Ephesians 1:5 - Ohiatonhseratokénti

⁵ Ónenk ne Rawenni꞉io shatehoriwaiénthase thóh rahonháke ne Ié꞉sos Kerístos tsi ensontiónʼnien ne rahónha rahoksátha aihtewáton—neh kí꞉ken ne rahotsenʼnonʼniátsera ó꞉ni tsi nihotenikonrónʼni.

Ephesians 1:5 ပူးပေါင်းရင်းမြစ်များ

Jeremiah 3:19

Ne Roiá꞉ner ráton, “Israel, tewahkathonwenhtióni nakonhiatiénawasthe tsi ní꞉ioht ne í꞉ih aketshá꞉tha akénhake tánon entkónhhion ne ionwenhtsí꞉io, né꞉ne kwáh tiowenhtsí꞉io ne onhwenhtsiakwékon. Tánon wáhkereh Rákeni enskenahthónkwahke tánon tó꞉sa shé꞉konh nonhwénhton ahéreh ahonsáhsehte tsi nónhwe níkes.

Jeremiah 3:4

Tánon nónhwa waskénhase, ‘Í꞉se ne tahkeníha, tánon tahkenorónkwahkwe kwáh ne shiketʼsáha.

Daniel 4:35

Ne ronnonhwentsakehró꞉non kwáh iáh thé꞉nen karí꞉wa té꞉ken tsi tehshakoká꞉nere; ratironhiaʼkehró꞉non tánon ne ronnonhwentsaʼkehró꞉non kwáh ratikwé꞉kon raónha tehshakoniarotárhon. Iáh ónhka thaiekwé꞉ni ne tahonwátahste, tókaʼ ó꞉ni ahonwariʼwanóntonhse onhnihatiérha.

Hosea 1:10

Ethó꞉saʼne tsi nenhonatiohkowá꞉nenke nonkweshón꞉as Nisraeró꞉nonke kwáh tsi ní꞉ioht tsi tekanesaronhkotáron ne kaniatarakeʼkowáhne, né꞉ne iáh thahónton nahionshé꞉ʼte khés ó꞉ni naiekontserihárenh; tánon thóh nón꞉we nihonwanén꞉ni, “Sewakwekon iáh í꞉i tewakonkweʼtashón꞉as tèken,” kwáh kí enhonwanénhase, “Ne sakoiohokón꞉as ne ronnheónwe Rawenni꞉io.”

Matthew 1:25

Nok ki tanon iah othenon tehaieren tsiniiore iarennakerate ne takoȣanen roienha; nok Iesos ȣahonatonkȣe.

Matthew 11:26

Eh niiot, O Rakeni, nehkitsi eh nitisanikonriiohon.

Luke 10:21

Ethone ne Iesos ȣahatonnharen ne raȣeriane, nok ȣahenron: Konhiatsennonniase, O Rakeni, Seȣenniio ne karonhia oni nonȣentsia! tsi sheriȣasetenni neh nakarihotens ne iakohnikonroȣanens nok oni ne ionttokhas, nok eksaokonha sheriotasienni; Eh kati niiot, Rakeni! Aseken eh ki nitisanikonriiohon.

Luke 11:32

Ninifronon tenthatitane nonen tenhiontatiatoretane ensakotiriȣaiakse nok ensakotiriȣente nekenh nonȣa kaȣatsirate: aseken ne rononha shonatatreȣaton sasakotati ne Jonas, nok senha nonȣa raiatanoron nekenh ihres tsiniiot ne Jonas.

Luke 12:32

Tosa seȣateronn, seȣententsihon nitsion ok; thonikonriiohonse ne Etsiseȣaniha naetsitsion ne raonakerasera.

John 1:12

Nok tsiniiakon tehonȣarhoton, sakoȣi ne Niio sakoienhokonha aionton. Nehne tsiniiakon tiakaȣetakon ne raosennakon.

John 11:52

Iah oni neh ok teken ne Sitaeronon, neh oni nasakoiataroroke nok oni iatasakoiestste ne Niio sakoienhokonha nʼok tiiateiakorehnihonne.

John 20:17

Tontahenron ne Iesos tosa kenh niiatatier: aseken areko Rakenineha tiieseȣakenon; ȣas tanon seroriana nʼiakȣatatekenha: Rakenineha sake, nok etsiseȣanineha oni nise; Ake-Niione, Etsiseȣa-Niione oni nise.

Acts 13:48

Nónen ne iáh tehatiʼsitaeʼró꞉nons sahonatʼthóntene kí꞉ken, wahontʼtsennónni ó꞉ni wathontenonweráton ne Roiá꞉ner rahowennahókons; tánon tsi nihiákon ne tionthatáwi ne ionnheʼónwe atónnnhes tahiakétakwe.

Romans 8:23

Nók iáh kíʼ nek khók tèken tsi nahoténsons ne kashahánion; onhtionháke nón nikénteron nonikónra, neh tewatierénta tesonkwáwis ne Rawenni꞉io káti ó꞉ni skát꞉ke tsi ionkwanikonranónwaks, tsi nihionkwárare ne Rawenni꞉io thoʼní꞉ioht tsi ahsonkwakenhénion tsi síken ní꞉ioht neh rahónha sonkwaiohokónhas íken, tánon ó꞉ni kwáh tewahiatakwékon tsi ahonsontatewenní꞉ioʼne.

1 Corinthians 1:1

Kór kíʼ nón nitsawénon tsi iehonwahnáton né tsi thóh nitonikonriʼióʼon ne Rawenni꞉io nahoteriwahnótʼtáse ne Kerístos Ié꞉sos, tánon nonkwáh naʼthatekénsera Sosthenes ó꞉ni ki non nitsawénon.

1 Corinthians 1:21

Asèken tohrahorihwahkwahrishiontsherá꞉kon ne Rawenni꞉io oriwí꞉io rahónni tsi kwáh tsehionikonróktha ne ónhkwe ahonwahientérahne tsi nikéntons ne raonatʼthotʼkhátshera. Khé꞉khok, tsi nikéntons ne konwahnathónkwah “ononwahroríta” ateriwahnotháhtshera ionkwahteriwahnóte, Rawenni꞉io iatoriwahiéntase nashakoniákenthe tsi nihiákon ne tiakawetákwenh.

2 Corinthians 6:18

tánon kwaienʼokón꞉ʼa enskénhake. Kwáh akwé꞉kon ne ronnón꞉kwe tánon ne konnón꞉kwe kheienʼokón꞉ʼa enskenhá꞉ke tsi I꞉ʼi khók Rawenni꞉io wakeʼshatstenhserowá꞉nen.”

Galatians 3:26

Tewetákwen nón nitsawénon tsi kwáh sewakwékon Rawenni꞉io tsiʼsewaʼioʼokónha sewatónʼon ne tsi tesewateriwasóntere ne Kerístos Ié꞉sos.

Ephesians 1:11

Oriwakwékon thóh niʼiawén꞉en tsi nihotenikonrónni ne Rawení꞉io ó꞉ni iatehoriwaiéntase; tánon Rawenni꞉io sonkwahiatarákwen ne rahónha rahonkwétha ahkénhake tahionkwateriwasónterake ne Kerístos ne tsioríhwa tsi rahónha ehnihotenikonrónni, neh rokenserákwen tsi nahóten hiatehoriwaiéntase neh kwáh sonthontásawen.

Ephesians 1:9

Ne Rawenni꞉io thóh naháiere tsi nihothenikonrón꞉ni, tánon wasonkwathokáten ne kariwaséthon tsi knáha hiatehoriwaiéntase ne iahontésa rahonháke ne Kerístos.

Philippians 2:13

Tionhakéson shènon nihoiohtáties ne Rawenní꞉io natsitsiónʼnien, tánon ó꞉ni natsisewawénnarakwe.

Colossians 1:19

Asè꞉ken kwak khók Rawenni꞉io iatehoriwahiéntase né꞉tho roiénha rahonháke non niká꞉ien kwáh tsi niʼorihó꞉ten ne Rawenni꞉io.

2 Thessalonians 1:11

Ne aoríwah tiotkonʼónwe kwahterennaiénni. Shakwahriwahnontónnis nónkwah Ní꞉io nahtshiʼtsiónnien naisewahrihóntahke tsi tiónnhe tsi nitsisewáhwi naitiónnhe꞉ke. Neh iakaiérithe ne raosatsʼténsera akwékon tsi nahoténsons saskáneks ne tkariwaiéri ó꞉ni iahontésa ne sahioténsera ne tewehtákwen.

Hebrews 2:4

Kwáh tóh nikaháwi ne Rawenni꞉io iaháieste ne rahorihwahnirátʼtshera ne rononháke tsi nahatiʼieriánion ne iorihwahnerakwahténions ó꞉ni ne ionerákwat tánon tsi nataréniaʼte ne atathawíhtsheras ne Roʼnikonratokénti tsi nitohnikonriʼióʼon.

1 Sawátis 3:1

Satkátho tsi niʼiawetatsáni ne Kanísera sonkwanoronkwáʼon! Tohʼnióre tsi tehiotenonnianíton ne rahononronkwátsera thóh ní꞉ioht tsi ionkihientéri Rawenni꞉io sonkwaienhokónha—tánon kíʼ kwá tóhʼkenske thoʼ ní꞉ioht. Neh kíʼ aoríwa ne ronnonwentsiakerónon iáh tehionkiʼientéri: iáh tehonwaientheráʼon ne Rawenni꞉io.

Revelation 21:7

Tsi niiá꞉kon nenhiontesénhni eniehié꞉na kíʼ naorihoʼténsons, tánon í꞉ih ne raoti Ní꞉io enkénhake tánon ronón꞉ha keienhokónha enhón꞉ton.