Ephesians 1:23 - Ohiatonhseratokénti

²³ Nononsatokénti ne neh Kerístos raierónke íken, ne tsi iehoweienʼnentáʼon ne tsi rahonhatsíwa rohiotenseríson noriwakwékon kwáh tsikʼnonwéson.

Ephesians 1:23 ပူးပေါင်းရင်းမြစ်များ

John 1:16

Nok akȣekon ionkȣataȣeiaton ne raotanitenraserakon, akȣa neok nʼatanitenron nʼatanitenron.

Romans 13:5

Neh kíʼ ahoríwa tehiothonwentsióhon nahsehwénʼnaraʼkwe neh rathikorásons—iáh nek khók tèken tsi Rawenni꞉io rahorewathátsera, nók neh kíʼ ó꞉ni kaiatorehthátsera aoriwáke.

1 Corinthians 12:6

Tóhka natetʼkonthihánions tsi nahiakokwénionke nahiakohióten, nók kíʼ né sahahiáta ne Rawenni꞉io takáwas tsi nahiakokwénionke ahionteriwahténtiathe ne katokénston kahioténserah ahiakoióten.

1 Corinthians 15:28

Nók nónen orihwaʼkwékon Kerístos entʼthonwáhwi nahontahaniarótarohke, ehʼthóhʼne rahonhatsíwah, ne Roiénha, Rawenní꞉ioke nónwe nenhotathénronke, tsi nikáien norihwakwékon thó꞉wi; tánon ne Rawenni꞉io kwáh iehiotʼtsaháton tsi orihwaʼkwékon entʼtaniaróhtaroke.

Ephesians 2:16

Tsi kaiasáke rawenhé꞉ion ne Kerístos rohriwathón꞉ton ne tahiontatswénseʼke; tsi nihió꞉son ne kaiá꞉sa waʼshakowenónhni ne tekentiókwake skenʼtió꞉kwak khók iaʼhón꞉ton tánon Ní꞉io꞉ne nòkwah nionshasakohiaʼténhaʼwe

Ephesians 3:10

ehnahontáwe nónwa nikaháwi, neh tsi ionterenʼnaientákwa neh ahkarihónni neh rathironhiakerónons nahontéweienste kí꞉ken, tsi nihatʼthóka ne Rawenni꞉io neh kwáh tsík nahóten ahkénhake.

Ephesians 3:19

Oriwí꞉io, tsi enwáton nahisateriéntaraʼne ne rahonhoronkwátsera—iahwerohátsien tsi kwáh iáh nonwénton thakananónhake niaʼiáwene꞉ne—neh káti kwáh iaʼtekaiérik tsi satʼtháwa ne Rawenni꞉io rahonhoronkwátsera.

Ephesians 4:10

Ne káti tsi nikáien ne thotsnénton kwáh kíʼ neh sahahiáta ne shotʼtaratháton, neh꞉ne éhneken tánon neh ihsehʼnhokwátis nakaronhiátis, neh ahkananókthon tsi nihotenésthon.

Ephesians 4:12

Neh aoríwa thoʼnaháiere ne tsi ahsakoweienéntaʼne ne Rawenni꞉io rahonkwetaʼsónhas nahothiʼióten ne kariwiʼióston kahioténseras, ehnahontáwe nakasátsʼtenʼne ne Kerístos rahononsatokénti.

Ephesians 4:13

Tánon káti tewakwékon entewateróhroke nethóʼnon tsi sahonkwaríwa íken tsi ní tionkwetákwen ó꞉ni tsi tsitewanikonraiéntas ne Rawenni꞉io Roiénha; kwáh káti entewathonkwetísa, iéntewawe kwáh tsi nihanenhiésonʼne ne Kerístos.

Ephesians 4:4

Énskat khók noierónta ó꞉ni énskat khók nonikónra, kwáh nesáka énskat khók naskanéktsera ne tsi ní꞉ioht ne Rawenni꞉io tsi ietsisewanáton.

Colossians 1:24

Onk ó꞉nen sewahkatʼtsennón꞉ni neh tsi nikwaroniá꞉kense, Asè꞉ken ne kéntons tsi niwakeroniáken ne tierónhke kastsnié꞉nons tsi nahóten sehkon iotaténron ne iakáshon tsi nihoronhiakén꞉on tsi nokwáh ne Kerístos raierónke, né꞉ne ononsatokénti.

Colossians 2:19

tánon ronatʼkáwen tsi Kerístos ronwahniahésen, tsi raónha nonóntsi iéken noierónta. Tsi Kerístos toniarohtáron noierontakwé꞉kon ne nahókwah ó꞉ni tehionatatsenawákon tsi tehiostonteron꞉nion ó꞉ni notsinonhiatonsónhas, tánon wahtehiárons tsi natehotonwentióni ne Rawenni꞉io nahontehiá꞉ron.

Colossians 3:11

Tsi niateionéhnon, iáh ó꞉nen thé꞉nen taʼtestsiatʼthí꞉en tsi naʼtehón꞉tere ne iáh Tehatisitaeró꞉non tánon ne Sitaeró꞉nons, nahonwatiwahrakweráron tánon ne iáh tehonwahtiwarakweráron, tihononhontsá꞉tes, ratirahkonró꞉nons, ratináskwas, tánon ne rontatewenní꞉ios, nok Kerístos seh norihwakwé꞉kon, Kerístos seh tsehahiatakwení꞉io.

Colossians 3:15

Tsi nihtatʼkáwas ne skén꞉non ne Kerístos neh naisaié꞉nawahse tsi ahisáhawe tsi ní꞉ioht tsi tensiatoretánion; asè꞉ken ne kí꞉ken ne skén꞉non ne Rawenni꞉io tsi skát꞉ke ietsisewaná꞉ton enkat ieiotón꞉on noierón꞉ta. Tánon tesewahtenonweratónsek.