Deuteronomy 9:26 - Ohiatonhseratokénti

²⁶ Tánon ki rahonhà꞉ke ne Roiá꞉ner iakaterénhnaien, ‘O Saiá꞉ner Ní꞉io, tó꞉sa sehiá꞉tont ne kwáh í꞉se shonkweʼtashón꞉a, tsi ronónha sheseniakénhton thóh sashatstenʼserá꞉kon, ronónha tethesehiaʼtinekénhen ne Egypt ne wáshatste ne kaʼshatsténhsera ó꞉ni ne sashatstenhserowaná꞉tshera.

Deuteronomy 9:26 ပူးပေါင်းရင်းမြစ်များ

2 Samuel 7:23

Ónka nahonsahonwatiʼiéren ne shonkwetashónʼahs, tsi ní꞉ioht Israerʼronónke? Ónka kén nakóren akénhake nón꞉kwe ne tsi ionwenhtsá꞉te tsi niká꞉ien ne Ní꞉io sakohiatanónsthaton ne raonkwetashón꞉ha ahónton, tánon ní꞉se atsenhná꞉tatse, ioriowáhnen tsi nishé꞉ra ó꞉ni ioriwanerakwahténions ne raotirihwáhke, ne tsi shaseiatínekenwe raotihénton ne shonkwetaʼshón꞉ʼahs,

1 Kings 8:51

Í꞉se shonkwetaʼshónhas, ronónha ne thetesheʼhiatinekénʼen ne Egypt nón꞉we, ethohʼnónhwe ne tehiotienhanón꞉hiani karístatsi íken.

1 Kings 8:53

Ró꞉nonha khók washathonhkwetaráko iáh nènhne ne ronátsakes nonhkweshónhas né tsi nihiohóntsa né ní꞉se sonhkwetashón꞉as ahónton, tsi kíʼ niʼsehró꞉ri rahonháke ne Mahís nó꞉nen sathontasehiatínekenhwe ne Egypt nónhwe.”

Nehemiah 1:10

Ronónha ne sanhatsherashónhas í꞉ken tánon shonkweʼtashón꞉as tsi niká꞉ien ne sheshehiathákwen thóh ne shatstenhserowá꞉nenke tánon ne kaʼshátste satiá꞉nake.

Psalms 106:23

Né káti aoríhwa wahén꞉ron kwáh kíʼ ensakótonʼte— tó꞉ka iáh ne Mahís, ne roiatará꞉kwen, thaʼtahontahotáhon né tahotiʼtharáhon ne Rawenni꞉io tánon nahó꞉re, ne tahonsahakarahténi ne raonakwátshera ne tó꞉sa asakononwaʼrhiákon.

Psalms 107:2

Ánion ne sheʼsakohiathákwen ne Roiá꞉ner tetsiontʼnanéhtha tsi ne aiaiéronh, né꞉ne tsi nihiákon ne sheʼsakohiathákwen tsi nòkwah ne tehontátʼtions

Psalms 28:9

Ó sehnónstat né shonkwetaʼshónha Saiá꞉ner; tánon sehiathatérist né í꞉se sonhkwetaʼshón꞉has; ʼi꞉se sehiathenhnikonhráhren, tánon sehnikonhraratiések.

Psalms 57:1

Takiténhrak, Ó Sewenní꞉io, takiténhrak, asèken shonháke nón꞉we nakatón꞉nhets niʼiotekwáhsen; né tsi iotasátare ne sanerahón꞉tsa nón꞉we nenhkatekwáhsen, tsi nió꞉re ne iakothóntha kawerowánen enwaʼtó꞉hetste.

Psalms 77:15

Né꞉ne sashaststénhsera sáston tsi sesehnónstaton ne shonkwetaʼshónhas, né tsi nitonatwatsiríhnon ne Jacob tánon Só꞉se. Selah

Psalms 78:35

Sahonhnehiáraʼne nètho Rawenni꞉io tsi rahónha séh tesakónes, nètho Roshaststenhserowánen Rawenni꞉io thawénon nahonsakohiatáko.

Psalms 99:6

Ne Mahís tánon ne Aaron ronónha ó꞉ni ne rahonkwetaʼkénʼen kènʼne thóh nihiatarákwen raotitsiókwahkon ne rothikháres, Samuel ó꞉ni thóh raosénhnakon ne Roiá꞉ner nón꞉we nihaterénhnaiensʼkwe. Ienhonwaʼnáton ne Roiá꞉ner, tánon thensakorihwaʼserákwahse.

Exodus 15:13

Sahriwaʼtóken tsi nisahrahrátʼston, washeʼhenténhse nonhkweshón꞉ʼa ne sheʼsehniaʼkénton; né꞉ne shasastsʼténshera wáʼsasthe tsi washeʼhiasárine tsi niahónʼne ne iohontsiaʼtoʼkentíke.

Exodus 33:13

Ónen kíʼ tó꞉ka íse íken, takró꞉ri tsi nisanikonhró꞉ten, ne káti nahónton nakonhiótense tánon iakatasónhteren nahontakonhnikonhraié꞉rihte. Tánon káti ó꞉ni sehiárak íse sehiaʼtaraáhkwen kí꞉ken onhkweshón꞉ʼa níse shonkwéta akénhake.”

Exodus 34:9

Wahénron, “Saiá꞉ner, tó꞉ka kwáh tókenske serientí꞉ios nakonhàke, Konriwanonhtónhnis nahitewaʼteró꞉shen. Kíʼ onkweshón꞉a ne rotinonhtsistanírons, ók shaʼsanikónhren nonhkwariwahetkénsera tánon nonhkwahriwanerenháktshera, tánon takwahiéna tsi í꞉se shonkwéta akénhake.”

Isaiah 44:23

Tesehwaʼríhwak, Ó tsi karonhiátes, asèken Roiá꞉ner ehniʼóshon; tesehwahénret, Ó nonʼhontsokónsons ne tsi ionhwenhtsáte; thonʼtatiótkaf tsi tesewaríhwak, Ó tsi ionnontaʼrónhnions, Ó karhaʼkonkówa, tánon kwáh tsi niatekaronhtàkes né thóh iohrontótons! Asèken né Roiá꞉ner shoniakénton ne Jacob, tánon kwáh kí enhonwaiatanerá꞉kwahte NʼIsraerʼronónke nón꞉we.

Isaiah 63:19

Kwáh thóh niʼiakwahiatóthenhne tsi ní꞉ioht ne ronónha né iáh theteseniarotáronhne, kwáh né꞉ne tsi nihá꞉ti né iáh né tehonwatinatónhkwen ne shasénhna.

Jeremiah 14:21

Sehiárak tsi nisharahratsthánion tánon tó꞉sa tahkwahkénron; tó꞉sa shatéhat ne Jerusalem, thóh nónhwe nishaʼtenitskwarahtseró꞉te ne shaʼnitskwahrahtsherahtokénti. To꞉sa thétiak ne aterihwasheronniátshera né sáhson tsi nahtethewáhtereh.

Jeremiah 15:1

Ethóhʼne ne Roiá꞉ner wahakénhase, “Shé꞉kon ne Mahís o꞉ni ne Samuel né kénʼen aníthake ahionkanitenthaséheke, kwáh iáh thaʼkhenatónhase kí꞉ken onhkweshón꞉a thènen ne kenténron. Sehiónnien ne ahéren ahónnhethe; sehiónnien ne éhren rónnhek tsi nónwe níhkes.

Lamentations 2:20

Skenhénʼion, O Saiá꞉ner! Onnihiotiéren tsi thóh ní꞉ioht tsi takwarewátha? Ne tionatʼthonwísen ne ionékon ne rahothiʼieróntas ne iakothiʼienokónha ne ronwathinorónkwakwe! Rathitsihénstatsis tánon ne iehathiriwákens kwáh ononsatokentíken non nihonwanaséhtha!

Micah 6:4

Asè꞉ken tetkwahiathénha ne tsi tiohontsá꞉ien ne Egypt, tánon skwahiathákwen ne tsi kanónhshote ne iakonaskón꞉nis; tánon iekheiateniéton sahén꞉ton ne ne Mahís, Aaron, tánon ne Miriam.

Deuteronomy 13:5

Ók ietsinonhwarià꞉kon ónhka ne tehatiriwathétha natetshénseras tó꞉ka ó꞉ni ne rotitokénhse ne ieʼtshiró꞉ris ne tó꞉sa atsisewawénhnaraʼkwe ne Roiá꞉ner, tsi raónha setsisewaniakénton ne Egypt nón꞉we, tsi thóh nónwe nisewanáskwa kén꞉en. Né꞉tho onhkweshón꞉as kwáh ronhnonhkweʼtahétkens ó꞉ni ronhtenièn꞉tha naieʼtsihiatahará꞉kwaʼthe tsi nitsónhe ne Roiá꞉ner tsi nitsisewahró꞉ri nahitsónhnheke. Ó꞉nenk tsi enhonwatinonhwarià꞉kon, ne naónton nahisewá꞉ti kí꞉ken kariwahetkénhsera.

Deuteronomy 15:15

Sehwehiárak tsi í꞉se ó꞉ni sewanaskwahkén꞉ne ne Egypt nón꞉we tánon ki ne Roiá꞉ner sewaNí꞉io sehtsisewahiatotaríshion; ne káti aorì꞉wa nón꞉wa tkwá꞉wis kí꞉ken kariwatà꞉tshera.

Deuteronomy 21:8

Saiá꞉ner, shaseʼnikónhrens ne shonkweʼtashón꞉as Israerʼró꞉nons, tsi ronónha sheseniakénhton ne Egypt nón꞉we. Saskwaʼnikónhrens tó꞉sa í꞉i takwanonhtáhnak tsi ronwasèhton ne iáh othé꞉nen tehoniʼtsherá꞉ien.’

Deuteronomy 32:9

ók ki ne Jacob tsi nitotwatsirí꞉non raónha nénhne wahathonkweʼtará꞉ko.

Deuteronomy 7:8

Ók ki ne Roiá꞉ner tsi sewanorónhkwakwe tánon tehotonhontsóni nahakwénienste tsi nishakorahratstén꞉ni ne sewasotʼtsherahokonhkén꞉en. Ne ki tiorí꞉wa waʼtsisewanónhstate ne wà꞉ratste ne raoshatstenhserowaná꞉tshera tánon shatsisewatatewenhní꞉ioste tsi nitsisewanaskón꞉niskwe ne ronhnonhtí꞉io ne Egypt nón꞉we.

Deuteronomy 9:12

“Ethò꞉ne ne Roiá꞉ner wahakénhase, ‘Wás shasanonhtátsnent ó꞉nenhk, tiorí꞉wa ne shonkweʼtashón꞉as, tsi ronónha tetesehiaʼtinekénhen ne Egypt, wahonhnonkweʼtahétkenhne tánon karihwahétken ken niohotiʼié꞉ren. Ó꞉nenk ronatswaténion tsi nahó꞉ten kheró꞉ri tsi nahatí꞉iere, tánon wahontatiaʼtonhniserón꞉nien.’

Deuteronomy 9:27

Shehiehiárak ne shaná꞉tsheras, Abraham, Isaac, tánon ne Jacob; tó꞉sa othé꞉nen karí꞉wa sónhniat tsi nihotinonhnistaʼní꞉ron ki onhkweshón꞉a, ó꞉ni tsi nihonhnonkweʼtahétkens, ó꞉ni ne raotiriwaneraháktsheras,

Deuteronomy 9:29

Asè꞉ken ronónha ne kwáh í꞉se shonkweʼtashón꞉as, ronónha ne teteseiaʼtinekénhen ne shátston ne kaʼshatstenhserowá꞉nen ó꞉ni ne sashatstenhserowaná꞉tshera tánon tsi nateshatewehiakaráhwen.’

Titus 2:14

Iehotatatʼkáwen ní꞉i onhkwariwáhke, nahonsahshonkwaniákente ne kwák tsi nahiotónhake ne kariwáksenke tánon nashontiónnien kwáh orihwí꞉io rahónha khók rahonkwetaʼsónha ahitewáhton ó꞉ni kwáh tahionkwasterihénseke ioiánere tsi naitewáhtiere.

Hebrews 9:12

Nónen ne Kerístos hiatriótʼkaʼwe nètho atóhsera tánon énskak khók iahónteratsʼthe tsi hiahatáwehiate nonkwetakwékon akorihwáhke ne thóh nónwe ne kwáh iotokénti ionáktaien, iáh tiehóha ne kaiatákeras rahotinekwénsa iáh ó꞉ni ne tehotinákares rahtísinn nahotiahátonke, kék, raónha khók rahonekwénsa hiaháhawe tánon ne wahatiénawasthe né꞉ne tsi nénhwe enhionkwahniákenthe.

Revelation 5:9

Orénhnase wathatirihwákwe: “Í꞉se ne sarí꞉onte nasatháwa ne kahorotakwenón꞉ni tánon ne tasnhetsiá꞉ke, asè꞉ken í꞉se ne iesanonwarhià꞉kon tánon né꞉ne sanekwénhsa seskarhiaténhni ne Ní꞉io raonkweʼtashón꞉as rotiiatatokéntis né꞉ne kwáh tsi niateiakotsokwáhkes tánon tsi niateionronkhatserá꞉ke ó꞉ni nonhkweó꞉kon tánon ne ronhnonhontsakeró꞉nons;

1 Samuel 7:9

Káti ne Samuel iahoiaténhaʼwe ne ne shé꞉kon nihanónkera teonakarontónha owí꞉ra tánon ne iahá꞉taʼte raiatakwékon waotsatá꞉tshaʼahte ne wahotátʼtse Roiá꞉ner; Samuel wathaséntho rahonháke ne Roiá꞉ner ne raotiʼrí꞉wake NʼIsraerʼró꞉nons, tánon ne Roiá꞉ner watoriwaʼserákwaʼse.