Ephesians 1:7 - Ohiatonhseratokénti

⁷ Neh꞉ne rahonekwénsa ne Kerístos tsi nihoronhiakénton tsi rahwenhéion ne Kerístos tionkwatatewenʼnihióʼon, ne ken ton skanikonrénhen nonkwariwaneraháktsera. Tsi nikowánen ne Rawenni꞉io rahoténrat,

Ephesians 1:7 ပူးပေါင်းရင်းမြစ်များ

Job Tánon ne Raoronhiakensera 33:24

tánon sakothénre né꞉tho ónkwe, tánon ratónhnions, ‘Shahoiatá꞉ko tsi niahosnentonhátie notsatónhkwakon; waʼketshénhri ne tekaientákwen.

Psalms 130:4

Ók káien ne kanikonhrénhtsera ne shonháke. Né ká꞉ti í꞉se akwahsénhnaien.

Psalms 130:7

Ó Israel, sará꞉rek rahonháke ne Roiá꞉ner! Asèken ne Roiá꞉ner ró꞉ien ne iorihwatóken kanoronhkwáhtshera, tánon ne rahónha róien ne kashaststenhserowánen nahonshasakoniákenʼte.

Psalms 86:5

Asèken ní꞉se, O Saiá꞉ner, thiʼsarihwaʼiéri tánon sehseténhras, kwáh enhiakoiénhtaʼne ne kanáh꞉non iorihwaʼtó꞉ken kanoronkwáhtsera tsi niʼiákon ní꞉seke iehionterénhnaien.

Exodus 34:7

Kateweiéntons nakararáhtshera né꞉ne niwenhniaweʼhetsheráhsen níkon tewateresehrásere tánon sewakerikónhrens ne kariwahétken ó꞉ni ne kariwáneren; ók iáh kíʼ tahonkeriwanó꞉ron naʼkheréwathe ne ratiksaokónhas ó꞉ni ne ronhwaʼnaterehokónhas né asénhaton tó꞉ka ó꞉ni ne kaieríhaton niatewatereserásere né꞉ne ronwatihiohokónhas raotiriwanerahákʼtsheras ahorihóniat.”

Isaiah 43:25

Í꞉i, Í꞉i ne rahónha í꞉ken Í꞉i skeriwathón꞉tha ne saterihwatewahtóntshera né꞉ne kwáh Í꞉i akerihonhniát, tánon iáh tahonsakeiáraʼke ne sariwaʼnerahák꞉tsheras.

Jeremiah 31:34

Iáh ónhka tsi niháti nashakotirihónnien ne ronahténros tóka ó꞉ni ahshakotiʼrórih ne tehonnonsanéken, ‘Tsienteríhak ne Roiá꞉ner,’ tsioríwah tsi ratiʼkwékon enhiontienteríhake, ne ne kwáh kenk nahiesénnasʼke tsi nióre ne kwáh tsiaʼkotsénnahthe. Ensehkhenikónhrenseh ne raoʼtirihwahneraháktsheras tánon kwáh iáh tahonshaʼkehiárahke tsi naʼthahonahterenthaʼwehréhon. Í꞉i, ne Watiá꞉ner wakatáti.”

Daniel 9:19

Saiá꞉ner, takwathóntek; Saiá꞉ner, saskwaʼnikónrhens. Saiá꞉ner, takwathóntek, ó꞉ni tsi thé꞉nen knátiere! Onhnaiá꞉wenʼne onkweʼtakwé꞉kon aiakotókense tsi í꞉se ne Sawenní꞉io, tóhsaʼ satenʼnískwat! Kí kaná꞉taien tánon ne ienákere í꞉se sáwenk.”

Daniel 9:9

Í꞉se ne satanitenrátskon ó꞉ni tsisaʼnikónrhehns, iaweronhátien tsi iáh tekwawennaráhkwen.

Jonah 4:2

Sók ki Roiá꞉ner iahorihwakà꞉tatshe, “Iáh ken tewá꞉ken ne ohén꞉ton shontakahtén꞉ti tsi kwáh kiʼ eʼtho nénhshiere, Saiá꞉ner, ne waʼkarihón꞉ni Spain nón꞉we iaʼkateʼkwáshen! Wakaterién꞉tarahkwe tsi sá꞉ien ne kanoronhkhwáhtshera ó꞉ni satanitén꞉ron Sewenní꞉io, saiaʼtakenhé꞉ion ne aesanà꞉khwen ó꞉ni kanáhnon ne iáh teiorihwanó꞉ronʼs kanoronhkhwáhtshera. Wakaterién꞉tarahkwe tsi niwatié꞉sen ne taonsahstá꞉ton ne sarihwaʼshón꞉ʼa ne tóhsa ahsheiá꞉tonʼte kí꞉ken onkweʼshón꞉ʼa.

Micah 7:18

Ónhka ne Ní꞉io akénhake thóh nahahiatoténhake tsi ní꞉se ní꞉ioht, sehsenikónrenhse ne karihwaneraháktsheras tánon tehatkarohestháhkwa ne ratiriwanón꞉we ne iatahonathaténronke ne raonkweʼtashón꞉as? Iáh tehatienawástha ne raonhakwáhtshera ne iahokonhtakwénhake, tiorì꞉wa tsi ne rawerientí꞉iostha tsi renéstha natanitenhrátshera.

Zechariah 13:1

“Nó꞉nenh né꞉tho kawistáhets enwáhwe,” rá꞉ton ne Roiá꞉ner Roshatstenhserowá꞉nen, “ne ionehkotehón꞉we kwáh enkanonhthónkwenhke nahonshahonthonnahkanón꞉ni tsi nithonatwatsirí꞉nonh ne Táwit ne nónhne sáhka Jerusalemró꞉nons tsi nokwáh ne rahotiriwahneraháktshera ó꞉ni tsi nokwáh ne rahothihiatonhnishón꞉ʼa

Zechariah 13:7

Ne Roiá꞉ner Roshatstenhserowá꞉nen rá꞉ton, “Ih꞉tie, asharehkó꞉wa, tánon iatsiatiaʼthón꞉ti thí꞉ken ranónhnhe ne rahtioténhseh! Tienonhwarhià꞉konh, tánon ne teiotinakarontón꞉a tenkonhrén꞉ni. Kwáh ienkhehiatiaʼthón꞉ti nakonhkweʼtahshón꞉ʼa

Zechariah 9:11

Ne Roiá꞉ner ráton, “Ne aorì꞉wa ne tsi iontiateriwahserón꞉ni ne tehionehtorará꞉kon nonhekwénhsa ne karihwiiosehokón꞉as, kwáh ensetʼkhehiathatewenhní꞉ioste ne shonkweʼtahshón꞉ʼa— setʼkhehiakháwenh ne shonkweʼtahshón꞉ʼa ne tsi ronwathinhotónkwe nákʼthe nón꞉we tkanakerahserá꞉ien, ne tsi iontahtenhothónkwa thóh ní꞉ioht thónʼne tsi ní꞉ioht ne iáh tahkanhekóhkwe nhosonwáhkon.

Matthew 20:28

Tsi ki niiot, nʼOnkȣe Roienha, iah neh tehaniente nahonȣakonnienste; asakokonnienste tanon, nok oni kentiokoȣanen asakaȣenheiase.

Matthew 26:28

Aseken neh kehiken nakenekȣensa, neh nonekȣensa nʼase Kariȣaniraststakȣen, kentiokoȣanen iontatenekȣensarise, naonsonterakeȣate tsi iakoriȣaneren.

Matthew 6:12

Sasanikonrhen ne ionkȣariȣaneren tsi niiot nii tsionkȣanikonrhens nothenon ionkhinikonraksata.

St. Mark 14:24

Nok ȣahenron: neh kehiken nakenekȣensa, neh noriȣase onekȣensa skakȣatakȣaton, oni kentiokoȣanen iontatenekȣensarise.

Luke 1:77

Naserionnien ne raotiokȣa tsinaieiere ne karonhiake aiontsennonni tsi aonsaiakoterakeȣase nakoriȣaneraaksera.

Luke 24:47

Nok raonha raosennakon aionteriȣanoton aiakohnikonkararen, nok tsi entsiakoterakeȣase ne kariȣaneren akaonȣentsiakȣekon nonkȣe, kentho Jerusalem ienȣatasaȣen.

John 20:23

Onka kiok, entsiestsirakeȣase nakoriȣaneraaksera, entsiakoterakeȣase; nok nenhietsinerenkse, enhiakotnerenkse.

Acts 10:43

Rahthikwékon ne ronatiaʼtatkonkwe ronwatharákwen, ronthónhakwe tsi nihiákon nenʼthonkwétakwe, ó꞉ni entiakoterakéwase nakoriwaneraháktsera thóh kasatstenserákon ne rahosén꞉na.”

Acts 2:38

Tiér wasakawénhaʼse, “Ónenk tsi kwáh tsi sewahiatát꞉tion theʼtsisewatʼkarathé꞉ni tsi nókwa nesewariwanerahákʼtsheras ó꞉ni ensewathenekwáheste rahoʼsénnakon ne Ié꞉sos Kerístos, neh nahonsakanikonrén꞉en ne sewariwanerahákʼtsheras; tánon ensewaiéna ne Rawení꞉io rahotathawítshera, neh꞉ne Ronikonratokén꞉ti.

Acts 20:28

Kwáh káti sewatatennikonráren ó꞉ni kwáh kanenrakwékon tsi nitsisewatakweʼniaʼiénni ne Ronikonratokénti. Thóh nihiotónhak tsi sewatennikonráren ne Rawenni꞉io rahononsatokénti tsi ní꞉ioht tsi sakothinikónrare ne teiotinakarontón꞉a sakotinikónraʼre, tsi raónha rahówenk iotónʼon tsi ronekwáhon ne Roiénha.

Acts 3:19

Sasewatatʼréwat, káti, tánon Niióʼne nionsásewe, neh nahónte nahonsahonikónren ne sewariwaneraháktseras. Tho꞉ka thóh nen sewáiere,

Romans 2:4

Kátonkén skenrón꞉ni tsi niʼiókwas neh rahononronkwátsera, ronikonrí꞉io, ronikonkátsʼte. Oriwiʼiohónwe sateriéntare ne Rawenni꞉io tsi nitoriwaiéri Asèken rahtheniéntʼtha nahonsaiasárine nahonsahsatatréwate.

Romans 3:24

Nók kíʼ tsi kwáh iáh othènen tehiokáraien ne Rawenni꞉io rahoténrat, kwáh okwetakwékon tsi tiakoteriwaseronniénʼni tsi natehóntere ne raónha, thoʼnihóson rahonháke ne Kerístos Ié꞉sos, tsi nikáien sesakonerénsions.

Romans 3:25

Rawenni꞉io wahatenikonrísa neh tsi rawenheión꞉ne thoʼnahontáwe tsi niʼiawénhon nètho nonkwesónha ahonsaionthatenikónrense nakoriwaneraháktsera, neh tsi rahonháke non nithonethákwen. Rawenni꞉io thoʼnihóson thoʼnahontáwe nahariwanírate ne rahoriwakwarisióntsera. Tsi nitsawénon, rothakastáton tánon iáh tehokenhenʼiónʼon nakoriwaneraháktsera nonkwesónhas.

Romans 9:23

Tánon ó꞉ni reraʼkwe narotási tsi niʼiókwas ne rahohiatanerakwátsera, ostónha thesonkwáwi kíʼ kahiatanerakwátsera tsi nísonkwe nesténʼni ne kenténrat.

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

2 Corinthians 8:9

Akwé꞉kon sewaterién꞉tare ne Shonkwaiá꞉ner Iésos Kerístos tsi iaʼtekaié꞉ri tsi nithorihwaié꞉ri tánon tsi nihshonkwanorónhkhwa, akwé꞉kon rohtsakwaríhsion ne raohtshokowáhtshera ó꞉ni wahotén꞉taʼne, eh naontá꞉we ní꞉se aiesewakwáhtsheʼne.

Ephesians 1:14

Neh tsi tewakwékon ne Rawenni꞉io neh kariwanìhras tsi entewaiéna tsi nahóten sakorahréstenni ne rahonkwetaʼsónha, tánon ne kí꞉ken hionkwariwanihrátis neh Rawenni꞉io kwáh iehiokontákwen entesakáwen naʼthatewennihiótsera tsi niháti ne kwáh rahónha rahonkwetaʼsónha. Ánion tethewatenonweráton ne rahohiatanerakwátsera.

Ephesians 1:18

Kwahnekènʼnis sewanonthonkwenháton ne sewanikonrakésons nahisewatkátho ne rahoswatʼthétsera, nahisewateriéntaraʼne nahóten nen꞉ne neh tewetákwen tsi ietsisewanáton, thóh nihiókwas ne kahiatanerakwátsera kahiataterítseras sakorahrasténʼnis ne rahonkwetaʼsónha,

Ephesians 1:6

Ánion theʼtsitewanonweráton ne Rawení꞉io tsi nihionerákwat ne rahoténrat, tsi kwáh iáh thènen tehiokaráien tsi nithesonkwáʼwi ne roiénha!

Ephesians 1:8

Neh tsi nithesonkwáʼwi ne wéso iohthónʼon. Akwékon ne Rawení꞉io Rahothotʼkhátseras ó꞉ni tsi nihokenhenhiónʼon

Ephesians 2:4

Nók kíʼ ne Rawenni꞉io rahoténrat tsi nikowánen, tánon tsi naʼtehiotenonhianíton sonkwanorónkwa,

Ephesians 2:7

Neh aoríwa thonihoiéren ne Rawení꞉io ne naréneste kwáh tiókonte ohiatʼtíʼio tsi nikowánen ne rahoténrat, kanoronkwatserákon nónwe nihsonkwenestʼtén꞉ni rahonháke ne Kerístos Ié꞉sos.

Ephesians 3:16

Rawenniʼióke nón niwakaterénʼnaien neh tsioríhwa tsi nitʼkowánen ne rahohiataterítsera ne karonhiáke nahontatsítion ó꞉ni sewatʼtháwa ne kasatsʼténsera Asèken rahónha ne Rawenni꞉io theʼtsisewáwis ne kasatsʼténsera ne sewahnikonrakéʼsons.

Ephesians 3:8

Í꞉i tshiahonhá꞉a kén nitká꞉a tsi niháti ne Rawenni꞉io rahonkwetaʼsónha; tánon kíʼ Rawenni꞉io takáwi kí꞉ken kakweniensthátsera nehne hiakehawítase neh iáh tehathisitaerónons ne kariwí꞉ios tsi niwatʼrhoriátha iáh tsehiótokʼte ne Kerístos rahohiathanerakwátsera,

Philippians 4:19

Nakatherénnaient neh Rawenni꞉io ahontháhion akwékon tsi natesathonwentió꞉ni neh akenikwékon ne kahiatanerakwátshera ne Kerístos Ié꞉sos tatʼkáwas.

Colossians 1:14

né꞉ne rahonháke nón꞉we nitsitewahtatewenní꞉io, ne tsi, skanikonrén꞉en nonkwariwahneraháktsera.

Colossians 1:27

Tsi nihotenikonrónni ne Rawenni꞉io né꞉ne asakoronkáten ne rahonkweʼtashónha tsi nihoriwahshéton, kí꞉ken kakwákston ó꞉ni ioriwahnerákwak kariwahshéton neh nonkweʼtakwé꞉kon akoriwáke. Tánon ne kariwahshéton né꞉tho Kerístos tsi senikwé꞉kon, ne kéntons tsi ensatiatáren thóh rahohiatanerakwatserá꞉kon ne Ní꞉io.

Colossians 2:13

Ieioterátston kwáh senheiónhne ne tsi nihsariwahné꞉ren tánon ne aorì꞉wah ne tsi iáh tesitaeró꞉non iáh ó꞉ni tesahianerenseraiéntakwe. Onk ó꞉nen sahiónnhete ne Rawenni꞉io skátke ne Kerístos. Rawenni꞉io akwé꞉kon shohnikonrén꞉en nonkwáh riwahneraháktsheras;

Colossians 2:2

Ne ki aorì꞉wah tóh nitié꞉ra né꞉ne ahatiiatana꞉ne naotinikonrhaní꞉ra tánon ahonnitiokwaró꞉roke tóh kanoronkwatsherá꞉kon, tánon kwáh ahkanánon ahiokwastónhake ne kwáh orihwí꞉io tsi nitkáhas ne orihwí꞉io kanikonrahienthátshera. Ne ki thóh ní꞉ioht tsi enhonaterientá꞉rane tsi nihoriwahshéton ne Rawenni꞉io, né꞉ne Kerístos.

1 Timothy 2:6

iehothatatkáwen nahonsashakoniákenthe neh kwáh kentiokwaʼkwékon tsi niaʼteienekwésakes nonkwesónha. Kwáh tahiothoʼkéntaʼne neh iorihwaniráthon neh Ní꞉io tehothonwentió꞉ni kwáh niaʼtehionkwétake aieniákenʼne,

Titus 2:14

Iehotatatʼkáwen ní꞉i onhkwariwáhke, nahonsahshonkwaniákente ne kwák tsi nahiotónhake ne kariwáksenke tánon nashontiónnien kwáh orihwí꞉io rahónha khók rahonkwetaʼsónha ahitewáhton ó꞉ni kwáh tahionkwasterihénseke ioiánere tsi naitewáhtiere.

Titus 3:6

Rawenni꞉io kwáh iókwas tsi tahothéniethe ne Ronikonratokénti nontionháke tsi nontáre rahonháke ne Ié꞉sos Kerístos Sonkwaiatákwas,

Hebrews 9:22

Kwáh orihwiioʼón꞉we, tsi nikéntons ne kaianerénsera kwáh thóhʼwah akwékon onekwénsa skanóhares, tánon ne karihwáhneren tóh꞉nek enskanikonrén꞉en tsík onekwénsa entewahwéronke.

1 Tiér 2:24

Rahonhatsíwa ne Kerístos rotketáthon nonkwariwanerahákʼtseras tsi tetkaiásonte, neh nahónton naitewenhéiate ne kariwáneren tánon neh nónwe naisetiónnheke ne tkariwaiéri. Neh tsi nihotʼkarewatánion neh tsiʼsatiénton.

1 Tiér 3:18

Asèken Kerístos rawenhéion nénskat ieioterástston neh iorihonníʼon nakorénson akoriwaneraháktseras, thoʼriwaiéri rónkwe nehne iakoriwáneren akoriwáke, neh nahónton Niió꞉ne niahiahentése. Tsi iehawenhéion ónhkwe kènne, nók tsi sonionnhéton sronneʼónwe,

1 Sawátis 2:12

Iakwahiátonse, kwaienʼokónha, ne tioríwa ne sewariwanerahákʼtshera skanikonrénʼen neh꞉ne Kerístos ehnihóson.

1 Sawátis 2:2

Tánon Kerístos rahonháke nón nitewétha tsi tsionkwatnerenshion nonkwariwanerahákʼtshera, tánon iáh í꞉i khók onkwariwaneraháktsera tèken, nók neh ó꞉ni ne ronatiakhésons rahotiriwaneraháktsheras.

1 Sawátis 4:10

Kén kíʼ ní꞉ioht ne kanoronkwátsera: iáh neh tèken tsi atsitewanoronkwáʼon ne Rawenni꞉io, nók ne tsi sonkwanoronkwáʼon tánon thoteniénton ne Roiénha tsi nahiotónhake nahonsakanikonrén꞉en nonkwariwaneraháktsera.

Revelation 14:4

Ne tsi ronón꞉ha iáh tateonatatsiatastónston skátne ne konhnón꞉kwe, asè꞉ken iáh teotiniá꞉kon; ronón꞉ha ronwahnonterátses ne teonakarontón꞉ha owí꞉ra kwáh tsik nón꞉we nienhénre. Ronón꞉ha ne shonwatiiatákwen tsi nokwáh ne onkweshón꞉as kwáh né꞉ne entewatsetrénhte kaientwákwen ne enthón꞉ion ne Ní꞉io tánon ne teotinakarontónha owí꞉ra,

Revelation 5:9

Orénhnase wathatirihwákwe: “Í꞉se ne sarí꞉onte nasatháwa ne kahorotakwenón꞉ni tánon ne tasnhetsiá꞉ke, asè꞉ken í꞉se ne iesanonwarhià꞉kon tánon né꞉ne sanekwénhsa seskarhiaténhni ne Ní꞉io raonkweʼtashón꞉as rotiiatatokéntis né꞉ne kwáh tsi niateiakotsokwáhkes tánon tsi niateionronkhatserá꞉ke ó꞉ni nonhkweó꞉kon tánon ne ronhnonhontsakeró꞉nons;