Ecclesiastes 2:6 - Ohiatonhseratokénti

⁶ Wakakenró꞉kwahthe wakatnahweronhniánion nahiotinekaiéntaʼne ne karonhtasónhas.

Ecclesiastes 2:6 ပူးပေါင်းရင်းမြစ်များ

Nehemiah 2:14

Eʼthó꞉ne thóh niónsake tsi tiotenhenrakáronhte ne tioné꞉kote tánon ne ronnontí꞉io tsi ranekaientáhkwa, ók iáh kíʼtsatekaié꞉ri tsi nahtehioriwenhte nakitshé꞉nen nahontóhetste ne wakʼsenhtenhtie.

Nehemiah 2:8

Tánon ó꞉ni óia kahiatónhsera ne Asaph raoriwaʼke, né꞉ne tahateʼrahnón꞉ne ne ronnontí꞉io rahorahshón꞉ʼahs, né꞉tho nahónton nahonthahá꞉kon ne tewaterontahrenwá꞉kwas, ne nahionhnihake nahiotenhenrentonhake tanon natenhenrashonhas ákta nononsatokentikó꞉wane ne kanatowanénhke tanahnatanakʼton tánon tsi nón꞉we nenkátsien.” Kaʼti ne ronnontí꞉io tahakát꞉kawen tsi nahoʼténhsons wakerihwanónton, ne aorihwà꞉ke tsi niiohiánereh ne Akení꞉io ratsánake tsi tehakatsanahere.

Nehemiah 3:15

Tánon ne Shallum né꞉ne roʼníha ne Colhozeh, rahónha ne rakó꞉ra í꞉ken ne kanatowanénhke Mizpah, sahasehrón꞉ni ne tsi watnekí꞉ne iotenhenrakáronte; rahónha sahrónhni tánon waharó꞉roke tánon wahanhowanihiotónhnion tánon wahakwathakwenhá꞉ton ne watenienʼtarósthas tanon ne tewateristarenkwákwas. Kwáh ó꞉ni sahakwahtakwenhá꞉ton nasontakéhsons ne tsi watnekaientákwas ne Shelah tsi niió꞉re ne ronnontí꞉io thotetháien tánon kwáh tsi niió꞉re ne tsi ierastentháhkwa tsi nieiawé꞉non ne tsit kaná꞉taien ne Táwit.

Nehemiah 3:16

Ne Nehemiah né꞉ne roʼiénha ne Azbuk, rahónha ne rakó꞉raʼkwe ne asénhnon tsi niiokwénrahre ne Bethzur, rahónha sahakwahtáko nó꞉ia nashóntha kwáh tsi nió꞉re ne Táwit raotsatónhkwah ítken, tánon kwáh tsi niió꞉re ne ronhnónkwe rotíson ne watnekaientáhkwah tánon ne ronterí꞉ios tsi rotinónshote.

Psalms 1:3

Né theshontiérens ne karonhtasónhas ne karonhthaientʼthósehron ákta tsi kahionhatátie, enwahianihiónten tsi niekáhes, tánon nahonerahtasónhas iáh tewastátʼthens. Kwáh tsi nenhóntiere tsi rotihianerasthénhnis.

Song of Songs 7:4

Ne seniará꞉kes thóh ni꞉iot kwáh ne ne kanakaraʼráhkens kanikátote. Ne skará꞉kens ne neh tsitʼkanéko ne Heshbon, thóh tsi iotenhenrakáronte ne iotonkwetakáte kanaʼtowahnénke. Ne sehnionsáke tiótʼte tanon iotʼtakwarísion kwáh ne ne tsi kanikátote ne Lebanon, iatekahkánere Damascus.

Jeremiah 17:8

Né teshiatiérenʼke tsi ní꞉ioht ne karónta iotehiaróntie ákta ne tsi kahionhaʼtátie tánon nahoterahsónhas awènhke niaʼhawehnonhátse. Iáh tehióterons nónen ne iokennahtharíhen énwahwe, tioríhwa ne ahonehratasónha tsi óhonte niwahsohkótens; iáh thènen thatehionikónhrahre nahiokénʼnhore; kwáh iahokonhtahkwenhátse tsi wahianihióntʼtha.