Ecclesiastes 4:1 - Ohiatonhseratokénti

¹ Ethòne shé꞉kon sakatkátho oriwahkwékon ne iáh tehioteriwakwaríshions tsi nihiawénsehrons ne kénʼen ionhwenhtsáte. Ne ronhwatironhiakéntha tehonséntʼthos, tánon iáh ónhka tahonwatihiathakéna. Iáh ónhka tahonwatinikonhrahiewénhtʼthoʼte, tsioríhwa ne ronwanathonnhotʼthakwénhnis ne kashastsʼténsera ronónha nokwáhti kaienthá꞉kwen.

Ecclesiastes 4:1 ပူးပေါင်းရင်းမြစ်များ

Job Tánon ne Raoronhiakensera 16:4

Í꞉ih ó꞉ni ahonton thóh ní꞉ioht tsi akatá꞉ti tsi kiʼ ní꞉se ní꞉ioht, tó꞉ka ní꞉se thóh naí꞉sanákthothenhake tsi ní꞉i ní꞉ioht ahonton né takewenhnáh꞉khanion nakonhiát꞉konthen, tánon takanonká꞉renhron né sahenton.

Job Tánon ne Raoronhiakensera 35:9

“Tsi nateiakohenré꞉tha tiorì꞉wa tsi niwé꞉so iakorieniákete; teiakohenré꞉tha nahontahionthá꞉tene tsi nokwáh ne ratiʼshátstes.

Job Tánon ne Raoronhiakensera 6:29

Tesatkaraté꞉ni, wakaterén꞉naien, áhnion tó꞉sa othé꞉non tewaterienʼtawenhré꞉hak. Ó꞉nen tesatkaraté꞉ni, nakerihwakwarihshióntshera thóh nón꞉we nikarihwaientákwen.

Job Tánon ne Raoronhiakensera 9:24

Nonwénhtsa thóh iewatká꞉wenh ronhtsá꞉nake ne ronhnonkweʼtahétken; teshakokaraséhthas nahonkweʼtashón꞉as ne ratirihwénhthas— tó꞉ka iáh raónha ki thóh tehaié꞉ra ónhka káti?

Psalms 12:5

“Tioríhwa tsi nikarihwahétken tsi nihonwatiʼiérase ne tehonthonhnakárias, tioríhwa, tsi niotironhiáken né tehonthonhnakárias, kwáh ónenk thóh nénhtiere,” ráton né Roiá꞉ner; “kwáh entkákʼkakwe né kaienawaséhtshera tsi nithonskáneks.”

Psalms 142:4

Satkáhtho ne tsi keweientetákwen tánon skenhénhion— kwáh iáh ónhka tehiontsénhteres; iáh kahnèka tetsotaténron kahnónhwe nakahtekwáhsen; iáh onhʼthènen tehonsterístha onhnahontsátawen.

Psalms 142:5

Í꞉seke iatkahsénhtho, Ó Saiá꞉ner; Wakíron, “Í꞉se ne tsi katashetákwah í꞉ken, ne nakáwenk ne tsi ionhontsáte ne iakónnhe.”

Psalms 42:3

Natkháseri thó꞉khok ní꞉ioht tsi waʼkeniatanawésthaʼkwe ne tsi niwenhnísehres tánon ne tsi niwasónhtes, thóh ná꞉he ne iónkswenhs ionkerihwanontónhnis, “Kaʼníres ne Saní꞉io?”

Psalms 42:9

Rahonháke ne Rawenni꞉io, né tkákenes, enkí꞉ron, “Onhnontiéren tsi tatiatanikonhrénhʼen? Nonhtiéren tsi tiókonhte ahonkeronhiákenʼke né tsi nihionkateniakatsthénhni ne iónkswens?”

Psalms 69:20

Tsi nihionkenikonrakarewáʼton ne iónkshons ne waʼkerhiasanonwát꞉tha, ká꞉ti iáh testiewénhtas. Karohtónhtsera kèsasks, ók iáh teketsénhries; tánon nón꞉kak ahionkenikonraniráton, iáh kíʼ nonʼné꞉e tekhehiatatʼtsénhrion.

Psalms 69:21

Nónen sakatonkárhiake kanonkwatserák꞉sen waʼhonkènonhte, tánon tsi onhkeʼniatátʼthen iotsitsiát꞉ken waʼhonknékanonhte.

Psalms 80:5

Tásʼtsion ne kanikonraksénhtshera naiákwahke kwáh tsi ní꞉ioht tsi iakwahnátaraks tánon okaséhrihs aiakwahnekíra tsi ní꞉ioht tsi iakwahnekíra nonèkanos.

Exodus 1:16

“Nó꞉nen enʼietshiʼsniénon ne Hebrew tsionatʼthonwísen naʼiotiwiraiénʼtane,” wasakoró꞉ri, “Ietsiʼnonhwarhiákon nʼowirá꞉ʼa tó꞉ka roʼskenrahkèhte; ók tó꞉ka tsiakokʼthonwísen, iakónhnhek nènhneʼe.”

Exodus 1:22

Kharekiʼónenne ne Ronhnonhtí꞉io wasahkoʼianerenhserónhnien ratiʼkwékon ne rahonkwetashón꞉ʼa: “Iahetsihiaʼténhaf ratiʼkwékon nónhwak roʼnahnakeráhton ne Hebrew roʼtiskenrahkéthe tánon kaniataràhke ne Nile iahetsihiaʼtón꞉ti, ók konhtiʼkwé꞉konh ne tsionatʼthonwísenh konhtiksaʼhokónhas konònhnhek nènhneʼe.”

Proverbs 19:7

Ók ó꞉ni ne ró꞉ten raohwá꞉tsire ronwakenhrón꞉ni; iáh ki teionehráhkwa tsi iáh tehotenroʼserá꞉ien. Iáh theʼtewatsteríhstha tho ni꞉iot tsi ahateʼnién꞉ten iáh kiʼ thahatkwé꞉ni nahateroʼserón꞉ni.

Proverbs 28:3

Nónhka iakoteríhonte ne aiontatwíhsate ne iakó꞉ten ne shá꞉ka ne kwáh ioʼshátste aiokèn꞉nore akentáksaʼte ne kaienthóhsera.

Proverbs 29:2

Takenaʼtón꞉hahs thorihwaié꞉ri ne rakorahseraʼkweʼní꞉io tánon enkonnaʼtón꞉hahse ronatonhnháhere nón꞉kwe. Takenaʼtón꞉hahs ne iáh tetionkweʼtaié꞉ri ne rakorahseraʼkweʼní꞉io enkonnaʼtón꞉hahse nón꞉kwe ne iáh tehonatonhnháhere.

Ecclesiastes 3:16

Ne sénha nisiʼnónhwe, Wakátʼtoʼke ne kénʼen ionwenhtsáte ensetʼtsénri kariwaneraháktshera káien tánon thoʼnónhwe né꞉ne kariwakwarishióntshera ahówenk akaiéntake.

Ecclesiastes 5:8

Tó꞉sa sahneráhko nónenh ensatkátho né kakórahse iakoronhiakéntha ne iakoténtha tánon tsiakototʼtakwénhni ne kariwahkwahrishión꞉tshera tánon ne tkariwaiéris. Iaʼtehionkwétahke ne ronahterihónton tsi thonwahthínes ónhkak ne sénha éneken ronahteríhonte, tánon ó꞉ni shé꞉kon tetsáronh thonwathínes né sénha éneken ronahterihóntons.

Ecclesiastes 7:7

Tó꞉ka nónhwa satenikonratʼthókha, ók kíʼ tó꞉ka ónhkak asehnikonhráhten, thóh nisahtierenhátie tsi ní꞉ioht ne thoʼnonhnhótʼte. Tó꞉ka thén꞉enh tahiesatsitkhethá꞉rohse, wasétkenthe ne sahiatorethátshera.

Ecclesiastes 8:9

Akwékon kí꞉ken wakatkató꞉sehron né nónen sakanonhthonhiónhko tsi nahorihoténsonhs kahioténhen ne kén ionhwentsáte, né ionhwentsáte tsi nónhwe ne ótsiakes nonhkweshón꞉ʼa iakoshastsʼtenseráien ók ótsiakes enieronhiá꞉ken tsi ne tesakotiniaró꞉tharon.

Isaiah 5:7

Asèken ne tsi ronenharaientʼthóhseron néh Sakoiá꞉ner ne ronterí꞉ios ratiʼronhiakerónons ne ne NʼIsraerʼronóns iakoton, tánon nonkweshónhas ne Judah né꞉ne rahonwesénhtsheras tsi nihoientʼthóseron; ne rorará꞉tiene ne kaiánerenh, ók ne wahatkato iakonekkwáhon; ne rorará꞉tiene ne karihwakwahriʼshióntsheras, ók nék khók wahothónhtene tehionséntʼthos!

Isaiah 51:23

Tánon né entekhéhion ne iesaronhiakéntha, tsi nikáien né iesénhni, “Tesatsáket, né nahónton nakwahrathatséshon”; tánon né washón꞉niaʼte ne tsi tiónnhe tsi ní꞉ioht nokénhra tánon thóh ní꞉ioht kwáh né꞉ne tsi takanatokénserons tsi nón꞉we nihonténties.

Isaiah 59:7

Né ronhshiʼtákes thóh nienkatá꞉ke tsi nó꞉kwah ne wahhét꞉ken í꞉ken, tánon teoʼtisteríhens nahonwahnéh꞉kwahte ne iáh othènon tehoníkon; né raonanontonhnióntsheras né꞉ne wanontonhniontsheráksens í꞉ken, né nahatiʼrihwéntʼtho tánon atkaronhniátshera í꞉ken ne tsi ronahatátie ne iohahowánens.

Jeremiah 16:7

Kwáh iáh ónhka skátke thatahiontskáhon iáh ó꞉ni thaʼhatinikírah naʼhionthatenikonhrahníraʼthe nónen ne tehionthatenorónkwah enhiahiéheʼie. Kwáh iáh ónhka thaʼiénesthe ne kanikonhraniráttshera, akwékon iáh ó꞉ni ne ónhka wahakóthonse ne kanísehra tó꞉ka ó꞉ni kanisténsera.

Lamentations 1:16

“Ne kíʼ aoríhwa ne kharáke kwáh thitewakʼkhaseráheʼrhe. Iáh ónka taiekwéni naionkenikonranírate; iáh ónka taiekwéni naionkenikonráhreke. Ne iónkswens ionkesénnion; nakonkwetaʼsónha kwáh iáh othénen tesohthíʼien.

Lamentations 1:17

“Hiatewakátiate, nók iáh ónka thahiontsniénon. Ne Roiá꞉ner iasakónonke ne iónkswens kwáh tsík nonwéson nontahón꞉ne; Thóh non tahióntʼtate tsi ní꞉ioht ne kwáh tehiótion.

Lamentations 1:2

Ahsontakwékon tewasénthos; nahokáseri watnawí꞉ne ne kanókwa꞉ke. Rathikwékon ne nahoteroserahokonkénhen, iáh né saiátat tsiaʼtetiotaténron nakonwanikonrahnírate. Neh tionatenrhóhonʼne wakonwatennínon tánon ó꞉nen rahtikwékon skonwátkon꞉te.

Lamentations 1:9

Kwák thiwéʼne nahiontkátho tsi niʼiáh tehiotkwé꞉niens, nók kwáh iáh othénen teiawenésthon nahonsterístake tsi niʼiothaterakwénni. Kwáh iotathiténrat tsi ní꞉ioht tsi thonwaiaténton; iáh tewathétseres nónkak akonwanikonranírate. Ne tehontátʼtsions ronatkwénion, tánon Roiá꞉ner iehonekénnis nataniténron.

Amos 3:10

Iáh tehonaterién꞉tare oh ní꞉ioht tsi ahotiriwatokénhake, rá꞉ton ne Roiá꞉ner, tsi niiá꞉kon ne ne iakoteweienʼtónties ne kaianerenhseráksens tánon kanenhskwáhtsera ne raotinonhskónhsons.

Amos 3:9

Ietshirihowanáhten tsi niiá꞉kon ne Rotinontiió꞉sons raotinónhskonʼs ieʼterón꞉ton ne Ashdod, tánon ne tsi kanonhsó꞉tonʼs ne tsi ionhontsá꞉ien ne Egypt, tánon sewén꞉ron, “Sewanitiohkwaró꞉rok ne tsi ionhniahrónnion aktóntieʼs ne Samaria, tánon sewatkáhtho tsi niiorí꞉tstare ne nón꞉we, tánon ne sewaterihwateʼwáhton niioterihwahténtion neh nón꞉we.”

Malachi 2:13

Tánon ne kí꞉ken ní꞉se ne kwáh tho nihshiéhrha: Sakáhseri skoharohsonniá꞉tha tsi ratsenhahráhkhwa ne Roiá꞉ner, tehsahsènthohs tánon sonhséhnha tiorí꞉wa tsi iáh ó꞉nen teshaié꞉nas tsi nahó꞉ten etstá꞉tis nahawerienʼtí꞉iohste tsi nitewéhtha ne sahtsaʼnà꞉ke.

Malachi 3:18

Eʼthó꞉ne shé꞉kon énska iensewáteratsteʼ kwáh ensewatkáhtho tsi naʼtetiattíhen ne iakoiánere tánon ne iakonkweʼtahétken, tsi naʼtetiattíhen nónhka ronwaioʼténhse ne Rawenni꞉io tánon ne iáh tehonwaioʼténhse.

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Matthew 26:56

Akȣa ki tanon neok ne tahotiȣennaierite tsi nahaȣenseron, tsi nihotiiaton ne Rotitokensehakȣe Ethone neraotiokȣa ȣahonȣateȣentete nok ȣahonteko.

Deuteronomy 28:33

Thiʼiakahóntsate akwé꞉kon ieniéhawe ne saienʼthótsheras né꞉ne tsi nisaronhiakén꞉en ne saièn꞉thon, ne tsi iáh othé꞉nen thashié꞉na ók ienhiokonhthákwen ensharonhiakénhake ó꞉ni enieshateniakatstà꞉tie.

Deuteronomy 28:48

Káti ethosà꞉ne, kwáh ne ensehioʼténhse ne tesewatà꞉tsons né꞉tho Roiá꞉ner enteshakoténiehte ne iaieshatiaʼthón꞉ni. Kwáh ki enshathonkariákseke, enshaniataʼténhseke, tánon sanehéskonk thenkénhake—kwáh tsík nahoʼténhson tsi tenshathonhontsoníheke. Ne Roiá꞉ner kwáh enhiaronhiákente ó꞉ni enhiatnirátʼtse kwáh tsi nió꞉re enieshathón꞉te.

Ne꞉ne Sák Rohiaton 5:4

Iáh teshekáriase tsi niháthi ne sahéthakons rothihióte. Satahónsatat tsi nihothiriwakatén꞉en! Tsi natehonsénthos tsi niháti ne rathirórhos né saienthótseras iakanihára꞉ne na Rawenni꞉io wahothónte꞉ne, ne Rosastenserowánen ne Roiá꞉ner.

Judges 4:3

Né Jabin tióhton tewenhniáwe nikasehré꞉thakes roserethaiénthakwe otsón꞉kwa né꞉ne karísthatsi kasehrethonhniáton, tánon kwáh íken tsi kaniakatstensehrákon tánon wateshakothonhnakárhiaʼthe tsi washakotkórasthe Israerʼró꞉nons né꞉ne tewáhsen niʼiosehráke nikarihwésonsʼne. Ethòne nonhkweshón꞉as Nisraerró꞉nonke rahonháke ne Roiá꞉ner iathonsénhtho.