Ephesians 1:16 - Ohiatonhseratokénti

¹⁶ iáh tekatʼkáwas tsi tehinonwerátons ne Rawení꞉io níse sewariwá꞉ke. Kweʼhiáras nónen wakaterénʼnaiens

Ephesians 1:16 ပူးပေါင်းရင်းမြစ်များ

Genesis 40:14

Ók kiʼ saskehiá꞉raʼn nó꞉nen akwé꞉kon entsioiánerehke ne sarihwá꞉ke; ahsathón꞉tate taskerihwaié꞉rits takená꞉ton raohén꞉ton ne Pharaoh, ne katíʼ naonsastiaʼtínekenhwe kíʼ kén꞉ʼen iontatehnhotónhkwa.

Isaiah 62:6

Né tsi satenhenró꞉tons, Ó Jerusalem, thóh tekhetáston ne ronterí꞉ios nahonthenhnikonrá꞉ren; né tsi niwenhniserésons ó꞉ni tsi niwasontésons kwáh kí iáh nonwénhton sák tahontatón꞉ni. Í꞉se ne tsi tsiʼsewehiarakwénhnis ne Roiá꞉ner, tó꞉sa ahatoríhsen,

Colossians 1:3

Tiotʼkonhónwe tetsitewahnonwerá꞉tons ne Rawenni꞉io, Rahónha ne Kaʼní꞉sera í꞉ken tsi nokwáh ne Sonkwaiáner Ié꞉sos Kerístos, nó꞉nen enkwaterennaiénhase.

Colossians 1:9

Asè꞉ken kwak sakwasennáronke neh iorihonní꞉hon tsi kwáh tió꞉konthe kwaterennaién꞉ni. Wahsakwariwahnóntonse ne Rawenni꞉io neh ahtsisewahiatanáh꞉ne atthokhátshera tsi nih thóh nikonrihió꞉on, kwáh akwé꞉kon natenikonrowanhatsera ó꞉ni ne kanikonraientátsera tsi nitewetha ne rahosasténsera.

1 Thessalonians 1:2

Tiotkonhónwe kwá sewahkwékon tesakwanonwerátons ne Rawenni꞉io ó꞉ni tiókonthe kwanátons nonkwaterennaientatserákons.

1 Thessalonians 5:17

tasewahkontahkwénhak tsi sewahterennaiéntak,

2 Thessalonians 1:3

Tewatenroʼshón꞉a, kwá tiókonte ioteriwíshon tsi tasakwanonweráton ne Rawenni꞉io ne sewahriwáhke. Kwá ioiánere neh naiakwáiere, tioríwah ne sewehtakwátshera tsi nióre tsi ioteiárontse ó꞉ni tsi natesewahtatenorónkwa sénha iotehiaróntie.

1 Samuel 12:23

Sénha isiʼnónwe nakeriwá꞉ke í꞉ken, ahí꞉non nikénhak nakeriwá꞉ke nètho ne kwáh akeriwanerá꞉ke tsi nókwah ne Roiá꞉ner tsi akatʼkáwe tsi koniaterennaién꞉ni; tánon kwáh enkonrihón꞉nien thohʼnónhwe ne ioiá꞉nere tánon ne tkariwaié꞉ri.

1 Samuel 7:8

tánon wahonwénhaʼse ne Samuel, “Tó꞉sa téstann tsi iesaterénnaien rahonhá꞉ke ne Roiá꞉ner ne nón꞉kwa Ní꞉io í꞉ken, tánon saterénnaien nètho rahón꞉ha nontiérenk enshonkwanónsthaʼte tsi nó꞉kwa ne Philistine rontsaná꞉kes.”