Ephesians 1:1 - Ohiatonhseratokénti

¹ Kór kí꞉ken nón nitsawénon, neh tsi éhʼthoh nithonikonróten ne Rawenni꞉io nahoteriwahnóthase ne Kerístos Ié꞉sos— Ne Rawenni꞉io rahonkweʼtashónha thóhnon ne Ephesus, neh tsi nihothiriwathóken tsi naʼtehonateriwasóntere ne Kerístos Ié꞉sos:

Ephesians 1:1 ပူးပေါင်းရင်းမြစ်များ

Numbers 12:7

Iáh né ètho tetiéra tsi nó꞉kwah nakenátshera Mahís; rahónʼa riʼríhonte nashaʼkotenhnikónhraren nakonhkwetaʼshón꞉ʼas NʼIsraerʼró꞉nons.

Luke 16:10

Onka roriȣatoken tsinonȣe niioriȣaha roriȣatoken ki tsinonȣe niiorihoȣanens; nok ne iah tehoriȣatoken tsinonȣe niioriȣaha, iah ki tehoriȣatoken tsinonȣe niiorihoȣanens.

Acts 16:15

Tánon nakaónha ó꞉ni ne skátke konthiteróntakwe nakonnónskon sakontenekwáheste, wahonkhihónkaron, “Kásewe tsi tewakenónsohte sewatáwehiat tóhka wesewátʼthoke kwáh seh oriwiʼioʼónwe tsi thiʼietákwen ne Roia꞉ner.” Tánon kíʼ wahtionkhinikonrakénni neh iahiákwe tsi tsakononhshote.

Acts 18:19

Ephesus iahónnewe, thóh nónwe ne Kór wahthontekhásion ne Priscilla tánon ne Aquila. Ononsatokentíke niaháre tánon iatathiriwathironthónkon ne Sitaeró꞉nons.

Acts 18:21

Khék, wasakoróri sonsahaténti, “Thóka thoʼnihonikonróten ne Rawenni꞉io, kén kíʼ naténtʼke.” Tánon káti sahatʼthonwanentási ne Ephesus nónwe tánon sahatʼtsiróten.

Acts 9:13

Ananias watariwaseráko, “Saia꞉ner, iakotiokowánen hionkʼróri tsi nókwa kí꞉ken rónkwe ó꞉ni tsi natehiotenonhianíton tsi nisakoiéraʼse ne sonkwetaʼsónhas ne Jerusalem nónwe.

Romans 1:1

Kór kih non nitsiawénon, rannhátsera, tsi ronwahiatarákwen neh꞉ne ahosenʼnénhawe ne Kerístos Ié꞉sos tánon Rawenni꞉io rohiotenseráwi nahoteriwahnhóthase ne karihwí꞉ios.

Romans 1:7

Kwáh káti sewakwékon tsi iakwahiátonse neh thonónwe Rome Rawenni꞉io tsi sewanorónkwa ó꞉ni tsiʼsewahonkaráwis neh rahónha rahonkwéta aisewáton: Aiáwens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

Romans 8:1

Iáh ónen thènen teskarewathatseráien tsi niʼiákon neh thóhʼnon niʼiakonʼnhétie skát꞉ne íken ne Kerístos Ié꞉sos.

1 Corinthians 4:12

Hionkʼkwahnorónshe tsi niʼiohiohtenserahnírons. Nónen enhionkhikenrenserónni, iakhiʼiaterennaiénnis; nónen enhionkhironiákenthe, hionkwahkásthe;

1 Corinthians 4:17

Asèhken né kíʼ aoriʼíwah ienʼihiaténiethe ne Timothy ne isèhke, kwáh rahónha ne rinorónkwah ó꞉ni rohriwahtóken ronwahiénha ne kariwiʼióstonke nónwe nihiakónnhe. Entsisewehiaráhkwen ne kariwahkweʼní꞉ios tsi nitʼnonteráhtie náse atónʼnets tsi tehiontiateriwahsóntere ne Kerístos Ié꞉sos tánon tsi ní꞉ioht tsi kherihonniénʼnis ne kentiokwahkérons ne tsikʼnonwésons.

2 Corinthians 1:1

Kór ki tánon natateʼkénsera Timothy non nitiohaʼwiton, iateriwahnótha, ronwateriʼwanothani ne Ié꞉sos Kerístos, ne tsi eh tho nithoʼnikonhriió꞉ʼon ne Rawenni꞉io. Tánon tsi niiá꞉kon ne tiakawehtákwen thó꞉non ne Corinth, rohnatiaʼtarò꞉ron ronwahsén꞉naiens ne Rawenni꞉io, tánon ó꞉ni tsi niiá꞉kon ne Rawenni꞉io raonkweʼtashón꞉ʼas tsi watonhontsá꞉ien ne Achaia.

Galatians 1:1

Kór kí꞉ken nón nitsawénon, ronwanháhon nahateriwanóten iáh onhkwéne nón tetsawénon iáh ó꞉ni ónhkwe teiakorihónni, nók Ié꞉sos Kerístos nónwe nitsawénon tánon ne Ní꞉io nehne Kaníhsera, tsi rahónha shokétskwen ne Ié꞉sos ne kenheiátʼne.

Galatians 3:26

Tewetákwen nón nitsawénon tsi kwáh sewakwékon Rawenni꞉io tsiʼsewaʼioʼokónha sewatónʼon ne tsi tesewateriwasóntere ne Kerístos Ié꞉sos.

Galatians 3:28

Kwáh káti iáh thénen tathetiatʼthíhen ne Sitaeró꞉nons tánon ne Iatehatisitaerónons, tsi natehónteron ne rathináskwas ó꞉ni ne rontatewenní꞉io onkwesónha, tsi natehóntere ne ronnónkwe tánon ne konnónkwe; kwáh sewakwékon tsi énskat iéken tsi tesewateriwasóntere ne Kerístos Ié꞉sos.

Galatians 3:9

Abraham tawetákwenne ó꞉ni ronwahiatateríston; neh káti tsi nihiákon tsakawetákwen tsi iontatsathateríston kwáh tsi ní꞉ioht ne rahónha.

Ephesians 1:15

Neh kíʼ aoríwa, tsi náhe tewakarónken tsi thetsisewethákwen ne Roiá꞉ner Ié꞉sos tánon tsi kwáh rathikwékon ietʼtsinorónkwa ne Rawenni꞉io rahonkwetaʼsónha,

Ephesians 2:10

Rawení꞉io thesonkwáwi tsi nitionʼnhóten, tsi tehionkwateriwasóntere ne Kerístos Ié꞉sos neh akarihónʼni iohiánere tsi naietʼthiʼhiatiérase nonkwesónha kwáh tsi nitiónʼnhes, neh káti ónenk ehnihowathákwen neh nahitewáiere.

Ephesians 2:13

Ók kí ó꞉nen, né tsi tesewateriwaʼsón꞉tere ne Ié꞉sos Kerístos, í꞉se tsi niká꞉ien ne ahí꞉non nió꞉re tesewáʼtereʼkwe, né ák꞉ta sewaʼhiatenhawí꞉ton ne Kerístos raʼonekwén꞉sa.

Ephesians 2:6

Tsi tehionkwateriwasóntere ne Kerístos Ié꞉sos shesonkwakétskwen nahonsahionkwariwiʼiosthóntake tsi ahitsitiónʼnheke skátne ne rahónha ne karonhiáke tiohontsiáte.

Ephesians 6:21

Ne Tychicus, tsi tewanorónkwa athatekénsera tánon roriwathóken tsi rohióte ne Roiá꞉ner rahohioténsera, oriwahkwékon enhiaróri tsi nòkwa ní꞉i, ehnahóntawe ahisewateriéntaraʼne tsi ní꞉ioht tsi konʼnhétie.

Colossians 1:2

Ne Rawenni꞉io rahonkweʼtashónha thóh nón꞉we ne Colossae, ronónha ne kwáh rohtiriwahthó꞉ken nonkwatorohserashónhas tsi tehonateriwasóntere ne Kerístos: Aiá꞉wens ne Rawenni꞉io Sonkwaní꞉ha ahontáhion ne kenténrat ó꞉ni skén꞉non.

Revelation 17:14

ne ronón꞉ha kwáh enhonterihioserónhni rahonhà꞉ke ne teonakaronhtón꞉ha, tánon ne teonakaronhtón꞉ha kwáh kíʼ ensakosénhni, asè꞉ken raón꞉ha ne Sakoiá꞉ner ne Roʼtiiá꞉ners ó꞉ni Sakonontí꞉ios ne Rontinontí꞉ios, tánon tsi nihiá꞉kon ne raónha ratikwekonháties né꞉ne ronwatinaʼtónhkwa ne ronwatiiatarákwen tánon rotiriwatóken.”

Revelation 2:10

Tó꞉sa shá꞉teron tsi nahoʼténhsons aseronhiáken. Thasatatehnikón꞉raren, ne ranikonraʼsen skanó꞉rons iatsisewahiatónhti tohkára nítion tsi ionthatenotónhkwah ne káti ní꞉se naietsiiateʼniénten, tánon oié꞉ri nón꞉ta ní꞉se kwáh tensewaterientakári. Ók sewariwatokénhak tsi nió꞉re kenhé꞉iatne, tánon í꞉i entkwáhion ne oronhónkwa ne iónhne.

Revelation 2:13

“Wakaterièn꞉tare tsi nón꞉we nisená꞉kere, tsi nón꞉we nótkon nihotenitswaratsérote. Ne kíʼ sá꞉ka satienawáston nakshén꞉na, tánon ní꞉se iáh tesatonhní꞉en tsi thisetákwen nakonhà꞉ke iekanihá꞉rakwe tsi nihotenhniseraténionhkwe ne Antipas ne rakeriwanirá꞉tis, ne nakonkwè꞉ta ne roriwató꞉ken, ronwanonwarià꞉khon ne thisewatenrohónhne, tsi nón꞉we nótkon nihanákere.