Ecclesiastes 6:3 - Ohiatonhseratokénti

³ Ahónton ne énska tewénhniawe niháti ahionkwawirahiénthake tánon ahiónhnise ahitiónhnheke, ók iáh kíʼ othénenh tewatsterístha thóh nikaríwes ahitiónhnheke, tó꞉ka iáh tahitewahiéna tsi nihionkwáwenk ne atʼtshenhnonhniátshera tánon iáh tahitewahiénhna ne tkariwahiéri tsi ahionhkhihiatátha, ethóhʼne kíʼ enkíron nètho owiráha ne iakawenhéion tsi wahonhnakeráhthe sénha ne tsiohiá꞉nere.

Ecclesiastes 6:3 ပူးပေါင်းရင်းမြစ်များ

Genesis 33:5

Nó꞉nen ne Esau sonsahatarahkétsko tánon washakóken ne konhnónkwe tánon ne ratiksahokónhas, wahén꞉ron, “Ónhka kiʼ ken sewathorohsenthatie?” Jacob wahén꞉ron, “Né꞉ne ratitsaokonhas ne rahónha Rawenni꞉io tsi nithoriwaieri tsi thó꞉wi ne sanhá꞉tshera.”

Genesis 47:9

Ne Jacob wahawènhahse ne Pharaoh, “Tsi niiohserá꞉ke nonhwentsà꞉ke sikónhnhe énska tewenʼniáwe áhsen niwáhsen niiohserá꞉ke; iáh tewé꞉so tánon iohserahní꞉ronhkwe tsi ní꞉ioht tsi kónhnhehkwe. Iáh tshié꞉was tsi niiohseró꞉tenʼskwe tsi nihonnónhnhehkwe ne khehsothokonʼkénhen tsi nikarí꞉wes rotinatenhá꞉wihskwe.”

2 Kings 10:1

Tsáta niwásen-nihátikwe tsi nitotʼwatsirínon ne Ronnontí꞉iokwe Ahab thóh ranákerekwe ne tsi kanatowánen ne Samaria. Jehu kaiatonseráke wahaiáton tánon iashakoteniétase ne ratikorásons tsi kanatatowánen, ó꞉ni ne sakotihéntense ne ienakerénions, tánon ne sakotinikónhrares ne Ahab tsi nitotwatsirínons. Né kaiatónsera tsi enwatewenhnanó꞉ten:

2 Kings 9:35

Ók kíʼ ne rónkwe ne iahahiákenʼne nahahiatháta; iáh tahó꞉then tesotʼtshénrion né khók nonóntsi tánon ostsiensónhas ne kanentsákes ó꞉ni ne wasitákes.

1 Chronicles 28:5

Wahakeríhon ne wé꞉so ahonkeneʼkenhteronhtsheraʼiéntaʼne, tánon thóh nón꞉we nahoiataráhko ne Solomon nahatróraste kwáh tsi niwatenáskwah Nisraeʼró꞉nonke, né Roiá꞉ner raonakerásera.

2 Chronicles 11:21

Norihwaʼkwé꞉kon, ne Rehoboam shaʼtékon iawénhre nikónhti rotiniákonhke tánon iá-iak niwásenh ne kónhtikwe ronhatsheraiéntakwe, tánon tewáhsenh-shaʼtékon niháti ronekenteronhtseraiénthaʼkwe tánon iá-iak niwásenh nikónhti roiatashetseraiéntakwe. Tsi nikónhti rotiniákonhne ó꞉ni ronhatseraiénthakwe sénha ki Maacah tsahonháha sakonerónhkwahkwe,

Esther 5:11

Raotihén꞉ton tsi waʼthataterènhsaron tsi nihokwáhtshe, tánon tsi nihá꞉ti rotiskenʼrakéhta rowí꞉raien tánon ne ronontí꞉io tsi sénha é꞉neken tsi sahorihón꞉ten tánon tsi niió꞉re tsi raónha sénha é꞉neken roteríhonte tsi ní꞉ioht ne ronátiaʼke ronaterihón꞉ton.

Esther 7:10

Sók ki Haman wahonwahnià꞉terenke tsi nón꞉we nihóhson Mordecai raorihwà꞉ke. Ó꞉nen kiʼ ne ronontí꞉io iaʼtonsahanaʼkwaieʼwèn꞉taʼne.

Job Tánon ne Raoronhiakensera 3:11

“Onhnontié꞉ren tsi iáh tewakihé꞉ion ne sakenrakeráte, tsi nontáke né watewiraráhkwake tánon iáh othé꞉non thahonsakénhake?

Job Tánon ne Raoronhiakensera 3:16

Khés nontié꞉ren tsi iáh tehiontsiatháten tsi ní꞉ioht ne iontatonhniákon owirá꞉a, tsi ní꞉ioht nowirá꞉a iáh nonhwénton thahiontkátho ne kaswathétshera?

Psalms 58:8

Ánion thóh nihatihiatoténhset tsi ní꞉ioht ne takwahré꞉reh ostarón꞉wa iewáʼtons iahokáhon; aiáwenhs èhtho nahatiiatothénset tsi ní꞉ioht nowiráha iakawenhéion tsi iakawenhnakeráton iáh nonwénhton teiakotkáton ne teioswát꞉te.

Proverbs 17:6

Kahsótshera ratiná꞉ie tsi nonkwá ne shakonatereʼokón꞉ʼa, ne shá꞉ka ne eksaʼokón꞉ʼa ratiná꞉ie tsi rotiʼnisténhsen tánon rotiʼníhsen.

Ecclesiastes 4:3

Ók sénha ronahteraswí꞉io tsi niháti ne iáh nonhwénhton tehonahnakeráhton, iáh nonhwénhton tehonatʼkáton ne kariwahétkens tsi natehonthatsheráse nonhkweshón꞉ʼas né kénʼen ionhwenhtsáte.

Ecclesiastes 6:4

Iáh othénenh tahiakoiéʼnahwase nètho owiráhra nahionhnakeráhthe; tsi tetsiókaras niahá꞉en, tsi nónhwe nenhiontatenikónhren.

Jeremiah 22:19

Ne kahkweniensthátshera ne teskaieróntahre ne tewahóntes akonwahiatháta, ienhonwahiatísehre tánon átste nonhtenhenráti ne Jerusalem ienhonáhti.”

Jeremiah 36:30

Káti nónhwah, Í꞉i, ne Watiá꞉ner, wahkonhró꞉ri, ne Ronnonhtí꞉io Jehoiakim, kwáh iáh nonhwénhton ne ahishaʼwirahiéntahne nahatkórasʼthe ne Táwit rahonahkeráhsehra. Nenhsenʼhéion ne shaʼhierónta átste ienwáhtionhke thenwehnhétonke tsi nenhiorahkwahtharihénhaʼke ne tsi niwenhnísehres tánon nokahrasnéha tsi ne nenhiosahkenseráien.

Jeremiah 8:2

Tsi ní꞉ioht nakaró꞉ronhke tánon akahiathátenhke, ne raotiʼstienhokónhas thóh nenhʼhiothónhake tsi ní꞉ioht ne óhtha iakonhonsahresensthákwah onhwenhtsiáke kahkéhron. Tánon tsi tenhwahrehniáthonke thóh tsi iohráhkhothe, tánon ne asontʼténhnekhe karáhkwah, tánon ne tsi iotsistokwahrónʼnions, né kí꞉ken nonhkwehshón꞉a ienonhrónhkwahkwe tánon ne tahieriwásniehʼne, tánon ne konhwaterihwaiénhnisʼkwe ó꞉ni konhwathisénhnaiensʼkwe.

Matthew 26:24

Kenh kaien nʼOnkȣe Roienha satentionhe tsikiniiot tsi kaiaton ne raonha raiatatake; nok tanon rotentasere ne ronkȣe nʼenhotenninon nʼOnkȣe Roienha! Senha aioianerenhon ne tosa nonȣenton ahonakeraton netho ronkȣe.