Ecclesiastes 8:9 - Ohiatonhseratokénti

⁹ Akwékon kí꞉ken wakatkató꞉sehron né nónen sakanonhthonhiónhko tsi nahorihoténsonhs kahioténhen ne kén ionhwentsáte, né ionhwentsáte tsi nónhwe ne ótsiakes nonhkweshón꞉ʼa iakoshastsʼtenseráien ók ótsiakes enieronhiá꞉ken tsi ne tesakotiniaró꞉tharon.

Ecclesiastes 8:9 ပူးပေါင်းရင်းမြစ်များ

2 Kings 25:7

Tsi nikaʼríh꞉wes ne Zedekiah tehakánerahkwe, né roiénha wahonwanonwaríhkon; ethó꞉ne ne Nebuchadnezzar wahathénʼnane ne Zedekiah tahonwaʼkarahtháko, waʼonwaronkwahsánerenhke, tánon Babylon niahonwahiaténhawe.

Exodus 14:28

Nʼonèkanos tontònkeʼte tánon taʼkarórohke ne otsiónkwas káseres, ne sakonahtó꞉res ne koshá꞉tens, ó꞉ni ratiʼkwékon ne Egyptró꞉nons ronhterí꞉ios né sakotíseron ne lsarerʼró꞉nons ne kaniatarahʼkheʼkó꞉wa; iáh ne saiáta tsiaʼtesohtaʼténron.

Ecclesiastes 1:14

Oriwahkwékon wakatʼkáhton tsi nikahioténhen né kénʼen ionwenhtsáte, tánon wakonhró꞉ri, kwáh akwékon iáh othénen tehioríhonte. Kwáh thóh ní꞉ioht tsi ní꞉ioht nowèra akonhwásehre.

Ecclesiastes 3:10

Wahkateriéntare tsi niʼiorhienáksthe ne Rawenni꞉io shón kwáh kethá꞉ton.

Ecclesiastes 3:16

Ne sénha nisiʼnónhwe, Wakátʼtoʼke ne kénʼen ionwenhtsáte ensetʼtsénri kariwaneraháktshera káien tánon thoʼnónhwe né꞉ne kariwakwarishióntshera ahówenk akaiéntake.

Ecclesiastes 4:1

Ethòne shé꞉kon sakatkátho oriwahkwékon ne iáh tehioteriwakwaríshions tsi nihiawénsehrons ne kénʼen ionhwenhtsáte. Ne ronhwatironhiakéntha tehonséntʼthos, tánon iáh ónhka tahonwatihiathakéna. Iáh ónhka tahonwatinikonhrahiewénhtʼthoʼte, tsioríhwa ne ronwanathonnhotʼthakwénhnis ne kashastsʼténsera ronónha nokwáhti kaienthá꞉kwen.

Ecclesiastes 5:13

Né kí꞉ken ne kariwahétken tsi niwakatkáton né kénʼen ionhontsáte: nonhkweshón꞉ʼa ronatʼtwistateweiénthon né nónenh tó꞉ka nónhwa ienkáhewe ne tahonahtonhontsióhse,

Ecclesiastes 5:7

Iáh tewatsʼterístha thóh ní꞉ioht tsi ahisahtétʼtsen, thóh ní꞉ioht ne iáh othénenh tekariwáhstha ahisahióten, tó꞉ka ó꞉ni tóh níkonh tsi ahsahtháti, shé꞉kon kíʼ tehiotonhwenhtióhon natskwéniensthe ne Rawenni꞉io.

Ecclesiastes 5:8

Tó꞉sa sahneráhko nónenh ensatkátho né kakórahse iakoronhiakéntha ne iakoténtha tánon tsiakototʼtakwénhni ne kariwahkwahrishión꞉tshera tánon ne tkariwaiéris. Iaʼtehionkwétahke ne ronahterihónton tsi thonwahthínes ónhkak ne sénha éneken ronahteríhonte, tánon ó꞉ni shé꞉kon tetsáronh thonwathínes né sénha éneken ronahterihóntons.

Ecclesiastes 7:25

Kwáh wahkathaʼtsiatakweʼní꞉iosthe ne karihonnienhnítshera tánon nakatewéiensthe; kwáh iatewakeriwahiénthase naketsénhri natʼthokhátshera tánon takariwahsehráhkwen tsi nikeriwahnónhtons, tánon nahonkateriéntarahne onhʼní꞉ioht ne ononhwaroríhta tánon ne kanahkwáhtshera tsi nióre tsi tehiotenonhwahroríthonthe.

Ecclesiastes 7:7

Tó꞉ka nónhwa satenikonratʼthókha, ók kíʼ tó꞉ka ónhkak asehnikonhráhten, thóh nisahtierenhátie tsi ní꞉ioht ne thoʼnonhnhótʼte. Tó꞉ka thén꞉enh tahiesatsitkhethá꞉rohse, wasétkenthe ne sahiatorethátshera.

Deuteronomy 2:30

“Ók ki ne rononhtí꞉io Sihon iáh ne teshonkwariwá꞉wi nahiakwató꞉hetste ne raonakeraʼsehrá꞉kon. Ne Roiá꞉ner sewaní꞉io wahononhtsistaʼní꞉rate ó꞉ni wahaterihioseranonhwè꞉ne, ne káti nahónton nashakwaʼsén꞉ni tánon aiakwatiénawatste ne raonakeráhsera, tánon shé꞉kon ki nihionkwatienawáston.