Ephesians 1:19 - Ohiatonhseratokénti

¹⁹ ó꞉ni thóh natehiotenonʼnianíthon ne rahosatsténsera tsi iohióte nontionhakéson tsi nítsion thetsitewetákwen. Kí꞉ken kasatsténsera tsi iohiotátie nontionhákes kwáh ne sáka tsi níʼioht ne kwáh tehiosastenseranónʼiani

Ephesians 1:19 ပူးပေါင်းရင်းမြစ်များ

Isaiah 53:1

Ónka tshiaʼkawetákwen tsi nahó꞉ten wahonkwahthón꞉tene? Tánon ónka iontaterihotashiénhni ne ranenhtshàke ne Roiá꞉ner?

John 3:6

Tsinikon noȣaronne tioientakon oȣaronk ki ihken, nok nʼonikonrake tioientakon onikonra ki ihken.

Acts 26:18

Tensekakwarísi ó꞉ni tonsashekaraténi tsi non natetiókaras tsi teioskwátʼte niehónne tánon shèkwa ne Raneshonrónon rahosatsténsera nók Rawenni꞉io rahosatsténsera tontashéhion, káti tsi entionkétakwe ne rahothiriwanerahákʼtsera enskanikonrén꞉en tánon enhatiʼiéna neh skátʼke ahonnéseke tsi niháti ne Rawenni꞉io sakohiatarákwen.’

Romans 1:16

Asèken iáh tekatéhense ne kariwiʼiósthotsera; neh ne raotsténsera íken ne Rawenni꞉io ne naʼkoʼienawahséntsera nonkweʼtakwékon ne iakóien tewetáhkwen, ne ne ratisitaʼero꞉nons entʼthontiérenhte ethoʼne ne iáh tehatisitaeronons.

2 Corinthians 4:7

Ne tetsitewatié꞉ren tsi ní꞉ioht ne oʼtá꞉ra katsheʼshón꞉ʼa tsi nón꞉we niwateweién꞉ton ne ahtshokowáhtshera. Ne kwáh kahsatstenhserowà꞉nen Niiò꞉ne nón꞉we nitewé꞉tha, iáh ne ontionhà꞉ke.

2 Corinthians 5:17

Ónhka ne Kerístos raonkwé꞉ta í꞉ken kwáh á꞉se shotón꞉ʼon. Nahò꞉ten ne iotohétston akwé꞉kon kaʼnikónhrenʼen, orihwakwé꞉kon á꞉se tsón꞉ni.

Ephesians 2:10

Rawení꞉io thesonkwáwi tsi nitionʼnhóten, tsi tehionkwateriwasóntere ne Kerístos Ié꞉sos neh akarihónʼni iohiánere tsi naietʼthiʼhiatiérase nonkwesónha kwáh tsi nitiónʼnhes, neh káti ónenk ehnihowathákwen neh nahitewáiere.

Ephesians 3:20

Rahonháke nónwe nitewètha ne kasatsʼténsera tsi hionkwakwenionhátie tsi niwéso hionkwahiotátie iáh sénha tahitewakwéni nísiʼnon nahitewariwanónton, tóhkaʼ ó꞉ni sénha wéso ahitewanonthónnionwe.

Ephesians 3:7

Hionʼkeríhonte tsi nòkwa kí꞉ken kariwí꞉ios neh tsi nihiotkwéniens tsi tesakówis ne Rawenni꞉io, tsi thakáwi teiahonkóton tsi niʼiohiótens ne rahosatsténsera.

Ephesians 6:10

Iakáhewe, sewatesatsʼtenserónni tsi tesewateriwasóntere ne Roiá꞉ner tánon tsi nikéntons tsi nihosastenserowánen.

Philippians 2:13

Tionhakéson shènon nihoiohtáties ne Rawenní꞉io natsitsiónʼnien, tánon ó꞉ni natsisewawénnarakwe.

Philippians 3:21

Ákwe niesakosastenserakénʼnion, Tánon ó꞉ni éhtho ní꞉ioht tsi ensakwatáko kíʼ tewaiéronke ne neh tahonsakaieróntarake tsi niʼioriwanerákwat ne rahónha raierónke.

Colossians 1:29

Nakáshon kí꞉ken wahtióte ó꞉ni tewakniotátie, wahkatstónhatie ne kasatstenhserowá꞉nen ne Kerístos takáwis tánon akonhá꞉ke nón꞉we niiohiò꞉te.

Colossians 2:12

Asè꞉ken ne sahsatenekwahéste, Kerístos skátke wahetsihiatátha, tánon natenekwaheʼthátsera kwáh ó꞉ni skátke ne Kerístos tsi saiesahkétsko neh tsi nitisetáhkwen tsi niiohiò꞉te ne Rawenni꞉io raosatsténhsera.

1 Thessalonians 1:5

Asèken nonenh sonʼtakwahawiténni ne kariwí꞉ios, iáh thokàken owennóskon khók akénhake, nók kenikwékon ne kasatsʼténsera ó꞉ni ne Ronikonratokénti, tánon kwá thóh kén꞉en iekanikonrakontákwen ne oriwihioʼónwe. Sewahteriéntare tsi ní꞉ioht tsi tsionnhé꞉kwe ne sitewahkwékon; tsi sénha isinonhwe tsi kariwanirats ne oriwi꞉iohonwe nonkwateriwanotatsera.

2 Thessalonians 1:11

Ne aoríwah tiotkonʼónwe kwahterennaiénni. Shakwahriwahnontónnis nónkwah Ní꞉io nahtshiʼtsiónnien naisewahrihóntahke tsi tiónnhe tsi nitsisewáhwi naitiónnhe꞉ke. Neh iakaiérithe ne raosatsʼténsera akwékon tsi nahoténsons saskáneks ne tkariwaiéri ó꞉ni iahontésa ne sahioténsera ne tewehtákwen.

Ne꞉ne Sák Rohiaton 1:18

Ne tsi kwáh raónha ehnihonikonrhótenʼne thóʼnon nashontiónnhete noriwihioʼónwe nowénna, né꞉ne hiathetewahiáti ohénton ahkénhake tsi niatheʼháti ne sakohiathísons.

1 Tiér 4:11

Nónka ionteriwahnótʼtha ónenk tsi ne enhionteriwahnóhten ne Rawenni꞉io rahotheriwanohtátseras; ónhka ne iakohióte ónenk tsi ne énhionste ne kasatsʼténsera ne Rawenni꞉io tesakówis, nekáti kwáh oriwakwékons nahónton rahonháke ne Ié꞉sos Kerístos tsi tahonwanonweráton ne Rawenni꞉io, rahonhatsíwak rahówenk ne kahiatanerakwátsera ó꞉ni kasatsʼténsera tsi nienʼhénwe ó꞉ni tsi nénwe. Éhʼtho naiáwen꞉ne.