Ecclesiastes 5:7 - Ohiatonhseratokénti

⁷ Iáh tewatsʼterístha thóh ní꞉ioht tsi ahisahtétʼtsen, thóh ní꞉ioht ne iáh othénenh tekariwáhstha ahisahióten, tó꞉ka ó꞉ni tóh níkonh tsi ahsahtháti, shé꞉kon kíʼ tehiotonhwenhtióhon natskwéniensthe ne Rawenni꞉io.

Ecclesiastes 5:7 ပူးပေါင်းရင်းမြစ်များ

Proverbs 23:17

Tóhsa sheiahská꞉nek ne rotirihwanerenʼákskon; nek etskweniènhsthak ne Roiá꞉ner nek tetská꞉nerak ní꞉se tsi sónhnhe.

Ecclesiastes 12:13

Ethohʼsáne, énskak khók tsi nahó꞉ten aiaiéron: Etsenhnaiénsek ne Rawenni꞉io, tánon satewénhnarak ne raoriwahtátʼtsheras, tsioríhwa tsi né ahoríwah hionkhihiatishaháton.

Ecclesiastes 3:14

Wahkateriéntare kwáh tsi nahoténshons ne Rawenni꞉io kén nienháiere tsi nénwe tsi enʼioianeréhake. Iáh taskwéni ne iáshesʼthe tóka niʼó꞉ni nahontashatókʼthaʼkwe. Tánon tioríhwa tsi nihaiérha ne Rawenni꞉io né tsi ashontiónnien tatsitewarensahrónhsehke.

Ecclesiastes 3:16

Ne sénha nisiʼnónhwe, Wakátʼtoʼke ne kénʼen ionwenhtsáte ensetʼtsénri kariwaneraháktshera káien tánon thoʼnónhwe né꞉ne kariwakwarishióntshera ahówenk akaiéntake.

Ecclesiastes 5:3

Né sénha tensathatenikonhráhren, sénha kíʼ ensahsehrentátsenhne, tánon né sénha ensahthá꞉ti, sénha kíʼ iotkathá꞉tse knahótenk enshí꞉ronh né tehiotenonhwaroríhthonthe.

Ecclesiastes 7:18

Tetsáron éhren shá꞉wit kí꞉ken nahorihoténsons. Tó꞉ka tsánhnaiens ne Rawenni꞉io, kwáh kíʼ ensahianerásten tsi nahontahiotseráhthonhke.

Ecclesiastes 8:12

Né roriwáneren tó꞉ka enskatewenhniáwe nihioriwáhke né ahohióten ne kariwahétken tánon shé꞉kon kíʼ enrónhnheke. Oh hén, Wakateriéntare tsi nahó꞉ten rónhton: “Tó꞉ka entiewénhnarahkwe ne Rawenni꞉io, kwáh oriwahkwékon tsi tienhioianeréhake,

Ecclesiastes 8:13

ók iáh kíʼ nènhne tahioianeréhake ne roriwáneren rahoriwáhke. Tsi roʼnónhnhe thóh ní꞉ioht tsi ní꞉ioht ne iotasáthare tánon kwáh kenkʼnenhtotíhionke enhonníheie, tsoríwa tsi iáh tehonwahnennahráhkwa ne Rawenni꞉io.”

Ecclesiastes 8:9

Akwékon kí꞉ken wakatkató꞉sehron né nónen sakanonhthonhiónhko tsi nahorihoténsonhs kahioténhen ne kén ionhwentsáte, né ionhwentsáte tsi nónhwe ne ótsiakes nonhkweshón꞉ʼa iakoshastsʼtenseráien ók ótsiakes enieronhiá꞉ken tsi ne tesakotiniaró꞉tharon.

Matthew 12:36

Nese ȣaonni kȣarori: tsi neh tonhiontatiatoretakȣe nonkȣe nʼonaken teȣenniseronte tsinikon tiakotati ne kaȣennaksen.