Ephesians 2:5 - Ohiatonhseratokénti

⁵ shé꞉kon kíʼ nonʼné꞉e nó꞉nen karihwanerahaktsherákon nónwe naionkwenhéionke, thonʼtashónʼtion nahtónnhets nó꞉nen sonshahokétsko ne Kerístos ne kenheiátʼne. Kwáh nek khók wahkarihónni tsi Rawenni꞉io thóh nontahanónwehne nahonshahianiákenthe.

Ephesians 2:5 ပူးပေါင်းရင်းမြစ်များ

Luke 15:24

Aseken kehiken riienha raȣenheionne, onen shotonnhetonhatie, rotiatatonhonne nok onen saraȣe. Nok tahontasaȣen ȣahontonnharen nok ȣahontekhonni.

John 5:21

Tsi ki niiot, tsi sesakaonnhests ne Roniha ne iakaȣenheion, eh ki oni neneh niiot ne Roienha ok tenhanonton onka onsesakaonnhete.

John 6:63

Kanikonra se iakaonnhests nok noȣaronk iah neneh othenon tekastak: kehiken nikaȣennoten kȣaroris neh nakȣa aoskon kanikonra oni ionnhe.

Acts 15:11

Iáh! Tionkwetákwen ó꞉ni neh tsionkwaniakénton ne rahoténrat ne Roia꞉ner Ié꞉sos, kwáh tsi ní꞉ioht ne ronnónha.”

Romans 16:20

Tanon Rawenni꞉io, neh nonkwaiatakweniʼióhtsera ne skénnen, kwáh iostóre tenhoskwaserónkwaʼte ne ranesonrónon ne sewasitókon. Ne rahoténrat ne Sonkwaianer Ié꞉sos sewakweʼkónhak.

Romans 3:24

Nók kíʼ tsi kwáh iáh othènen tehiokáraien ne Rawenni꞉io rahoténrat, kwáh okwetakwékon tsi tiakoteriwaseronniénʼni tsi natehóntere ne raónha, thoʼnihóson rahonháke ne Kerístos Ié꞉sos, tsi nikáien sesakonerénsions.

Romans 4:16

Ne karharaston neh tkanonhʼkonniáton ne tewethákwen, nehkáti, tsi kahʼkwatákwen nètho kahrharáston ónenk tsi neh ahkariwaniráton ne Rawenni꞉io kwáh iáh non꞉ne thènen tasakokaraiénhase neh Abraham tsi nienhatwatsirí꞉ne iáh rhonónhak khók ó꞉ni takénhake nenhontewénrarhakwe ne kaianerénsera, nók kíʼ tsi niháti neh enthonʼnétakwe tsi kíʼ nihoiéren neh Abraham. Asèken Abraham ne kariwihiostóntsera kanísera rothónʼon nonkwatiakhéson;

Romans 5:10

Tsi tewásonskwe ne Rawenni꞉io, nók washontiónʼnien ne raónha nonkwatéro ahitewáton thoʼnahontáwe ne tsi raweheión꞉ne ne Roiénha. Nónwa neh tsi ónen Rawenni꞉io onkwaténro ionkwatónʼon, tohsékon níkon entionkinónstate ne Kerístos rahothónʼnhets akarihón꞉ni!

Romans 5:6

Neh꞉ne sékon iáh sitewasátsʼte, Kerístos wasakawenhé꞉iaʼse ne iakoriwáneren shakáhewe tsi nihorákwen ne Rawenni꞉io.

Romans 5:8

Nók Rawenni꞉io rawenéston tsi nishonkwanorónkwa—kwáh sékon sihionkwariwáneren neh Kerístos shasonkwenʼhéiaʼse!

Romans 8:2

Asèken nahoianerénsera nonikónra, neh iontiónnhets tsi teionkwateriwahsóntere neh Kerístos Ié꞉sos, shatsiatotaríshon tsi nòkwa ne ahoianerénsera ne kariwáneren tánon ne kenhéion.

Ephesians 2:1

Tsi nithisènon kwáh tsi shíken ní꞉ioht nahisenhéion tioríwa tsi iáh tesatewenʼnarákwakwe tánon waseriwánerake.

Ephesians 2:8

Asèken nehne Rawenni꞉io rahoténrat tsi saniakénton teiahonkóthon ne tewetákwen. Iáh neh tehiorihonʼníʼon tsi nahisahiotén꞉en, nók ne tsi Rawení꞉io sakówis, neh káti ne tóhsa ónka ahiontatóharakwe.

Ephesians 5:14

Tsi nahóten neh kwáh íken tsi karihothásion thóʼnek enwáton ne tahioswátʼthene. Tehioswátʼte seh ne kwáh oriwakwékon tshewenéstʼtha. Neh aoríwa tsi nihónen, “Sewáhie, tahrótaros, tánon thontahsewatʼkétsko ne kenheiátʼne, tánon Kerístos tentsiʼsewaswatʼthéten.”

Colossians 2:13

Ieioterátston kwáh senheiónhne ne tsi nihsariwahné꞉ren tánon ne aorì꞉wah ne tsi iáh tesitaeró꞉non iáh ó꞉ni tesahianerenseraiéntakwe. Onk ó꞉nen sahiónnhete ne Rawenni꞉io skátke ne Kerístos. Rawenni꞉io akwé꞉kon shohnikonrén꞉en nonkwáh riwahneraháktsheras;

Titus 2:11

Asèhken ne Rawenni꞉io rahwenéston ne rahoténrat né꞉ne aʼkoiatakehnhátshera nonkwetakwékon.

Titus 3:5

shashonkwaniákenthe. Iáh ne tehioríwahke ne thènen ne kahiotenserí꞉io ahionkwahiotén꞉en, nók ne aoríwahke, raonháke ne Ronikonrahtokénti, tsi raónha teshonkwáwis náse ahonsetewahnákerate ó꞉ni nonkwahtónnhets enshanóhare.

Revelation 22:21

Ne raoténrat ne Roiá꞉ner Ié꞉sos tsi kwáh ratikwekónhak ratikwé꞉kon ne rotiiatatokéntis. Eʼthó niiá꞉wenh.