Ephesians 1:13 - Ohiatonhseratokénti

¹³ Tánon ó꞉ni Rawení꞉io rahonkwéta sewatónʼon neh nónen shesewatʼthóntene ne oriwihioʼónwe ahtheriwahnothátsera, ne kariwí꞉ios thisewahawitén꞉ni ne sewahiathakenákʼtsera. Thaʼtsisewétakwe ne Kerístos, tánon ne Rawenni꞉io wahatsíkwente neh tionhakéson tsi rahónha se rahonkwetaʼsónha ó꞉ni ne ne Ronikonriʼióston íken tsi nihorahráston.

Ephesians 1:13 ပူးပေါင်းရင်းမြစ်များ

Psalms 119:43

Tatiénawas nakatáti norihwí꞉io í꞉ken né꞉ne tiókonte akénhake, tsioríhwa nakararáhtshera sahiatorethatserákon nón꞉we nihiotaténhron.

Joel 2:28

Eʼthò꞉ne ohnákenke kwáh entkawé꞉ron nakeshatsténhsera onkweʼtakwé꞉kon ahiakó꞉rane; né꞉ne sanekenteronhtsheraʼshón꞉as tánon ne sehioʼokón꞉as tionathonhwí꞉sens kwáh kí ienhatiriwakénhseke, ne tionkweʼtashón꞉as ne thotí꞉ions kwáh enhonathetsenhá꞉ton naʼtetsénhseras, tánon ne ken nithotihónsas tionkweʼtashón꞉as thenʼonatieronhniónhase.

Luke 11:13

Etho kati taeseȣaiatorete, seȣaȣeiente ise ne tsionkȣetaksens neioianere tsi naietsiiatierase ne ietsiienhokonha, toh kati onte senha nonshakaon ne Etsiseȣaniha Karonhiake thenteron ne raonikonratokenti onkaresson ronȣariȣanontonnis?

Luke 24:49

Niare kati Jerusalem seȣenterontak tsiniiore ionseȣahrane nʼEnekenkha ahosaststensera.

John 1:17

Aseken ne kaianerensera Moïs roson; nok kenhkaien natanitenron oni ne kariȣakȣarisionsera, Iesos Keristos nehneh rahaȣine.

John 14:26

Nok tanon ne Sakohnikonriiosta, nehne Ronikonriioston, aksennakon enthotenniete ne Rakeniha, akȣekon niientsiseȣarionnien, ensetsiseȣeiarakȣen oni tsini ioriȣake kȣarori.

John 15:26

Nok tanon nonen henraȣe ne Sakohnikonriiosta, nehne Rakenineha enthiiatenniete, nehne Ronikonriioston, Rakenineha oni thoientakon, raonha enhakeriȣaniratse.

John 3:33

Nok onka rotaonsatati, roriȣaniraton ki tsi Niio ihken ne Niio.

John 6:27

Tosa neok seȣaser tsinahoten ne kenheions, neh tanon ne ionnhe onȣe oni iaiakohiatheȣe Karonhiake, neh oni nʼonkȣe Ronȣaienha hentsitsion: Aseken ne Roniha Niio, akȣa raonhake tehonetorarakon ne raonikonra.

Acts 1:4

Tánon nònen skát꞉ne shionsahónton, ken nasakotsiawénratʼse: “Tóhsa sewanakeráko ne Jerusalem, nók neh sewateráhrat nahthatawítsera tsi nikwaróhri, neh nathatawítsera tsi nihorahrátsʼton ne Rakeʼníha.

Acts 13:26

“Tewatatékens Israerʼró꞉nons, NʼAbraham nitisewatʼwatsirínon, tánon sewakwékon ne iáh tesewasitaerónons ne kén tsi sewasénʼnaiens ne Rawenni꞉io: I꞉i se onkwariwáke kí꞉ken kahiatakenátsera tsi tewateniéton!

Acts 2:33

Tsi sonwakétskwen neh꞉ne tsi raweienthetákwen nòkwati ne Rawení꞉io, ne Roʼníha, ne Rawení꞉io thó꞉wi ne Rahonikonratokén꞉ti, kwáh tsi nihorahrátston. Tsi nahóten nónwa sewatʼkáthos ó꞉ni sewarónkas nehne rahotathawítsera tsi nisonkwahiatanorónston.

Romans 1:16

Asèken iáh tekatéhense ne kariwiʼiósthotsera; neh ne raotsténsera íken ne Rawenni꞉io ne naʼkoʼienawahséntsera nonkweʼtakwékon ne iakóien tewetáhkwen, ne ne ratisitaʼero꞉nons entʼthontiérenhte ethoʼne ne iáh tehatisitaeronons.

Romans 4:11

Oʼnhàken kén nihonwawarakwétaron, tánon tsi rhotewarakwétharon ne iawenéston tsi aonteriwanírate neh tsi tawethákwen ne Abraham ne Rawenni꞉io wahokwénienste tsi síken ní꞉ioht nahoʼthonkwethakwarísion nohénton sahonwahwarakwétaron. Rahóna káti ne Abraham neh kariwihiosthóntsera kanísera tiokwékthon tsi niʼiákon tiakawethákwen ne Rawenní꞉ioke tánon ó꞉ni raónha ne Rawenni꞉io ensakokwéniensʼte, iahwerhohátien tsi iáh teonwathiwahrakwétaron.

Romans 6:17

Nók tahonwanonweráhton ne Rawenni꞉io! Iawerohátien tewenniseráthekwe kariwáneren ahotshé꞉nen kén꞉ne, kwáh káti seriasakwékon tsi wasatewennarákwe, ó꞉ni washéna ne tkariwaiéris ne washetʼtsénri tsi nahesarihónnien.

2 Corinthians 1:22

Ó꞉ni ró꞉ton ne Raoʼnikonratokénhti nonkweriahnéhshon ne aweʼnéston tsi raónha se raonkweʼtaʼshón꞉ʼa.

2 Corinthians 6:7

Tókenske tsi nahò꞉ten iatiá꞉ton tsi Rawenni꞉io raoioʼténsera ionkenihá꞉wi tsi ionkeniioʼtátie. Iohní꞉ron teiontiatohetstánion, ne ó꞉ni nahò꞉ten tiontiatá꞉ti tánon tsi niiontiatié꞉ren nek ne tkaié꞉ri tsi niiatiatiéhrha.

Galatians 3:14

Kerístos neh aoríwa kíʼ thóh naháiere neh nahónton ne kahiataterítsera tsi nihorahrástenni ne Rawenni꞉io neh Abraham nontiérenk ahontahonwénnon ne iáh tehathisitaeronons tsi néntewe rahonháke ne Kerístos Ié꞉sos, neh káti thóh ne tewetákwen nontiérenk entewaiéna ne Onikonratokénti tsi nihoraráston ne Rawenni꞉io.

Ephesians 4:21

Kwáh orihrihiohónwe tsi entsisewariwarónken, tánon ó꞉ni neh rahotiókwa kènʼne ietʼtsiriʼonniénʼni ne rahoriwakwarishióntsera ne Ié꞉sos.

Ephesians 4:30

Tánon tóhsa tsiónʼnien ne Rawenni꞉io Raonikonratokénti nahonikonráksen; Asèken rahonháke ne Ronikonratokénti nón ne Rawenni꞉io roieronnístʼthon níse tsi rahónha rahonkwéta, neh kariwanírats tsi ienwatenniseríhewe ne Rawenni꞉io tsi enshanerénsi.

1 Thessalonians 2:13

Tánon séhkon óia nahorihóten nontiéren tsi tehtsitewahnonweráhtons ne Rawenni꞉io. Shontakwahawíh꞉ten ne Rawenni꞉io raoterihwahnothátshera, wesewáhronke tánon wesewahtiénawaste, naterihwahnotátshera iáh onkwé꞉ne tetsiawénon ónk ne tsi Rawenni꞉io raoterihwahnotátshera, ne tsi kwáh neh íken. Aséhken ne Rawenni꞉io tionháke nón nihohʼiotáties tsi níh꞉tion ne tisewetákwen.

2 Timothy 2:15

Kwáh iatesatatʼtiáhat nahónton nahiariwahníratʼtse ne Rawenni꞉io, tsi nisahiotenseróten iáh tesathéhens, tsi nikáien ne kwáh taiérits sakorihonniénni ne Rawenni꞉io rahotheriwahthotátsera noriwí꞉io.

2 Timothy 2:19

Nók ne ioníron thekenstenrotákwen nètho ne Rawenni꞉io rohkéron iáh tahónton ne tahiowéntonwe; tánon thóh ken nikawennótens kahiáton: “Ne Roiá꞉ner rohtheriéntare ónhka ne rahonkwetaʼsónhas” tánon “tsi nihiákon ne iónton Roiá꞉ner rahonkwéta íken ónenk tsi tentionkʼkarathéni tsi nihiontiéra ne iáh tetkaiéri.”

2 Timothy 3:15

tánon iehiárak kwáh siseksáhak, sisateriéntare ne Orihwatokéntis, neh kakwénies tisáwis natʼthokát꞉tseras tsi nithewétha ne kahiatakenátsera ne tewetákwen rahonháke ne Kerístos Ié꞉sos.

Titus 2:11

Asèhken ne Rawenni꞉io rahwenéston ne rahoténrat né꞉ne aʼkoiatakehnhátshera nonkwetakwékon.

Hebrews 2:3

Onhkáti, ne ní꞉ioht, tsi aitewahié꞉na kénhʼne tóhka iáh taitewahtennikonráhratʼte né꞉e nikowáhnen kaiatakenátshera? Rahonhatsíwah ne Roiá꞉ner tohtierénton rorihowahnáton kí꞉ken kaiatakenátshera, tánon tsi niʼiákon ronwahtontéʼon ionkwahterihwahniráti tsi tóhkenske íken.

Ne꞉ne Sák Rohiaton 1:18

Ne tsi kwáh raónha ehnihonikonrhótenʼne thóʼnon nashontiónnhete noriwihioʼónwe nowénna, né꞉ne hiathetewahiáti ohénton ahkénhake tsi niatheʼháti ne sakohiathísons.

Ne꞉ne Sák Rohiaton 1:21

Kwáh káti akwékon éhren sháwit tsi nahótens ne tehioweienʼnátsions ó꞉ni akwékon nahótens ne kariwahétkens. Rawenniʼióke nòkwati niaháse tánon tiéna nowennasónhas tsi nihaiéntos ne seriá꞉nes, né꞉ne iokwénion ahonsehsaniákente.

1 Tiér 2:10

Ieióhene iáh níse Rawenni꞉io rahonkwéta tekènne, nók ónen kíʼ rahónha rahonkwéta sewatónʼon; ieióhene iáh tesewateriéntarakwe ne Rawení꞉io raotaniténrat.

Revelation 7:2

Wahí꞉ken ó꞉ia raronhiakeró꞉non thóh nontahawenonhátie tsiʼkarahkwí꞉nekens, ne rahá꞉we ne ratsikwentáhkwa ne ronhnheón꞉we Ní꞉io, tánon wahatewenhnhowá꞉nate tsi iasakoná꞉ton ne kaié꞉ri nihá꞉ti ratironhiakeró꞉nons né꞉ne ronónha thonwaná꞉wi ne kaʼshatsténhsera ne ahatikarónhni tsi ionwenhtsá꞉te o꞉ni ne kaniatarakeʼkowáhne,