Ecclesiastes 2:23 - Ohiatonhseratokénti

²³ Tsi nikaríhwes sónhnhe, oriwahkwékon tsi nenhsátiere nék khók tkáhas ne tasanikonhráhren tánon nahiserhiasanónhwakthe. Iekaníhare nokarasné꞉ha né sanikónhra iáh tewatorísenhs. Kwáh oriwahkwékon tsi iáh othénenh tehioríhonte.

Ecclesiastes 2:23 ပူးပေါင်းရင်းမြစ်များ

Genesis 3:17

Tánon wahawénhahse ne rón꞉kwe, “Ne tsi Wahsheiatahónhsatate ne tisení꞉teron, tánon wahsá꞉iake neʼthó keʼhrhite tsi niká꞉ien ne konhró꞉ri, ‘Ne tóhsa ahshá꞉iake,’ ne tsi tho nahshá꞉tiere, enionhontsáksenʼne i꞉se wahserihón꞉ni; kwáh ioioʼtenhserahní꞉ron ensaioʼténhsheke tsi ní꞉ioht tsi enhsatonhnhihsáksheke tsi nihsónhnes;

Genesis 47:9

Ne Jacob wahawènhahse ne Pharaoh, “Tsi niiohserá꞉ke nonhwentsà꞉ke sikónhnhe énska tewenʼniáwe áhsen niwáhsen niiohserá꞉ke; iáh tewé꞉so tánon iohserahní꞉ronhkwe tsi ní꞉ioht tsi kónhnhehkwe. Iáh tshié꞉was tsi niiohseró꞉tenʼskwe tsi nihonnónhnhehkwe ne khehsothokonʼkénhen tsi nikarí꞉wes rotinatenhá꞉wihskwe.”

Esther 6:1

Thó꞉non shiwahshontà꞉te ronontí꞉io iáh tewá꞉tonhs nahó꞉taʼwe, wahshakóhnhaʼne ronateríhonte naontahatíhawe tánon ahonwawennahnóthaʼse tsi kahiatónnion ne kahiatonhserakweʼní꞉io tsi nikaianerenhserò꞉tenʼs ne raonakerahserá꞉kon.

Job Tánon ne Raoronhiakensera 14:1

“Nonkweshón꞉as, iónkwe iakonakeratston, kenk nihiakawenhniserésons tánon ne tsi iakón꞉nhe kwáh titkáhere tsi tehiakonikòn꞉rare,

Job Tánon ne Raoronhiakensera 5:7

Asè꞉ken nónkwe tsi iakawenhnakerá꞉ton enhiakohiò꞉ten tsi enhiontonhnísake kwáh tsi ní꞉ioht ne watsiratónkwas tsi è꞉neken niewé꞉tha.

Psalms 127:2

Iáh othènen tekariwástha noronhkéstsi asatkétsko tánon karíwes niahisénhtaʼwe nokarasné꞉ha tsi tesatskáhon ne tesatatenikónhraʼre nahisahióthen; asèken ne Roiá꞉ner sakoiéritʼtse ne sakonorónhkwa tsi nikaríhwes rotí꞉tas.

Psalms 32:4

Tsi niwenhnísehres ó꞉ni tsi niwahshóntes tsi wahsekrehwahthe, Saiá꞉ner; kwáh iáh othènen teséts꞉thakwe, kwáh tsi ní꞉ioht notsítsa tsi wastátʼthens nó꞉nen kwáh iorakwahtaríhen nakenhnáke nikaháwi. Selah

Psalms 90:15

Tatsiónhnien nahonsahiakwatʼtsenhnónhni thóh nahonsakarihwéshonke tsi kíʼ nihniwenhniseráke waskwahrón꞉hiakente, tánon thóh nahonsakarihweshonhke tsi kíʼ nihiosehrake waʼhakwatkatósehron ne karihwaʼhetʼkénseras.

Ecclesiastes 1:13

Iewakenikonhrakonhthá꞉kwen tsi entkenhenhion ó꞉ni enkatéweiensthe oriwahkwékon tsi nikahioténhen ne kénʼen ionwenhtsáte. Rawenni꞉io rokèron ne ioteríhonkok tsi nahionkwahiátawen.

Ecclesiastes 1:18

Né sénha satenikonhratʼtó꞉kha, sénha kíʼ tensathatenikonhráhren; ne sénha seriwahientéri, sénha iononwákʼte.

Ecclesiastes 2:11

Ethòne wakanonhthónnionhwe noriwahkwékon tsi niwatsioténhen tánon tsi niewakátre tsi eh niwatiéren, tánon wakátʼtoʼke tsi kwáh iáh othénenh tehiorihontákwen. Kwáh thóh ní꞉ioht tsi síken ní꞉ioht nowèra konwásehre—né kwáh iáh othénenh tekariwáhstha.

Ecclesiastes 5:12

Né rathináhtsheras tó꞉ka nónhwa tó꞉ka ni ó꞉ni iáh tsiatekaiéri tsi nihothiʼkhwáhien ne tahonskáhon, ók thókʼkik níkon enhatiʼkwéni kasehrentí꞉io tsi ahothítawe. Ók né rothikwá꞉tshes, tsi né nihiótha, tsi niwéso rothíʼien iáh tewátons nahotí꞉tawe tehonahnikónhrahre.

Ecclesiastes 5:17

Thóh nónhwe nitsionnhétie ne tetsiókaras tánon kanikonhratsenhtsherákon, tehionkwahnikónhrahre, hionkwahnakwénhʼen, tánon hionkwanonhwáktani.

Ecclesiastes 8:16

Nónen wakatheniénhten nakatenikonhratʼtókʼkhane tánon nakeweientéhtaʼne tsi niʼiáwenhs ne tsi ionwenhtsáte, onhkenikonhraiéntane ahónton asonhtakwékon tánon konthá꞉tie iáh tahisénhtaʼwe

Daniel 6:18

Eʼthó꞉ne né ronnontí꞉io tsi tkanonhsowá꞉nen nionsáre nok ahsontakwé꞉kon iáh tewá꞉tons ne ahó꞉taʼwe, kwáh iáh thé꞉nen tehawé꞉kon iáh ó꞉ni thé꞉nen tehotenʼnikonhró꞉ri.

Acts 14:22

Wahsakothisatsténseron ne iakoriwiʼióstons ó꞉ni wasakothinikonráreke naʼiontsénawasthe ne tewethákwen. Tsi wahsakothirihónnien “Kwáh iawethowánen tsi ní꞉ioht tsi thetewathohesthánions ne karonhiakénseras niaʼitewatáwehiate ne Rawení꞉io rahonakeraserákon.”