Ephesians 1:11 - Ohiatonhseratokénti

¹¹ Oriwakwékon thóh niʼiawén꞉en tsi nihotenikonrónni ne Rawení꞉io ó꞉ni iatehoriwaiéntase; tánon Rawenni꞉io sonkwahiatarákwen ne rahónha rahonkwétha ahkénhake tahionkwateriwasónterake ne Kerístos ne tsioríhwa tsi rahónha ehnihotenikonrónni, neh rokenserákwen tsi nahóten hiatehoriwaiéntase neh kwáh sonthontásawen.

Ephesians 1:11 ပူးပေါင်းရင်းမြစ်များ

Job Tánon ne Raoronhiakensera 12:13

“Raónha nikwé꞉kon ne ateʼnikonrathokhá꞉tshera tánon ne kaʼshatsténhsera; tánon natokháhtshera ó꞉ni ne kaʼnikonraientá꞉tshera.

Job Tánon ne Raoronhiakensera 33:29

“Rawenni꞉io kwáhse thóh nihaié꞉ra akwé꞉kon kí nahorihoténshons, teiorì꞉wake, áhsen nienwaterátste, tsi nokwáh nonkweshón꞉as,

Psalms 37:18

Ne Roiá꞉ner sakoiénawase tsi nihiákon ne ronwahwennaráhkwah, tánon tsi nihiontatsatakweniʼióston tsi né nénhwe tsi enkátake;

Proverbs 8:14

Eʼthó nitiéhrha tsi nahò꞉ten kateʼnikonhrón꞉nis. Wakeʼnikonhraientátskon tánon keʼshátste.

Isaiah 25:1

Ó Saiá꞉ner, í꞉se ná꞉ke Ní꞉io í꞉ken; ní꞉i Kwáh enkonsenhnakaráthate, ní꞉i kwáh tenkonshennanerá꞉kwaʼte; asèken iorihwanerakwahténions tsi nisatieránion, tisatenonkónhni tsi nisheiatonhniánion tsi nahoténsons ne ionnhé꞉nions ne wahonhní꞉se tkènhne, iorihwatóken tánon tokenhskeʼónwe í꞉ken.

Isaiah 28:29

Néh kí꞉ken thóh nonhné꞉e niʼtewé꞉tha raonhàke ne Sakoiá꞉ner ronterí꞉ios ratiʼronhiakeró꞉nons; ne raónha kwáh í꞉ken tsi roiatanerákwat tsi ratiénhaiens, tánon ioianerehkó꞉wa natthokhátshera.

Isaiah 5:19

Ónka iónton, “Anion ne Ní꞉io tehosterí꞉hen, ánion tehákats ne raohioténhsera né nahónton ahitewatkáto; Ánion ne rotenikonhrónhni ne Rotokénti Saiá꞉tat Israerʼronónke iostóre tahosteríhen nakánahne, ne nahónton ahionkwahteriéntaraʼne!”

Jeremiah 23:18

Wakíron, “Kwáh iáh ónhka kí꞉ken rotitokénhse iáh nonhwénhton tehonahterienthaʼráhon ne Roiá꞉ner tsi nihariwahséhtha ne rahononhthonnióntsheras. Kwáh iáh ónhka tsi niháti nonhwénhton tehonatʼthontéhon tó꞉ka ó꞉ni nahotiʼnikonhraienhtáhon ne raoteriwahʼnhotátshera, iáh ó꞉ni nonhwénhton tehonahʼthahonsahtáton tó꞉ka ó꞉ni hahonahʼtenikonhrahráthonke tsi nahó꞉ten ráwen.

Jeremiah 32:19

Í꞉se ne sanikonhrowáhnenh ó꞉ni tehiotenonhianíton ne iorihwaʼnerahkwahténions tsi nishiéra; akwékon nieʼsatʼkháthos tsi nihontieráhnions nonhkweshón꞉a, tánon ne tehsehriwahʼsehrakwénnis tsi nitkáhas ne rahothiwehiénnas.

Zechariah 6:13

Kwáh raónha enshanonhsón꞉ni tánon enhaié꞉na ne kakweniensthátshera tsi ní꞉ioht ne Rononhtí꞉io, tánon enteshakoniarotáhrohke ne rahonkweʼtahshón꞉ʼa. Tánon ratsihénstahtsi enhoterihóntahke ne raononhthiiotsherá꞉kon, tánon tetiá꞉ron tsi enhothiiò꞉ten ne skén꞉nonh ó꞉ni shahothirì꞉wa enkénhake.’

Acts 13:48

Nónen ne iáh tehatiʼsitaeʼró꞉nons sahonatʼthóntene kí꞉ken, wahontʼtsennónni ó꞉ni wathontenonweráton ne Roiá꞉ner rahowennahókons; tánon tsi nihiákon ne tionthatáwi ne ionnheʼónwe atónnnhes tahiakétakwe.

Acts 2:23

Tsi niʼtióseron tsi nihotenikonríson ne Rawenni꞉io ónenk siatehoriwaiéntaʼse tsi Ié꞉sos seh entsisewatiakwaríshaʼse; tánon waʼtsisewanonwariákon neh tsi wahetsiríhon ne rothiriwáneren tahonwaientennáren.

Acts 20:27

Asèken iáh thènen theʼtewakathotʼtákwen tsi wakerihowanhá꞉thon noriwakwékon tsi nihotenikonrónni ne Rawenni꞉io.

Acts 20:32

“Tánon nonakènkha nateriwanothátsera ne tsi nithoriwaiéri ne Rawenni꞉io ne shonháke ne ensatenʼnikonráren, neh enkakwéni naisahsasténseron ó꞉ni enthíson ne kahiataterítseras tsi nitesakówis ne Rawenni꞉io rahonkwetaʼsónhas.

Acts 26:18

Tensekakwarísi ó꞉ni tonsashekaraténi tsi non natetiókaras tsi teioskwátʼte niehónne tánon shèkwa ne Raneshonrónon rahosatsténsera nók Rawenni꞉io rahosatsténsera tontashéhion, káti tsi entionkétakwe ne rahothiriwanerahákʼtsera enskanikonrén꞉en tánon enhatiʼiéna neh skátʼke ahonnéseke tsi niháti ne Rawenni꞉io sakohiatarákwen.’

Acts 4:28

Tsi wahonteróhroʼke neh꞉ne kwáh oriwakwékon thóh nahatíʼiere tsi nòkwa ne sahsatsténsera ó꞉ni tisanonwéʼon tsi ónenk iatesariwaiéntaʼse tsi thóh neniáwenʼne.

Romans 11:34

Tsi niwáthon ne Kahiatonseratokén꞉ti, “Ónhka iakoteriéntare tsi nihonikonróten ne Roiá꞉ner? Ónhka aiekwéni nahonwatennikónron?

Romans 8:17

Tsi náhe raónha sonkwaʼiohokón꞉a enkénhake, entewaiéna neh kahiataterítʼtseras ne sakonónstati neh rahonkwetaʼsón꞉a, tánon káti ó꞉ni satenʼionkwawénhake ne Kerístos tsi nahóten ne Rawenni꞉io rorakwén꞉ni; tòhka síken knaiawén꞉ne thoʼní꞉ioht tsi aitewaroniáken tsi nihoroniakén꞉en ne Kerístos, ehʼthóhne káti entewaiéna ne kaiatanerakwátsera tsi nihoienáʼon ne raónha.

Romans 8:28

Kwáh ohriwakwékons ionkwateriéntare ne Rawenni꞉io ioʼiáneres tsi nishakotsérahse tsi niʼiákon ne ronwanorónkwa, tsi niháti ne sakhoʼnháʼon, ne entioianénhawe tsi nihoskanektseróten.

Romans 8:29

Tsi nihʼiákon ne Rawenni꞉io ónenk sakohiatarákwen tánon ó꞉ni sakokwatakwenʼni kwáh thoʼnahatiʼiatotenhake tsi ní꞉ioht ne Roiénha, neh káti neh Roiénha entakowanénke tsi nihátis nathatekénseras.

Romans 8:30

Éhʼtho káti tsi niháti ne Rawenni꞉io sakohiatarákwen, iesakonáton; tánon tsi niháti ne iesakonáton, sahsakoriwakwathákwaʼse tsi natehóntere, tánon ó꞉ni tasakáwen neh rahohiatanerakwátsera.

Romans 9:11

Neh nahontáwe tsi nihotinikonrón꞉ni ne Rawenni꞉io niahontasónterehke thoʼnahiontonhátie tsi ní꞉ioht tsi thotenikonrón꞉ni ne rahonháke, Rawenni꞉io waharóri, “Ne takowánen tenhoriwásniese neh rokénha.” Thóh ní꞉ioht tsi taróhri nohénton sahowiraiéntaʼne, nohénton thènen nahiátiere neh teniʼiáse ahioʼianeréhake tòhka ó꞉ni kariwahétken akénhake; Káti tsi nihorákwen neh Rawenni꞉io neh thohawíthon tsi nishakonáhon, iáh tòhka kén tsi nahonatiéren.

Galatians 3:18

Tóhkaʼ tsi nahóten ne Rawenni꞉io sakówis neh akaniahesénhake ne Kaianerénsera, iáh káti ónen neh teskaniahésen tsi nihorahrátston. Nók neh aoríhwa ne Rawenni꞉io rohrahratsténni ne kaiataterítsera ne Abraham, neh iorihonníʼon tsi thóʼwi ne Abraham.

Ephesians 1:14

Neh tsi tewakwékon ne Rawenni꞉io neh kariwanìhras tsi entewaiéna tsi nahóten sakorahréstenni ne rahonkwetaʼsónha, tánon ne kí꞉ken hionkwariwanihrátis neh Rawenni꞉io kwáh iehiokontákwen entesakáwen naʼthatewennihiótsera tsi niháti ne kwáh rahónha rahonkwetaʼsónha. Ánion tethewatenonweráton ne rahohiatanerakwátsera.

Ephesians 1:18

Kwahnekènʼnis sewanonthonkwenháton ne sewanikonrakésons nahisewatkátho ne rahoswatʼthétsera, nahisewateriéntaraʼne nahóten nen꞉ne neh tewetákwen tsi ietsisewanáton, thóh nihiókwas ne kahiatanerakwátsera kahiataterítseras sakorahrasténʼnis ne rahonkwetaʼsónha,

Ephesians 1:5

Ónenk ne Rawenni꞉io shatehoriwaiénthase thóh rahonháke ne Ié꞉sos Kerístos tsi ensontiónʼnien ne rahónha rahoksátha aihtewáton—neh kí꞉ken ne rahotsenʼnonʼniátsera ó꞉ni tsi nihotenikonrónʼni.

Ephesians 1:8

Neh tsi nithesonkwáʼwi ne wéso iohthónʼon. Akwékon ne Rawení꞉io Rahothotʼkhátseras ó꞉ni tsi nihokenhenhiónʼon

Ephesians 1:9

Ne Rawenni꞉io thóh naháiere tsi nihothenikonrón꞉ni, tánon wasonkwathokáten ne kariwaséthon tsi knáha hiatehoriwaiéntase ne iahontésa rahonháke ne Kerístos.

Ephesians 3:11

Tsi naháiere ne Rawenni꞉io neh tahioianénhawe tsi ní꞉ioht tsi thoʼtenikonrónni ne kwáh tsi tiotásawen, neh káti iahaweienéntaste rahonháke ne Kerístos Ié꞉sos Sonwaiánere

Deuteronomy 4:20

Ók í꞉se kíʼ ne tsónhkwe ne tsi tsiʼsewaniakénton ne Egypt nónhwe, né꞉tho tehiotonʼkwanònhiani ioté꞉kha. Thatsisewahiaʼtínekenhwe natsiʼtsiónhnien ne raónha rahonkweʼtashón꞉a ahisewá꞉ton, tsi ki nónhwa ní꞉ioht nónhwa wenhniserá꞉te.

Colossians 3:24

Sewehiá꞉rak tsi Roiá꞉ner then tsi sewahriwaserá꞉kwase tsi nisakorahratstén꞉ni ne rahonkweʼtashón꞉a. Asè꞉ken Kerístos ne kwáh rahiatakweʼní꞉io neh tsioténse.

Titus 2:14

Iehotatatʼkáwen ní꞉i onhkwariwáhke, nahonsahshonkwaniákente ne kwák tsi nahiotónhake ne kariwáksenke tánon nashontiónnien kwáh orihwí꞉io rahónha khók rahonkwetaʼsónha ahitewáhton ó꞉ni kwáh tahionkwasterihénseke ioiánere tsi naitewáhtiere.

Titus 3:7

nekáti nètho rahoténrat ionkwahrahratʼtieráien entionkwaianerásten tsi nòkwa ne Ní꞉io tánon entʼkáhawe naitewaiéna ne ionnheʼónwe atónnhets tsi nihtewaskáneks.

Hebrews 6:17

Tsi nihiákon naiehiéna tsi nihorahrátston, ne Rawenni꞉io kwáh tehothonwenhtión꞉nine né kwáh awehnéhake tsi iáh nonwénhton tatahonshaoterihwahthénien; káti thóh iaháiesthe ne raorihwahnirátʼtshera tsi nihorahrátston.

Ne꞉ne Sák Rohiaton 2:5

Sewatahónsatat, tekanóron tewatenrosónhas! Ne tsi ionwentsiáte Rawenni꞉io sakohiatarákwen ne iakóten né꞉ne ahothiʼkwatséhake tsi nòkwa ne tewethákwen tánon nahathiʼiéna ne Rawenni꞉io Raonakerásera tsi nisakorahrastén꞉ni tsi nihiákon ne ronwanorónkwa.

1 Tiér 1:4

Neh káti kí꞉ken ionkwárare naitewaiéna natsokowátsera kaiataterítsera ne Rawenni꞉io sakotheweientónnis ne rahonkwetaʼsónhas. Karonhiáke nónwe iehiateweientónnis, tsi nónwe ne iáh tahonhétʼkenne iáh ó꞉ni tahiótʼken iáh ó꞉ni tahonkáhionne.

1 Tiér 3:9

Tóhsa neh sasewakárhiat ne kariwáksen ne kariwáksen tóhkaʼ ó꞉ni ne karewatátsera ne karewatátsera; kék khók, ne sasewakárhiat ne kahiataterítsera, tioríwa tsi kahiataterítsera nahóten ne Rawenni꞉io iararatsʼténni neh shaianáton.