Ecclesiastes 7:7 - Ohiatonhseratokénti

⁷ Tó꞉ka nónhwa satenikonratʼthókha, ók kíʼ tó꞉ka ónhkak asehnikonhráhten, thóh nisahtierenhátie tsi ní꞉ioht ne thoʼnonhnhótʼte. Tó꞉ka thén꞉enh tahiesatsitkhethá꞉rohse, wasétkenthe ne sahiatorethátshera.

Ecclesiastes 7:7 ပူးပေါင်းရင်းမြစ်များ

Exodus 23:8

Tó꞉sa othènen sewahiéna ne taieʼtsiʼtsikhethároʼse, asèken né tahionthaʼthitsikhetharó꞉se iakahonnhniénhnis nonhkweshón꞉ʼa ne tahierónhweʼke tsi nòkwah ne tkariwaiéri tánon iakohetkenténhnis noriwaʼshónha tsi nihiákon ne iáh tehiakonhníkon.

Proverbs 17:23

Ratirihwènhtha ne iáh tethotirihwaié꞉ri ratiié꞉nas ioterihwahséhton nahonatkáriaʼkse sók iáh tetkariwaié꞉ri tsi enhatirí꞉wenhte.

Proverbs 17:8

Ótiaʼke nón꞉kwe í꞉ienhreʼk tókaʼ entehswistakeʼtó꞉ten ne eniakohskátsten; tsi ni꞉iot tsi thonehtáhkwen akwé꞉kon ne enkakwatá꞉ko.

Ecclesiastes 4:1

Ethòne shé꞉kon sakatkátho oriwahkwékon ne iáh tehioteriwakwaríshions tsi nihiawénsehrons ne kénʼen ionhwenhtsáte. Ne ronhwatironhiakéntha tehonséntʼthos, tánon iáh ónhka tahonwatihiathakéna. Iáh ónhka tahonwatinikonhrahiewénhtʼthoʼte, tsioríhwa ne ronwanathonnhotʼthakwénhnis ne kashastsʼténsera ronónha nokwáhti kaienthá꞉kwen.

Ecclesiastes 5:8

Tó꞉sa sahneráhko nónenh ensatkátho né kakórahse iakoronhiakéntha ne iakoténtha tánon tsiakototʼtakwénhni ne kariwahkwahrishión꞉tshera tánon ne tkariwaiéris. Iaʼtehionkwétahke ne ronahterihónton tsi thonwahthínes ónhkak ne sénha éneken ronahteríhonte, tánon ó꞉ni shé꞉kon tetsáronh thonwathínes né sénha éneken ronahterihóntons.

Ecclesiastes 8:9

Akwékon kí꞉ken wakatkató꞉sehron né nónen sakanonhthonhiónhko tsi nahorihoténsonhs kahioténhen ne kén ionhwentsáte, né ionhwentsáte tsi nónhwe ne ótsiakes nonhkweshón꞉ʼa iakoshastsʼtenseráien ók ótsiakes enieronhiá꞉ken tsi ne tesakotiniaró꞉tharon.

Isaiah 1:23

Né ieshakoráshons iehonwatsatóntsies ne Ní꞉io tánon ne wahonteroserónhni ne ratinénskwas. Onkwetakwékon ne ienónhwes ne knahótenk tahionthaʼthetsikhetáhroʼse tánon ne ratiriwanóntons athatahwí꞉tsheras ahonwanawíhon. Kwáh iáh tethesakótines ne tehiontonhnakárias, tánon ne ionateréhons ahotirihwashónhas iáh rahotihénton tsewétha.

Isaiah 33:15

Tsi nikáton né thóh nón꞉we nihiakothahí꞉taʼke ne kariwakwahrihʼshiontsherákon tánon ne iakotharáhkwen ne tkarihwaiéri í꞉ken, rotikenrá꞉tani né thènen ahatiʼiéna ne kawisenhehióntshera akarihónhni, tehonhnentsateníhons skonwatʼtátha ne kanikonrá꞉ton né꞉ne tó꞉sa ahatiʼiéna, tehonatahonthaʼkwékton né꞉ne tó꞉sa ahonatʼtónhtene naienékwah tánon tehonatateronhwékon né꞉ne tó꞉sa ahontkátho ne karihwahetkénhsera,

Deuteronomy 16:19

Tó꞉sa rothiʼiéntak ne iáh tehioteriwakwaríshon tó꞉ka ó꞉ni nahonhnè꞉neste tsi thotiriwarèhkwen tsi nokwáh ne rahotihiaʼtoretátshera; tánon iáh tehiówenk nahatiʼié꞉na ne thé꞉nen tahonwatitsikhethá꞉roʼse, nathatawí꞉tsheras tehiakorónhweks ne ronhteʼnikonhraʼtókhas ó꞉ni ne thonhonkweʼthaié꞉ris, tánon iakahonhnién꞉nis wahétken tsi ní꞉ioht tsi tahatihiaʼtó꞉rehte.

Deuteronomy 28:65

Kwáh iáh okáneka tahisehwaktshén꞉ri ne skén꞉non, iáh káneka nahisewanahthónkwen í꞉se sehwáwenk; ne Roiá꞉ner kwáh ne enthiaró꞉rokte ne tahisonhnaríhkon, iáh thé꞉nen tahonshasehrihwástonhke, tánon enshewaʼnikonrók꞉ten.

1 Samuel 12:3

Kénʼen í꞉kes; serihwanírat naskatʼkónten raoʼhén꞉ton ne Roiá꞉ner tánon raoʼhén꞉ton ne roʼiatarákwen. Ónhka raoʼtshé꞉nen ne teonákares tionhnhónskwaron iehiʼiaténha? Khéhs ónka raoʼtshénen tehahóntes iehiʼiaténha? Khéhs ónhka ahinikonraténhni? Ónhka ahironhiakénton? Khéhs ónhka ratsanáke nón꞉we nahontónkʼkha tsi tahionkhetsiketároʼse ne ne tsiaʼtahonkateronwékon? Seriwaní꞉rat naskatʼkónten tánon kwáh kiʼténtʼtion tsi nahó꞉ten ne iahónkʼkhake.”

1 Samuel 21:14

Ne Achish wasakawénhase ne raonhatserashón꞉ʼahs, “Sewatkátho, tsi sewákens ne rón꞉kwe tsi ronhakwénʼen; ónh káti nontiéren tsi akonhá꞉ke nontatsisewaiaténhaʼwe?

1 Samuel 8:3

Nék ne raoʼnekenterontserashón꞉ʼahs tsi iáh teotíseron ne raoʼteweién꞉na, kwáh nek khók thotiʼnikonratihénthos nahiatʼwistónhni; káti ne waʼniʼienáhseron tsi nathonwatiʼtsikhetá꞉rohse tánon waʼnisakéte ne kariwenhtá꞉tshera.