Ecclesiastes 11:2 - Ohiatonhseratokénti

² Tóh꞉ka nihiokwénrahre nónhwe iasathakweʼniáien tsi nisakarahtheniáton ne sahwísta—wéso iokwénhrahre ahkénhake—asèken iáh nónhwenhton tesateriéntare onhʼní꞉ioht nateraswakʼsénhtshera nenhshèna kíʼ kénʼen ionwenhtsáte.

Ecclesiastes 11:2 ပူးပေါင်းရင်းမြစ်များ

Nehemiah 8:10

Tánon washakawénhase, “Wáhs tánon í꞉sewak ne kakhwáhereh wathenhnikonhró꞉ri tánon sewahnekí꞉ra! Tánon iahetsiiatenié꞉ten ostón꞉ha asè꞉ken ne ronónha iáh ne othé꞉non tehonwatikwahtakwén꞉ni! Asè꞉ken kén꞉en wenhniserá꞉te ne iotokénhti í꞉ken rahonhà꞉ke nón꞉kwa Iá꞉ner. Tánon tó꞉sa sewaktiónhnion, asè꞉ken ne raotsenhnonhniá꞉tshera ne Roiá꞉ner né꞉ne sewá꞉wenk iothenhenraní꞉ron í꞉ken.”

Esther 9:19

Ne ká꞉ti tiorí꞉wa ne Sitaeró꞉non tsi nón꞉we kenʼnikanatá꞉sa ratinákere kaieriʼiawenréhaton shiwenhniseratátie tánon Adar tsi shiwenhní꞉tare rotirákwen ahonteʼnikonhró꞉ri tahontskáhon tánon tahontatawíhon natenná꞉tshera.

Esther 9:22

Thó꞉non ká꞉ti shiwenhniseratátie ne Sitaeró꞉non wahshakonáhtonʼte ne ronwatíhswenhs; kenʼ ká꞉ti shiwenhní꞉tare ne waʼtewatté꞉ni tahotiʼnikòn꞉renʼne, sók ne kaʼnikonhraksénhtshera tonsontté꞉ni atonhnhahráhtshera tánon atshennonniáhtshera. Wahonwatihró꞉ri tho niwenhniserà꞉te nahontenʼnikonhró꞉ri, ahontekhwá꞉ren, tahontatawíhon natenná꞉tshera tánon aontahshakó꞉non ne rotí꞉ten.

Job Tánon ne Raoronhiakensera 5:19

Kwáh enhiaiatanónsthate ne iá꞉iak nihiorì꞉wake ahisateraskwáksenhne; ne tsatá꞉khaton nienwatéraste iáh thaóthen ne kakaronhniá꞉tshera tiahisaié꞉na.

Psalms 112:9

Kwáh iáh othènen tehatikaráiens, tsi nisakonáwis ne teiontkárias; ne raotirihwaʼkwahrihshón꞉tshera thenkawisátsteke tsi nénhwe enkénhake; kakweiensthaʼtsherákon í꞉ken tsi ronateʼshaststenhseraʼkaratáton.

Proverbs 19:17

Nó꞉nen enshé꞉ion ne iakó꞉ten, ne shá꞉oriwa ne ahtshé꞉ni ne Roiá꞉ner tánon Roiá꞉ner enhshiakáriaʼkse.

Proverbs 6:16

Tsá꞉ta niiorí꞉wake ne Roiá꞉ner rarihwáhswenhs, tánon kwáh shakorihwáhswenhs ó꞉ni roriʼwáhston: Nónhka iontatón꞉ni tsi niieiaʼtò꞉ten, nónhka ionnowenhtánions, nónhka nahshakotinonhwarhiakon ne iáh oʼthé꞉nen teiakohnhí꞉kon, nónhka kaʼnikonhráksen ionnonhtonniónkwas, nónhka teiakosteríhenhs ne wahétken naióntiere, nónhka ne iakonowénhton tsi nahò꞉ten iakorihwahnirá꞉ton tánon ieiakokontáhkwen, tánon ne nónhka teierihwenhawíhtha ne karihwakaʼténhtshera tsi naʼtehónteron natenró꞉sera.

Ecclesiastes 11:3

Iáh tewatsʼterístha kah niahiotseráhthonke nenhkaronhtsénenhne, thóh enkaiénhthake tsi nónhwe kahkariénienhne. Nónenh tetsoronhiá꞉karas hiokenhnóres.

Ecclesiastes 11:8

Tesewatenonhwerahthónsek niaʼtehiosehráhke nenh tiónnheke. Iáh tewatsʼterístha tonikaríwes ashón꞉nheke, sehiá꞉rak kwáh sénha karíhwes nenhsíheie. Kwáh iáh othé꞉nen tekáien nahionskanéksehke.

Ecclesiastes 12:1

Káti tsi sehwehiá꞉rak ne tsi nikáien tsi sehwahiathíson tsík sénhak shé꞉kon kén nitisewahiónha, nohénton tíken ionikonhráksat wenhnisehrathénions ó꞉ni iosehrahthénions nahónwe nónenh henshí꞉ron, “Iáh teskatenikonhró꞉ris tsi kónhnhe.”

Daniel 4:27

Eʼtho káti, Sanontí꞉io, tsé꞉na tsi nenkoniatenʼnikónron. Sáhtkawh tsi nisarihwanerenenhátieʼs, ne tho nátser ne tkarihwaié꞉ri, ó꞉ni saiéntak natanitén꞉ron tsi nonkwá꞉ti ne iakó꞉ten. Eʼtho꞉ne ienwatahshónteren naesaianeráhsten.”

Micah 5:5

tánon kwáh rahónha khók ne skén꞉non enkénhake. Nó꞉nen ne Assyriaró꞉nons enhionkhihionhontsó꞉renhne tánon ahatiratatséson nontionhontsá꞉kes, tsi ionkwanonshó꞉tons kwáh kí enhiakirihón꞉ten tsá꞉ta nihatikoraserá꞉kes niahonwanatsatón꞉ti tánon sha꞉tekon nihá꞉ti nasakotihéntenhse.

Matthew 18:22

Tontahenron ne Iesos: iah takonrori nakiron tsiatak niioriȣake; tsi tanon nikon ne tsiatak niioriȣake ne tsiatak niȣasen.

Matthew 5:42

Hehtson nʼiariȣanontonni, nok tosa hetsiatarontiens ne ranihas.

Luke 17:4

Tokat tsiatak niioriȣake seȣennisera aianikonraksate, nok ok oni khe niioriȣake tahontare nok aiarori ahenron: skatateriȣastani, sasanikonrhen.

Galatians 6:1

Tewatenrosónhas, tóhkaʼ ónhkak naiakohiathotaréʼon tsík nahiotónhake tsi nahiakotiérenke ne wahétʼken, tsi nítion ne sewanikonróskon tehiotonwentióʼon nahonsatsisewatakwarísi; nók ónenk tsi enthisariwaiérike. Tánon sathatennikonrá꞉ren, nehne tóhsa nón níse aiesanikonrotáko.

Ephesians 5:16

Kwáh ioʼianeréhak tsi ísewats natesénʼna tsi nensewaiéntaʼne, Asèken kíʼ nónwa wenʼniserathénions kwáh kariwáhneren.

Hebrews 13:3

Ietsiʼiehiárat ne ratinótons, tsi shíken ní꞉ioht ne skátʼke sewahnóton, ietsiʼiehiárat ne iakoronhiáken, tsi shíken ní꞉ioht í꞉se ó꞉ni thóh ní꞉ioht tsi sewahronhiáken.

1 Samuel 25:8

Sheʼriwanóntons ne kén nithotiʼiónsa, tánon kwáh eniesaró꞉ri. Ne káti aoríhwa ietsirí꞉hon nakonkweʼtashón꞉ʼahs kén nithotiʼiónshas nahotiʼianerenhseriʼióhake ne sahén꞉ton; asèken tsi wahákwahwe kwáh í꞉ken tsi wenhniserí꞉io nonkwahriwáke. Ahshathóntahte tashé꞉ion tsi nahisaién꞉tahke ne sanhatsheraʼókons ó꞉ni ne etʼtshièn꞉ʼa Táwit.’”