Ephesians 2:11 - Ohiatonhseratokénti

¹¹ Í꞉se ne iáh tesewasitaeʼró꞉nons tesewathó꞉ten tsi sewanakeráton—tsi niháti né ronwatiwaʼrakwétaron né nahonhnéneste tsi Rawenni꞉io rahonkwetashón꞉ʼa í꞉ken ní꞉se né ietsinatónkwah iáh tetsisewaientéri ne Rawenni꞉io—seweʼhiá꞉re tsi nisewaʼhiathó꞉tenʼne tsi nitsawé꞉non.

Ephesians 2:11 ပူးပေါင်းရင်းမြစ်များ

Ezekiel 20:43

Ethòne kwáh ensewahteriéntarahne akwékon ne ioteriwahtehashónhas tsi nisehwahtieráhnion tánon tsi ní꞉ioht tsi watesehwathatsiatátsionste. Kwáh ensehwatéhen tioríhwa tsi nihioriwáke ne kariwáksen sehwahioténhen.

Ezekiel 36:31

Kwáh ensehiárahke tsi nikariwáksen tsi nishatieráhnion tánon tsi nateshaterientaweréhaton, tánon kwáh ensonhnáksathe ne enhkarihónhni tsi sariwáhneren ó꞉ni ne sarihwanerahákʼtsheras.

Matthew 20:7

Tontahonniron iah ki onka teionkhinnhas. Tontahenron ȣaseȣe oni nise tsi teȣakatenenharhare seȣaiotensera nok enseȣatkariakse tsi satekena.

Romans 11:17

Ne karontaienthóserons ne ioteiéna káhik iotenhatoskárons, tánon neh karakónha ne ioteiéna karónta neh iaʼtekaiéston. Níse ne iáh tesewariwiʼióstons ne tesisehwatiérens neh karakónha ioteiéna karónta, tánon nónwa ónen neh sewatsthonhátse ne kasátsʼte tsi nihotirihóten ne Sitaeró꞉nons rahotiriwiʼiosthóntsera.

Romans 2:26

Tóhka꞉a ne iáh tehoriwiʼióston, neh iáh tehonwahwarakwétaron, ratewenʼnarákwa tsi nihiótsiate ne kaianerénsera, iáh ontèken ne Rawenni꞉io thoʼtéhiot tsi ahokenʼénion tsi síken ní꞉ioht nahotewarakwétaron?

Romans 2:27

Éhʼtho káti í꞉se ne sewasitaerónons neh꞉ne iáh tehotiriwiʼióston enietʼtsiríwente, neh tsi tesewaiákon ne kaianerénsera, iáh werohátien tsi kwáh sewahiatónnion ó꞉ni sewatatewarakwétaron, tsi náhe ronatewenʼnarákwe ne kaianerénsera, iáh werohátien tsi kwáh iáh tehonatatewarakwétaron.

1 Corinthians 12:2

Sehwahteriéntare tsi náhe iáh tethisehwetákwenne, iehtsihiatʼtaharahkwáhtakwe wéso nóiah niʼiotónne ne tsi konwahtisénnaienskwe ne iáh tehkónonne kahiatónnis.

1 Corinthians 6:11

Shewáhtiakes tohnisewahweiennótenʼne. Nók kíʼ tsi sehwatonnakanonníʼon tsi nòkwa ne kariwahnerenhatsherákon; tsi sewahriwatokentíston tsi nòkwa ne Rawenni꞉io; tsi shewahteriwaseronniénni raohénton ne Rawenni꞉io né꞉ne Roiá꞉ner Ié꞉sos Kerístos thóh nihóshon tánon ne Raonikónra Nonkwaʼní꞉io. Ne rónkwe roianerasténhni ne iáh thaoniake kehs ensíron nètho rónkwe roianerasténhni ne iáh thaoniake.

Galatians 2:15

Oriwiʼiohónwe, Tewasitaeronons tsi ionkwanakeráton tánon iáh “tehionkwariwánerens tsi ní꞉ioht ne iáh tehatisitaerónons.”

Galatians 6:12

Nonkwesónha ne rontheniéntʼtha nahontaietsiʼianónthonse naihsewatewarakwétaron, ronónha neh tehonatonwentió꞉ni tahontaterénsaronte ne rathiʼiéronke akohénton nónkwe. Thóh kíʼ sáne nihathiʼiérha, neh tsi iáh tehónnere nonkwesónha ahonwathiʼronhiákente nók kíʼ sénhak enhonwathironiákente tóhkaʼ enhonteriwanóten neh Kerístos tsi kaiasáke rawenhéion.

Ephesians 2:2

Neh thóh sontakaháwi neh í꞉tshereskwe ne tsi ionwentsiáte ahoriwahetkénʼtseras; neh wasatewénʼnarakwe ne kanikonrahétken, ne kanikonrákʼsen tsi neh tsakoniarótaron nonkwesónha tsi niháti ne iáh tehonwahwenʼnarákwa ne Rawení꞉io.

Ephesians 5:8

Í꞉se ó꞉ni tionháke tethisewakáraskwe, nók tsi náhe Roiá꞉ner rahonkwétha sewatónʼon, kaswatʼthetserákon nónwe nísewes. Kwáh káti sewateriwaiénʼni thóh nahitionʼnoténhake nahisewéneste tsi tesewaswatʼthéʼon,

Deuteronomy 15:15

Sehwehiárak tsi í꞉se ó꞉ni sewanaskwahkén꞉ne ne Egypt nón꞉we tánon ki ne Roiá꞉ner sewaNí꞉io sehtsisewahiatotaríshion; ne káti aorì꞉wa nón꞉wa tkwá꞉wis kí꞉ken kariwatà꞉tshera.

Deuteronomy 16:12

Kwáh ioriwihióhak tsi sewatewénhnarak kí꞉ken kariwatà꞉tsheras; tó꞉sa sewaʼnikónhren tsi sewanáskwa kén꞉en ne Egypt nón꞉we.

Deuteronomy 5:15

Sewehiárak tsi sewanáskwa kenʼne ne Egypt nónhwe, tánon Í꞉i ne Watiá꞉ner sewaNí꞉io, shakwahniá꞉kente ne wá꞉katste nakeshatstenserowaná꞉tshera ó꞉ni kaʼshatsténshera. Ne ki tiorí꞉wa tsi kwahró꞉ris iahisewehiá꞉rake ne tsatákhaton nónhta.

Deuteronomy 8:2

Sewehiárak tsi ní꞉ioht ne Roiá꞉ner sewaNí꞉io tsi waʼtsisewahéntenhse ne kí꞉ken iohá꞉hes ne iathitsótkaʼwe ne iahonwentsathèn꞉ke ki ne kaié꞉ri niwáhsen nihioserá꞉ke iotohétston, iatsisewateniéhten nahisewariʼwanorónhsten ne natsisewateʼniénte, ne nahónton nahoterienʼtarà꞉ne onhnahisewátiere tánon kaʼshí꞉ken ensewatewén꞉naraʼkwe kén ne rahoriwatà꞉tsheras.

Deuteronomy 9:7

“Tó꞉sa nonhwén꞉ton sasewaʼnikónhren tsi nió꞉re tsi watsisewanaʼkón꞉ni ne Roiá꞉ner ne iahontsathèn꞉ke nónhwe. Ne kwáh sonthontenhniseratié꞉renhte nʼé:ren tontésewehte ne Egypt tsi nió꞉re ne kén꞉en weséhwawe, iáh tesewathontà꞉ton natsisewawenhnaráhkwen.

Philippians 3:3

Nók í꞉i nonkwatsiáke neh ne kwá oriwiʼiohónwe tsi ionkiwharakwétaron, tsioʼríwa tsi ne thewasenʼnaientákwa thóh raosatsténsera ne Rawenni꞉io Rahonikónra tánon tsitewakweniénstha ne Kerístos Ié꞉sos. Iáh ne theionkwatharakwenháties ónh naionkwatséren.

Colossians 1:21

Iehioteratston ainon nió꞉re tisewéskwe rahonháke ne Rawenni꞉io tánon tesewahtatʼtiónskwe tiorì꞉wah tsi nikariwáksens tsi nisewahtiéren ó꞉ni tsi nisewahnonthonnión꞉on.

Colossians 2:11

Tsi tetiateriwahsóntere ne Kerístos iesawahrakwè꞉taron, iáh ónhkwe teiesawahrakwetá꞉ron, onk Kerístos iawahrakwè꞉taron, neh iehiokwékʼton tsi tsisatatewenniió꞉on tsi nokwáh ne kaʼsatsténhsera ne sariwahnerahatʼténni.

Colossians 2:13

Ieioterátston kwáh senheiónhne ne tsi nihsariwahné꞉ren tánon ne aorì꞉wah ne tsi iáh tesitaeró꞉non iáh ó꞉ni tesahianerenseraiéntakwe. Onk ó꞉nen sahiónnhete ne Rawenni꞉io skátke ne Kerístos. Rawenni꞉io akwé꞉kon shohnikonrén꞉en nonkwáh riwahneraháktsheras;

Colossians 3:11

Tsi niateionéhnon, iáh ó꞉nen thé꞉nen taʼtestsiatʼthí꞉en tsi naʼtehón꞉tere ne iáh Tehatisitaeró꞉non tánon ne Sitaeró꞉nons, nahonwatiwahrakweráron tánon ne iáh tehonwahtiwarakweráron, tihononhontsá꞉tes, ratirahkonró꞉nons, ratináskwas, tánon ne rontatewenní꞉ios, nok Kerístos seh norihwakwé꞉kon, Kerístos seh tsehahiatakwení꞉io.

1 Samuel 17:26

Ne Táwit wahawénhase ne rón꞉kwe ne raiaták꞉ta rátahkwe, “Ónh nahonwatiérase ne rón꞉kwe nón꞉ka ahononhwarhiákhon kí꞉ken Philistiaró꞉non, tánon éhren ahaháwite natehénsera NÍsraerʼronónke? Asèken ónhka kí꞉ken ne iáh tehotewarahkwétaron Philistiaró꞉non ne ne rahón꞉ʼa asakonenrók꞉thaʼse ne ronwaterí꞉iose ne ronnheʼónwe Ní꞉io?”

1 Samuel 17:36

I꞉i kwáh kekononhwarhiákhon tetsá꞉ron ne kénreks ó꞉ni nokwáhri; tánon kí꞉ken ne iáh teotewarakwétaron Philistiaró꞉non kwáh nonhnéʼeh tho nenhoiátawe tsi kíʼne eh nihotiʼiatawénhʼen ne ró꞉nonha, neh tsi sakosenhnakʼsáton ne raotió꞉kwas ronterí꞉ios ne ronhnheʼón꞉we Ní꞉io,”