Ecclesiastes 2:4 - Ohiatonhseratokénti

⁴ Iorihowáhnenhs wakeriwakanonhníhon. Wakatenonhsonhniánion tánon wakenenharahientʼtó꞉seron.

Ecclesiastes 2:4 ပူးပေါင်းရင်းမြစ်များ

Genesis 11:4

Eʼthó꞉ne wahonní꞉ron, “Ánion kiʼ ó꞉nen kanatowá꞉nen tewatenatón꞉ni, ó꞉ni noʼnikáhtha, ne ne iaón꞉we tsitʼkaronhiá꞉te, ne ne aetewahsennowanénhake ó꞉ni ne ne tóhsa ohontsakwé꞉kon taetewaré꞉ni.”

2 Samuel 18:18

Nón꞉wa ne Absalom tsi ná꞉he rónnhekwe wahanenhiónhni tánon wahatatenenhiót꞉thase thóh nón꞉we ne Ronnontí꞉io raonrá꞉kwahkon, asèken wahén꞉ron, “Ní꞉i iáh tewakenekenteronhtserá꞉ien ne aksenhnatátieke nahionkerharásthakwahke”; ne wahanenhióten raosénhna wahanátonhkwe. Ne konwáiats Absalom ionenhió꞉te shé꞉kon nón꞉wa wenhniseráte nikanenhió꞉te kíʼ.

1 Kings 15:19

“Ánion thitewathénrof, tsi né niʼhiothónʼne ne ietinihokonhkénʼen. Kí꞉ken owistanó꞉ron tánon kawistaráken né wakónhion. Ká꞉ti ónenh thonshasewarihwatʼkhási ne Ronhnontí꞉io Baasha Nisraerʼró꞉nonke, né káti nahónton kwáh é꞉ren ahonshasakohiathenháwiʼthe ne rahosóhtar naʼkenakerahserákon.”

1 Kings 9:1

Nó꞉nen ne Solomon sahanonhsísa tsi rotenonhsonhnihátieʼne Nononsatokentíke ó꞉ni ne tsi ratienhthákwah ne rahonhnonhtiʼiotserákon tánon akwékon tsi nahoténsons ne reráhkwe nahatenonhsónhni,

2 Chronicles 26:10

Kwáh ó꞉ni wahatenikatonhniánion ne kahetakésons nonwésons tánon wahasonhionhniánion wé꞉sos tsi nón꞉we nahontnekaráhkwahke, tsioríhwa tsi ionatsiokowánen ronaskwahiéntakwe né tsi iatewatʼtsénthos nòkwahti onontakónhsons tánon ne tsi iohontsakwénhtarons. Tsioríhwa tsi nihahonweskwaníhaʼkwe nahatiotʼtenserónhni, iesakonikonhrahrkeskwe nonhkweʼshón꞉as naʼienenharahientʼthóseke tánon nahontsientʼthoserónhni tsi nón꞉we nihiohontsí꞉ios.

2 Chronicles 8:11

Né Solomon wateshakonathákwahte ne ró꞉ne, ne sakoiénha ne Egyptró꞉non ronontí꞉io, Táwit raonátakon nonhtáhwe thóh iahontáweiaʼte ne ranonhsonhniénhni. Wahénron, “Iáh tehiówenk ne thóh akenterónhtake tsi ronónshote ne Táwit Nisraeʼró꞉nonke nón꞉we, tsioríhwa tsi nón꞉we nikáien Naʼteriwasehronhniátshera Oneró꞉kwáh tsi iotokénti í꞉ken.”

Psalms 49:11

Né꞉ne raonattsiatónhkwa raotinón꞉sa enkénhake tsi nénhwe, thóh nón꞉we nenhatiterón꞉take né꞉ne tsi nénhwe enkénhake, eʼthohʼsáne iehioterátston rononhontsaiénthakwe.

Song of Songs 1:14

Ne rakenorón꞉kwah nakonháke kwáh ne ne ionenhrhiokwentónnion ne wenhserakónhons otsítsas thóh tsi kanenharaién꞉tons ne En-gedi nón꞉we.

Song of Songs 7:12

Áhʼnion iostóre ietinihiáken ieʼéhtene tsikʼkanenharaiénthon, tanon tsákʼkens thohʼkáken ó꞉nen ioskweʼiontáhon ne onénhare, tókaʼ kén ó꞉nen tehiotsitsanekáron nonénhare tánon ne iotenénha hahik ahiotsiʼtióntake. Thóh nón꞉we entkónhion nakenoronhkwáhtshera.

Isaiah 5:1

Thó teirihwákwas ne rinorón꞉kwa nakerénhna ne aorihwàke ne tsi rohnenharaiéntʼton: Né kwáh riʼnoronkwahkówa rohentaiéntakwe ne kanenharaiéntʼthon né kwáh tsi nón꞉we tionhontsí꞉io ne tsi ionhniáhere.

Daniel 4:30

Ne ronnontí꞉io wahén꞉ron, “Sewatkáhtho tsi niionatatshà꞉ni ne Babylon! Ne wakonniá꞉ton nʼakanatakweʼní꞉ioke naweʼnéhston nʼakesatsténhsera ó꞉ni teiotenonhianíhton, nʼakerenhsarónhtshera ó꞉ni kahsennowá꞉nen.”