Ephesians 3:1 - Ohiatonhseratokénti

¹ Neh kí꞉ken iorihonníʼon í꞉i, Kór, kenhóton neh tsi Ié꞉sos Kerístos rihiótense níse sewariwáke ne iáh tesewasitaherónons, sewaterénʼnaien rahonháke ne Rawení꞉io.

Ephesians 3:1 ပူးပေါင်းရင်းမြစ်များ

Luke 21:12

Iatekariȣakonte ki tanon tsi iatenhonnisnonsaren ne seȣaiatake, enhietsikenrenseronni, enhietsiiasarinesson tsi ionterennaientakȣa, oni enhietsinnhoton; nok enhietsiiatenhaȣison rahotihenton ne rotinontiiosson, nii aksennakon.

Acts 21:33

Ne raterihioserakweʼní꞉io Kór tsítres niaháre, Wahoiéna, tánon wahahónnien tekaronkwáʼsake tahonwanenstérenke. Ehʼthóhʼne wahariwanónton, “Ónhka kí꞉ken rónkwe, tánon onhʼóni niʼohtsiéren?”

Acts 23:18

Ne karíton iahohiaténhawe, tsítres ne ratiokwakweʼní꞉io, tánon wahénron, “Ne ranóton Kór iahakínonke tánon wahakeriwanóntonse nahontahihiaténhawe kí꞉ken nithohiónha ne sonháke, tsioríhwa tsi knahótenk róien nahiaróri.”

Acts 26:29

“Tóhka kenk nikaríwes tóhka ó꞉ni karíhwes,” Kór waʼtarihwaseráko, “Rihiaterennaʼiénnis ne Rawenni꞉io níse tánon ne ronátiakes neh ionkatahónsate nónwa wenniseráte thóh nahonʼnonkwethótenne tsi ni꞉i ní꞉ioht—nekʼkhók kíʼ ne tóhsa tahathinenstéren noronkwása!”

Acts 9:15

Ne Roiá꞉ner wahawénhase, “Wáhs, tsioríhwa riʼhiatarákwen nahatiótense, nahakʼsennówanaʼte tsi nòkwa ne iáh tehatiʼsitaeʼrónons ó꞉ni ne Rontinontiʼiósons tánon ó꞉ni nonkwesónhas thóh nónwe ne Israeronónke.

2 Corinthians 1:6

Ionkwaronhiá꞉ken tsi niiakwaská꞉neks ní꞉se ne aiesewaʼnikonhrén꞉taʼne, ó꞉ni ne aiesewaʼniá꞉kenʼne. Tsi ní꞉ʼi niionkhiʼnikonhraieʼwén꞉thos, í꞉se ó꞉ni tho ní꞉ioht tsi aiesewaʼnikonhriió꞉hake, tsi kwáh skén꞉nen tsi aiesewahkátsteke tsi ní꞉ʼi ní꞉ioht ne onkwatiaʼkéhshon.

2 Corinthians 10:1

Káton ken íhsehre wakátshen nó꞉nen skátne í꞉tewes nok kwáh wakeʼnikonhráhsatste nó꞉nen í꞉non niió꞉re ítkes? Ánio kiʼ satahónhsatat, nek í꞉ʼi ó꞉ni tho niwatianerenserí꞉io, ó꞉ni keriasí꞉io tsi ní꞉ioht ne Kerístos.

2 Corinthians 11:23

Kerístos kenʼ ronwaió꞉tenhse? Tho ní꞉ioht tsi wákthare tsi ní꞉ioht ne thotónhnhoʼkte. Nok sénha í꞉ʼi kehnahtsherí꞉io tsi ní꞉ioht ne ronnónha! Sénha í꞉ʼi é꞉so watióʼtenʼen, sénha í꞉ʼi é꞉so wakatehnhó꞉ton tsi ní꞉ioht ne ronnónha, sénha í꞉ʼi é꞉so ionkenónhware, é꞉so iorì꞉wake seré꞉ka aonkihé꞉ion.

Galatians 5:11

Nók kíʼ ní꞉i, tewatenrosónhas, tóhkaʼ sékon ne ahonkateriwaʼnotatiéseke tsi kwa tehiotonwentióʼon naʼiesawarakwétaron—tsi nihónton nákorensons tsi sekon ne niwakateriwanote—káti nontiéren ne Sitaeró꞉nons ahiontʼkaréwate? Tsi kwáh oriwí꞉io tsi séhkon nihiontʼkarewátha ne kariwanírats tsi séhkon ne kateriwanótʼtha ne kaiatakenhátsera thóh kaiasáke ne Kerístos iatehahiáti.

Galatians 5:2

Sewatahónsatat! Í꞉i, Kór kwaróris tóhkaʼ ensewathóntate ne aientʼtsiwarakwétaron, neh kéntons nètho Kerístos tsi kwáh iáh thènen tehástha ne sewariwáke.

Galatians 5:24

Tánon tsi niʼiákon ne Kerístos Ié꞉sos rahonkwéta íken konwárhio akwékon nakoronhiakénseras ó꞉ni nakoskanéktseras.

Ephesians 3:11

Tsi naháiere ne Rawenni꞉io neh tahioianénhawe tsi ní꞉ioht tsi thoʼtenikonrónni ne kwáh tsi tiotásawen, neh káti iahaweienéntaste rahonháke ne Kerístos Ié꞉sos Sonwaiánere

Ephesians 3:13

Kwaʼnekènnis, káti, tóhsa tasewanikónren ne tsi í꞉se sewariwáke tsi wakeronhiáken; asèken í꞉se ensewatʼtsennónniate.

Ephesians 3:8

Í꞉i tshiahonhá꞉a kén nitká꞉a tsi niháti ne Rawenni꞉io rahonkwetaʼsónha; tánon kíʼ Rawenni꞉io takáwi kí꞉ken kakweniensthátsera nehne hiakehawítase neh iáh tehathisitaerónons ne kariwí꞉ios tsi niwatʼrhoriátha iáh tsehiótokʼte ne Kerístos rahohiathanerakwátsera,

Ephesians 4:1

Kwaretsárons, káti—í꞉i ne keʼnhóton neh tsi Roiá꞉ner rihiótense: thóh tiónʼnhek tsi nateiotonhontióʼon tsi nithotáthnon ne Rawenni꞉io neh shatsisewánha꞉ne.

Ephesians 6:20

Neh kíʼ aorihónniat neh kariwí꞉ios í꞉i rihiathátiase ne Ié꞉sos Kerístos, iahwerohátsien tsi ónen keʼnhóton. Sewaterénʼnaien nehne ahonkenikonratʼtianíthon tsi akathátsiase ne kariwí꞉ios tsi niwakateriwaiénʼni.

Philippians 1:7

Sá꞉ien ne ionakʼtató꞉ken nakwerhiá꞉ne. Kwáh káti saohiérat tsi eh ní꞉ioht tsi katʼtókas. Kwáh káti sewakwé꞉kon sewastsnié꞉non tsi nikaiohtenseróten ne Rawenni꞉io thakáwi, tsi ní꞉iott tsi enkaterí꞉ioseh ne karihwí꞉ios tsi ne entʼthárakwe kén nónwe kíʼ ionthatenotónkwa.

Colossians 1:24

Onk ó꞉nen sewahkatʼtsennón꞉ni neh tsi nikwaroniá꞉kense, Asè꞉ken ne kéntons tsi niwakeroniáken ne tierónhke kastsnié꞉nons tsi nahóten sehkon iotaténron ne iakáshon tsi nihoronhiakén꞉on tsi nokwáh ne Kerístos raierónke, né꞉ne ononsatokénti.

Colossians 4:18

Kwáh I꞉i Kór katiá꞉nake wahkátste tsi watʼkhá꞉ton kí꞉ken. Tóhsa saʼnikónren nakeronkwáh꞉sa! Aiá꞉wens ne Rawenni꞉io raoténrat aisenikwekónhake.

Colossians 4:3

Ne ikénet takwaterennaiénhas nonkwatià꞉kes, ne káti ne Rawenni꞉io nahontashóntion nahionkwatesenní꞉ioháke naitewahteriwahnó꞉ten ne rahoterihwatothátshera tsi nitkarihwahsehtón꞉ne tsi nokwáh ne Kerístos. Asè꞉ken ne aorì꞉wa nón꞉wa ó꞉nen kehnó꞉ton.

2 Timothy 1:16

Aiáwens ne Roiá꞉ner arénesthe ne nataniténron tsi nòkwa ne Onesiphorus raotiwáhtsire, tioríwah wéso iorihwáhke sakenikonraniráton. Iáh tehothehén꞉en tsi kenóh꞉ton,

2 Timothy 1:8

Tóhsa satehénsek, káti, natierihwanirátʼtie ne Sonkwaiáner; tóhsa ó꞉ni takathéʼhens, kenóton ne Kerístos rahorihónniat. Khék, sahtiataren ne karonhiakenserakon ne karihwi꞉io ahorihwahke, tsi nentʼthion ne Rawenni꞉io ne kasastensera.

Philemon 1:1

Kór nón꞉we nitiawé꞉non, rahʼnhó꞉ton né꞉ne Kerístos Ié꞉sos rahorihónniat, tánon ó꞉ni ne onkwahtathekénʼhat Timothy nónhne non nitiawé꞉non— Nonʼkwáhtenróh ó꞉ni ne skatʼke ionkwahiòthe Philemon,

Philemon 1:23

Ne Epaphras, ne skatʼke iakeniʼnhóton ne Kerístos Ié꞉sos raorihónniat, thetsishewahnonwehrá꞉tons,

Philemon 1:9

Onk ne tsi konhnonhrónhkwa, kek wahkonrihwahnón꞉tonhse. Thóh kiʼ náhtiereh iawehrohátien tsi I꞉i ne Kór, riʼhiatatiáshe ne Kerístos Ié꞉sos, kehʼnhó꞉ton né꞉ne Ié꞉sos rahorihónniat.

Revelation 2:10

Tó꞉sa shá꞉teron tsi nahoʼténhsons aseronhiáken. Thasatatehnikón꞉raren, ne ranikonraʼsen skanó꞉rons iatsisewahiatónhti tohkára nítion tsi ionthatenotónhkwah ne káti ní꞉se naietsiiateʼniénten, tánon oié꞉ri nón꞉ta ní꞉se kwáh tensewaterientakári. Ók sewariwatokénhak tsi nió꞉re kenhé꞉iatne, tánon í꞉i entkwáhion ne oronhónkwa ne iónhne.