Ephesians 1:14 - Ohiatonhseratokénti

¹⁴ Neh tsi tewakwékon ne Rawenni꞉io neh kariwanìhras tsi entewaiéna tsi nahóten sakorahréstenni ne rahonkwetaʼsónha, tánon ne kí꞉ken hionkwariwanihrátis neh Rawenni꞉io kwáh iehiokontákwen entesakáwen naʼthatewennihiótsera tsi niháti ne kwáh rahónha rahonkwetaʼsónha. Ánion tethewatenonweráton ne rahohiatanerakwátsera.

Ephesians 1:14 ပူးပေါင်းရင်းမြစ်များ

Psalms 74:2

Sehiehiárak ne shonkwetaʼshón꞉ha, tsi nikáien ne satonkwetaʼráhkwen ne waʼhónhnise tkènhne, Né꞉ne kwáh í꞉se sehiataráhkwen ne shonkwetaʼshónha aʼhónton. Sasehiáran tsi iohnón꞉te ne Zion, tsi nón꞉we ieshiterónhtaʼkwe.

Psalms 78:54

Tánon thóh nón꞉we niasakohiaténhawe ne raonontatokentíke, né꞉ne tsi ionón꞉te ne kwáh rahónha rotkwénhnion.

Luke 21:28

Neh kati nonen enteȣatasaȣen eh nenhiaȣenseron, seȣatarakestsko nok ehneken iaseȣatkatto, aseken onen akta iȣe ne seȣaiatakennhatsera.

Acts 20:28

Kwáh káti sewatatennikonráren ó꞉ni kwáh kanenrakwékon tsi nitsisewatakweʼniaʼiénni ne Ronikonratokénti. Thóh nihiotónhak tsi sewatennikonráren ne Rawenni꞉io rahononsatokénti tsi ní꞉ioht tsi sakothinikónrare ne teiotinakarontón꞉a sakotinikónraʼre, tsi raónha rahówenk iotónʼon tsi ronekwáhon ne Roiénha.

Acts 20:32

“Tánon nonakènkha nateriwanothátsera ne tsi nithoriwaiéri ne Rawenni꞉io ne shonháke ne ensatenʼnikonráren, neh enkakwéni naisahsasténseron ó꞉ni enthíson ne kahiataterítseras tsi nitesakówis ne Rawenni꞉io rahonkwetaʼsónhas.

Romans 8:23

Nók iáh kíʼ nek khók tèken tsi nahoténsons ne kashahánion; onhtionháke nón nikénteron nonikónra, neh tewatierénta tesonkwáwis ne Rawenni꞉io káti ó꞉ni skát꞉ke tsi ionkwanikonranónwaks, tsi nihionkwárare ne Rawenni꞉io thoʼní꞉ioht tsi ahsonkwakenhénion tsi síken ní꞉ioht neh rahónha sonkwaiohokónhas íken, tánon ó꞉ni kwáh tewahiatakwékon tsi ahonsontatewenní꞉ioʼne.

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

2 Corinthians 1:22

Ó꞉ni ró꞉ton ne Raoʼnikonratokénhti nonkweriahnéhshon ne aweʼnéston tsi raónha se raonkweʼtaʼshón꞉ʼa.

2 Corinthians 5:5

Rawenni꞉io se akwé꞉kon niehokwénion ne tahshonkwaté꞉ni. Shonkweʼnestén꞉ni ne Raoʼnikón꞉ra tsi eh nenhá꞉iere.

Galatians 4:6

Nawenéston tsi rahónha sonkwaienokónhas, Rawenni꞉io tahathéniethe ne Rahonikonratokénti ne Roiénha nahionkwatsiénhase nonkwerianésons, Nonikonratokénti rahónha ratátis, “Rákeni, Tatsiénha.”

Ephesians 1:11

Oriwakwékon thóh niʼiawén꞉en tsi nihotenikonrónni ne Rawení꞉io ó꞉ni iatehoriwaiéntase; tánon Rawenni꞉io sonkwahiatarákwen ne rahónha rahonkwétha ahkénhake tahionkwateriwasónterake ne Kerístos ne tsioríhwa tsi rahónha ehnihotenikonrónni, neh rokenserákwen tsi nahóten hiatehoriwaiéntase neh kwáh sonthontásawen.

Ephesians 1:12

Ánionʼkiʼ, tsi í꞉i tionkwatserénton tetsitewethákwen ne Kerístos, tethewatenonweráton ne Rawenni꞉io rahohiathanerakwátsera.

Ephesians 4:30

Tánon tóhsa tsiónʼnien ne Rawenni꞉io Raonikonratokénti nahonikonráksen; Asèken rahonháke ne Ronikonratokénti nón ne Rawenni꞉io roieronnístʼthon níse tsi rahónha rahonkwéta, neh kariwanírats tsi ienwatenniseríhewe ne Rawenni꞉io tsi enshanerénsi.

1 Tiér 2:9

Nók í꞉se ne kentiókwa ne ietʼtsiʼiatarákwen, ne Ronontí꞉io rahotsihénstatsis, ne otiokwatokénti, ne kwáh Rawenni꞉io rahonkwetaʼsónha, kahiatarákwen nahontʼróri ne ionerakwathénion ne Rawenni꞉io rahoweiénnas, ietsisewennónkon tsi tetiókaraskwe tánon thonónwe nonsatsisewátʼkawe ne ioriwanerákwat raoskwatetʼtserákon.