Ephesians 2:10 - Ohiatonhseratokénti

¹⁰ Rawení꞉io thesonkwáwi tsi nitionʼnhóten, tsi tehionkwateriwasóntere ne Kerístos Ié꞉sos neh akarihónʼni iohiánere tsi naietʼthiʼhiatiérase nonkwesónha kwáh tsi nitiónʼnhes, neh káti ónenk ehnihowathákwen neh nahitewáiere.

Ephesians 2:10 ပူးပေါင်းရင်းမြစ်များ

Psalms 100:3

Sehrihwanírat nètho Roiá꞉ner rahónha ne Rawenni꞉io í꞉ken. Kwáh rahónha sonkwahiatíshon, tánon rahónha shonkwaienhokónha; tánon né꞉ne tiónkwe ne teshonkwariwásnieʼse.

Psalms 119:3

ronónha ne iáh othé꞉nen kentsehatiʼiéra nahó꞉ten ne karihwahéken í꞉ken, ók tsi roháthatse nón꞉we nihiakothaíthake.

Psalms 138:8

Ne Roiá꞉ner kwáh orihwakwékon enhánane tsi nihoraráts꞉ton; Saiá꞉ner, ne sanoronhkwáhtshera tsi nénhwe enkátake. Tó꞉sa skénronh tsi nihiohiothénhen ne satshanákes.

Psalms 51:10

Á꞉se saskerhiashónhnien né꞉ne werhiasí꞉io, Ó Sewenní꞉io, tánon ne saʼsé꞉tha né á꞉se tánon tkariwaiéri ioriwaʼtó꞉ken kanikonraʼnirát꞉tsera nakonháke.

Psalms 81:13

Ó tsi nikaská꞉neks nakonkwetaʼshón꞉has nahionkatahónsathaʼte, nètho nʼIsraerʼró꞉nons nahionkewénhnaraʼkwe!

Isaiah 19:25

tsi nikáien ne Sakoiá꞉ner ne ratiʼronhiakeró꞉nons sakohiatateríston, ratónhnions, “Rotihiatatérists ne Egyptró꞉nons nakonkwetaʼshón꞉has, tánon ne Assyriaró꞉nons ne tsi niwatsioténʼen ne katsanàkes, tánon ne Israel né nakawenhkón꞉we í꞉ken.”

Isaiah 29:23

Asèken nó꞉nen enshakóken ne sakohioʼokónhas, né nahohioténhsera ne katsanàke, ne thóh rahohénton, kwáh enhatiʼhiatatériste naksénhna; kwáh kí enhonwahiaʼtatériste ne Rotokénti Rahonhatsíwa í꞉ken ne Jacob, tánon thenhatítaʼne nahonwahsénhnaien ne raotiní꞉io NʼIsraerʼronónke.

Isaiah 43:21

né nonkweʼshónhas ne kheʼiatonhniá꞉nion ní꞉i akerihwá꞉ke né ká꞉ti nontiérenk ahontʼró꞉ri nakenonweratóntshera.

Isaiah 43:7

thentʼkakwékte ónhka né hionthaʼtenathón꞉kwen naksénhna, tsi nikáien khehiaʼtíshon né natiaʼtanerakwáhtshera aorihwá꞉ke, tsi nikáien ne khehiaʼtónhni tánon wákshon.”

Isaiah 44:21

Sehiárak kí kén nahorihoténsons, Ó Jacob, tánon NʼIsrael, asèken í꞉se nakenhá꞉tsera í꞉ken; I꞉i konhiaʼtónhni, í꞉se nakenhá꞉tsera í꞉ken; Ó Israel, kwáh kí iáh takonhiaʼtanikónren.

Isaiah 60:21

Né shonkwetaʼshónhas kwáh kí enotiʼiánereʼke; kwáh enhontiénawasʼte nonhóntsa né tsi nénhwe enkénhake. Ronónha né tehiorenhá꞉ron í꞉ken ne watsiénthon, né naoʼhioténhsera ne katshanáke, né kí nahón꞉ton ahiontiaʼtanerákwahte.

Isaiah 61:3

né nahontakheʼhiatʼkáwenh tsi nihá꞉ti ne ronatʼtiónhnion né Zion nón꞉we— nahontakhéhion ne otsítsa kakahkwenhtonniáton tsi ní꞉ioht né꞉ne akénhake ne wakenrontákwen okénhra, né꞉ne kénhie ne atsenhnonniátshera í꞉ken tsi ní꞉ioht né꞉ne akénhake nahiakhotiónhnionke, né nateweiárah ne kanonhweratónhtshera tsi ní꞉ioht né꞉ne akénhake ne kanikonhraksénhtshera. Né enhonwatinatónhkwahke karíhton karónh꞉ta né꞉ne karihwaʼkwahrihshiónhtshera í꞉ken, tsi roiéntʼthon ne Roiá꞉ner, né naré꞉neste ne raoʼiatanerakwáhtshera.

Jeremiah 31:33

Ne áse aterihwahseronniátshera nenhkónni skátke nonhkweshón꞉a ne Israelronónke nónhwe tsi néntewe nenníseras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon roʼnónha nakonhkwetahshón꞉a enkénhake.

Matthew 5:16

Eh kati oni nise naseȣaier teietsisȣatheten ne seȣasȣathesera nonkȣeokon etho naontaȣe ahonȣanenton ne Etsiseȣaniha Karonhiake tenteron.

John 3:21

Nok tanon neneh iakesaks ne tkariȣaieri akta ki ientha tsi toiosȣathe, nok eh nahontaȣe ȣehne aonton nakoȣeienna, aseken Niiohne tiotiientakon.

Acts 9:31

Thóh káti nontáwe neh rothiriwiʼióstons wahothiʼiéntaʼne ne skénnen neh nónwe ne Judea, Galilee, ó꞉ni ne Samaria. Ne tsi wasakoiénawaʼse ne Ronikonratokénti wahatisátsʼtenne ó꞉ni wahonatiokowánahne, tánon thóhʼnon nihononʼnhétie kakweniensthatserákon ne Roiá꞉ner rahoriwáke.

Acts 9:36

Joppa nónwe skatʼiáta tiotonwísen Tabitha konwáiats, tánon tiawetakwen. (Nahosenhna ne Greek Dorcas ne ne kentons “oskenonton.”) Tiotʼkonhónwe ne iohióte ne tkariwaiéri ó꞉ni iakosniénons ne rotíten.

Romans 8:1

Iáh ónen thènen teskarewathatseráien tsi niʼiákon neh thóhʼnon niʼiakonʼnhétie skát꞉ne íken ne Kerístos Ié꞉sos.

Romans 8:29

Tsi nihʼiákon ne Rawenni꞉io ónenk sakohiatarákwen tánon ó꞉ni sakokwatakwenʼni kwáh thoʼnahatiʼiatotenhake tsi ní꞉ioht ne Roiénha, neh káti neh Roiénha entakowanénke tsi nihátis nathatekénseras.

1 Corinthians 3:9

Asèken tionkwahtenróʼon tsi tsitewahʼióhtense ne Rawenni꞉io, tánon í꞉se ne Rawenni꞉io rahohéta íken. Í꞉se ó꞉ni ne Rawenni꞉io tsi rononshóh꞉the íken.

2 Corinthians 5:17

Ónhka ne Kerístos raonkwé꞉ta í꞉ken kwáh á꞉se shotón꞉ʼon. Nahò꞉ten ne iotohétston akwé꞉kon kaʼnikónhrenʼen, orihwakwé꞉kon á꞉se tsón꞉ni.

2 Corinthians 5:5

Rawenni꞉io se akwé꞉kon niehokwénion ne tahshonkwaté꞉ni. Shonkweʼnestén꞉ni ne Raoʼnikón꞉ra tsi eh nenhá꞉iere.

2 Corinthians 9:8

Rawenni꞉io seʼ enhiaiaʼtaté꞉riste, ó꞉ni énthion tsi naʼtesatonhontsó꞉ni. Ó꞉ni tiótkon iaʼtekaié꞉ri tsi nensaién꞉take ne otiaʼkéhshon ahsheié꞉nawase.

Galatians 6:15

Kwáh nèn꞉ne iáh thènen thatekatíhas aiontatewarakwétaronke tóhkaʼ ó꞉ni iáh; nók nahóten ne iorihowánen tsi áse tiakotónʼon.

Ephesians 1:1

Kór kí꞉ken nón nitsawénon, neh tsi éhʼthoh nithonikonróten ne Rawenni꞉io nahoteriwahnóthase ne Kerístos Ié꞉sos— Ne Rawenni꞉io rahonkweʼtashónha thóhnon ne Ephesus, neh tsi nihothiriwathóken tsi naʼtehonateriwasóntere ne Kerístos Ié꞉sos:

Ephesians 1:4

Séhkon ne kwáh ohénton ne sonthontonhontsiatásawen, knáha ne Rawenni꞉io shisonkwahiatarákwen ne rahónha rahonkwéta ahitewáthon thóh rahonháke ne Kerístos, neh꞉ne ahionkwahiatatokentíhake ó꞉ni kwáh iáh thènen tahionkwaníkon ne rahohénton. Ne iohrihonʼníʼon ne Rahononronkwátsera

Ephesians 2:13

Ók kí ó꞉nen, né tsi tesewateriwaʼsón꞉tere ne Ié꞉sos Kerístos, í꞉se tsi niká꞉ien ne ahí꞉non nió꞉re tesewáʼtereʼkwe, né ák꞉ta sewaʼhiatenhawí꞉ton ne Kerístos raʼonekwén꞉sa.

Ephesians 2:15

Tsi raʼhierónke nón꞉we naʼhariwáhthonthe ne Sitaeró꞉nons rahotiʼianerén꞉sera keʼnikweʼkonhátie natsawenrá꞉ʼtseras ó꞉ni tsi nihotiʼianerenserótens, ne nahón꞉ton ne tekentiókwake nénskat khók á꞉se ahonshasakotsiokónnien tsi tahonateriwaʼshón꞉teraʼke ne rahónha, ne kí enkakwé꞉ni ne skénʼnen ahón꞉ton.

Ephesians 2:2

Neh thóh sontakaháwi neh í꞉tshereskwe ne tsi ionwentsiáte ahoriwahetkénʼtseras; neh wasatewénʼnarakwe ne kanikonrahétken, ne kanikonrákʼsen tsi neh tsakoniarótaron nonkwesónha tsi niháti ne iáh tehonwahwenʼnarákwa ne Rawení꞉io.

Ephesians 2:6

Tsi tehionkwateriwasóntere ne Kerístos Ié꞉sos shesonkwakétskwen nahonsahionkwariwiʼiosthóntake tsi ahitsitiónʼnheke skátne ne rahónha ne karonhiáke tiohontsiáte.

Ephesians 4:1

Kwaretsárons, káti—í꞉i ne keʼnhóton neh tsi Roiá꞉ner rihiótense: thóh tiónʼnhek tsi nateiotonhontióʼon tsi nithotáthnon ne Rawenni꞉io neh shatsisewánha꞉ne.

Ephesians 4:24

Tánon ónenk tsi kwáh á꞉se ensesáton, neh tsi thoʼní꞉ioht tsi tkáson kwáh Rawenni꞉io teskaieróntare ó꞉ni ahónha wenéstha ne kwáh oriwíhio íken natónnhets ne tsi tkariwaiéri ó꞉ni iothokénti.

Deuteronomy 32:6

Thóh ken ki ní꞉ioht tsi natsisewatié꞉raʼse ne Roiá꞉ner, tisewathonhnókthe, iáh tesewatotkhatsherá꞉ien? Raónha tsisewaní꞉ha í꞉ken, tsi sewahiatí꞉son, raónha tsi sewenhtiokonhnién꞉ni.

Deuteronomy 5:33

Akwé꞉kon sewatewénhnarak, ne káti norihwakwé꞉kon tsiahioiánerenke ne sewarihwà꞉ke tánon káti kwáh niahisewakónhtà꞉kwe thóh ahisewenhterónhtake ne tsi iohontsá꞉ien nenhsewatié꞉nawatste.

Philippians 1:6

Rawenni꞉io seh tehtsisewathasawén꞉ni kiʼ kaiohtenserí꞉ios, ó꞉ni kwáh orihwí꞉io wakón꞉ni tsi iáh tahátʼkawe nohénton ne iahontésha ne enwenniseráteke nó꞉nen ne Kerístos Ié꞉sos thètʼtre.

Philippians 2:13

Tionhakéson shènon nihoiohtáties ne Rawenní꞉io natsitsiónʼnien, tánon ó꞉ni natsisewawénnarakwe.

Colossians 1:10

Eʼthò꞉ne káti khók enskwé꞉ni nasónnheke tsi natehontonwentióni ne Roiá꞉ner tánon ó꞉ni thóh nénhsere tsi nahó꞉ten ne rawerientiióstha. Tsi tiónhne niaté꞉kon tsi ní꞉ioht tsi enwehiá꞉ron ne kahiotenserí꞉ios, tánon kwáh ensatehiá꞉ron tsi nentseriwahientérane ne Rawenni꞉io.

Colossians 3:10

tánon ó꞉nen oweién꞉nase tsi nisehseweiennó꞉tens. Ne kí꞉ken ne á꞉se tiotasawáhkwen tsi nokwáh ne Rawenni꞉io, ne Rohsahánion, kwáh tiokontákwen á꞉se srónnis kwáh tsi ní꞉ioht ne raónha, ehnahontáwe kwáh iakaié꞉rike tsi ahtsheriwaienteráh꞉ne.

2 Thessalonians 2:17

atsisewahnikonrahnírathe ó꞉ni atsisewahshatsʼténseron ne tiókonthe ne sewahióten ó꞉ni aisewénron nahóten ne iohiánere.

1 Timothy 2:10

nók neh꞉ne kahiotenserí꞉ios, neh tkariwahiéri ne tionatʼthonwísen nakonníron iotiriwiʼióston.

1 Timothy 5:10

tánon konwatiʼientéri tsi kontiweienʼní꞉io: nètho hiónkwe tkariwaiéri tsi iakawehiáron nakohioʼokónha, iakohonkaráwi ne iakoiesahonhátieskwe ne ahonónskon, tánon tehiakhoróhton nótiakes ne iakorihwiʼióstons, iakoiénawaʼse nónka tehiakonikónrare, tánon iathehiotatʼtiaháton iohióthe ne ioiánere.

1 Timothy 5:25

Kwáh ne sahoríhwa ne kahiotenserí꞉ios hióken nahiontkátho, tánon kíʼ ó꞉ni tsi nikáien ne kwáh iáh tewènhe iáh tahónton nahonséhtonke.

1 Timothy 6:18

Ietʼtsiretiáron nahotihiánerehke, ahiokwátston tsi ahotihióten ne kahiotenserí꞉ios, thotirihwaiérik ó꞉ni ahonatateweiennentahónhake tahontatsniénon nakorénsons.

2 Timothy 2:21

Tsi nihiákon ne iaʼtheiehiáti entiontatonnakaʼnónnien tsi nòkwa ne iáh tehiotkwéniens, ehʼthóhʼne kíʼ rahónha ne káksas enkénhake nahónston ne iotkwéniens, karihwatokentíston ó꞉ni kástha nárasthe ne ranonsakweʼní꞉io, kaweiennentáʼon naioʼhióten tsík nahóten ne kahiotenserí꞉io.

2 Timothy 3:17

nekáti néhʼthoh nón꞉kwe ne Rawenni꞉io ronwahiótense ne kwáh aierihwaienthérihʼke ó꞉ni ahiakotatheweiennentáʼon kwáh tsík nakahiotenseróthe aiakohióten ne kahiotenserí꞉io.

Titus 2:14

Iehotatatʼkáwen ní꞉i onhkwariwáhke, nahonsahshonkwaniákente ne kwák tsi nahiotónhake ne kariwáksenke tánon nashontiónnien kwáh orihwí꞉io rahónha khók rahonkwetaʼsónha ahitewáhton ó꞉ni kwáh tahionkwasterihénseke ioiánere tsi naitewáhtiere.

Titus 2:7

Noriwahkwékon ónenk tsi í꞉se tentiesatenienthénsthe tsi nisewehʼienní꞉io Sariwatokénhak tánon tasanikonrahsahatónhak ne sarihonniennítshera.

Titus 3:1

Sehiehiaráhkwen ne sonkwetaʼsónha nahonwatiwénnarahkwe ne ratikoráhsons ó꞉ni ne rahonnonkwetaʼsónhas, nahonwatiwénnarahkwe, tánon nahonathateweiennentáʼon kwák tsi nahontahiotseráhton ne ahothiʼióten ne ioiánereh.

Titus 3:14

Nontionkwetaʼshónhas ónenk tsi enhontatenakthótʼthase nahotihióten ne ioiánere, ne nahónton nahsakotiʼiénawahse ne kwáh tehiakothonwentiónis; iáh tatehiothonwentióʼon ne kwáh iáh thènen tahatísthake tsi ronnònnhe.

Titus 3:8

Ne kíʼ ne kwá tóske íken natʼrhoriátshera. Tewahkathonwentióni kwáh ákta tsi aisewahtennikonráren kíʼ nahorihoténsons, nekáti tsi nihiákon ne thonwethákwen ne Rawenni꞉io né꞉ne ahonnonthonʼniónheke nahatinakʼthóten nahotihioténseke ne kahiotenserí꞉ios, ne kíʼ ioiánere ó꞉ni onhkwetaʼkwékon enhiakoianerásten.

Hebrews 10:24

Ánion tethewahtathenikonrahnirat, tethewahtatienawahs naitewénesthe ne kanoronkwahtshera ó꞉ni ionkwahʼiò꞉ten ne iohianere.

1 Tiér 2:12

Tsi niseweiennóten tsi natesewátere ne iáh tehotiriwiʼióston kwáh ioteriwíson nahioianeréhake ne nónen thènen eniesariwárho tsi seweiennáksen, ónenk tsi enhatiʼiénterene tsi nishotenserí꞉io tánon káti ahonwasénnaien ne Rawenni꞉io nentenwenniseráteke nónen tèntre.

1 Sawátis 1:7

Nók tóhka tsi teioswátʼte nón nitionnhétie—kwá tsi ní꞉ioht tsi tehoswátʼthe—ehʼthóhʼne kíʼ akwékon skát꞉ne tewaiátare, tánon ne rahonekwénsa ne Ié꞉sos, neh Roiénha, tionkwanoharése kwá tsík ní꞉ioht tsi aionkwariwáneren.

1 Sawátis 2:6

tóhka entewénron thónon nihionkwataténron tsi teionkwateriwasóntere ne Rawenni꞉io, ne kíʼ teiontonʼontióhon thoʼní꞉ioht tsi aihtiónnheke tsi ní꞉ioht tsi rónnhekwe ne Ié꞉sos Kerístos.