Ecclesiastes 5:8 - Ohiatonhseratokénti

⁸ Tó꞉sa sahneráhko nónenh ensatkátho né kakórahse iakoronhiakéntha ne iakoténtha tánon tsiakototʼtakwénhni ne kariwahkwahrishión꞉tshera tánon ne tkariwaiéris. Iaʼtehionkwétahke ne ronahterihónton tsi thonwahthínes ónhkak ne sénha éneken ronahteríhonte, tánon ó꞉ni shé꞉kon tetsáronh thonwathínes né sénha éneken ronahterihóntons.

Ecclesiastes 5:8 ပူးပေါင်းရင်းမြစ်များ

Ecclesiastes 4:1

Ethòne shé꞉kon sakatkátho oriwahkwékon ne iáh tehioteriwakwaríshions tsi nihiawénsehrons ne kénʼen ionhwenhtsáte. Ne ronhwatironhiakéntha tehonséntʼthos, tánon iáh ónhka tahonwatihiathakéna. Iáh ónhka tahonwatinikonhrahiewénhtʼthoʼte, tsioríhwa ne ronwanathonnhotʼthakwénhnis ne kashastsʼténsera ronónha nokwáhti kaienthá꞉kwen.

Psalms 12:5

“Tioríhwa tsi nikarihwahétken tsi nihonwatiʼiérase ne tehonthonhnakárias, tioríhwa, tsi niotironhiáken né tehonthonhnakárias, kwáh ónenk thóh nénhtiere,” ráton né Roiá꞉ner; “kwáh entkákʼkakwe né kaienawaséhtshera tsi nithonskáneks.”

Ecclesiastes 3:16

Ne sénha nisiʼnónhwe, Wakátʼtoʼke ne kénʼen ionwenhtsáte ensetʼtsénri kariwaneraháktshera káien tánon thoʼnónhwe né꞉ne kariwakwarishióntshera ahówenk akaiéntake.

Psalms 82:1

Rawenni꞉io tesakoniarotáron ne raonhatsherashónhas ne karonhíake; raotinenhríhen ne ratironhiakerónons nón꞉we nisakorihwénhtha:

Ne꞉ne Sák Rohiaton 2:13

Asèken ne Rawenni꞉io iáh taréneste nataniténron nónen tensakoiatórete nónkwe ne iáh teiakoienʼnataniténron; nók ataniténron iosénnies ne kaiatoretátsera.

Acts 12:23

Kwáh óksak ne Rawenni꞉io rahoronhiakerónon wahohiatsénente ne Herod, tsioríhwa tsi iáh tatehorénsaron ne Rawenni꞉io. Otsinonhwanhéta wahonwahwárake tánon warénheie.

Luke 1:76

Nok nise seksaa, Niio roȣennenhaȣe enhiesanatonkȣake, aseken hentsenteste ne Roianer nok hentsiahahaseronnien.

Luke 1:35

Nok ne Raronhiakeronon tontahaȣennaȣeron ȣahenron: Rotkon Roiatatokenti enhiaiatorenne, nok nʼEnekentsi nahosastensera onsarakȣaȣerhoste; ne se ȣaonni oȣiratokenti ki nensaȣiraientane, enhonȣanatonkȣake Niio Roienha.

Luke 1:32

Henhaiatanoronke nok henhonȣanatonkȣake Enekentsi Roienha; Nok ne Roianer Niio henhonistskȣaratseron ne Roniha Taȣit rahonistskȣara.

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Zechariah 8:6

“Tó꞉ka nón꞉wa thóh ní꞉ioht tsi wéhne kwáh tiorihwáhkon né꞉tho onhkweshón꞉ʼa ne iatehonahthaténron nón꞉wa, ók iáh ki tehionikonrókʼtha ní꞉i akeriwà꞉ke.

Micah 2:9

Ne konhnónkwe konhtiʼterónhton nahotinonskónhsons ne nakonhkweʼtashón꞉as í꞉ken wahetsiiatí꞉nekenhwe tsi nihiotinonhshí꞉ioskwe; iaesewáhawe natiatanerakwáhtshera tsi waetsí꞉kwah ne akotiiookón꞉as né꞉ne tsi nénwe enkénhake.

Amos 6:12

Ne koshá꞉tens kontsakarónhtses ken nosthénrakes? Ónhka ken ietarakarát꞉tos ne kaniatarakeʼkowáhne ne tehotikákeres tionhnónskwahron ahónste? Ók kí ní꞉se ne washón꞉niate ne kaianéren kanonkwahtserát꞉sen hiahónton tánon ne karihwakwahrihshóntshera ne kahontátsen iahónton—

Amos 5:12

Asè꞉ken wakaterièn꞉tare tsi niwé꞉so ne sewarihwaneraháktsheras, tánon tsi natehiotenonhianí꞉tons ne sewarihwaneraháktsheras— í꞉se ne ietsironhiakéntha ne tionkweʼtaié꞉ris, teietsitsikʼkhetaró꞉se, tánon ákta ne tsi iothenhenrakáronte iehietsí꞉reks ne iakóthen.

Isaiah 57:15

Asèken né aoríhwa rá꞉ton ne éhʼneken tánon né kwáh tótʼte tsi rahónha thóh nón꞉we nihénteron tsi nón꞉we ne tsi nénhwe í꞉ken, né raosénhna né꞉ne Iotokénti: Thóh nón꞉we nikíteron ne kwáh éhʼneken ít꞉ken tánon iotenathatokénti, tánon kí ó꞉ni tsi nihiá꞉kon ne teiakaweriaʼsaríhon tánon tiakonikonrénhen, né náse ahonsónhton nakonikónhra ne tiaʼkonikonrénhen, tánon á꞉se ahonsónhton nakawariáʼne ne teiakaweriaʼsaríhon.

Isaiah 37:36

Eʼthó꞉ne ne raoronhiakeró꞉non ne Roiá꞉ner iahahiakénʼne tánon washakowéntho énska tewenhniá꞉we shatèkonʼniwáhsen-wísk niwenhniaʼwehetsheráhsen ne tsi ronanátaien ne Assyriaró꞉nons; nó꞉nen sahiórenhne, kwáh ratikwé꞉kon ronenhé꞉ion tewenhehiontó꞉taron.

Isaiah 10:12

Nó꞉nen ne Roiá꞉ner enhá꞉sa akwékon ne raoʼiothénsera ne tsi ionónte ne Zion ó꞉ni thóh nón꞉we ne Jerusalem, kwáh kí enhoréhwate ne ratatkowahnátha tsi natehothaʼterénhsaron ne ronnontí꞉io ne Assyria tánon tsi nihothatóhare tsi nihanáʼie.

Isaiah 5:7

Asèken ne tsi ronenharaientʼthóhseron néh Sakoiá꞉ner ne ronterí꞉ios ratiʼronhiakerónons ne ne NʼIsraerʼronóns iakoton, tánon nonkweshónhas ne Judah né꞉ne rahonwesénhtsheras tsi nihoientʼthóseron; ne rorará꞉tiene ne kaiánerenh, ók ne wahatkato iakonekkwáhon; ne rorará꞉tiene ne karihwakwahriʼshióntsheras, ók nék khók wahothónhtene tehionséntʼthos!

Isaiah 3:15

Nahóten sewéntons tsi watsetsinenstsákon nakonkwetaʼshónhas, tsi wahetsikonsakénhrieh ne iakotenténion? Ráton ne Roiá꞉ner Sakoní꞉io ne ronterí꞉ios ratironhiaʼkeró꞉nons.

Proverbs 8:17

Khenorónhkhwa ónhka ionkenorónhkhwa; ne ónhka iontiaʼtíhsaks eniontiaʼtatshén꞉ri.

Psalms 95:3

Asèken ne Roiá꞉ner tsi roshaststenhserowaʼkenkówa Rawenni꞉io í꞉ken, tánon rosasthenserowaʼnenhkówa tsi ronhnontí꞉io í꞉ken tsi nitesakoniaʼrotáron ne ronatsákes nʼiohokónhas.

Psalms 83:18

Tánon sehtokáhten tsi kwáh séh shonháhak khók í꞉ken, né sasénhna né꞉ne Roiá꞉ner í꞉ken, né꞉ne kwáh ohontsakwékon tisaʼshaststenhserowánen.

Psalms 55:9

Tesehianitonhniáten tsi nihotítare ne iónkswenhs; katkáthos iáh thahóten teskaianerenhseráien tánon ratinathakáras.

1 Sawátis 3:13

Tóhsa káti sewaneráko, tewatenroʼshónʼa, tóhkaʼ ne ronnonwentsiakerónons enietsísʼson.

1 Tiér 4:12

Tekanórons tewatenrosónhas, tóhsa kiʼsewaneráko tsi nihiononwakthetseratʼtsáni tensewathóhetste tsi nisewaronhiáken, kwáh thóh nahiothónhake tsi síken ní꞉ioht ne kwáh knahótenk ó꞉ia ní꞉ioht tsi nisewahiátawens.

Romans 11:33

Tsi nikowánen ne Rawenni꞉io rahotsiokowátseras! Tsi natehionhótes ne rahonikonraienthátsera ó꞉ni neh rahothokhátsera! Ónhka ahiekwéni naienikonraiénthaʼte tsi natehohiatoretánions? Ónhka ahiekwéni naiakonikonraiéntaʼne ne rahoweiénʼnas?

Proverbs 22:16

Tókaʼ enhsón꞉ni nahò꞉ten ahshé꞉ion ne rotikwáhtshe tánon tókaʼ ó꞉ni ehtà꞉ke enhsheión꞉ni ne rotitenhténion, íhsehre eʼthó naontá꞉we aiesakwáhtsheʼne, í꞉se kiʼ ó꞉ni ensenténhtaʼne.

Proverbs 24:12

Enwá꞉ton enhsì꞉ron iáh oʼthé꞉nen tesarihwà꞉ke, nok Rawenni꞉io roterién꞉tare tánon tenhiaiaʼtó꞉rehte oh niiotié꞉ren tsi tho nihshiéhrha. Iaʼnikón꞉rare; roterién꞉tare. Tánon tenhiarihwaʼserákwahse, ne ki tkawenní꞉io tsi nihsatieránions.

Ecclesiastes 5:9

Shé꞉kon nònhne ne ronhnonhtí꞉io tsi né rahniahésen ne kaienthóhtshera.

Ecclesiastes 7:7

Tó꞉ka nónhwa satenikonratʼthókha, ók kíʼ tó꞉ka ónhkak asehnikonhráhten, thóh nisahtierenhátie tsi ní꞉ioht ne thoʼnonhnhótʼte. Tó꞉ka thén꞉enh tahiesatsitkhethá꞉rohse, wasétkenthe ne sahiatorethátshera.

Ecclesiastes 8:9

Akwékon kí꞉ken wakatkató꞉sehron né nónen sakanonhthonhiónhko tsi nahorihoténsonhs kahioténhen ne kén ionhwentsáte, né ionhwentsáte tsi nónhwe ne ótsiakes nonhkweshón꞉ʼa iakoshastsʼtenseráien ók ótsiakes enieronhiá꞉ken tsi ne tesakotiniaró꞉tharon.

Ezekiel 18:18

Ne roníha, thiʼkàte nenhnenʼe, ronikonhráhthon, tánon ronénhskwen tánon tiotkonhónwe kariwáksenh tsi nishakotiérahse nakorénhsons. Tánon káti wahrénheie tioríwa ne kariwahnerahákʼtsheras rahonhatsíwa kenhiehoiéren.

2 Chronicles 26:10

Kwáh ó꞉ni wahatenikatonhniánion ne kahetakésons nonwésons tánon wahasonhionhniánion wé꞉sos tsi nón꞉we nahontnekaráhkwahke, tsioríhwa tsi ionatsiokowánen ronaskwahiéntakwe né tsi iatewatʼtsénthos nòkwahti onontakónhsons tánon ne tsi iohontsakwénhtarons. Tsioríhwa tsi nihahonweskwaníhaʼkwe nahatiotʼtenserónhni, iesakonikonhrahrkeskwe nonhkweʼshón꞉as naʼienenharahientʼthóseke tánon nahontsientʼthoserónhni tsi nón꞉we nihiohontsí꞉ios.

Job Tánon ne Raoronhiakensera 24:23

Nontié꞉rent enhshakorí꞉hon ne skén꞉nonk thahonónhneke; ók kwáh tió꞉konte tsi teshakokanerátie.