Ecclesiastes 7:8 - Ohiatonhseratokénti

⁸ Né tsi iehiotókʼthe ne thén꞉nen sénha ne iohiá꞉nere tsi ní꞉ioht tsi tsotásahwe. Ne iakonikonhkátsʼte sénha ne ioiánere tsi ní꞉ioht ne hionthatónhni.

Ecclesiastes 7:8 ပူးပေါင်းရင်းမြစ်များ

Proverbs 13:10

Ne wanonhthonnionhtsheráksen nek tkáhas taionʼnikonhrhá꞉ren. Ne sénha wattokhahtsherí꞉io nahseriʼwanón꞉ton naiesaʼnikón꞉ron.

Proverbs 14:29

Tókaʼ saʼnikonhrí꞉io, tesaʼnikonhráthe kiʼ, tókaʼ senaʼkwahseró꞉hen, nek ne enhshenaʼtón꞉hahse tsi tehsatenonhwarorí꞉tonte.

Proverbs 15:18

Ne ienaʼkwahseró꞉hen tkáhas ne taieriʼwakéhnha, nok ne iakoʼnikonhrí꞉io tkáhas ne skén꞉nen.

Proverbs 16:32

Ne sénha ioiánere ne iakoʼnikonhrí꞉io tsi ní꞉ioht ne aiakoʼshatstenhserowanénhake. Ne sénha ioiánere aontahsanónhton tsi sónhnhe tsi ní꞉ioht ne aontasahnónhton tsi kanataién꞉ton.

Proverbs 28:25

Sonhà꞉aʼk sataté꞉iahre nek tkáhas kaʼnikonhrharáhtshera. Ne sénha ioiánere sarihwà꞉ke tahtshéhtak ne Roiá꞉ner.

Ecclesiastes 7:1

Né iakosenhní꞉io sénha ne ioiánere tsi ní꞉ioht ne kwáh tkanóron ionthatsiathakonhonsthákwa; tánon ne tewenhnisehrátheke nónen enshí꞉heie sénha ne ioiánere tsi ní꞉ioht ne sasenhnákerahte.

Luke 16:25

Tontahoȣennaȣeron nʼAbraham ȣahenron: Kien saseiarann tsi sastsokoȣane nonȣentsiake nok ne Lazar eso roieshaon, onȣa kati nehne nonȣa onen rotsennonni, nok nise ioronhiakentastsanit saronhiakentha.

Luke 21:19

Kanikonriiotserakon tsionnhetie.

Galatians 5:22

Nók neh Ronikonriʼióston tatʼkáwas ne kanonronkwátsera, atʼtsennónniat, skénnen, kanikonkasthéntsera, ahtaniténron, tkariwaiéri, ahiakoriwatokénhake,

Ephesians 4:2

Tóhsa sewatatonníhek, tasewariwaiérik, tánon sewanikonkátstek. Sewénest ne sewanoronkwátsera ne tsi ietʼtsiʼiatenikonriʼióston nakorénsons.

Hebrews 10:36

Teshewahtonwenhtió꞉ni naisewahnikonkastheke, ne nahónton thóh nahisewá꞉hiere tsi nitanónwes ne Rawenni꞉io ó꞉ni nahisewahié꞉na tsi nihorahratston.

Ne꞉ne Sák Rohiaton 5:11

Hiakinahthónkwa roʼnhatsenʼnón꞉ni ne tsi naʼthehathiwisʼsátste. Sewariwarónken tsi naʼthehawisʼsátsʼtekwe ne Job, tánon sewatheriéntare tsi ní꞉ioht tsi wahthoriwasniésʼse ne Roiá꞉ner tsi iothoktakwén꞉ke. Asèken ne Roiá꞉ner kwá rahiatanáʼnon nataniténron ó꞉ni reriasí꞉io.

Ne꞉ne Sák Rohiaton 5:8

Í꞉se ó꞉ni ónenk tsi ensanikonkátsʼteke. Éhneken nontástat tsi nisaráre, ónen ákʼtha íhwes tsi niwenʼniseraténion ne Roiá꞉ner ahonsáraʼwe.

1 Tiér 1:13

Kwáh káti, ioianeréhak tsi sewanontonniónko tsi nensewátiere. Sewatateweiennentaónhak tánon ieiokontakwénhak thoʼnónwe nasewarárek neh kaiataterítsera tsi nentietsíʼion nónen ne Ié꞉sos Kerístos enʼonwéneste.