Ecclesiastes 11:9 - Ohiatonhseratokénti

⁹ Nitisewahiónhsa, sewathonhnárak tsi ken nitiʼsewahiónha. Sewatʼtsenonhníhak tsi shé꞉kon ken nitiʼsewahiónha. Thóh nahsewáhier tsi nísewehre, tánon sehwáhser tsi nitewaskáneks ne sehwerhiá꞉ne. Ók sehwehiá꞉rak tsi Rawenni꞉io tentsisewahiatórehthe kwáh tsi nenhsewáhtsere.

Ecclesiastes 11:9 ပူးပေါင်းရင်းမြစ်များ

Genesis 3:6

Káti nó꞉nen ne ión꞉kwe ontkáhtho tsi niiorontanehrákwaht, tánon ó꞉ni ónhte wáhi tsi niwahiákon naiòn꞉iake ne aʼohik, tánon onnonhtónnionhwe ónhte wáhi tsi niionehrákwaht naiakoʼnikonhrowáhna. Sók kiʼonhianiiontá꞉ko tánon ón꞉iake. Tánon ó꞉ni wahó꞉ianonte ne ró꞉ne, ók wahá꞉iake.

Genesis 6:2

ne ratironhiaʼkehró꞉nons waʼkonwatí꞉ken kí ken nitiotiión꞉sa tsi nikontkahthohtsherí꞉ios; iaʼkonwatiiáʼténhawe tsi niká꞉ienʼs ne waʼkonwatinón꞉weʼne.

1 Kings 18:12

Onh né nenhiáwenhne tó꞉ka ne Raonikónra ne Rawenni꞉io kák nónhwe ákthe nónhwe niahiaiathénhawe kwáh tsi niʼiosthóre é꞉ren énhkethe ne kénʼen? Ethòne, nónen enhiʼró꞉rihke ne Ahab tsi kénʼen í꞉h꞉ses tánon iáh thahakwéni nahiaoiatatʼtsénhri, kwáh kíʼ enhakenonhwarhiákon. Sehiárak tsi kwáh wakerihwató꞉ken tsi niʼihsénhnaiens ne Roiá꞉ner né꞉ne kwáh shiʼkekʼsáha kènhʼne.

1 Kings 18:27

Né éntse shiʼkaháwi ne Elijah tahatháshawen thashakoiéron: “Sénha tasewakwísron tsi sewatherénhnaien! Rahónha seʼwá꞉wi ne ní꞉io íken! Tó꞉ka senónhwa thihothenhniseratétʼtshens khés né ástste iehawénon, khés tó꞉ka nónhwa roʼthonwehiathánon! Khés ne ró꞉tas, tánon kíʼ ónenk tsi entsisewáiehthe!”

1 Kings 22:15

Nó꞉nen rahohénton ne Ronnonhtiio Ahab shiaʼthátaʼne, ne ronhnonhtí꞉io wahorihwanónhtonhse, “Micaiah, iothonhónken ne Ronhnonhtí꞉io Jehoshaphat tánon ní꞉i niahiákene niaʼsatsathónhti ne Ramoth, khés ne iáh?” “Iaʼtsitsatsiathónhti!” ne Micaiah watharihwaseráko. “Orihwí꞉io tsi entsatʼkwéni. Ne Roiá꞉ner enthetsisénon naʼtesenhniétsera.”

Job Tánon ne Raoronhiakensera 31:7

tó꞉ka wakathahontákwen ne tsi iohá꞉te ne tkarihwaíe꞉ri í꞉ken, tánon nakweriá꞉ne ne iosé꞉ron ne khá꞉rakes, tánon tó꞉ka aiorakwáhrake naioranenhtakónhake ne katiá꞉nake;

Psalms 81:12

Ká꞉ti waʼkhehiatsakwarísi né tsi nihotinontsistaníron, tánon thóh nihatí꞉ier kwáh tsi nithonskáneks.

Ecclesiastes 12:1

Káti tsi sehwehiá꞉rak ne tsi nikáien tsi sehwahiathíson tsík sénhak shé꞉kon kén nitisewahiónha, nohénton tíken ionikonhráksat wenhnisehrathénions ó꞉ni iosehrahthénions nahónwe nónenh henshí꞉ron, “Iáh teskatenikonhró꞉ris tsi kónhnhe.”

Ecclesiastes 12:14

Rawenni꞉io kwáh oriwakwékon tehahiatórehthe tsi nenhtewátiere, ahioianeréhake khóni nahonhetkéntahke, iehióhe tsi nahionkwatiérenhke nathaséhtonhke.

Ecclesiastes 2:10

Kwáh tsi nahoténsons tewakatonhwenhtióni, watsenáhon. Kwáh iáh thahóten tethewakatatokʼtakwénhni natenikonhrhorhiá꞉tshera. Kená꞉iekwe tsi nahoténsonhs watsioténhen, tánon akwékon né kí꞉ken tewakateriwahserahkwénhni.

Ecclesiastes 3:12

Káti wahkenikonraiéntas tók tihionkwakwénion né꞉ne ahionkwahtsennonníhake tánon iatethewahtátʼtsahat tsi nahionkwakwénionke tsi náhe shé꞉kon tiónnhe

Ecclesiastes 3:17

Wakatʼtatró꞉ri, “Rawenni꞉io ensakoríwenhthe ne tionkwetaiéri tánon ne ionhkwetahétken satenhiotónhake, tsioríhwa oriwahkwékon, tsi nihioteriwahtséren, kwáh et nenhiáwenhne tsi nikakwahthákwenh ne iakáhewe.”

Ecclesiastes 6:9

Kwáh iáh othénenh tehioríhonthe; kwáh thóh ní꞉ioht tsi shí꞉ken ní꞉ioht ne ówera konhwáhsere. Sénha ne tsiohiá꞉nere nahisehrientihiósehke tsi nahoténsons sáien tsi ní꞉ioht ne tiókonhte óia nahoténsonhs tesahthonwenhtsióhni.

Ecclesiastes 7:14

Nónen ne thén꞉nen sahianerastenhnihátie, satsenhnonhníhak, tánon nónen ne kanikonhrarhátshera énwahwe, nék sehiá꞉rak: Rawenni꞉io tetsáron thateniétha atonnharáhtshera ó꞉ni ne kanikonhrarhátshera; iáh nonhwénhton tesahteriéntahre onhʼnientsá꞉wenhne.

Jeremiah 23:17

Tsi nòkwah ne onhkweshón꞉a ne iáh tehonatʼthontháton ahonaʼthahonsahtátonʼke tsi nahó꞉ten wáhken, kwáh nék khók rónton kwáh akwékon tsienhioianeréhaʼke ne rahotiʼrihwáhke. Tánon onhkwetaʼkwékon tieshaʼkotiró꞉ris né iakononhtsistahníron nètho kariwahiesáhtshera tsi iáh nonhwénhton kén tsiahiakóhiereh.”

Jeremiah 7:24

Ók iáh ki tehonahʼtewenhnaráhkwen iáh ó꞉ni thènenh karíhwa tehonnónhni. Khé꞉kenk, né thóh nahathí꞉iere tsi nahakoró꞉ri ne werhiasáksenh ó꞉ni werhiasahníron rotí꞉ien, tánon sénha wahonnonhkwethahétkenʼne tsi ní꞉ioht nahothihiánerehke.

Lamentations 3:27

Tánon ne kíʼ iohiánere nahitewaweientétaʼne nahitewatakásthate nó꞉nen nitionkwahiónha.

Numbers 15:30

Ók nónhka ne kwáh iakonikonhrónhni tsi aierihwánerake, né꞉ne tó꞉ka kén ienakerehónhwe khès ne tihiakahontsátes, rotiníkon tsi nihonwaiérase ne Roiá꞉ner tsi ronhwakenrónhni, tánon kíʼ ónenk kíʼ tsi enhonwatinonhwariákon,

Numbers 15:39

Nasehrí꞉ies né nahonsehsewehiaʼrakwenhníheke, tánon kwáh tsi níkonh né ensewatʼkátho né ensewehiarákwen akwékon nakatiawenhrátsheras tánon sewatewénhnarak; ethòne káti iáh thahonsaskwatʼkaraténi tánon né ahisehwásehre ne iatesewahiátis tsi nisewaskáneks ó꞉ni tsi nahontesewanónhweʼheke.

Numbers 22:32

Ne raronhiakeró꞉non taharihwáreke, “Onhnihiotiéren tsi thóh ní꞉ioht tsi watshenonhwenhserário ne satʼtshénen tewahóntes áhsen nihiorihwáke? Tá꞉ke nakonhahí꞉hiakse, tsioríhwa tsi iáh tehioterihwíson ne thasatháhakwe.

Matthew 5:28

Katon kati nii, ok satekariȣaneren neneok oni takonȣakanerake ne tsiothonȣisen nakonȣaskanek-sekʼe.

Luke 12:19

Nok entkenhase nakatonnhests: Akatonnhests, onen ȣahi eso ioserake tsinikon satateroroki; Satorissen kati onen, tesastskaon, snekira, satekkonni tanonnonȣa onen.

Acts 14:16

Ne tiothohétston sakoriwáwi nonkwesónha ne kwáh tsík tiahatiʼieránion.

Acts 24:25

Nók tsi náhe ne Kór rotarakwenhátie ne kaiáneren, nakahónha ahontaieniarótaroke, tánon tsi táweh nennísera ne kaiatorethátsera, Felix wahóteronne tánon wahénron, “Ónen kíʼ ahónton nahéren ahonsásethe. Sékon nienskónnonke nónen enwakatesenʼnaiéntaʼne.”

Romans 14:10

Í꞉se káti, tsi nítion ne nek khók ísewaks ne kaientkwákwens—onhnihiotiéren tsi teietʼtsiʼiatoréhtha nakorénsons? Tánon ne sewatsakhésons ne tsit nahoténsons ísewaks—onhnihiotiéren tsi ietʼtsikenrónʼnis nó꞉ia ní꞉ioht tsi thonetákwens? Kwáh tewakwékon rahohénton ne Rawenni꞉io iatentewáthaʼne ne tasonkwaiatórehte.

1 Corinthians 4:5

Káti iáh tesateriwahiénni nónka tashehiatórethe nohénton ne iakáhewe. Nonakènkha ne karewahtátshera ónenk tsi enwahterahráton tsi naténtʼre ne Roiá꞉ner; tenhaswátʼtethe ne tetiókaras kariwahshetánions tánon enrotashiónko ne ronahtenikonrahsehtánions nonkweshónʼa. Tánon etʼthó꞉ne onkwetaʼkwékon eniehiéna tsi néntewe ne Ni꞉ióʼne ne kanonweratóntshera tsi nahtahiakoténtion.

2 Corinthians 5:10

Akwé꞉kon ne Kerístos tsi tewaiaʼtátson tenshonkwaiaʼtó꞉rehte naioianeréhake tóka ó꞉ni tó: naontakahetkén꞉take tsi naionkwatié꞉ren ne tewaieròn꞉ke tsi náhe tionhnhétie.

Deuteronomy 29:19

Kwáh iorihwihióhak iáh ónhka ne kén꞉en í꞉iete nón꞉wa wenhniserá꞉te ne iakoʼthón꞉te kí꞉ken karihwanirà꞉tsheras kariwatà꞉tsheras tánon ki shé꞉kon ahathateʼnikonhraní꞉rate tsi akwé꞉kon tienhiohiánereʼke ne rahonhà꞉ke, iawerohátien tsi tiehotenonhtsistaní꞉raton raónha tahathatenóntonhse. Né꞉tho kwáh sewakwé꞉kon ensewahiatáton, thóh nahioianeréhake tó꞉ka ó꞉ni ahonhetkénthake.

Hebrews 9:27

Onhkwetaʼkwékon ónenk tsi énskak khók tsi enhiaiéheie, tánon eʼthò꞉ne ónen Rawenni꞉io teshakohiatórethe.

Joshua 7:21

Tsi nahoʼténhsons iehionkwáha wakatkátho tsi nihiohiánere Babylonihiaró꞉non tehiontewehiarákwah, tánon kák꞉non ne wísk nikakonhtserá꞉ke nihióksthe kawistará꞉ken, tánon skakonhrétʼtsa owistanó꞉ron ishiʼnónhwe ne skakónhtsera nihióksthe. Tsi nió꞉re tsi waʼtewakathonhóntsose hiahákhawe. Enseʼtshén꞉ri wakashé꞉ton nakatohserá꞉kon, kawisthará꞉ken tewakenonhkhonniáton.”

2 Tiér 3:7

Tánon nónwa nikaháwis ne tsi karonhiáte ó꞉ni ne tsi ionwentsiáte kwáh kanónstaton tánon ó꞉ni ne sáka tsi ní꞉ioht tsi rotennáʼon ne Rawenni꞉io, neh tsi ótsire enkariwátonte. Neh aoríhwa kanónstaton neh tewenniserónte nónen ne iáh teiakoniʼioseráien teiontatiatórete ó꞉ni enhiontatháthonte.