Ephesians 1:17 - Ohiatonhseratokénti

¹⁷ ó꞉ni rihriwanonthónnis ne Rahoní꞉io ne Sonkwaiáner Ié꞉sos Kerístos, ne rohiathanerákwat Kaníhsera, nahontatsítion ne kanikonraienthátsera, rahónha entsitsiónnien nahisewatʼthókʼkhake ó꞉ni natsisewarihotáshiase ne Rawenni꞉io rahoriwasónha, ehnahontáwe naʼtsisewaientérahne

Ephesians 1:17 ပူးပေါင်းရင်းမြစ်များ

1 Chronicles 29:11

Í꞉se ne sesátsʼte ó꞉ni shaʼsatsʼtenhserowánen í꞉ken, sahiatanerákwat, iorá꞉se, tánon sanontí꞉io í꞉ken. Orihwaʼkwé꞉kon ne karonhiáke ó꞉ni nonwenhtsáke tsi í꞉se sáwenk, tánon í꞉se ne sanontí꞉io í꞉ken, né kwáh tishaʼsastenserowánen orihwaʼkwé꞉kon í꞉se tisaniaró꞉taron.

Job Tánon ne Raoronhiakensera 42:5

Konsenhnaronken thí꞉wakeriwaronhken, ók ó꞉nen kí kwáh í꞉i khá꞉rake waʼkón꞉ken;

Psalms 24:10

Ónhka nenhné꞉e kí꞉ken Ronnontí꞉io ne rohiatanerákwat? Né꞉ne Roiá꞉ner ne roshaststenhserowanenʼkówa, rahónha ne Ronnontí꞉io í꞉ken né꞉ne rohiatanerákwat. Selah

Psalms 24:7

Sewaʼthenhenrakétsko, Ó iotenhenrenhtón꞉hnions! Tánon sewaʼharahthatónhak, Ó ionohakahiónsons! Nètho ronhnontí꞉io ne roiataneráhkwat ahónton ahontahatáwehiaʼte.

Psalms 29:3

Né Roiá꞉ner raowénhna thóh í꞉wes éhʼneken ne kaniatarakekó꞉wane; ne rohiatanerákwat Rawenni꞉io roweráston, tánon ne raowénhna iatekawenhnaníharas éhʼneken ne kaniatarakhekówahne.

Exodus 28:3

Iaséhnonk tsi niháti ne roʼtirenhnáhon nahotiʼióten tsi niháti thekhehiáwi natʼtokʼkhátshera, tánon sehró꞉ri nahonʼwakweniónhnien ne Aaron, né káti nahónton nahoʼiathatokentíʼhake tsi nòkwah Í꞉i tsi enhatió꞉tenhse.

Proverbs 18:15

Nón꞉kwe né teiakoʼnikonhráthe tiótkon iakotateweienentá꞉ʼon nahò꞉ten aieweientéhtaʼne.

Proverbs 2:5

Tókaʼ tho nénhshiere, ensaterién꞉taraʼne nahò꞉ten kén꞉ton nahtshetshà꞉nike ne Roiá꞉ner, tánon ensaterihwahténtiaʼse nahtshientéhrhaʼne ne Rawenni꞉io.

Isaiah 11:2

Ne raonikonratokentítshera ne Roiá꞉ner kwáh enwatorihsénhtaʼne rahonháke, noʼnikónra ne atʼthokhátshera ó꞉ni ne kanikonraienthátshera, nonikónra ne katsenhaientátshera ó꞉ni nontiérent, nahonikónra náttokhátshera tánon nahonwatshaʼnísehke ne Roiá꞉ner.

Jeremiah 2:11

Iáh nonhwénhton ne ónhkak ónhkwe ne tahiakothatáhwi ne ní꞉io, iawehrohátien tsi iáh tóhske tèhken. Ók nahkonhkwéta wahtionkanitiónkwaʼkwe, ne Ní꞉io tsi nikáien ne shakokweniénston, ne rahtiní꞉ios ne iáh othènenh thahatikwéni nashakothihiatahkéna.

Jeremiah 24:7

Entheʼkhéhion naskanéktshera nahonatheriéntahraʼne tsi Í꞉i ne Watiá꞉ner. Ethóhʼne kíʼ ʼI꞉i ne akonhkwetahshón꞉a enhónton, tánon Í꞉i ne raothiʼNí꞉io enkénhake, tioríhwa tsi kwáh ronnerhiashaʼkwékon tsi Í꞉i nòkwah nahtentʼthónne.

Jeremiah 31:34

Iáh ónhka tsi niháti nashakotirihónnien ne ronahténros tóka ó꞉ni ahshakotiʼrórih ne tehonnonsanéken, ‘Tsienteríhak ne Roiá꞉ner,’ tsioríwah tsi ratiʼkwékon enhiontienteríhake, ne ne kwáh kenk nahiesénnasʼke tsi nióre ne kwáh tsiaʼkotsénnahthe. Ensehkhenikónhrenseh ne raoʼtirihwahneraháktsheras tánon kwáh iáh tahonshaʼkehiárahke tsi naʼthahonahterenthaʼwehréhon. Í꞉i, ne Watiá꞉ner wakatáti.”

Jeremiah 9:24

Tóh꞉ka ónhka í꞉ienreh tahiontaʼterénsahron, ne ahówenk tahierénsahron tsi hiontsentéri tánon hionkenikonrahiéntas, tioríhwa nakenoronkwátshera tsi ioriwató꞉ken, tánon ethóh nitiérah nahó꞉ten ne kaiáneren tánon tkariwaiéri. Ne kí꞉ken nahorihoténsons ne wakerientiʼióstha. Í꞉i, ne Watiá꞉ner, wakatáti.”

Daniel 10:1

Ne ahsénhaton shiiohserakehátie, né ne Cyrus shihakó꞉ra ne Persia, wahonwarihotáhshien ne Daniel, raónha ó꞉ni Belteshazzar ronwá꞉iats. Norí꞉wa kwáh í꞉ken, tsi tó꞉kenhske í꞉ken ók iohní꞉ron naiakoʼnikonhraién꞉taʼne. Atetshenhserá꞉kon tsi wahonwaʼnikonhraientáhten.

Daniel 5:11

Shaiá꞉ta rón꞉kwe rén꞉teron ne sanakerahserá꞉kon nikwé꞉kon ne roʼnikonhratokénhti ne Roiaʼtatokénhti Rawenni꞉io. Shihonontí꞉io né iaʼníha, ki rón꞉kwe wahrotáhsi tsi nikéntonhs né kaiatorehtahtsherí꞉io, nattokhátshera, kaʼnikonhraientáhtshera tsi ní꞉ioht né raotíʼnikonhraientáhtshera ne raotiní꞉ioʼs. Tánon ó꞉ni ne ronontíiohkwe Nebuchadnezzar, iaʼníha, raónha ohén꞉ton iaʼthótahste né ronwanathiatonhseratkénse, rontenʼénnarahs, tehontierónnions, tánon ne ronttsistohkwakkénse.

Matthew 11:25

Ethone ne Iesos tontahenron: O konsennaiens Rakeni, ok tiseȣenniio tsi Karonhiate oni tsi Ionȣontsiate, ne tsi sheriȣasetenni neh nikarihotens ne iontokhas oni ne ienikonrasson, nok neh ne kenniiakasa shetokatenni.

Matthew 11:27

Oriȣakȣekon Rakeniha rakaȣi; iahonka tehonȣaienteri ne Roienha, akȣa neok ne Roniha, toka ken onkakiok onshakororihake ne Roienha.

Matthew 16:17

Tontahenron ne Iesos: Sataskat Simon Jonas iaienha, iahse oȣaron, iah oni nonekȣensa tesarihotasienni, neh tanon ne Rakeniha Karonhiake thenteron.

Matthew 20:33

Taniron: Seȣenniio! Aiakenikenseke.

Matthew 6:13

Nok tosa aionkȣasenni ne kariȣaneron; ehren tanon takȣariȣakȣiten ne iotaksens, aseken ise ne tsiniienhenȣe ensenakereke, kasastensera oni Kanentonsera iah takariȣentane. Amen!

Luke 12:12

Aseken Ronikonratokenti hentsitsion tsinahoten enseȣenron neh nenkahaȣi.

Luke 2:14

Ahonȣasennaien ne Niio Karonhiake! Skennen Kenhak nonȣentsiake! niakonikonriio nonkȣe.

Luke 21:15

Aseken akȣa ii enkion nethone ne kanikonriio kaȣenniio oni tsiniiore ne iah onka takakȣeni aietsiriȣaiakse oni aietsirihorarake ne ietsiriȣasȣens.

John 14:17

Noneh Ronikonriioston, nene iah onka tehonȣaienteri nonkȣe; aseken iah ki tehonȣakens, iah oni tehonȣaionteri: hetsiseȣaienteri ki tanon nise; aseken seȣakȣekonhaties, tiotkon oni enseȣakȣekonhatie.

John 14:26

Nok tanon ne Sakohnikonriiosta, nehne Ronikonriioston, aksennakon enthotenniete ne Rakeniha, akȣekon niientsiseȣarionnien, ensetsiseȣeiarakȣen oni tsini ioriȣake kȣarori.

John 16:3

Neh ȣaonni eh nenhietsiierase ne tsi iah teionkhiienterhaon ne Rakeniha, iah oni nii.

John 17:3

Kenh kaien enhiakaonnhete onȣe: neh naiakoterientarake tsi sonhaa ok ne Niio, nok ne tetsiatorion, Iesos-Keristos.

John 20:17

Tontahenron ne Iesos tosa kenh niiatatier: aseken areko Rakenineha tiieseȣakenon; ȣas tanon seroriana nʼiakȣatatekenha: Rakenineha sake, nok etsiseȣanineha oni nise; Ake-Niione, Etsiseȣa-Niione oni nise.

Acts 6:10

Nók ne Ronikonratokénti tsi nikowánen natʼthokhátsera taháwen ne Stephen nónen enhatáti, iáh tehatikwéniensʼkwe ne tahontahonwahwennóko.

Acts 7:2

Stephen watariwaseráko, “Tawatatékens ó꞉ni kaníseras, takwatahónsatat! Nohénton ne tsi tewasotkén꞉en NʼAbraham ne Haran nónwe iatahonsahaná꞉taʼkwe, ne Rawenni꞉io Rahohiatanerakwátsera wahothotáshase neh nónwe Mesopotamia

Romans 1:28

Nonkwesónha tsi ratiriwásons nahonʼnonthónnionwe ne kwáh thokénʼen ahonwanikonraiéntaʼne ne Rawenni꞉io. Tóh nòkwa iesakotʼkáwen tsi nòkwa neh rathinikonrahétkens, neh tsi éhʼtho nihathiʼiéra tsi nahoténsons neh iáh tatehiotonwentióhon neh nahathiʼiéreh.

Romans 15:6

Kwáh káti sewakwékon iatahisewátieste skanikónrak akénhake tsi atsisewasénnaien ne Rawenni꞉io ó꞉ni neh Roiénha ne sonkwaiáner Ié꞉sos Kerístos.

1 Corinthians 12:8

Ne Ronikonratokénti tionkwéta enteshakáwen nahteriwahnothátshera thitʼkáhehre ne kariwahkwahrishióntshera, nók nó꞉ia ne sahahiáta ne Ronikonratokénti entesakáwenh nahteriwahnothátshera thitʼkáhere ne atʼtokháhtshera.

1 Corinthians 14:6

Ne káti nónen thentewahtátʼken, tewatenroʼshónʼa, nahóten akerihontáhko tóhkaʼ thiʼwennásate akatáh꞉ti? Kwáh iáh thènen, nék tohkàken né ienkwahawíten tsi nahoténson ne Rawenni꞉io rohrihotashónkwen tóhkaʼ ó꞉ni knahótenk natʼthohkhátshera tóhkaʼ ó꞉ni niakonikonrahnírats aterihwahnotátshera tóhkaʼ ó꞉ni karihonniennítshera.

1 Corinthians 2:10

Nók Í꞉i onkwahriwáhke ne Rawenni꞉io wahrotáshon ne raówenhk kariwahséton raohénton ne Ronikonratokénti. Ne Ronikonratokénti kwáh oriwahkwékon tsi rariwísaks, iekaríhare ne kwáh kanonkwáhke tsi ní꞉ioht tsi rohriwahshé꞉ton ne Rawenni꞉io.

1 Corinthians 2:8

Iáh ónka ne ratikoráhshonsʼkwe ne tsi ionwenhtsiáte teonateriéntarakwe kí꞉ken kariwahkwahrishióntshera. Tóhka aonatheriéntaraʼke, iáh tathahonwahhiasontáke ne Roiá꞉ner né꞉ne rohiataneréhkwat.

2 Corinthians 12:1

Ó꞉nenk tsi tenkataterénhsaron. Iáh kiʼ nen꞉ne thé꞉nen tekáhsta thaón꞉ton, nok ó꞉nenk tsi enkatená꞉ieste tsi nahoʼténhshon onkwatahsatahrháhse tánon tsi nahoʼtenhshon ne Roiá꞉ner rakerihotahshién꞉ni.

Ephesians 1:3

Ánion thetsitewanonweráton ne Rawení꞉io ó꞉ni rahónha ne kanísera ne sonkwaiáner Ié꞉sos Kerístos! Ne tsi tehionkwateriwasóntere ne Kerístos sonkwahiatateríston neh tsi nitesonkwáʼwi noriwakwékon ne kariwiʼiostóntsera ahohiataterítsera ne karonhiáke tiohontsáte.

Ephesians 3:5

Tsi nihtiothohestánion nonkwesónhas iáh tehonwathiróri kí꞉ken ioteriwashéton, nók kí Rawenni꞉io rorihotáshon tsi niehóha ne Ronikonriʼióston ronkonháke ne rothiʼhiatathokénti ne rathikwekónne ó꞉ni ne iehathiriwákens.

Ephesians 4:13

Tánon káti tewakwékon entewateróhroke nethóʼnon tsi sahonkwaríwa íken tsi ní tionkwetákwen ó꞉ni tsi tsitewanikonraiéntas ne Rawenni꞉io Roiénha; kwáh káti entewathonkwetísa, iéntewawe kwáh tsi nihanenhiésonʼne ne Kerístos.

Philippians 3:15

Ákwe tsinítsion ne ónen hionkwatonkwethíson kwáʼ ehthoní꞉ioht tsi sakatʼaitewanontonniónheke. Nók tóhka hónka tsinítsion ohiaʼní꞉ioht tsi ranonthónnions, Rawenni꞉io nèn꞉ne wéhne enhiónʼnien.

2 Timothy 2:25

tsi thoriwaiéri tsi nensetakwaríshion ne iesáswens, tóhkaʼ nónwa ne Rawenni꞉io sakotehsennáwis nahonsahontatʼréwathe ó꞉ni nahathiʼientéraʼne ne oriwiʼhioʼónwe.

Titus 1:1

Kór nón nitiawénon, Rawenni꞉io rihiótense tánon rihiateriwanotánis ne Ié꞉sos Kerístos. Iontiatarákwen ó꞉ni iehionkateniéhton nahkesniénon ne thoʼnethákwen ne Rawenni꞉io sakohiatarákwen tánon nakhehéntense ne kariwahkwarishiontserákon tsi nihionkwaweientetáʼon nonkwariwiʼiostóntshera,

Ne꞉ne Sák Rohiaton 2:1

Tewatenroshónhas, neh tsi theʼtsitewetákwen ne Sonkwaiáner Ié꞉sos Kerístos, rahónha Roianere ne kahiataterítsera, tóhsa nonwénton takontʼthihánionke tsi níʼioht tsi ahsekwénienste nónkwe ne taʼskatʼkáneren tsi nahiontʼkathotseróten.

2 Tiér 1:3

Ne ionnheʼónwe rahosatsʼténsera Rawenni꞉io tesonkwáwi neh꞉ne kwá tsi nahóten tahionkwatonwentiónike tsi aitiónnheke ne oriwiʼioʼónwe kariwiʼiostóntsera ne tsi tesonkwáwi nonkwatʼthotʼkhátshera tsi nikáien ne iesonkwanáton naitewatiátaren ne rahohiatanerakwatserákon ó꞉ni tsi nihohiánere.

2 Tiér 3:18

Nók iasewatasónteren sewatehiáron thóh nónwe ne rahotenretserákon ó꞉ni ne rahotʼthokhatserákon ne Sonkwaiáner ó꞉ni Sonkwaiatákwen Ié꞉sos Kerístos. Rahónha ne kahiatanerakwátsera, nónwa ó꞉ni tsi nénwe! Éhʼtho naiáwenʼne.

Revelation 7:12

teotiriwákwen, “É꞉tho niiá꞉wen! Kaiatateríhtshera ó꞉ni kaiatanerakwáhtshera ó꞉ni kanikonró꞉wanatsera tánon kanonwaratónhtsera ó꞉ni kakwenienstensera tánon kakwenient ó꞉ni kaʼshatsténhsera raonhà꞉ke nonkwáh Ní꞉io tsi nienhén꞉we ó꞉ni tsi nén꞉we enkénhake! É꞉tho niiá꞉wen.”