Ephesians 1:21 - Ohiatonhseratokénti

²¹ Éhʼtho nónwe ne Kerístos rathikwékon tesakoniarótaron ne karonhiáke, rathironhiakerónons, kasatsténseras, ó꞉ni ne Rotiʼiáneres; neh rohsenʼnontákwen neh tsiahonhá꞉a tiótʼte tsi níkon ne kasénʼnas ne kén ionwentsiáte ó꞉ni nó꞉ia tsionwentsiáte.

Ephesians 1:21 ပူးပေါင်းရင်းမြစ်များ

Daniel 7:27

Ne kaʼshatsténhseras ó꞉ni ne iorihowá꞉nens kwáh tsi niaʼtekanakerahserá꞉kes né tsiionhontsá꞉te ne entiontá꞉ton ne Roʼshatstenhserowá꞉nen Rawenni꞉io raonkweʼtaʼshón꞉a. Raotinontiióʼtshera raoʼshatsténhsera iáh nonwén꞉ton thiaontókten, tánon ratikwé꞉kon ne ratikoráhshons ne tsi ionhontsá꞉te enhonwarí꞉wawaʼse ó꞉ni enhonwawén꞉narahkwe.

Matthew 12:32

Nok onkakiok raȣennake roiesatakȣen nʼOnkȣe Ronȣaienha enshonȣanikonrhonse, nok tanon onka enhonȣaiesate ne Rotkon Ronikonratokenti iah taonsaonȣanikonrhense ne kentho onȣentsiake iah oni nonȣenton.

Acts 4:12

Ne kaʼiatakeʼnhátsera raonháke khók non nen kahtsénrion; kwa tsi nihiohóntsia kwáh iáh ónka nakóren ne Rawení꞉io tethesakówi naʼiekwéni ahonsahionʼkhiniákente.”

Ephesians 2:2

Neh thóh sontakaháwi neh í꞉tshereskwe ne tsi ionwentsiáte ahoriwahetkénʼtseras; neh wasatewénʼnarakwe ne kanikonrahétken, ne kanikonrákʼsen tsi neh tsakoniarótaron nonkwesónha tsi niháti ne iáh tehonwahwenʼnarákwa ne Rawení꞉io.

Ephesians 3:10

ehnahontáwe nónwa nikaháwi, neh tsi ionterenʼnaientákwa neh ahkarihónni neh rathironhiakerónons nahontéweienste kí꞉ken, tsi nihatʼthóka ne Rawenni꞉io neh kwáh tsík nahóten ahkénhake.

Ephesians 6:12

Asèken iáh seh ónkwe tehionkwaterí꞉io nók nehne rothiriwáneren rathinesonrónons ne tsi karonhiáte ionhontsiáien, ne rathikorásons, kaianerenserasónhas, ó꞉ni ne tsi ionwentsiáte rathikorásons tsi naʼtetiókaras tsi nihonatenʼniserathénion.

Colossians 2:10

tánon tiesáwi nakanahnónhake tsi ahsónnheke tsi natetiateriwahsóntere. Raónha ne rahiatakwení꞉io ne kwáh tsík nahoʼténhsons ne ionhnheʼón꞉we ó꞉ni ne kaianerénsera.

Colossians 2:15

Tánon thóh ne kaiásake nón꞉we ne Kerístos sahatatiathotaríhsi tsi nokwáh ne raotisatsténhseras ne ratinikonrátsens ó꞉ni ne ratikoráhsons; tánon onhkwè꞉ne nón꞉we niasakohiaténhawe nahonwahnateró꞉roke tsi sí꞉ken ní꞉ioht ne ratinóton sakosarí꞉ne tsi rotkwenionhátie.

Hebrews 1:4

Ne Roiénha sénha ne ronwahkowahnáston tsi ní꞉ioht ne ratironhiakerónons, kwáh tsi nikasennóten nètho Rawenni꞉io rosennáwi sénha ne kasennowáhnen tsi ní꞉ioht ne raotisennasónha.

Hebrews 2:5

Ne Rawenni꞉io iáh ne teshakoterontákwen ne ratironhiakerónnons né꞉ne ahonsháriʼne nónen énwahwe ne áse entiohontsáteke—tsi ne ionkwahtaráhkwen nohóntsa.

Hebrews 4:14

Kwáh, káti, iohníron tsi ionhkwahtienawastónhak tsi nitionkwetákwen. Asèken Rahtsihenstowáhnen ionhkwahtsihénstaien thóh nieshawéhnon tsi ténteron ne Ní꞉io—Ié꞉sos, né꞉ne Ní꞉io Roiénha.

1 Tiér 3:22

karonhiáke niesawénon tánon tsi raweientetákwen ne Rawenni꞉io iesénteron, ratikwékon ne ratironhiakerónons tesakoniarótaron tánon ne karonhiáke tatiriwakweʼní꞉ios ó꞉ni ne kasatsʼténseras.