Deuteronomy 9:5 - Ohiatonhseratokénti

⁵ Iáh ne tetiorí꞉wa tsi sewaiánere tánon thóh nisewahiéra né꞉tho Roiá꞉ner tsi sewariwá꞉wis nahisewatié꞉nawatste ne rahononhóntsas. Akwáh enshakohiaʼtínekenhwe ne tiorí꞉wa tsi nihonhnonkweʼtahétkens tánon ne tiorí꞉wa tsi ihré꞉re nahatié꞉nawatste tsi nishakorahratstén꞉ni ne sewasoʼtsheraokonhkén꞉en, nʼAbraham, Isaac, tánon ne Jacob.

Deuteronomy 9:5 ပူးပေါင်းရင်းမြစ်များ

Genesis 12:7

Ethó꞉ne ne Roiá꞉ner wahototáhshien ne Abram tánon wahén꞉ron, “Tsi nienhsathwatsí꞉rine, né kí ne kanakeráhsera kheiawí꞉re.” Sók kíʼ thóh nón꞉we nahaónnien ne ietsenhahráhkwa ne Roiá꞉ner, ne ne rototahshién꞉ni.

Genesis 13:15

asèkenh akwé꞉kon tsi niiohón꞉tsa ne satkáhthohs entkón꞉ion tánon tsi niensathwatsí꞉rine ne ne tsi nén꞉we í꞉se sewawenkhón꞉we enkénhake.

Genesis 15:16

Kwáh kí kaié꞉ri niaʼtenwatereʼserá꞉seren nohén꞉ton tsi niesathwatsirí꞉non ne kén꞉ʼen naʼtaontahón꞉ne, aseʼkénh iáh thakheiaʼtínekenhwe ne Amorʼró꞉nons tsi niió꞉re ne kwáh tokén꞉ʼen enhonnonkweʼtáksenʼne ne entkarihón꞉ni ónenʼk tsi enhonwatihréwahte.”

Genesis 15:7

Eʼthó꞉ne ne Roiá꞉ner wahawénhahse, “Í꞉i ne Watiá꞉ner tetkoniaʼténha ne Ur ne ne tsi nón꞉we nihatinákere ne Chaldearó꞉non, né naontakón꞉ion kí꞉ken ionhóntsaien naʼesawénhake.”

Genesis 17:8

Tánon kwáh Entkón꞉ion, tánon tsi niensathwatsí꞉rine ó꞉ni nó꞉nen ensenhé꞉ionke, tsi nón꞉wa nón꞉we thisonhontsá꞉te í꞉ken, aontonhontsà꞉ke ne Canaan, né꞉ne tsi nén꞉we ensawenkhón꞉weke; tánon Í꞉i ne Raotiní꞉io enkénhake.”

Genesis 19:29

Tánon thóh kíʼ niiawèn꞉en nó꞉nen ne Rawenni꞉io shaháhtonʼte ne kanatowá꞉nenʼskwe naonhráhkwakon nón꞉we nikén꞉ne, ne Rawenni꞉io rawehiá꞉rahkwe Abraham tánon wahoiaʼtínekenhwe ne Lot nahaʼniá꞉kenʼne tsi nokwá ne karihwaiesáhtshera, nó꞉nen ne Rawenni꞉io shaháhtonʼte ne kanatowá꞉nenʼskwe, tsi nón꞉we nihanákerehkwe ne Lot.

Genesis 26:4

Kwáh tenkheiaʼserónnion tsi nienhsathwatsí꞉rine tsi ní꞉ioht tsi iotsistohkwarónnion ne tsi karonhiá꞉te, tánon kwáh enkhé꞉ion tsi nienhsathwatsí꞉rine akwé꞉kon ki꞉ken ionhwentsá꞉iens. Kwáh onkweʼtakwé꞉kon tsi enionkeriʼwanón꞉tonhse nakheiaʼtaté꞉rihste tsi nenhkheiaʼtatérihste tsi nienhsathwatsí꞉rine.

Genesis 28:13

Tánon ne Roiá꞉ner raiaʼtákta í꞉rate tánon wahén꞉ron, “Í꞉i ne Watiá꞉ner, ne ne Abraham iaʼníha Raoní꞉io í꞉ken ó꞉ni Raoní꞉io ne Isaac; né nonhwentsà꞉ke tsi nón꞉we nihshiaʼtión꞉nikwe kwáh í꞉se enkón꞉ion tánon tsi nienhsathwatsí꞉rine;

Exodus 32:13

Sehiehiárak shonkwetashón꞉as NʼAbraham, Isaac, tánon ne Jacob. Sehiárak tsi kwáh ioriwaníron sehiarahratsʼténhni tsi enteséhʼhion tsi etʼnenhonatiókwahske tsi ní꞉ioht ne tsi iotsistokwahrónhnions ne tsi karonhiáʼte tánon enteséhion tsi nienhontwatsiríne akwékon nonhóntsa sarahrátston tsi enhonawenhkʼkónhweke tsi nénhwe.”

Ezekiel 20:14

Ók iáh kíʼ eh tewahtiéren, sóhtsi enkatatʼtsennáksate tsi nihatinahkeréhnion nonhkweshón꞉a né hióntʼken tsi wakhehiasárine Nisraeró꞉nonhs tsi takhehiatínekenwe ne Egypt.

Ezekiel 36:22

“Káti nónhwa, taséhion NʼIsraeró꞉nonhs nateriwanhotátshera tsi Í꞉i, ne Wakenonhtí꞉io Watiá꞉ner, íkʼkhawe ne rahotirihwáhke: Tsi nahó꞉ten enwahtióten iáh kíʼ í꞉se tesewahríwahke nIsraeró꞉nonhs, ók né aoriwáhke natsenhnatokénti, tsi né wesehwahétkenhte ne kwáh niatekanakerahseráhke nónhwe niesehwénonh.

Ezekiel 36:32

Israel, tewahkatonwenhtióhni nahisateriéntarahne tsi nikatieráhnion kí꞉ken iáh í꞉se teseriwáhke. Tewahkatonhwenhtióhni nahsatʼtó꞉ken natehénsehra ó꞉ni ne kakenronhniátshera tsi nihsatieráhnions. Í꞉i, ne Wakenonhtí꞉io Watiá꞉ner wakatáti.”

Leviticus 18:24

Tó꞉sa thènen teshaʼtatsiatátionst ne kíʼ thóh nashieránion, asèken thóh ní꞉ioht ne ioʼkwetáksens tsi tehonthatsiatatiónstha, nètho onhkweshón꞉as né ratinákerekwe ne tsi ionhontsáte nohénton níse tánon tsi nikáien ne Roiá꞉ner shakohiatinekénhseʼre né nahónton níse thóh niahí꞉seʼwe.

Leviticus 18:25

Tsi nihatiʼweienhnótens waʼthonnonhontsátsionsʼte, tánon káti ne Roiá꞉ner rarewáthaʼne nonhóntsa tánon ne enrónhniaʼte nahontahiakoiatínekenhwe nonhkweshón꞉as né thóh nónhwe nihatinákere.

Micah 7:20

Kwáh enthétion norihwihioʼón꞉we ne Jacob tánon kenténrat ne Abraham, kwáh tsi nisehrihwanirá꞉ti ne iakisoʼthonkonhkén꞉en ne wahón꞉nise tsi ná꞉he tkenʼne.

Acts 3:25

Tsi nihorahratsʼthánions ne Rawenni꞉io, ne níse sewariwáke, thóh sewahiátare naʼteriwaseronʼnhatserákon tsi nìiʼsakosaháni ne Rawenn í꞉io ne sewasótʼtseras. Tsi nihawénʼni ne Abraham, ‘Tsi waswatsirathátie tsi onkwetaʼkwékon nónkwe tsi niʼiohóntsia tsi enkehiathatérisʼte.’

Romans 11:28

Ne tsi wahathikénron ne kariwí꞉ios, ne Rawenni꞉io, wahsakoriwásten ne Sitaeró꞉nons, neh káti ahoríwah ensewaiénawaʼse níse ne iáh Tesewariwiʼióstons. Ne káti ahoríwah Rawenni꞉io sakoiatarákwen, ne iorihónʼni Rawenni꞉io sakorahrasténʼni neh ronwathinihókon tsi wahatiwahtsiratháties tiotkonʼónwe raónha enhonténrokes.

Romans 15:8

Asèken kwahróris ne Kerístos tsi rónʼnhekwe ne nòn꞉ne sakoiotenséhaʼkwe ne Sitaeró꞉nons, ne naréneste neh Rawenni꞉io tsi roriwatóken, neh kíʼ, nahónton tsi nahóten ne Rawenni꞉io sakorarasténni ne ronwatinihokonkénhens ehnaiáwenʼne,

Deuteronomy 1:8

Akwé꞉kon ne kí꞉ken nohóntsa ne Í꞉i, ne Watiá꞉ner, wakarahrátston tsi entekhéion ne sewasótsheras, Abraham, Isaac, tánon ne Jacob, tánon tsi nienhontwatsirì꞉ne. Wás tánon iaʼsewaná꞉taien.’”

Deuteronomy 12:31

Tó꞉sa thóh ní꞉ioh thónhak tsi atsisewasénhnaien ne Roiá꞉ner sewaNí꞉io tsi nihatiʼié꞉ra tsi konhwasén꞉naiens ne rahotiní꞉ios, asè꞉ken tsi ratisénhnaiens ne rahotiní꞉ios akwé꞉kon é꞉tho nihatiʼié꞉ra ne ioteriwatehaʼsónhas né꞉ne tsi nahoʼténhsons rariwáhsons ne Roiá꞉ner. Iekaní꞉hare shakonatiaʼtatsahátha ne shakotihioʼokón꞉as tsi iotè꞉kha ne tsi ratitsenharáhkwas.

Deuteronomy 18:12

Ne Roiá꞉ner saNí꞉io shakósons nónhkwe nónhka ne nihieié꞉ra ki ioteriwaʼtéhas, tánon ne aorì꞉wa shakohiaʼtinekenhenhátie nonhklweshón꞉as ne tsi ionhontsá꞉iens tsi niahisewenonhátie.

Deuteronomy 18:9

“Nó꞉nen iénsewe tsi nón꞉we nihionhontsá꞉ien né꞉tho Roiá꞉ner thiawì꞉re, tó꞉sa iʼtser ne ioteriʼwatéhas tsi nihatiʼieránions nonhkweshón꞉as né꞉tho nón꞉we nihatinákere.

Deuteronomy 20:18

Senonhwariaʼkón꞉nion, ne káti ne tó꞉sa ahieshón꞉nien naʼserihwanérake tsi nokwáh ne Roiá꞉ner tsi enhiesarihón꞉nien tsi nashié꞉re ne ioteriwatehasónhas tsi né nihatihié꞉ra tsi konhwasénhnaiens ne raotiní꞉ios.

Titus 3:5

shashonkwaniákenthe. Iáh ne tehioríwahke ne thènen ne kahiotenserí꞉io ahionkwahiotén꞉en, nók ne aoríwahke, raonháke ne Ronikonrahtokénti, tsi raónha teshonkwáwis náse ahonsetewahnákerate ó꞉ni nonkwahtónnhets enshanóhare.