Ecclesiastes 5:4 - Ohiatonhseratokénti

⁴ Káti nónenh entsiarahrátsten ne Rawenni꞉io, orihwí꞉io sónhni tsi iatensótten. Asèken ne Rawenni꞉io iáh tehawerientí꞉ios tó꞉ka ne tsiakotónhnokthe enhiakoriwahnóron tsi nahó꞉ten iakorahrátston. Thóh kíʼ náhtser tsi nisahrahrátston.

Ecclesiastes 5:4 ပူးပေါင်းရင်းမြစ်များ

Genesis 28:20

Ethó꞉ne ne Jacob wahahrhá꞉ratste ratónnions, “Tókaʼ ne Rawenni꞉io eniakenikwekónhake, tánon enhatiaʼtanónhstate tsi nikathahí꞉ne, tánon enthá꞉kon ne kaná꞉taro ná꞉keke tánon natsherónnia nakatsherónnia꞉te,

Genesis 35:1

Rawenni꞉io wahawènhahse ne Jacob, “Téstaʼn, Bethel nón꞉we niahá꞉se, tánon thóh nón꞉we ionsasatenà꞉taien. Thóh nón꞉we nahtshónnien ne ietsenhahráhkhwah ne Rawenni꞉io tsi ráonha iatotahshién꞉ni nó꞉nen shonsahtshaté꞉kwahse ne tsatateʼkén꞉ʼa Esau.”

Genesis 35:3

eʼthó꞉ne tetewá꞉taʼn tánon Bethel nón꞉we niehétewe, ne naón꞉ton thóh nón꞉we iahiʼiónnien ne ietsenhahráhkhwah né Rawenni꞉io tsi niká꞉ien ne tehakerihwaʼserakwén꞉ni ne tewenhniserá꞉tehkwe ne shaʼtewakeʼnikónhrhare tánon kwáh iakenikwekonhátieʼskwe ne tsik nonwéhsons niewaké꞉non.”

Psalms 116:14

Tsi nón꞉we nihiakokʼkenhníson ne rahonkwetaʼshón꞉has enthíhion tsi niwakararátston.

Psalms 119:106

Kwáh iohrihwaníronh tsi wahkarahrátston tánon wakerihwaniráhton, kwáh kí enkatewénhnarahkwe ne saianerénhseras.

Psalms 22:25

Kwáh thóh tsi nihiakotiokowánen iakoterénhnaien tenkonhnonweráton tsi nisatieráhnion; raotihénton ne iesahsénhnaiens kwáh entʼthíhion ne Rawenni꞉io ne khehiatéskonte ne kattsénenhs.

Psalms 50:14

Ítstats ne Rawenni꞉io ne kariwiʼioseokónhas ne tehionhtenonweratónhkwa, tánon thá꞉tion ne Roshaststenhserowanenkówa akwékon tsi nisararátston.

Psalms 76:11

Tátion ne Roiá꞉ner Rawenni꞉io tsi nahó꞉ten tsiarahratsténhni; iatsawí꞉ten natathawí꞉tsheras, ne ákta ratinakeréhnion nonkweshón꞉has. Né Rawenni꞉io sakahonniénhnis nonkweshón꞉has nahonwatsánike;

Proverbs 20:25

Seʼnikón꞉rarak tsi nahò꞉ten enhsanonhtónnionhwe ohén꞉ton nenhtshaʼrharátsten naontahtsion ne Rawenni꞉io. Tókaʼ nón꞉wa ensehsatateriʼwáhsten ohnaʼkèn꞉kha.

Isaiah 19:21

Ne Roiá꞉ner kwáh enhatʼthatón꞉nien nahonwaienʼtérahne rononhàke ne Egyptró꞉nons; tánon ne Egyptró꞉nons kwáh enhonwaiénhtereʼne ne Roiá꞉ner ne thóh enwenhniseráteʼke, tánon kwáh enhonwasénhnaien katshénen enhonwateskónktaʼse tánon kaiathakwékon ne katʼtshénen enkonwatsatáʼtshaʼhate tsi enhonwátatʼtshe, tánon kwáh enhonráhratsʼte rahonhàke ne Roiá꞉ner tánon thóh nenhatí꞉iere tsi nenhonráhratste.

Jonah 2:9

Nok tenkonrihwáhkwaʼse ne atonhnharáhtshera ne sonhá꞉ke. Ne entkónion enkatienʼkwarón꞉niaʼte tsi tenkonnonhwerá꞉ton tánon eʼtho nén꞉tiere tsi niwakahrharátston. Ne kaʼniakénhtshera Roiá꞉ner nón꞉we nitewé꞉tha!”

Malachi 1:10

Weh, ónhka naionská꞉neke naienientháhrho ne tsi kahnhoká꞉ronte tánon aionté꞉kaʼte ne tsi ktsenhahráhkhwa ne iáh oh thé꞉non tshiaʼtákene? Iáh tewakerienʼtiióhstha ne tsonhá꞉ke, Rá꞉ton ne Sakoiá꞉ner ne ratironhiaʼkehró꞉nonʼs. Tánon kwáh iáh thatié꞉na naontesewá꞉iehste ne sewahtsaʼnà꞉ke naontá꞉we.

Numbers 30:2

Nónen ne rónhkwe waʼharáratsʼte ne thènen ahontahá꞉wenh ne Roiá꞉ner khès ne waharihwanírate né knahótenk ahateweiénton, iáh kíʼ tehiówenk ne tahonsahá꞉hiake tsi nihorarátston, ók ónenk tsi enhateniénhten orihwakwékon thóh nenháiere tsi kíʼ nihá꞉wen.

Matthew 5:33

Seȣariȣaronken oni tsi ronȣennenni ne seȣatsotserakenha: Tosa tsesat Niio Raosenna; ensatateȣennaierite tanon tsini sarharastston.

Hebrews 10:6

Iáh teshenʼrentí꞉ios ne kontiʼtshé꞉nens nakonwahnateskónten kontiiatakwé꞉kon ne tsi ietienharáhkwah kes ne kariwiioseokónhas ne é꞉ren akashá꞉wite ne kariwanéren.

Judges 11:35

Nó꞉nen sashakokóken, kanikonhratʼsenhtserákon waharatsónhko ne rahotierón꞉nia tánon wahénron, “Oh, konhiénha! Watesskheriesaríhthe! Onh nonhtséren tsi í꞉se thaʼkonhniénhnis nahonhkenonhwatʼtháten? Kwáh í꞉ken tsi iorihwaníron tsi ní꞉ioht tsi rihiararatsʼténhni ne Roiá꞉ner, tánon iáh thahónton ne tahontakát꞉thaʼte!”