Ecclesiastes 2:1 - Ohiatonhseratokénti

¹ Iatewakeriwaiéntase nakatenikonhró꞉ri tánon nakeriwahtsénhri nahó꞉ten nènhne natsenhnonhniátshera. Ók wakeriwahtsénri kí꞉ken tsi kwáh iáh othénen tekariwáhstha, nònhne.

Ecclesiastes 2:1 ပူးပေါင်းရင်းမြစ်များ

Genesis 11:7

Káts, Ánion ietewátsnent, tánon tetewaniʼtónniaʼt ne raonaronhkhátsheras ne nón꞉we, ne ne tóhsa taonsahotiʼnikonhraién꞉taʼne tsi nihonronhkhaʼtsheró꞉ten.”

2 Kings 5:5

Né ronnontí꞉io wahénron, “Wáhs ronontí꞉ioke Nisraerʼró꞉nonke niaháse tánon thá꞉tion kií꞉ken kahiatónhsera.” Sók kíʼ ne Naaman thóh waré꞉the, tsáta tewenhniáwe nikakonhtseráke kawistaráken iahá꞉hawe tánon énska tewenhniáwe wísks-niwásen nikakonhtseráke owistanó꞉ron, tánon iaʼhahá꞉we ne rahothakwénia ne noiéri nihiorihwáke tsi tahonsahatá꞉ton tsi rotsherón꞉ni.

Psalms 10:6

Í꞉rehre, “Iáh seh nonwénhton tahoriwaʼnó꞉ron; kwáh tiókonte tsi nihanekwensatátse iáh sèh nonwénhton tsiatahonhnikónrare.”

Psalms 14:1

Né tiakotónhnokte rontatró꞉ris, “Iáh teʼkáien ne Rawenni꞉io.” Kwáh ratikwékon tsi ronhnonkwetahétkens, karihwák꞉sens tsi nihotiʼieránions; iáh né saiáta nahioianeréhake né thènen ahohióten ne tkarihwaiéri.

Psalms 27:8

“Káts,” wáʼton nakwé꞉ri, “séhsak ne tsi rakonsón꞉te.” Tsis konhsón꞉te, O Saiá꞉ner, né késaks.

Proverbs 14:13

Kasteristathera tókaʼ nón꞉wa enwá꞉sehte ne kaʼnikonhraksénhtshera. Nó꞉nen enhwatóhetste ne atonhnharáhtshera nek ne iaʼtentsotá꞉tenre naiesaʼnikonhráksen.

Ecclesiastes 11:9

Nitisewahiónhsa, sewathonhnárak tsi ken nitiʼsewahiónha. Sewatʼtsenonhníhak tsi shé꞉kon ken nitiʼsewahiónha. Thóh nahsewáhier tsi nísewehre, tánon sehwáhser tsi nitewaskáneks ne sehwerhiá꞉ne. Ók sehwehiá꞉rak tsi Rawenni꞉io tentsisewahiatórehthe kwáh tsi nenhsewáhtsere.

Ecclesiastes 2:10

Kwáh tsi nahoténsons tewakatonhwenhtióni, watsenáhon. Kwáh iáh thahóten tethewakatatokʼtakwénhni natenikonhrhorhiá꞉tshera. Kená꞉iekwe tsi nahoténsonhs watsioténhen, tánon akwékon né kí꞉ken tewakateriwahserahkwénhni.

Ecclesiastes 2:15

Akónhwah khók takanonhthónhnionwe, “Tsi nihotihiátawenhs ne thonathónʼnotʼthe kwáh kíʼ ó꞉ni thóh nonhní꞉i nenhwatiáthawen, ó꞉ni. Káti nahó꞉ten tenkaténtsa tsi nikatenikonhratʼthó꞉kha?” “Iáh othén꞉nen,” watkeriwahseráhko, “kwáh iáh othénenh.”

Ecclesiastes 2:25

Onhnaiáwenhne ne ó꞉ia ní꞉ioht tsi ahisaiénthaʼke naséhke tó꞉ka ó꞉ni ne iateshá꞉ti asatenikonhró꞉ri?

Ecclesiastes 7:4

Nónhka né tiókonhthe né ionhnonthonhniónhkwas natʼtsenhnonhniátshera tsiakothónʼnokthe. Ne hiontenikonhratʼtókʼkha né nènhne hionhnonhthonhniónkwa ne kenhéion.

Ecclesiastes 8:15

Káti tewaketákwen tsi tehiotonwenhtsóhon nahonkwathonhnárahke nonhtionhakéson, tsoríhwa tsi nék khók ionhkwáien nonhwesénhtshera ne tsi tiónnhe né꞉ne tahitewatskáhon ó꞉ni ahitewanekhíra tánon nahitewatenikonhró꞉ri. Né kík thók khók tentewahkwéni tsi ahionkwahióten ne tsi tiónnhe tsi nitesonhkwáwi ne Rawenni꞉io ne kénʼen ionhwenhtsáte.

Isaiah 5:5

Tánon kí ó꞉nen kwáh enkonhró꞉ri nahó꞉ten kwáh tsi nénhtiere ne tsi wakatenenhárhare. Kwáh entʼtóskare ne ókwire waʼthenhenronhniáton, tánon kwáh enkariwáton; kwáh téntrí꞉te nahonshontasónhas, tánon tenwaskwahserónhkwen.

Isaiah 50:11

Ók sewakwé꞉kon kí sewahtekátha nó꞉tsire, sewaienthóntos tánon ne tesewatsiaʼtháton ne waʼtsiratónhkwas. Thóh sathénti notonkókon ne sátsire, tánon thóh tsi waʼtsiratónkwas ne satekàton! Né kí꞉ken ensèhna tsi nentká꞉tkaʼwe ne katsanáke: thóh ensatsatiónhnite ne karonhiakenserákon.

Isaiah 50:5

Né Roiá꞉ner roʼnhotónhkwen ne tsi tekahontakáronhte, tánon kwáh iáh tewakateraiátakwen, iah tewakatsʼwaténion.

Luke 12:19

Nok entkenhase nakatonnhests: Akatonnhests, onen ȣahi eso ioserake tsinikon satateroroki; Satorissen kati onen, tesastskaon, snekira, satekkonni tanonnonȣa onen.

Luke 16:19

Saiatat oni naha ne rokȣastsekoȣa; neok ne kanoronson rastseronniatakȣe, neok oni ne niateskakkȣiiosson irakskȣe ok tiiateȣenniserake.

Luke 16:23

Nok nonen sihotetsiraton, oni Onesson roronhiaken, ȣahatarakestsko, nok ihnon iahoken Abraham, nok ranaskȣakon eh thotonnhahere ne Lazar.

Titus 3:3

Asèhken ontionhá꞉a ó꞉ni iehiotherátsʼton tionkwatonʼnótʼthakwe, iáh theʼtewahtewennaráhkwaʼkwe, tánon thehionkwaterientawénrie. Tewahnáskwa kèn꞉ne tsi nòkwa ne onkwaskanektsheraʼókon ó꞉ni ne niatékon ahtenikonrohriátsheras ne kwáh tsík nahiotónhake. Kanhakwatserákon nón niʼionkwatiesatonhátieskwe tánon ne kahnoshátshera; ne rohnatsiakhésons ionkhísons tánon ní꞉i ietʼthísons.

Ne꞉ne Sák Rohiaton 4:13

Ónen kíʼ takatahónsatat, í꞉se ne sewáton, “Nónwa wenniseráte tóh꞉ka ó꞉ni enhiórenʼne iathetewatháha kák nónwe ne tsi tkanátaien, tsi nónwe ientewátsien ne tiósera nikaríwes ó꞉ni knahótenk ientewateriwaʼténtsiate ó꞉ni wéso entewawistón꞉ni.”

Ne꞉ne Sák Rohiaton 5:1

Tánon nónwa, í꞉se kí꞉ken sewakwatsénion tiónkwe, takwatahónsatat! Tesewaséntho ó꞉ni tesewahénret neh tsi nihionikonrátsat tsi ní꞉ioht tsi ensewaiatóren꞉ne!

Ne꞉ne Sák Rohiaton 5:5

Tsi sónnhekwe ne kén owentsiáke kwáh titkárakwe ne hiotkwéniens ó꞉ni atenikonrhoriátsera. Wahsathatarésensʼte ne tsi tewenʼniserónte neniesanonwarià꞉khon.