Ecclesiastes 7:5 - Ohiatonhseratokénti

⁵ Sénha tsioiánere né꞉ne ronhtenikonhratʼthókʼkha aiesatewenhnaiéntonhwe tsi ní꞉ioht ne thonathónhnokthe tahiesarihwáhkwaʼse tsi taiesanonhweráton.

Ecclesiastes 7:5 ပူးပေါင်းရင်းမြစ်များ

Psalms 141:5

Sehríhon ne rotirihwakwahríshions ahionkatewenhnaiéntonhwe; seríhon ne rotirihwató꞉ken tiontʼkerihwakwahríhshias. Tó꞉sa nonwénhton ne raonénhie ne ronhnonkwetahét꞉kens ne ahionkenontsistókaʼwe, asèken nakaterénhnaient iehiorihwakonhtákwen tsi kát꞉konte tsi nihatiweienhnák꞉sens.

Psalms 69:12

Í꞉ih tiókonte otsahonskwáhkon iontʼtharákwen tsi nihiákon ne tsi iothenhenrakáronhte ne kanatowanénhke iétskote, tánon ne ratinekakás꞉tha né ronhterenhnonniátha ne tsi kónhnhe.

Proverbs 13:13

Tókaʼ iáh thahshié꞉na ne kaʼnikonhrí꞉io, seriʼwanóntha kiʼ né꞉ʼe kaʼnikonhrharáhtshera; íhtshehr kaʼnikonhrí꞉io ne ensaʼniá꞉kenhte.

Proverbs 13:18

Nónhka ne kwáh iáh thaʼtehonatonhontsó꞉ni nahatiweientéhtaʼne eniahkoténhton tánon eniontatéhate. Nónhka eniontahónhsatate ne aiakorihwakwarihshiónhake eniontatkwénienhste kiʼ.

Proverbs 17:10

Nón꞉kwe ne teiakoʼnikonhráthe sénha wé꞉so enieweientéhtaʼne ne énska khók aiontattéhten tsi ní꞉ioht tehotenonhwarorí꞉tonte ók ó꞉ni énska tewenʼniáwe ahonwanonhwáreʼke iáh ki thahaweientéhtaʼne.

Proverbs 25:12

Nónhka aiesahronká꞉ten ne orihwí꞉io tsi iakoterién꞉tare tánon nónhka iakotateweienentá꞉ʼon aiontahónhsatate, ne sénha shaʼtékena tsi ní꞉ioht ne ohwistanó꞉ron anisnónhsawi tánon ne kwáh tiohskatsténion ohwistanoronʼshón꞉ʼa.

Proverbs 27:6

Atenró꞉sera rón꞉nehre iáh oʼthé꞉nen teiotié꞉ren naiesaʼnikonhrakaré꞉wahte nok nó꞉nen ónhka iesáhswenhs entiesahnénhsa—seʼnikón꞉rarak ká꞉ti!

Proverbs 6:23

Tsi nahò꞉ten iesahró꞉ri ne shá꞉ka ne teiohahseráthe; ensaháharahte ensahró꞉ri tsi ní꞉ioht tsi tkariwaié꞉ri nahshónhnheke.

Proverbs 9:8

Tóhsa nonwén꞉ton sherihwakwaríhshien ne iontatkweniénhstha; kwáh nek ne eniesatahkwáhswen. Sók ne ronttókha ahsherihwakwaríhshien kwáh nen né꞉ʼe eniesakwénienhste.

Ecclesiastes 12:11

Tsi nihónen né ronhtenikonhratʼthókas kwáh thóh ní꞉hiot tsi nihiohiothí꞉ie nètho kanákare ne róntstha ne teiotinahkaronhtónha sakotinikónhrahre, tánon ne tkaró꞉ronhs nokarahkáhions thóh nikaríhwes iohiá꞉nere tsi ní꞉ioht ne kwáh íken ioníronh tsi kanónhwaroʼthe. Rawenni꞉io totkáwen, tsi nikáien ne tewakwékon sonhkwanikonhrahráties.

Ecclesiastes 7:4

Nónhka né tiókonhthe né ionhnonthonhniónhkwas natʼtsenhnonhniátshera tsiakothónʼnokthe. Ne hiontenikonhratʼtókʼkha né nènhne hionhnonhthonhniónkwa ne kenhéion.

Ecclesiastes 9:17

Ók sénha ne ioiánere nahonwanathahónsahthate ne kwáh sak thíken ne rahotiwenhnasónhas ne ronhtenikonhratʼtókhas tsi ní꞉ioht ne rosakawénhthe rakóra iesakónonhs ne tonathónnhokʼthe nahonwaiénawase

Revelation 3:19

Enkheiaʼtewenhnaién꞉tonhwe tánon enkheriónhnien tsi niiá꞉kon ne khenorónhkwa. Kwáh kíʼ tasewaʼnikonrakontakwénhak, ne aorí꞉wa, tánon sasewatatré꞉wat.