Deuteronomy 9:7 - Ohiatonhseratokénti

⁷ “Tó꞉sa nonhwén꞉ton sasewaʼnikónhren tsi nió꞉re tsi watsisewanaʼkón꞉ni ne Roiá꞉ner ne iahontsathèn꞉ke nónhwe. Ne kwáh sonthontenhniseratié꞉renhte nʼé:ren tontésewehte ne Egypt tsi nió꞉re ne kén꞉en weséhwawe, iáh tesewathontà꞉ton natsisewawenhnaráhkwen.

Deuteronomy 9:7 ပူးပေါင်းရင်းမြစ်များ

Exodus 14:10

Nó꞉nen ne lsraerʼró꞉nons sahonwáken ne ronhnonhtí꞉io tahoʼtiokwíne ne rahonkwetashón꞉ʼas ronteríios niasakoʼnenhrénten, kwáh íken tsi wahoʼnateronhniénten tánon rahonhàke ne Roiá꞉ner hiatoʼthihénrethe nasakoiénahwaʼse.

Exodus 14:11

Wahonwaʼriwahkátaʼtshe ne Mahís, “Iáh kén tekáien ne ionthatsaʼtatahʼahsthe ne Egypt? Kwáh ken kénʼen kahentakeʼkówa ahontaskwahiaténʼa nahiakwénheie? Satʼkátho tsi nasehriʼwakanónhni tsi taskwaʼhiatínekenwe ne Egypt!

Exodus 16:2

Thóh né kahentaʼkekó꞉wa wahonwariʼwakátahʼtse ne Mahís ó꞉ni ne Aaron,

Exodus 17:2

Wahonwariʼwaká꞉tatʼtse ne Mahís tánon wahonníron, “Thakwanékanont nahiakwanekírah,” Wathariwaʼseráko ne Mahís, “Onhʼnonhʼtiéren tsi sewariwakaʼténhʼen? Onhʼnontiéren tsi entsisewateʼniéntha ne Roiá꞉ner?”

Exodus 23:21

Tsi sewakwénienst tánon tsi sewawénhnarat. Tó꞉sa tsi sewathonkwetatsá꞉ton, asè꞉ken Í꞉i iehihiató꞉rion, tánon kwáh iáh tashaʼkothakátsthathe né iáh tehiontewenhnaráhkwa.

Isaiah 48:8

Iáh nonwénhton tesehwahrihwáronhke, iáh nonwénhton tesehwarihwaientérikwe, Tsi niʼtsiotásawen norihwakáion né sewahontakéshons iáh teiotenontónkwenhne. Asèken wakateriéntaraʼkwe ní꞉se tsi iáh tahiʼsewariwatokénhake, tánon kwáh shontesehwanákerate shiʼietsinatónkwah sehwarihwanón꞉we.

Jeremiah 11:10

Thóh nionsahónʼne tsi nithatiʼriwahneraháksʼkwe ne sakothisotʼthonkonhkénʼen, ne ne iáh tehonatʼthontháton ne èthoh nahatíhieʼre tsi niwáhken; né wakonhwathisénnaien ne thikáhionk niʼiohokónha. Tetsáron ne Israel ó꞉ni ne Judah tehotihiákon ne ateriwaʼsehronniátshera tsi nikhesenhénni ne sakotisotʼthonkonhkénʼen.

Jeremiah 32:30

Kwáh tsi tiotáhsahwe ne ratiʼkarahtónkwah nonhkweshón꞉a ne Israeronónhke ó꞉ni nonhkweshón꞉a ne Judah nónhwe ionkenikonhraksáhton tánon ionkenahkonníhon ne tsi nihonahtiéren.

Jeremiah 44:9

Tsi shaʼnikonhrénhenke kén akwékon ne kariwahétkens tsi nihiawénhsehron ne tsi kanahtaiéntons ne Judah tánon ó꞉ni ne tsi tekanatokénsehron ne Jerusalem ne ne sehsotʼthonkonhkénʼen eh nihotihiéren, tánon ne rontinonhtí꞉ios ne Judah tánon ne ronhtatʼrohnahashón꞉a, tánon níse ó꞉ni ne sehwahniákʼkhons?

Ezekiel 20:13

Ók ki shé꞉kon ki ó꞉ni ne kahentakekowa wahontsenhnaksate. Wathá꞉tihiake natianerensehras tánon wahatikenron nakeriwahtátʼtsheras, né꞉ne tkáhas natónhnhets nónhka enhiontewénhnarahkwe. Kwáh í꞉ken tsi iáh tehotikweniénston nawenhtatokéntike. Kwáh wakathateweiennenhtáhonʼne nahóntʼtoʼke ne kashastsʼtenseranánon nakenahkwáhtshera thóh ne kahentakekówa tánon akhehiathónton.

Ezekiel 20:43

Ethòne kwáh ensewahteriéntarahne akwékon ne ioteriwahtehashónhas tsi nisehwahtieráhnion tánon tsi ní꞉ioht tsi watesehwathatsiatátsionste. Kwáh ensehwatéhen tioríhwa tsi nihioriwáke ne kariwáksen sehwahioténhen.

Ezekiel 20:8

Ók wahontsenhnáksaʼte tánon iáh tehonatʼthontáton nahionkatahonsathá꞉thonke. Iáh íhse tiehonáhtion ne ioteriwahtéhas rahotihiatonhnisónhas iáh ó꞉ni tekonhwanatiakwahríshon ne Egypt kahiatonhnisónhas. Waʼkatateweienhnenhtáhonhne nahontʼtó꞉ke ne kwáh kashastsʼtenserahnáhnon nakenhakwáhtshera thóh nónhwe ne Egypt.

Ezekiel 36:31

Kwáh ensehiárahke tsi nikariwáksen tsi nishatieráhnion tánon tsi nateshaterientaweréhaton, tánon kwáh ensonhnáksathe ne enhkarihónhni tsi sariwáhneren ó꞉ni ne sarihwanerahákʼtsheras.

Numbers 11:4

Né nónhwe né thihononhontsátes skát꞉ke tehonatsʼtikafʼfenháties ne Israerʼró꞉nons. Kwáh íken tsi ratiwaʼranónhwakskwe, tánon káti ó꞉ni NʼIsraerʼró꞉nons roʼnónha ó꞉ni tahontásawen nahatirihwaʼkáthaʼte: “Tó꞉ka nek khók nahón꞉ton nahionhkwahwaʼraiéntaʼne!

Numbers 14:22

iáh ne saiáta kíken onhkweshón꞉ʼa thaʼonnónhnheke ne iahonhtáwehiate nètho nónhwe tsionhontsáien. Ronatkáthon natiaʼtanerakwáhtshera tánon ne iorihwanerakwahténions tsi niwakatierá꞉nion ne Egypt tánon ne karakhonkówa, ók shé꞉kon kíʼ tánon shé꞉kon wahonkateniénhten tsi wahatiʼrahiáthakwe nahionhkewénhnarakwe.

Numbers 17:10

Ne Roiá꞉ner wahawénhase ne Mahís, “Ne Aaron rahoténhnits thóh hionhsháʼtien ohénton tsi kaneró꞉kwahien naterihwaseronhniátshera í꞉wa. Tsi enwateweienhtónhake né nahiakothokáten ne tehatinenhraríhtha Israerʼró꞉nons tsi kwáh enhonhníheie tó꞉ka iáh tehóntkawane tsi nihatirihwakátats.”

Numbers 21:5

tánon wahonwatirihwákwaʼse ne Rawenni꞉io tá꞉non ne Mahís. Wahatirihwakáthate, “Onhnihiotiéren tsi thontaskwahiatínekenhwe ne Egypt tsi ahiakwénheie ne karakonhkówa, tsi nónhwe ne iáh othènen tekhakwawáien iáh ó꞉ni tekanékaien? Iáh ónenh tahonsahiakwahkwéni nahonsahiakwathakátsʼthate kí꞉ken ioterihónkoʼt kákhwa”

Numbers 25:2

Kí꞉ken konhnónhkwes wahonwatihonkárons ne tehiontenonhweratóntha kaʼkhwáhere, tsi nónhwe ne raotiní꞉io ne Moab nikonhwasénhnaiens. NʼIsraerʼró꞉nons waʼthonskáhon tánon wakonhwasénhnaien ne ní꞉io

1 Corinthians 15:9

Asèken í꞉i ahonháʼa kenʼniteksennáha tsi niháti ne ratikwekónne—akwékon iáh tatewahkaténtion nahionkenáhtonkwe ratikwekónne, tioríhwa tsi kheronhiakénton ne Rawenni꞉io raotiókwa.

Ephesians 2:11

Í꞉se ne iáh tesewasitaeʼró꞉nons tesewathó꞉ten tsi sewanakeráton—tsi niháti né ronwatiwaʼrakwétaron né nahonhnéneste tsi Rawenni꞉io rahonkwetashón꞉ʼa í꞉ken ní꞉se né ietsinatónkwah iáh tetsisewaientéri ne Rawenni꞉io—seweʼhiá꞉re tsi nisewaʼhiathó꞉tenʼne tsi nitsawé꞉non.

Deuteronomy 31:27

Wakaterièn꞉tare tsi nihotinonhtsistaʼní꞉ron ó꞉ni iáh tehontewenhnaráhkwa. Iáh tehonatewenhnaráhkwen tsi nokwáh ne Roiá꞉ner tsi nikarì꞉wes konhnhétie, tánon sénha iáh tahontewénhnaraʼkwe nó꞉nen enwakihé꞉ion.

Deuteronomy 8:2

Sewehiárak tsi ní꞉ioht ne Roiá꞉ner sewaNí꞉io tsi waʼtsisewahéntenhse ne kí꞉ken iohá꞉hes ne iathitsótkaʼwe ne iahonwentsathèn꞉ke ki ne kaié꞉ri niwáhsen nihioserá꞉ke iotohétston, iatsisewateniéhten nahisewariʼwanorónhsten ne natsisewateʼniénte, ne nahónton nahoterienʼtarà꞉ne onhnahisewátiere tánon kaʼshí꞉ken ensewatewén꞉naraʼkwe kén ne rahoriwatà꞉tsheras.

Deuteronomy 9:24

Wesewateraiá꞉takwe tsi nokwáh ne Roiá꞉ner né꞉ne kwáh sonhtakwaienteráhne tsi thóh sisewahiató꞉ten.

Deuteronomy 9:4

“Nó꞉nen ne Roiá꞉ner sewaNí꞉io sakohiaʼtinekénhen ne sewarihwá꞉ke, tó꞉sa sewénhron ne tsonháke tsi thatsisewahiaʼténhawe nahisewatié꞉nawatste kí꞉ken ionhontsá꞉ien tiorí꞉wa tsi tesewaténhtion. Iáh, ne Roiá꞉ner tsi enshakohiaʼtínekenhwe ki onhkweshón꞉a ne sewarihwá꞉ke tiorí꞉wa tsi nihononhkweʼtahétken.