Ephesians 1:18 - Ohiatonhseratokénti

¹⁸ Kwahnekènʼnis sewanonthonkwenháton ne sewanikonrakésons nahisewatkátho ne rahoswatʼthétsera, nahisewateriéntaraʼne nahóten nen꞉ne neh tewetákwen tsi ietsisewanáton, thóh nihiókwas ne kahiatanerakwátsera kahiataterítseras sakorahrasténʼnis ne rahonkwetaʼsónha,

Ephesians 1:18 ပူးပေါင်းရင်းမြစ်များ

Job Tánon ne Raoronhiakensera 42:5

Konsenhnaronken thí꞉wakeriwaronhken, ók ó꞉nen kí kwáh í꞉i khá꞉rake waʼkón꞉ken;

Psalms 119:18

Tesetkakwahrísi, ne nahónton nakatʼkátho ne iorihwanerahkwahténions norihwí꞉io í꞉ken ne saianerénhsera.

Isaiah 11:2

Ne raonikonratokentítshera ne Roiá꞉ner kwáh enwatorihsénhtaʼne rahonháke, noʼnikónra ne atʼthokhátshera ó꞉ni ne kanikonraienthátshera, nonikónra ne katsenhaientátshera ó꞉ni nontiérent, nahonikónra náttokhátshera tánon nahonwatshaʼnísehke ne Roiá꞉ner.

Isaiah 29:10

Asèken ne Roiá꞉ner thowèron shonhá꞉ke ne wahientásten ne teioserenhtanó꞉tes; watetsisewaronwéke, í꞉se ne sewatókenhse, tánon watsiʼsewanontsistóroʼke, í꞉se ne tesewatkónstha.

Isaiah 29:18

Né thóh entewenhniseráteʼke ne tehionhontaʼkwékon kwáh kí entsakoktón꞉teʼne naowenhnaʼhókons ne kahiatonhserakweʼnónhni, tánon thóh entkahiákenhne tsi naʼtetiosaʼtahkéras ó꞉ni tetsiókaras tánon ne teieronhkwékon kwáh kí entiékhenhne.

Isaiah 32:3

Ethòne ne ratikarakéshons tsi nihiákon ne iéken kwáh kí iáh thatahonterónhweke, tánon ratihontakéshons tsi nihiákon ne iakótonhte kwáh kí enhiontahónsathaʼte.

Isaiah 42:7

né꞉ne tahonsahiontkakwahrísi ne teieronhwé꞉kon, né nahonsahiontaʼtsatínekenhwe ne ienhó꞉ton ne tsi ionthaʼtenotónhkwah, né tsi iontaʼtenhotónkwa tsi niháti thóh ratíteron ne tsi tetiókaras.

Isaiah 6:10

Shenikonrónhnien kí꞉ken onkweókons ne tahotiʼnikonhrihiókete, tánon tesehiahontákwent, tesekará꞉set, ne káti ne tó꞉sa ahatikwé꞉ni ne tahatiʼkaneráke, tánon nahontahonsatáte, tánon nahonthaʼtenikonraientáten, tánon tahonsahontkaráteni tánon ahonsahonwatítsienhte.”

Matthew 13:15

Aseken iotokoton tsi roneriasaniron nekenh rononȣentsiate; iohniron tsi tehonhontakaronte, tehonatateronȣekon oni: Ratitsanis ne ratikarake aontkathote, nok tsi tehonhontakaronte ahonronkate, nok raoneriane ahotinikonraientastakȣe, nok iah taonsaontatreȣatane, iah oni nii taonsakhetsientane.

St. Mark 10:17

Nok akȣa neok sishoiakenhonhatie Saiatat eh nontahatakhe ȣathotonstsothase oni ȣahoneken, ȣahenron: Saianer ise ne tisariȣaieri: Oh nakiere ne karonhiake akatsennonni?

Luke 24:45

Ethone onen ȣatesakohnikonrasȣathete nahotinikonraientane tsinikaȣennoten nʼOiatonseratokenti.

Acts 16:14

Tiehiáta ne wahonkhiwennáronke Lydia hiontátsiats nehne Thyatira nitiakawénon, neh iontʼkéronskwe ne ariwakonnéha niwashokótens noniataráhas. Nétho hiakónkwe ronwasénnaiensʼkwe ne Rawenni꞉io, tánon ne Roiá꞉ner wahanonthónko nakaweriáne nahiontennikonráren tsi nahóten ráton ne Kór.

Acts 26:18

Tensekakwarísi ó꞉ni tonsashekaraténi tsi non natetiókaras tsi teioskwátʼte niehónne tánon shèkwa ne Raneshonrónon rahosatsténsera nók Rawenni꞉io rahosatsténsera tontashéhion, káti tsi entionkétakwe ne rahothiriwanerahákʼtsera enskanikonrén꞉en tánon enhatiʼiéna neh skátʼke ahonnéseke tsi niháti ne Rawenni꞉io sakohiatarákwen.’

Romans 11:29

Asèken ne Rawenni꞉io iáh nènʼne thateshoteriwateniénʼnis ónhka akénhake nen sakoiataráko tánon nasakoiatatériste.

Romans 2:4

Kátonkén skenrón꞉ni tsi niʼiókwas neh rahononronkwátsera, ronikonrí꞉io, ronikonkátsʼte. Oriwiʼiohónwe sateriéntare ne Rawenni꞉io tsi nitoriwaiéri Asèken rahtheniéntʼtha nahonsaiasárine nahonsahsatatréwate.

2 Corinthians 4:4

Ne ranehsonhró꞉non ne tsi ionhontsiá꞉te shakoʼnikonhrharó꞉ron tsi nihá꞉ti ne iáh tethonehtáhkwen. Iáh tehatikwénies nahontkáhtho ne kaswathéhtshera, ne wathró꞉ris ne karihwí꞉ios tsi nahoʼténhshon ne raoiaʼtanehrakwáhtshera ne Kerístos, ne shonkweʼnestén꞉nis tsi nihaweiennò꞉tens ne Rawenni꞉io.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

Galatians 5:5

Nonkwatiá꞉kes, nonkwaskanéktsera ne Rawenni꞉io kwáh enseshonkwariwakwatákwaʼse tsi natethewátere ne rahónha; ó꞉ni thóh ní꞉ioht tsi ionkwaráreh neh tsi nikasátste ne Rawenni꞉io rahonikónra iohiotátie tsi nitionkwetákwen.

Ephesians 1:11

Oriwakwékon thóh niʼiawén꞉en tsi nihotenikonrónni ne Rawení꞉io ó꞉ni iatehoriwaiéntase; tánon Rawenni꞉io sonkwahiatarákwen ne rahónha rahonkwétha ahkénhake tahionkwateriwasónterake ne Kerístos ne tsioríhwa tsi rahónha ehnihotenikonrónni, neh rokenserákwen tsi nahóten hiatehoriwaiéntase neh kwáh sonthontásawen.

Ephesians 1:7

Neh꞉ne rahonekwénsa ne Kerístos tsi nihoronhiakénton tsi rahwenhéion ne Kerístos tionkwatatewenʼnihióʼon, ne ken ton skanikonrénhen nonkwariwaneraháktsera. Tsi nikowánen ne Rawenni꞉io rahoténrat,

Ephesians 2:12

Né sontakahá꞉wi í꞉non tesewáʼterekwe ne Kerístos. Thí tsionʼhontsiáteʼkwe tánon ó꞉ni iáh í꞉se tèken ne Rawení꞉io sakoʼiatarákwen. Kwáh iáh othé꞉nen tesewaʼiátare nateriwahseronniatseráʼkon, tsi nón꞉we nikarahtás꞉thon tsi nisakorahrástenni ne Rawení꞉io rahotió꞉kwa, tánon kén tsi ionwentsá꞉te nón꞉we nitsonnhétie tánon kwáh iáh othé꞉nen tesewáʼraʼre ne othé꞉nen ahisewaʼhianerás꞉ten tánon iáh ó꞉ni tesewaʼkwé꞉kon ne Rawení꞉io.

Ephesians 3:16

Rawenniʼióke nón niwakaterénʼnaien neh tsioríhwa tsi nitʼkowánen ne rahohiataterítsera ne karonhiáke nahontatsítion ó꞉ni sewatʼtháwa ne kasatsʼténsera Asèken rahónha ne Rawenni꞉io theʼtsisewáwis ne kasatsʼténsera ne sewahnikonrakéʼsons.

Ephesians 3:8

Í꞉i tshiahonhá꞉a kén nitká꞉a tsi niháti ne Rawenni꞉io rahonkwetaʼsónha; tánon kíʼ Rawenni꞉io takáwi kí꞉ken kakweniensthátsera nehne hiakehawítase neh iáh tehathisitaerónons ne kariwí꞉ios tsi niwatʼrhoriátha iáh tsehiótokʼte ne Kerístos rahohiathanerakwátsera,

Ephesians 4:1

Kwaretsárons, káti—í꞉i ne keʼnhóton neh tsi Roiá꞉ner rihiótense: thóh tiónʼnhek tsi nateiotonhontióʼon tsi nithotáthnon ne Rawenni꞉io neh shatsisewánha꞉ne.

Ephesians 4:4

Énskat khók noierónta ó꞉ni énskat khók nonikónra, kwáh nesáka énskat khók naskanéktsera ne tsi ní꞉ioht ne Rawenni꞉io tsi ietsisewanáton.

Ephesians 5:8

Í꞉se ó꞉ni tionháke tethisewakáraskwe, nók tsi náhe Roiá꞉ner rahonkwétha sewatónʼon, kaswatʼthetserákon nónwe nísewes. Kwáh káti sewateriwaiénʼni thóh nahitionʼnoténhake nahisewéneste tsi tesewaswatʼthéʼon,

Philippians 3:14

Katháke tsi nónwe iatewakóien, nekáti nakʼkwéni takathéntsia natiokowátsera tsi niʼhionkeríhonthe ne karonhiáke. Nekíʼ ne tekariwaserákwen ne Rawenni꞉io sakówis neh tsi nihoiéren ne Kerístos Ié꞉sos.

Colossians 1:23

Ní꞉se ó꞉nenk, tsi kwáh, iensatashonthéren thóh non naisariwahtokénhake tsi nónh꞉ne ioriwahní꞉ron ó꞉ni orihwí꞉io tsi tekensténrote, tánon tóhsa saʼthóntat ne taisanikonratokén꞉ne tsi nokwáh narahratʼtsera satiestén꞉ni nó꞉nen sesatʼthón꞉tene ne oriwahtokénti. Ne sekí꞉ken oriwahtokénti ne I꞉i, Kór, wahkatenatserónni—kí꞉ken oriwahtokénti tsi nihonwahnateriwanotáni nohontsakwé꞉kon.

Colossians 1:27

Tsi nihotenikonrónni ne Rawenni꞉io né꞉ne asakoronkáten ne rahonkweʼtashónha tsi nihoriwahshéton, kí꞉ken kakwákston ó꞉ni ioriwahnerákwak kariwahshéton neh nonkweʼtakwé꞉kon akoriwáke. Tánon ne kariwahshéton né꞉tho Kerístos tsi senikwé꞉kon, ne kéntons tsi ensatiatáren thóh rahohiatanerakwatserá꞉kon ne Ní꞉io.

Colossians 1:5

Nó꞉nen ne orihwí꞉io naterihwanothátsera, ne karihwí꞉ios, thontiérente wesewahiatoren꞉ne, wesewahrónke tsi nitiakó꞉wis narahratʼtshera. Káti tsi tisewetákwen ó꞉ni ne sewahnoronkwátshera ne kakenserákwen tsi nahóten ne sewaskáneks, karonhiá꞉ke neh nón꞉we tewahtheweiénton ne sewahriwà꞉ke.

Colossians 2:2

Ne ki aorì꞉wah tóh nitié꞉ra né꞉ne ahatiiatana꞉ne naotinikonrhaní꞉ra tánon ahonnitiokwaró꞉roke tóh kanoronkwatsherá꞉kon, tánon kwáh ahkanánon ahiokwastónhake ne kwáh orihwí꞉io tsi nitkáhas ne orihwí꞉io kanikonrahienthátshera. Ne ki thóh ní꞉ioht tsi enhonaterientá꞉rane tsi nihoriwahshéton ne Rawenni꞉io, né꞉ne Kerístos.

Colossians 3:15

Tsi nihtatʼkáwas ne skén꞉non ne Kerístos neh naisaié꞉nawahse tsi ahisáhawe tsi ní꞉ioht tsi tensiatoretánion; asè꞉ken ne kí꞉ken ne skén꞉non ne Rawenni꞉io tsi skát꞉ke ietsisewaná꞉ton enkat ieiotón꞉on noierón꞉ta. Tánon tesewahtenonweratónsek.

1 Thessalonians 2:12

Wahʼkwáhʼnikonráhreke, wahkwáhʼnikonrahnirate, tánon iahakwahkóntakwe wakwahʼretsiáron thóh ní꞉ioht tsi tsiónnhek tsi nitanón꞉wes ne Rawenni꞉io, tsi nikáien ne iehianátons nashatiátaren ne Raonakerahserákon ó꞉ni ne raohiatanerahkwatsherákon.

1 Thessalonians 5:8

Nonkentiekhè꞉ne nón nihhionkwáwenk, tánon tehiotonwentióʼon naitionnihióhake. Tehionkwahtonwentióʼni naítewatsthe ne tewetákwen ó꞉ni ne kanoronkwáhtshera thóh nahiotónhake tsi ní꞉ioht ne iontentskwenohróktha, tánon nonkwahskanéktshera ne kaiatakenátshera thóh nahióton tsi ní꞉ioht ne iononwahrotsheraníron.

2 Thessalonians 1:11

Ne aoríwah tiotkonʼónwe kwahterennaiénni. Shakwahriwahnontónnis nónkwah Ní꞉io nahtshiʼtsiónnien naisewahrihóntahke tsi tiónnhe tsi nitsisewáhwi naitiónnhe꞉ke. Neh iakaiérithe ne raosatsʼténsera akwékon tsi nahoténsons saskáneks ne tkariwaiéri ó꞉ni iahontésa ne sahioténsera ne tewehtákwen.

2 Thessalonians 2:16

Aiáwens ne Sonkwahiáner Ié꞉sos Kerístos ó꞉ni ne Ní꞉io Sonkwahníha, tsi nikaíren ne sonkwahnorónkwahon tánon ó꞉ni ne raotenretserákon teshonkwáwi ne iáh tehionéronse kanikonrahnirátʼtshera tánon ne ioriwahníron arahrátʼtshera,

1 Timothy 6:12

Iatesatátʼtsahak tsi skát꞉ke tsi nathesaréron ne tewetákwen, tánon ne teshaténtsa ne ionnheʼónwe atónnhets ne iateshiá꞉ti; Asèken ne kí꞉ken ne iónnhe nètho Rawenni꞉io iahianáthon nónen kwáh thóh kén꞉en sahserihwanírathe tsi tisetákwen tsi nihiakotsiokowánen iakotahónsathekwe.

Titus 2:13

tsi nihionkwárahre nètho iawenniserahnerákwak ionkwarahratsʼténni, nónen ne rahohiatanerahkwátshera ne rosastenserowáhnen Ní꞉io ó꞉ni ne Sonkwaiatákwen Ié꞉sos Kerístos entathathénesthe.

Titus 3:7

nekáti nètho rahoténrat ionkwahrahratʼtieráien entionkwaianerásten tsi nòkwa ne Ní꞉io tánon entʼkáhawe naitewaiéna ne ionnheʼónwe atónnhets tsi nihtewaskáneks.

Hebrews 10:32

Sashewehiaran tsi nisewahiatawenskwe ne tsi nitsawénon. Ne tóh tewenhnisherathenionkwe, né nónen ne Rawenni꞉io rahoswatʼthétshera wahtishewahswatʼtethe, wéso iorihwahke tsi ní꞉ioht tsi weshewahronhiaken, onk iáh ki teshewahsenhion tsi ní꞉ioht tsi sewahtatiatakenen.

Hebrews 6:4

Onh káti ní꞉ioht tsi niháti rohnatewenhtéton ne tewehtákwen tahontahonwahtiʼhiaténhawe tánon séhkon ahonshahʼontatréwahthe? Ónen thóh iehotihkwátʼton ne Rawenni꞉io rahoswaʼthetsherá꞉kon; waonkʼkonhontsherátkenshe ne karonhiakékha ahotahthawítshera tánon rohnónha ó꞉ni rohtiʼienáhon ne Onikonratokénti;

1 Tiér 1:3

Ánion tetsitewanonweráton ne Rawenni꞉io ó꞉ni rahónha Roiénha ne Sonkwaiáner Ié꞉sos Kerístos! Tsioríhwa tsi nikowánen ne rahoténrat thesonkwáwi náse atón꞉nhets neh tsi shokʼhétskwen ne Ié꞉sos Kerístos ne kenheiátne. Neh kí꞉ken kananónk꞉tha ne tewaiéronke ne ionnheʼónwe ahraráhtsera,

1 Tiér 3:9

Tóhsa neh sasewakárhiat ne kariwáksen ne kariwáksen tóhkaʼ ó꞉ni ne karewatátsera ne karewatátsera; kék khók, ne sasewakárhiat ne kahiataterítsera, tioríwa tsi kahiataterítsera nahóten ne Rawenni꞉io iararatsʼténni neh shaianáton.

1 Tiér 5:10

Nók nónen kén nikariwésʼsha wesewaronhiáken, Rawenni꞉io ne akwékon niesakoténre, shieʼianátons nasatiátaren ne rahówenk kaiatanerakwátsera tsi nénwe ne tsi tehonateriwasóntere ne Kerístos, kwáh rahonhatsíwa enshiakwatákwase tánon éntʼhion ne kariwanirátsʼtsera, kasasténsera, tánon kwáh ioníron tsi tkenstskwáhere.