Ecclesiastes 9:9 - Ohiatonhseratokénti

⁹ Satenikonhró꞉ri tsi sónhnhe skátke tsi nikáien ne sehnorónhkwa, asèken ne kí꞉ken ne Rawenni꞉io thiá꞉wi tsi nikaríwes nahisahióten ne hioiotensehrahníron ne kén ionhwenhtsáte.

Ecclesiastes 9:9 ပူးပေါင်းရင်းမြစ်များ

Genesis 26:8

Nó꞉nen ne Isaac kwáh tho tsi nikarí꞉wes thóh nón꞉we shié꞉reʼs, ne Ronnontí꞉io Abimelech ne shakonontí꞉iohkwe ne Philistiaró꞉nons iahatkeʼtó꞉ten tsi ionenhstonhkwaká꞉ronte tánon wahó꞉ken ne Isaac teshakohrhoʼtónnions ne ró꞉ne Rebekah.

Psalms 144:4

Nek nahonhnísera nahatihiatótens; ne tsi ronatenhniseraténions kwáh né꞉ne iotasátare watohétstha.

Psalms 39:5

Tsi nió꞉re tsi kentʼnishónston ne tsi kónnhe, Né sahénton ne tsi kón꞉nhe kwáh iáh othènon thakénhake. Kwáh ónhte ne tsi iakón꞉nhe ne niatehionkwétake iáh sénha ó꞉ia tèhiot tsi ní꞉ioht ne tsi iahó꞉te iahiontónhrie, Selah

Proverbs 18:22

Tókaʼ enhsetshén꞉ri naesániake enhsetshén꞉ri ne ioiánere, wé꞉ne Roiá꞉ner tenhiarihwáhshnieʼse.

Proverbs 19:14

Rón꞉kwe enwá꞉ton nahonwahiatonhserónnien kanónhsa tánon ohwísta, nek tsi Roiá꞉ner khók enhakwé꞉ni naontahonwatenniéhten ne tiakorihwaié꞉ri nahóniake.

Ecclesiastes 2:10

Kwáh tsi nahoténsons tewakatonhwenhtióni, watsenáhon. Kwáh iáh thahóten tethewakatatokʼtakwénhni natenikonhrhorhiá꞉tshera. Kená꞉iekwe tsi nahoténsonhs watsioténhen, tánon akwékon né kí꞉ken tewakateriwahserahkwénhni.

Ecclesiastes 2:24

Né kwáh tkariwaiéri tsi nahitewáhtsere né꞉ne tahitewastsʼkáon ó꞉ni ahitewahnekira tánon tewatenikonhró꞉ri tsi nahoténsons tehionkwahtention. Tánon ki ó꞉ni, wakatʼthó꞉ke shé꞉kon kíʼ nonhʼnéʼe kí꞉ken Rawenní꞉ioke seh nitewétha.

Ecclesiastes 3:13

Kwáh tewahkwékon tehiotonhontióʼon ne taetewastsʼkáʼon ó꞉ni naʼetewahnekírah ó꞉ni nahitewatsenhnónhniaʼte tsi nahoténshon ne ionkwahiotén꞉en. Né seh ne Rawenni꞉io rahotathawítshera.

Ecclesiastes 3:22

Káti wakátʼtoke né kwáh tsoiánere tsi nahitewáhiere né tewatonhnáhren tsi nahoténsons ionkwahioténhʼen. Iáh nóhia tahó꞉ten tahitewahkwéni nahitewáhiere. Iáh tehióien nahionkwateriéntahrahne onhnenhiáwenhne nónen entewénheie.

Ecclesiastes 5:18

Kén nahó꞉ten wahkeriwaʼtshénri: né kwáh tsiohiá꞉nere né꞉ne tahitewaskáhon tánon tewanekíra tánon tewahthonnáh꞉ren tsi nahó꞉ten hionkwahioténʼen tsi nikaríwes khók tesonkwáhwi ne Rawenni꞉io nahitiónnheke; né kí꞉ken ne tenhionkwahteriwahsehráhkwahse.

Ecclesiastes 6:12

Onhʼní꞉ioht nónhka ahiekwéni nahiakoteriéntarahke nahó꞉ten ioiánere nonhkwarihwáhke kíʼ tsík níhions, iáh othénenh tehioríhonte tsi tiónhnhe—ne tsi iakónhnhe thóh ní꞉ioht tsi watohétstha tsi ní꞉ioht ne iothasáthare? Onh ní꞉ioht tsi ahionkwateriéntarahke onhʼnenhiá꞉wenhne ne tsi ionhwenhtsáte nónenh enhionkwenhéionke?

Ecclesiastes 7:15

Né tsi kónnhe kwáh iáh othé꞉nen tehioríhonte, ók thóh kíʼ nónhwe akwékon niwahkatʼkáton. Ótsiake tionkwetaiéri iakawenhéion ók ótsiake iakonnhétie nenhʼné꞉e, iawerohátien tsi iakonhkwetahétken.

Malachi 2:15

Iáh kenh shaià꞉taʼk khok ne Rawenni꞉io tehaiaʼtíson? Tetsá꞉ron noʼwá꞉ron tánon natónhnhets tsi ráonha raó꞉wenk í꞉ken. Tánon nahó꞉ten ne shaià꞉taʼ khok ne Rawenni꞉io rahská꞉neks? Ne ne Rawenni꞉io shakoioʼokón꞉ʼa akénhake. Katíʼ sewatatkaʼén꞉ion, tánon tóhsa ónhka ne tsi nítson naesewaʼnikonhráten ne ión꞉kwe ne sewatateniaktén꞉ni ne kenʼsitisaión꞉ha.