Ecclesiastes 7:9 - Ohiatonhseratokénti

⁹ Tó꞉sa senahkwastó꞉rek, asèken ne kanahkwáhtshera watenaʼtónhnis ronhnenhskwenáhkon ne tonathónʼnokʼthe.

Ecclesiastes 7:9 ပူးပေါင်းရင်းမြစ်များ

Genesis 4:8

Cain wahawénhahse ne iatatekén꞉ʼa Abel, “Ánion kahéntake niétene.” Tánon nó꞉nen kahéntake sí꞉neʼs, ne Cain iahotiaʼtón꞉ti ne iatateʼkén꞉ʼa Abel, tánon wahononʼwariá꞉kon.

2 Samuel 13:22

Ók ne Absalom wahowenhnáraʼne ne Ammon ahontakariwaiérike khéhs nahonhetkéntake; asèken ne Absalom róshonskwe ne Amnon, tsioríhwa tsi thontashakonóntonhse ne iatenosénha Tamar.

2 Samuel 13:28

Ehʼthóhʼne ne Absalom wasakónhane ne raonhatseraókons, “Sewatenhnikonrá꞉ren nó꞉nenh ne Absalom kwáh í꞉ken wé꞉so tsi ronekíren notsítsa, tánon nó꞉nenh enkwaró꞉ri, ‘tsi sewáient ne Amnon,’ ehʼthóhʼne tsi sewanonwarhiá꞉khon. Tó꞉sa sewatsá꞉nik; iáh kén í꞉i tekwanhá꞉on? Sewanikonratsanihtónhak tánon sewashátstet.”

2 Samuel 13:32

Ók ne Jonadab, ne roiénha ne Táwit iatatekénʼha Shimeah, wahénron, “Ahnion ne ratiá꞉ner rehrák nètho ronwatinonwarhiákhon ratikwé꞉kon ne kén nithotiʼiónsa ne ronnontí꞉io raonekenteronhtserashónʼahs; Nek khók ne Amnon rawenhéion. Kí꞉ken thó꞉ne niateiorihwaientáhon ne Absalom shontasakonónhtonhse ne iatenosénha Tamar.

2 Samuel 19:43

Ók nʼIsraerʼró꞉nons watonwatiriwaserá꞉kwase ne Judahró꞉nons, “Oiéri niʼiorihwáke sénha í꞉i ionkwariwaien ne raonhá꞉ke ne ronnontí꞉io. Ne nònhne sá꞉ka ne Táwit sénha tsi ní꞉iot ní꞉se. Onhnontiéren káti tsi waskwakénron ní꞉i? Iáh kén í꞉i tetionkwatierénton tsi wahakwénron tentetsiʼtewahiaténhawe ne ronnontí꞉io?” Ók ne raotiwenhnaókons ne Judahró꞉nons sénha ne iateononniáton ne raotiwenhnaókons tsi ní꞉iot nʼIsraerʼró꞉nons.

Proverbs 14:17

Nón꞉kwe ne ratinaʼkhwahseró꞉henʼs teiotenonhwarorí꞉tonte tsi nenhontieránion; ók ne tehotiʼnikonhráthe thaʼtehonató꞉te.

Proverbs 14:29

Tókaʼ saʼnikonhrí꞉io, tesaʼnikonhráthe kiʼ, tókaʼ senaʼkwahseró꞉hen, nek ne enhshenaʼtón꞉hahse tsi tehsatenonhwarorí꞉tonte.

Proverbs 16:32

Ne sénha ioiánere ne iakoʼnikonhrí꞉io tsi ní꞉ioht ne aiakoʼshatstenhserowanénhake. Ne sénha ioiánere aontahsanónhton tsi sónhnhe tsi ní꞉ioht ne aontasahnónhton tsi kanataién꞉ton.

Proverbs 25:8

Tóhsa só꞉tsi tesasteríhen kaianerenhserà꞉ke niáhse tsi nahò꞉ten wahsatkáhtho. Oh nénhshiere tókaʼ akó꞉ren enierihwahní꞉rate tsi nahò꞉ten í꞉sen iáh tó꞉kenhske té꞉ken?

Ecclesiastes 7:10

Tó꞉sa nonhwénhton nasehriwahnónhton, “Onh, nonhtieren tsi sénha ioiánerekwe ne wahónhniseh tkènhne?” Iáh tewatʼthokhatsherí꞉io né ní꞉ioht tsi aieriwahnónhton.

Jonah 4:3

Takeríhon ne akíheie, Saiá꞉ner, ne aontakerá꞉ko ne aonkihé꞉ion tsi ní꞉ioht ne akónhnheke.”

Jonah 4:8

Ne ó꞉nen shitiorakwinekén꞉en, ne Rawenni꞉io iahatén꞉niehte tsi tkarahkwí꞉nekens naʼontakawerénhawe ne kwáh ioweratarí꞉hen, tánon ó꞉nen ne Jonah skanó꞉rons nahoʼnikonhráhton tsi niiorahkwataríhen tsi teiaó꞉ien ne ranontsì꞉ne. Sók kiʼ wahaská꞉neke narénheie. Wahén꞉ron, “Sénha ne ioiá꞉nere akíheie tsi ní꞉ioht nakónhnheke.”

Jonah 4:9

Eʼthóʼne ne Rawenni꞉io wahawén꞉hase ne Jonah, “Tkarihwaié꞉ri ónhte ken ne aesanaʼkhwén꞉hake tiorí꞉wa ne tho iokwiróthe tsi waʼkénheie?” Tsi waʼtharihwaʼserá꞉ko ne Jonah, “Tahonà꞉khwen kwáh iaʼtekaié꞉ri tsi niwakenaʼkhwén꞉en ne akíheie!”

St. Mark 6:19

Nese ȣahonni nʼHorodias tehahonnharikhonskȣe, neok oni aoskanektsera nahonȣario, nok iah tiieȣatonskȣe.

St. Mark 6:24

Sakaiakenne, onistenha ionsaioriȣanontonse, nahoten ȣakenron enkeriȣanonton? Tontakenron nonistenha: Saȣatis raonontsi seriȣanonton.

Ne꞉ne Sák Rohiaton 1:19

Né kí꞉ken sewehiárak, tekanórons tewatorhosónhas! Kwáh onkwetaʼkwékon tehiotonhontióʼon nahieʼhiathastóreke nahiontahónsathate, nók ahionteráhrate tsi ahiontháti tánon ahiakohiathakenhéhionke nahiakonákwen.