Ecclesiastes 3:22 - Ohiatonhseratokénti

²² Káti wakátʼtoke né kwáh tsoiánere tsi nahitewáhiere né tewatonhnáhren tsi nahoténsons ionkwahioténhʼen. Iáh nóhia tahó꞉ten tahitewahkwéni nahitewáhiere. Iáh tehióien nahionkwateriéntahrahne onhnenhiáwenhne nónen entewénheie.

Ecclesiastes 3:22 ပူးပေါင်းရင်းမြစ်များ

Job Tánon ne Raoronhiakensera 14:21

Ne sakotiioʼokón꞉as ratikwénies nahonwatikwénienste, tánon akwé꞉kon iáh teonaterièn꞉tare; eʼtá꞉ke ronwenhnón꞉nis, tánon iáh tsewené꞉tas.

Ecclesiastes 10:14

Ne thothónhnokʼthe tsiókonhthe ró꞉thare. Iáh ónhka tehiakoteriéntare onhnientsá꞉wenhne, tánon iáh ónhka tahiekwéni nahionkhiró꞉ri onhnenhiá꞉wenhne nónenh entewénheie.

Ecclesiastes 11:9

Nitisewahiónhsa, sewathonhnárak tsi ken nitiʼsewahiónha. Sewatʼtsenonhníhak tsi shé꞉kon ken nitiʼsewahiónha. Thóh nahsewáhier tsi nísewehre, tánon sehwáhser tsi nitewaskáneks ne sehwerhiá꞉ne. Ók sehwehiá꞉rak tsi Rawenni꞉io tentsisewahiatórehthe kwáh tsi nenhsewáhtsere.

Ecclesiastes 2:18

Iáh thaʼhóten tsi niwatsioténhʼen tánon tsi natewahkaténhtion thén꞉nen akénhake nakeriwáke, tsioríhwa tsi wakateriéntare ónenk tsi né꞉ne tenhiatsathaʼshonteráhko enhiʼiénrahse,

Ecclesiastes 2:24

Né kwáh tkariwaiéri tsi nahitewáhtsere né꞉ne tahitewastsʼkáon ó꞉ni ahitewahnekira tánon tewatenikonhró꞉ri tsi nahoténsons tehionkwahtention. Tánon ki ó꞉ni, wakatʼthó꞉ke shé꞉kon kíʼ nonhʼnéʼe kí꞉ken Rawenní꞉ioke seh nitewétha.

Ecclesiastes 6:12

Onhʼní꞉ioht nónhka ahiekwéni nahiakoteriéntarahke nahó꞉ten ioiánere nonhkwarihwáhke kíʼ tsík níhions, iáh othénenh tehioríhonte tsi tiónhnhe—ne tsi iakónhnhe thóh ní꞉ioht tsi watohétstha tsi ní꞉ioht ne iothasáthare? Onh ní꞉ioht tsi ahionkwateriéntarahke onhʼnenhiá꞉wenhne ne tsi ionhwenhtsáte nónenh enhionkwenhéionke?

Ecclesiastes 7:14

Nónen ne thén꞉nen sahianerastenhnihátie, satsenhnonhníhak, tánon nónen ne kanikonhrarhátshera énwahwe, nék sehiá꞉rak: Rawenni꞉io tetsáron thateniétha atonnharáhtshera ó꞉ni ne kanikonhrarhátshera; iáh nonhwénhton tesahteriéntahre onhʼnientsá꞉wenhne.

Ecclesiastes 8:15

Káti tewaketákwen tsi tehiotonwenhtsóhon nahonkwathonhnárahke nonhtionhakéson, tsoríhwa tsi nék khók ionhkwáien nonhwesénhtshera ne tsi tiónnhe né꞉ne tahitewatskáhon ó꞉ni ahitewanekhíra tánon nahitewatenikonhró꞉ri. Né kík thók khók tentewahkwéni tsi ahionkwahióten ne tsi tiónnhe tsi nitesonhkwáwi ne Rawenni꞉io ne kénʼen ionhwenhtsáte.

Ecclesiastes 8:7

Iáh ónhka tsi nítsion tehionkwateriéntare tsi nenhiá꞉wenhne, tánon iáh ónhka tahionkhiró꞉ri.

Ecclesiastes 9:12

Iáh nonhwénton tesateriéntare kátke iekáhewe níse sariwáhke. Tsi ní꞉ioht notsitenhokónhas hioteiatotaréhon tsi waterístaien, tsi ní꞉ioht ne kéntsionk roiathotaréhon tsi wataháro, entewahiatotárehne né nónen kwáh iáh othé꞉nen tetsionkwárahre.

Ecclesiastes 9:6

Né rahotinoronhkwáhtsheras, ne rahotiswenhtsherasónhas, ne rahononhwehsénhtsheras, ronónhake kíʼ ieiawenhehiá꞉thon. Kwáh iáh shé꞉kon nonhwénhton ne thé꞉nen tahonsahontsiátaren tsi niʼiawénhsehrons ne kénʼen ionhwenhtsáte.

Daniel 12:13

“Tánonʼ ní꞉se, Daniel, sarihwatokénhak kwáh tsi niió꞉re ne tsi ieió꞉tokte. Eʼthó꞉ne enhsíheie, nok tentehsatkétsko ne ahsié꞉na ne satshennonniátshera ne tsi ieióto꞉kte.”

Matthew 6:34

Tosa kati tonseseȣennikonrharak toh naiaȣenne tsi enhiorhenne; aseken enkene nenhiorhenne tsi nateiotonȣentsiohon; seȣenniseratson se ȣahi niiokȣeniatsera.

Deuteronomy 12:18

Í꞉se tánon ne ietsihienʼokón꞉as, skátke ne sewaná꞉tsheras tánon ne levites ne sewanatá꞉konhs ratinákeres, ne enhón꞉neke kí꞉ken kariwihiosehʼokónhas thóh ne kók rahohénton ne Roiá꞉ner sewaNí꞉io, nénska kók tsi nón꞉we nenhonwasénhnaien tsi nihoráhkwen ne Roiá꞉ner sewaNí꞉io. Tánon thóh nón꞉we tsi ensewatsenhnonhníhak orihwakwé꞉kon tsi nisewahiotèn꞉en.

Deuteronomy 12:7

Thóh rahohén꞉ton ne Roiá꞉ner sewaNí꞉io, tsi raónha tsi sewahiatateríston, í꞉se tánon ne sewahwá꞉tsires kwáh tensewatská꞉hon tánon ensewanonwè꞉ne ne ioiáneres tsi nisewahioʼténhen.

Deuteronomy 28:47

Ne Roiá꞉ner kwáh iahiatateríston ne tsík nahontahiotsheratónhake, ók iáh ki tetsioténhse nahisaʼtshenhnonhní꞉hake ó꞉ni nahiotonhnárake ne serhiáne.