Ecclesiastes 1:2 - Ohiatonhseratokénti

² Kwáh iáh othènenh tehiorihowá꞉nen, iáh othènenh tehiorihowá꞉nen, ráton ne sakorihonhniénhni. Tsi iakónhnhe iáh othénen tehioríhonte, akwékon iáh othénen tekástha.

Ecclesiastes 1:2 ပူးပေါင်းရင်းမြစ်များ

Job Tánon ne Raoronhiakensera 11:12

Ók ne tsakohtón꞉nokte ónhkwe kwáh enhiakoién꞉taʼne ne kaʼnikonhraienthá꞉tshera, nó꞉nen ne karakonró꞉non tewahòn꞉tes rónhkwe aonakératste.

Psalms 144:4

Nek nahonhnísera nahatihiatótens; ne tsi ronatenhniseraténions kwáh né꞉ne iotasátare watohétstha.

Psalms 89:47

Sehiárak tsi kenkʼnikonnhésa— sehiárak tsi í꞉se sehiatíshon nonkweshón꞉ha tsi nihonnónnhe tánon eʼthóhʼne enhonníheʼie!

Ecclesiastes 11:10

Kwáh tó꞉sa ne thé꞉nen tahisehwathatenikonhráhren tó꞉ka ó꞉ni ne thé꞉nen ahisewahnonhwakʼtáten. Iáh seh tekaríwes kénk tahitesehwahiónhake.

Ecclesiastes 11:8

Tesewatenonhwerahthónsek niaʼtehiosehráhke nenh tiónnheke. Iáh tewatsʼterístha tonikaríwes ashón꞉nheke, sehiá꞉rak kwáh sénha karíhwes nenhsíheie. Kwáh iáh othé꞉nen tekáien nahionskanéksehke.

Ecclesiastes 12:8

Iáh othé꞉nen tehioríhonte, iáh othé꞉nen tehioríhonte, ráton ne sakorihonhniénhni. Kwáh akwékon iáh othé꞉nen tehioríhonte

Ecclesiastes 2:11

Ethòne wakanonhthónnionhwe noriwahkwékon tsi niwatsioténhen tánon tsi niewakátre tsi eh niwatiéren, tánon wakátʼtoʼke tsi kwáh iáh othénenh tehiorihontákwen. Kwáh thóh ní꞉ioht tsi síken ní꞉ioht nowèra konwásehre—né kwáh iáh othénenh tekariwáhstha.

Ecclesiastes 2:15

Akónhwah khók takanonhthónhnionwe, “Tsi nihotihiátawenhs ne thonathónʼnotʼthe kwáh kíʼ ó꞉ni thóh nonhní꞉i nenhwatiáthawen, ó꞉ni. Káti nahó꞉ten tenkaténtsa tsi nikatenikonhratʼthó꞉kha?” “Iáh othén꞉nen,” watkeriwahseráhko, “kwáh iáh othénenh.”

Ecclesiastes 2:17

Káti ne tsi iakónhnhe kwáh iáh othénenh tekéntonhs nakeriwáhke, tsioríhwa tsi nihioteriwahtséren nètho kwáh nek khók thonkhawíten ne kanikonhraráhtshera. Kwáh oriwahkwékon iáh othénenh tehioríhonte; owéra íksehresʼkwe.

Ecclesiastes 2:19

tánon tó꞉ka nónhwa ratenikonhratʼthó꞉kha, tó꞉ka ó꞉ni thohʼthonnókʼthe—ónhka iakotheriéntahre? Ethohʼsáne akwékon rahónʼa enhahiathakweʼní꞉ioke tsi niwatsioténʼen, oriwahkwékon nakatʼthokhátshera tsi natewahkatenhtsienhénhni né kénʼen ionwenhtsáte. Kwáh oriwahkwékon tsi iáh othénenh tehioríhonte.

Ecclesiastes 2:21

Kwáh iatenhsatátʼtsahathe ne sanikonrowahnáhtshera knahótenk ensahióten, satʼthokhátshera, tánon tsi nisaweienteʼthá꞉hon, tánon ethòne ónhkak khók akwékon ensehiénhase né iáh othénenh tehotihioténhen. Kwáh iáh othénenh tehioríhonte, tánon iáh tetkariwahiéri!

Ecclesiastes 2:23

Tsi nikaríhwes sónhnhe, oriwahkwékon tsi nenhsátiere nék khók tkáhas ne tasanikonhráhren tánon nahiserhiasanónhwakthe. Iekaníhare nokarasné꞉ha né sanikónhra iáh tewatorísenhs. Kwáh oriwahkwékon tsi iáh othénenh tehioríhonte.

Ecclesiastes 2:26

Rawenni꞉io thakáwas natokhátshera, karihonnienhnítshera, ó꞉ni natsenhnonhniátshera tsi nihiákon ne thonwanikonhraiérits, ók sakohioténstha ne iakoriwáhneren né nahatiró꞉rohke ó꞉ni nahathithonhnionhniánion, né káti nahónton né ahonthasakónonh ne thonwanikonhraiérits Rawenni꞉io. Kwáh oriwahkwékon iáh othénenh tekástha. Kwáh thóh ní꞉ioht tsi síken ní꞉ioht ne owèra konhwásehre.

Ecclesiastes 2:8

Káti ó꞉ni tewahtsientothónnion ne kawistaráhkens ó꞉ni nowistanórons tsi ratiwisthaienthákwah ne rontinonhtí꞉ios ne tsi ionwenhtsáte wakatkoráston. Ronhnónhkwe ó꞉ni ne konhnónhkwe tenhatiriwáhkwe nahionkenikonhró꞉ri, tánon kwáh ionatiokówahne ne konhnónhkwe wakonhkwetaiéntakwe kwáh tsi nihioriwáhke takhehiatonhontioníheke.

Ecclesiastes 3:19

Ethohʼsáne, kwáh nesàka tsi nihiakohiátawenhs nonhkweshón꞉ʼas thóh kíʼ nónhne nihiotihiátawens ne konhtitshénens. Kwáh eh nikonhnihéions tsi ki ní꞉ioht nótsiakes. Akwékon né shá꞉ka tsi ronhthónries, ne rónhkwe iáh sénha oiatèhiot tsi ní꞉ioht ne konhtitshénens, tsioríhwa tsi ronónhnhe iáh nónhne thénenh tekéntons.

Ecclesiastes 4:16

Tó꞉ka nónhwa iáh tseiótʼthe tsi nihiakotiókwa ne ronhnonhtí꞉io shakotʼkoráston; nónenh rothohétston, iáh ónhka thaʼhiontʼtshenhnónhni tsi nahohioténhʼen. Kwáh iáh othénenh tehioríhonthe. Thóh ní꞉ioht tsi shí꞉ken ní꞉ioht ne ówera konhwáhsere.

Ecclesiastes 4:4

Onhkaterientarahnèʼna káti ó꞉ni nonhtséren nónhkwe tsi niehiakótre iakohióthe né꞉ne ahiakohianerásten: Né aoríhwa né tsi rothinósen tsi nahoténsons ne tehonnonhsanékens rotí꞉ien. Ók iáh kíʼ thén꞉nenh tekástha. Thóh ní꞉ioht tsi ní꞉ioht ne owéra konhwá꞉sehre.

Ecclesiastes 4:8

Né꞉ne ónhkak akahonháʼa khók iéteron. Iáh tehiakonekenteronhtsheráien, iáh tehiakothatekénhsen, ethohʼsáne tiotkonhónwe rohióthe, iáh nonhwénhton tehawerientí꞉hios tsi nihokwáhtse. Ónhka akoriwá꞉ke tsi niehótre tsi rohióthe tánon thaʼtatotʼthakwénhni nahatenikonhró꞉ri? Kí꞉ken kwáh iáh othénenh tehioríhonte, nònhne—tánon ioterihónkot né ní꞉ioht tsi ahiakónhnheke.

Ecclesiastes 5:10

Tó꞉ka swhistanorónhkwa, kwáh iáh nonhwénhton tsiahisheʼrienhtí꞉io; tó꞉ka saskáneks nahisakwáhsehne, iáh nonhwénhton tsiashiéna tsi naʼtahisathonwenhtsiohníhake. Kwáh iáh othénenh tekariwáhstha.

Ecclesiastes 6:11

Ne sénha karíhwes tensehrihwakénha, sénha kíʼ iáh othén꞉nen tekarihwástha, tánon iáh sénha ishiʼnónhwe tahisahianerásten.

Romans 8:20

Rawenni꞉io waharíwente akwékon tsi nahoténsons kasahánion naionáti tsi nihiothirihóten, iáh ohnónha thoʼtihiotirihón꞉ni, nók neh kíʼ tsi Rawenni꞉io thoʼní꞉ioht tsi hiathoriwaiéntase. Iáh kíʼ thènen tehiotiéren Rawenni꞉io neh kíʼ raskánekskwe