsi niwatʼrhoriátha iáh tsehiótokʼte ne Kerístos rahohiathanerakwátsera,

Ephesians 6:10

Iakáhewe, sewatesatsʼtenserónni tsi tesewateriwasóntere ne Roiá꞉ner tánon tsi nikéntons tsi nihosastenserowánen.

Philippians 4:13

Kwá tsík nakahiotenseróten enkʼkwéni nahontióten tioríwa tsi Kerístos rahkesastenseráwis.

Philippians 4:19

Nakatherénnaient neh Rawenni꞉io ahontháhion akwékon tsi natesathonwentió꞉ni neh akenikwékon ne kahiatanerakwátshera ne Kerístos Ié꞉sos tatʼkáwas.

Colossians 1:11

Neh ahisasasténseron tsi thóh nón꞉we akwé꞉kon nitewétha tsi nihionerákwat ne rahosasténsera, ne káti nahiotón꞉on oriwahkwé꞉kon asatakástathe tsi naisanikonrihioʼke. Tánon tetienonwerá꞉ton ne Kaʼní꞉sera, tsi raónha iaweiennentá꞉on nasatiatáren tsi nahó꞉ten ne Rawenni꞉io sakonónstati ne rahonkweʼtashón꞉a tsi tkanakerahserá꞉ien ne tsi tetioswátʼte.

Colossians 1:27

Tsi nihotenikonrónni ne Rawenni꞉io né꞉ne asakoronkáten ne rahonkweʼtashónha tsi nihoriwahshéton, kí꞉ken kakwákston ó꞉ni ioriwahnerákwak kariwahshéton neh nonkweʼtakwé꞉kon akoriwáke. Tánon ne kariwahshéton né꞉tho Kerístos tsi senikwé꞉kon, ne kéntons tsi ensatiatáren thóh rahohiatanerakwatserá꞉kon ne Ní꞉io.

Colossians 2:2

Ne ki aorì꞉wah tóh nitié꞉ra né꞉ne ahatiiatana꞉ne naotinikonrhaní꞉ra tánon ahonnitiokwaró꞉roke tóh kanoronkwatsherá꞉kon, tánon kwáh ahkanánon ahiokwastónhake ne kwáh orihwí꞉io tsi nitkáhas ne orihwí꞉io kanikonrahienthátshera. Ne ki thóh ní꞉ioht tsi enhonaterientá꞉rane tsi nihoriwahshéton ne Rawenni꞉io, né꞉ne Kerístos.

2 Timothy 4:17

Nók ne Roiá꞉ner wahakarískothe ó꞉ni tahákon ne kasatsʼténsera, neh natkwéni akerihówahnahthe nakananónhake nateriwahnothátsera ratikwékon ne iáh tehatisitaerónons nahónronke; tánon sakeniákenʼne nahionkeriwénton nahonkihéion.

Hebrews 11:34

wahónsʼwathe ne kentiohowáhnens, shahatiniákenne nasarekówah ahonahwén꞉ton. Rohtitsiʼióhakwe, nok wahatishátsʼtenne; rahtishátsʼthekwe ne tsi wahtirí꞉io ó꞉ni wahshakotisénni ne ronwahtishónskwe ne kenkʼthitoné꞉non.

1 Tiér 3:4

Kék khók, ne sonkwetihiótsera neh akénhake tsi kwáh nisonkwetóten, ne iáh tatewathatáwis hiontʼkatotserí꞉io ne tiakoriwaiéri saktíken tsi iakónnhe, neh nahonhá꞉a tkanóron ó꞉ni tkhoʼwánen ne rahohénton ne Rawenni꞉io.